အငြင်းပွား ရေပိုင်နက် ငါးဖမ်းသင်္ဘောဝင်ခွင့် ကန့်သတ်သည့် တရုတ် ပေါ်လစီ အမေရိကန် ဝေဖန်

ဇန်နဝါရီ ၁၀ ၊ ၂၀၁၄
M-Media
တောင်တရုတ်ပင်လယ်ရှိ အငြင်းပွားဖွယ် ရေပိုင်နက်အတွင် ငါးဖမ်းသင်္ဘောများ ၀င်ရောက်မှုကို ကန့်သတ်သည့် တရုတ်နိုင်ငံ၏ ပေါ်လစီအား အမေရိကန်က ဝေဖန်

– တောင်တရုတ်ပင်လယ်ရှိ အငြင်းပွားနေသော ရေပိုင်နက်အတွင်း နိုင်ငံခြား ငါးဖမ်းသင်္ဘောမျာ ၀င်ရောက်မှုအား ကန့်သတ်ခဲ့သည့် တရုတ်နိုင်ငံ၏ လုပ်ရပ်အား အန္တရာယ်ရှိသော လုပ်ရပ်တစ်ခုဖြစ်သည်ဟု အမေရိကန်နိုင်ငံက ပြောကြားခဲ့သည်။

ဇန်န၀ါရီ ၁ ရက်နေ့မှ စ၍ ဖိလစ်ပိုင်၊ ထိုင်ဝမ်၊ မလေးရှား၊ ဘရူးနိုင်းနှင့် ဗီယက်နမ်နိုင်ငံတို့က ပိုင်ဆိုင်သည်ဟု ပြောဆိုထားသည့် အဆိုပါရေ ပိုင်နက်အတွင်း နိုင်ငံခြား ငါးဖမ်းသင်္ဘောများ ၀င်ရောက်ပါက တရုတ်နိုင်ငံ၏ ခွင့်ပြုချက် လိုအပ်မည်ဖြစ်ပြီး ထိုရေပိုက်နက်အတွင်း တရုတ်နိုင်ငံ၏ ဥပဒေသာ အာဏာတည်မည်ဟု သတ်မှတ်ခဲ့ခြင်းဖြစ်သည်။

သို့သော်လည်း ထိုကဲ့သို့ သတ်မှတ်ခဲ့မှုမှာ နိုင်ငံတကာ ဥပဒေနှင့် မညီညွတ်ဘဲ၊ ဒေသအတွင်း တင်းမာမှုများ မြင့်တက်လာစေနိုင်ကြောင်းနှင့် သံတမန်ရေးရာ အရ ငြိမ်းချမ်းစွာ ဖြေရှင်းမှုကို ထိခိုက်နိုင်ကြောင်း အမေရိကန်အစိုးရ ပြောရေးဆိုခွင့်ရှိသူ ဂျန် ပီတာစာကီက ယမန်နေ့တွင် ပြေကြားခဲ့သည်။

တရုတ်နိုင်ငံမှာ ပြီးခဲ့သည့် နိုဝင်ဘာလအတွင်းကလည်း အရှေ့တရုတ်ပင်လယ်တွင် လေကြောင်းကောကွယ်ရေးဇုံတစ်ခု သတ်မှတ်ခဲ့ပြီး ထိုကာကွယ်ရေး ဇုန်အတွင်း ဂျပန်၊ တောင်ကိုရီးယားတို့နှင့် ပိုင်ဆိုင်မှုအငြင်းပွားနေသည့် ကျွန်း၏ လေပိုင်နက်အစိတ်အပိုင်းတစ်ချို့ ပါဝင်ခဲ့သောကြောင့် အမေရိကန်က သတိပေးမှုပြုလုပ်ခဲ့သေးသည်။

Ref: aljazeera