ချီလီအား သက်ညှာမည်မဟုတ်ဟု အာဂျင်တီးနားနည်းပြ ပြော

ဇူလိုင် ၄၊ ၂၀၁၅
M-Media

– ယနေ့ညတွင်ကစားမည့် ကိုပါအမေရိက ဗိုလ်လုပွဲတွင် မိမိတို့မှာ အိမ်ရှင်ချီလီအား သက်ညှာသွားမည်မဟုတ်ဘဲ ၎င်းတို့ကို ရင်ဆိုင်ရန် ကမ္ဘာ့ဖလားအတွေ့အကြုံမှ ပြန်ကြည့်သွားမည်ဟု အာဂျင်တီးနားနည်းပြ မာတီနိုက ပြောကြားလိုက်သည်။

ကမ္ဘာ့ဖလားဖိုင်နယ်တွင် ဂျာမနီအား ၁ ဂိုး ဂိုးမရှိဖြင့် ရှုံးနိမ့်ခဲ့ပြီးနောက် တစ်နှစ်အကြာတွင် ဒုတိယမြောက် အဓိကဖလားအတွက် အာဂျင်တီးနားအသင်းမှာ အဆင်သင့်ဖြစ်နေပြီ ဖြစ်သည်။

ချီလီအသင်း၏ နည်းပြဟောင်းဖြစ်ခဲ့သူ မာတီနိုကလည်း မိမိတို့၏ ကမ္ဘာ့ဖလားအတွေ့အကြုံက ကိုပါအမေရိကဖလား အဆုံးအဖြတ်အဖြစ် ချီလီအသင်းနှင့် တွေ့ဆုံမည်ပွဲအား ပိုမိုကောင်းမွန်စွာ ချဉ်းကပ်ရာတွင် အကူအညီဖြစ်စေလိမ့်မည်ဟု ပြောကြားခဲ့သည်။

“အခုဒီမှာ ကျွန်တော်တို့ဟာ အံ့သြစရာကောင်းလောက်အောင် ကစားခဲ့ပြီးပါပြီ။ ဒါပေမယ့် ဒါဟာ ဘောလုံးပါ။ ကျွန်တော်တို့ဟာ ဘောလုံးနဲ့ ကစားရမှာဖြစ်ပြီး ပွဲကိုနိုင်ဖို့ ကြိုးစားရမှာပါ။ စိတ်လှုပ်ရှားစရာ အကြောင်းအရင်း ရှိပေမယ့် ကစားသမားတွေက ဒါတွေအားလုံးကို သိပါတယ်။ ဘာ့ကြောင့်လဲဆိုတော့ ကျွန်တော်တို့ ကမ္ဘာ့ဖလား ဗိုလ်လုပွဲ ကစားခဲ့လို့ပါပဲ။ သူတို့ ဘာကို
ရင်ဆိုင်ရမလဲဆိုတာ အတိအကျ သိပါတယ်” ဟု မာတီနိုက ယမန်နေ့တွင် ပြုလုပ်သော သတင်းစာရှင်းလင်းပွဲ၌ ပြောကြားခဲ့သည်။

အာဂျင်တီးနားအသင်းမှာ ယခုပွဲပြိုင်တွင် ခံစစ်အသားပေး အသင်းများနှင့်သာ တွေ့ဆုံခဲ့ရပြီး ပါရာဂွေးအသင်းအား ၆ ဂိုး ၁ ဂိုးဖြင့် အနိုင်ရခဲ့သည့် ဆီမီးဖိုင်နယ်ပွဲစဉ်တစ်ခုသာ တစ်ဂိုးအထက် သွင်းနိုင်ခဲ့ခြင်းဖြစ်သည်။

သို့သော်လည်း မာတီနိုက ချီလီမှာ ဖွင့်ကစားမည်ဟု ယုံကြည်နေကာ မိမိတို့အတွက် ကောင်းဆုံးမှာ ပုံမှန် ကစားနေကြအတိုင်း အသေအချာ ကစားသွားရေးပင်ဖြစ်သည်ဟု ထည့်သွင်းပြောကြားခဲ့သည်။

ယနေ့မနက်က ကစားခဲ့သော ကိုပါအမေရိက တတိယနေရာလုပွဲတွင် ပီရူးအသင်းက ပါရာဂွေးအသင်းအား ၂ ဂိုးပြတ်ဖြင့် အနိုင်ရကာ တတိယနေရာကို ရရှိခဲ့သည်။

Ref: Goal