Category: အားကစား

သြဂုတ် ၂၁၊ ၂၀၂၃

M-Media 

-မနေ့က ပြုလုပ်ခဲ့တဲ့ အမျိုးသမီး ကမ္ဘာ့ဖလား ဆုပေးပွဲမှာ နမ်းကြမ်းခဲ့တဲ့အတွက် စပိန်ဘောလုံးအဖွဲ့ချုပ်ဥက္ကဌ လူး၀စ် ရူဘီယာလက်စ်တစ်ယောက် ၀ေဖန်ခံနေရပါတယ်။ 

စပိန်အသင်း ဗိုလ်စွဲခဲ့ပြီးနောက် ဆုပေးပွဲမှာ ရူဘီယာလက်စ်ဟာ အသင်းသူတွေကို အဖက်ကြမ်းကြမ်းနဲ့ ပါးကိုအနမ်းတွေ ပေးခဲ့တာပါ။ 

ကွင်းလယ်လူ အသက် ၃၃ နှစ်အရွယ် ဂျန်နီ ဟာမိုဆို ဆုလာယူတဲ့အချိန်မှာတော့ ရူဘီယာလက်စ်ဟာ အတင်းပွေ့ဖက်ပြီး ပါးကိုသာမကဘဲ နှုတ်ခမ်းကိုပါ နမ်းခဲ့တာ ဖြစ်ပါတယ်။ 

ဒီမြင်ကွင်းဟာ ဆိုရှယ်မီဒီယာမှာ အလျင်အမြန် ပြန့်နှံ့သွားပြီး ရူဘီယာလက်စ်ကို ၀ေဖန်မှုတွေ ပေါ်ပေါက်လာပါတယ်။ 

ဟာမိုဆိုကလည်း ဒီလုပ်ရပ်ကို သဘောမကျဘူးလို့ နောက်ပိုင်းမှာ စပိန်မီဒီယာတွေကို ပြောကြားခဲ့ပါတယ်။ 

စပိန်ရဲ့ တန်းတူညီမျှရေး၀န်ကြီး အိုင်ရင်နီ မွန်တယ်ရိုက အမျိုသမီးတစ်ဦးရဲ့ နှုတ်ခမ်းကို သဘောတူညီချက်မရဘဲ နမ်းတာဟာ လိင်ပိုင်းဆိုင်ရာစော်ကားမှုဖြစ်ကြောင်း၊ ဒီလိုအပြုအမူမျိုး ပုံမှန်လို ဖြစ်လာတာမျိုးကို လက်ခံလို့မရကြောင်း ၀ေဖန်ပြောကြားခဲ့ပါတယ်။ 

ရူဘီယာလက်စ်က ဒါဟာ သာမန်လူသားနှစ်ဦးအကြားရှိတဲ့ မေတ္တာကို ဖော်ညွှန်းတာလို့ ကာကွယ်ပြောဆိုခဲ့ပါယ်။ 

Ref: Daily Mail 

“ကျွန်မကို အလင်းဆောင်ပေးခဲ့တဲ့ နေမင်းကြီး ပျောက်ကွယ်သွားပြီဆိုတာ ပွဲမစခင်က မသိခဲ့ပါဘူး။ အောင်မြင်မှု အရယူနိုင်ဖို့ အဖေ သမီးကို စွမ်အားတွေပေးခဲ့တယ်ဆိုတာ သမီးယုံကြည်ပါတယ်။ ဒီညမှာ သမီးကို ကြည့်နေပြီး သမီးအတွက် ဖေဖေ ဂုဏ်ယူနေမယ်ဆိုတာကိုလည်း သမီးသိပါတယ်။ ငြိမ်းချမ်းစွာအနားယူပါတော့ဖေဖေ” 

အိုလ်ဂါ ကာမိုနာ – စပိန်အမျိုးသမီးအသင်း နောက်ခံလူ

စပိန်အသင်း ကမ္ဘာ့ဖလား ချန်ပီယံဖြစ်စေမယ့် တစ်လုံးတည်းသော အနိုင်ဂိုးကို သွင်းယူပေးခဲ့တဲ့ အိုလ်ဂါ ကာမိုနာရဲ့ ဖခင်ဟာ သောကြာနေ့မှာ ကွယ်လွန်သွားခဲ့ပါတယ်။ 

ကာမိုနာတစ်ယောက် ဗိုလ်လုပွဲမှာ အာရုံမစိုက်နိုင်မှာ စိုးရိမ်တဲ့အတွက် မိသားစုနဲ့ စပိန်ဘောလုံးအဖွဲ့ချုပ်က ဒီသတင်းကို ချက်ခြင်း အသိမပေးခဲ့ဘဲ ကမ္ဘာ့ဖလား ကိုင်မြှောက်ပြီးမှ ပြောခဲ့တာ ဖြစ်ပါတယ်။ 

 Ref: BBC 

ခင်ဗျားတို့ သူ့(စပါးပွဲမှ ဒိုင်လူကြီး)ကို အင်တာဗျူးရမှာ။ ပွဲပြီးတာနဲ့ ဒိုင်လူကြီးတွေကို အင်တာဗျူးတာမျိုး လုပ်ဖို့လိုတယ်။ အဲဒီမှာ သူတို့ ရှင်းကြလေ။ အဲဒီ(ခရစ်ရှန် မိုမဲရိုး လက်နဲ့ထိတဲ့)အလုံးက ပင်နယ်တီဆိုတာ အရှင်းကြီး။ မမြင်ဘူး၊ VAR ကြည့်ဖို့မလိုဘူးဆိုတဲ့ ဆင်ခြေမျိုး ပေးလို့ကို မရဘူး။ ပြီးခဲ့တစ်ပတ် မန်ယူတုန်းက(အိုနာနာ ပြစ်ဒဏ်ဘောကနေ ၀ုလ်ဗ် ပင်နယ်တီမရတဲ့အတွက်) သူတို့ အကြီးကြီး ချဲ့လိုက်တယ်။ အခု အဲဒီလို မလုပ်ဘူးလားဆိုတာ ကျွန်တော် ကြည့်မယ်။ ဂျွန်မိုစ့် (ပရီးမီးယားလိဂ် ဒိုင်လူကြီးအဖွဲ့ အကြီးအကဲ) က ၀ုလ်ဗ်အသင်းကို တောင်းပန်သလို ကျွန်တော်တို့ အ၀တ်လဲခန်းထဲလာပြီး တောင်းပန်တာကို ကျွန်တော် မြင်ချင်ပါတယ်။ လာမယ်လို့လည်း မျှော်လင့်တယ်။ 

ဘရူနို ဖာနန်ဒက်စ် (မန်ယူကွင်းလယ်လူ) 

သြဂုတ် ၁၄၊ ၂၀၂၃

M-Media 

-ပီအက်စ်ဂျီအသင်းရဲ့ ဘရာဇီးလ်တိုက်စစ်မှူး နေးမာဟာ ဆော်ဒီကလပ် အလ်-ဟီလာလ်အသင်းကို ပြောင်းရွှေ့ဖို့ သဘောတူခဲ့ပြီလို့ သတင်းထွက်လာပါတယ်။ 

၂ နှစ်စာချုပ်နဲ့ ပြောင်းမှာဖြစ်ပြီး ကန်ဒေါ်လာ ယူရိုသန်း ၁၆၀ ရရှိမှာဖြစ်ပါတယ်။ 

နေးမာဟာ အသက် ၃၁ နှစ်အရွယ်ရှိပြီး ခြေချင်း၀တ်ဒဏ်ရာကြောင့် ခွဲစိပ်ထားရကာ မတ်လကစပြီး ပွဲကစားနိုင်ခြင်း မရှိပါဘူး။ 

၂၀၁၇ ခုနှစ်က ပီအက်စ်ဂျီအသင်းကို ယူရို ၂၂၂ သန်းနဲ့ နေးမာတစ်ယောက် ပြောင်းရွှေ့ခဲ့ပြီး ဒါဟာ ဘောလုံး သမိုင်းတစ်လျှောက် စျေးအမြင့်ဆုံး ပြောင်းရွှေ့ကြေး ဖြစ်ခဲ့ပါတယ်။ 

Ref: Goal