Category: နိုင်ငံတကာသတင်း

နိုင်ငံတကာသတင်းများ

ကုရ်အာန်ကျမ်းမှ မုက္ခပတ်တော် တစ်ခုအား ဟားဗတ် တက္ကသိုလ် ဥပဒေဌာန အ၀င်တွင် ချိတ်ဆွဲထား

၁၃ ဇန်န၀ါရီ ၂၀၁၃
M-Media

အမေရိကန်နိုင်ငံ ဟားဗတ်တက္ကသိုလ် ဥပဒေဌာန အ၀င်ဝတွင် သမိုင်းတွင် တရားမျှတစွာ စီရင်ဆောင်ရွက်ခြင်းအတွက် အကောင်းဆုံးသောဖော်ပြချက်ဟုဆိုကာ ကျမ်းတော်မြတ်ကုရ်အာန်၏ မုက္ခပတ်တော် (အာယာသ်တော်) တစ်ခုအား ချိတ်ဆွဲလိုက်သည်ဟု ဆော်ဒီသတင်းမှ တနင်္ဂနွေနေ့က ဖော်ပြခဲ့သည်။

ဥပဒေဌာန ၏ ပင်မ ၀င်ပေါက်ကြီးတွင် တရားမျှတခြင်းအတွက် အကောင်းဆုံးသော စကားလုံးများဖြစ်သည် ဟု စူရာဟ်အလ်နိစာ(အမျိုးသမီးများ ကဏ္ဍ) ၏ အာယာသ်တော် နံပါတ် (၁၃၅) ကို ၀င်ပေါက်နံရံတွင် ရေးသားထားသည်။

ထိုအာယာသ်တော် ၏ အဓိပ္ပါယ်မှာ

“အို- မုအ်မင်န် သက်ဝင်ယုံကြည်သူအပေါင်းတို့၊ အသင်တို့သည် (မည်သည့်ကိစ္စမျိုး၌မဆို) တရားမျှတမှုကို ထာဝစဉ် တည်တံ့စေသူများ (တနည်း) တရားမျှတမှုအပေါ်၌ မြဲမြံစွာ တည်တံ့သူများ ဖြစ်ကြလေကုန်။ (သက်သေခံရာ၌လည်း)မိမိတို့ ကိုယ်ကျိုးနှင့် ဆန့်ကျင်သည်ဖြစ်စေ ၊ မိဘနှစ်ပါးနှင့် ဆန့်ကျင်သည်ဖြစ်စေ၊ ဆွေမျိုးနီးစပ်တို့နှင့် ဆန့်ကျင်သည်ဖြစ်စေ ၊ (အသင်တို့သည်) အလ္လာဟ်အရှင်မြတ်ကိုသာ ထောက်ထား၍ (တိကျမှန်ကန်စွာ) သက်သေခံသူများပင် ဖြစ်ကြလေကုန်။

အကယ်၍ (အသင်တို့က) ဆန့်ကျင်၍ သက်သေထွက်ဆို ရမည့်သူသည် ချမ်းသာကြွယ်ဝသူပင်ဖြစ်စေ ၊ ဆင်းရဲသူပင်ဖြစ်စေ (မည်သို့ပင်ဖြစ်စေကာမူ) အလ္လာဟ်အရှင်မြတ်သည် (အသင်တို့ထက်) ၄င်းတို့နှစ်ဦးလုံးနှင့် အနီးစပ်ဆုံးသော အရှင် ဖြစ်တော်မူပေ၏ ။ သို့ဖြစ်ပေရာ အသင်တို့သည် တရားမျှတမှုမှ တိမ်းစောင်းမသွားကြရန် စိတ်၏ အလိုဆန္ဒကို မလိုက်နာ မလိုက်စားကြကုန်လင့်။

သို့ရာတွင် အကယ်၍ အသင်တို့သည် (သက်သေခံရာတွင် လိမ်လည်) ကွေ့ကောက် ပြောဆိုကြပါလျှင် ၊ သို့တည်းမဟုတ် (သက်သေခံခြင်းမှ လုံးဝ) လွှဲဖယ် တိမ်းရှောင်ကြပါလျှင် ဧကန်မလွဲ အလ္လာဟ်အရှင်မြတ်သည် အသင်တို့ပြုမူသမျှတို့ကို အကြွင်းမဲ့သိမြင်တော်မူသော အရှင်မြတ်ပင် ဖြစ်တော် မူပေသတည်း။” ဟု ဖြစ်သည်။

ဟားဗတ်တက္ကသိုလ်တွင် တက်ရောက်သင်ကြားနေသော ဆော်ဒီကျောင်းသားတစ်ဦး သည် အာယာသ်တော် အား ဓါတ်ပုံရိုက်ကာ သူ၏ Twitter page တွင် ဖော်ပြခဲ့ခြင်းကို ဆော်ဒီ နေ့စဉ်သတင်းစာ Ajel မှ တွေ့ရှိခဲ့ခြင်းဖြစ်သည်။

“ဥပဒေဌာနက တင်လိုက်တဲ့ ဒီ အာယာသ်တော် ဟာ သမိုင်းတစ်လျှောက် တရားမျှတခြင်းနဲ့ ပတ်သက်လို့ အကောင်းဆုံးသော ဖော်ပြချက်ဖြစ်တယ်ဆိုတာ ကျွန်တော် ကောင်းကောင်းသိပါတယ်” ဟု ထိုကျောင်းသား Abdullah Jumma က ပြောကြားခဲ့ပါသည်။

ဟားဗတ်တက္ကသိုလ်ကို (၁၆၃၆) ခုနှစ်တွင် အမေရိကန်နိုင်ငံ မန်ဆာချူးဆက်ပြည်နယ် ၊ Cambridge မြို့တွင် တည်ထောင်ခဲ့ပြီး အမေရိကရှိ သက်တမ်းအရင့်ဆုံးသော အဆင့်မြင့် တက္ကသိုလ်ဖြစ်သည်။ ။

Ref:http://www.emirates247.com/

January 18, 2013
ဟာလီမာယာကွဘ် စင်ကာပူနိုင်ငံ၏ ပထမဆုံး အမျိုးသမီး လွှတ်တော် ဥက္ကဋ္ဌ ဖြစ်လာ

ဇန်နဝါရီ ၁၄ ၊ ၂၀၁၃
M-Media

Madam Halimah Yacob သည် စင်ကာပူ၏ ပထမဆုံး အမျိုးသမီး လွှတ်တော်ဥက္ကဌဖြစ်လာခဲ့ပြီး တနင်္လာနေ့ နေ့လည်မှစ၍ လွှတ်တော်တွင် တာဝန်ထမ်းဆောင်ခဲ့သည်။

သူမသည် အစိုးရအဖွဲ့ဝင် ၀န်ကြီးတာဝန်မှ တနင်္ဂနွေနေ့က နှုတ်ထွက်ခဲ့လေသည်။ လိင်ပိုင်းဆိုင်ရာ ပြဿနာကြောင့် ၂၀၁၂ ခုနှစ် ဒီဇင်ဘာ ၁၂ ရက်နေ့က ရာထူးမှ နှုတ်ထွက်သွားခဲ့သော People’s Action Party ၏ ပါတီဝင်ဟောင်း Mr Michael Palmer ၏ နေရာကို တာဝန်ယူထမ်းဆောင်ခြင်းဖြစ်ပြီး လွှတ်တော်ဥက္ကဌအဖြစ် တာဝန်ထမ်းဆောင်ရန် ၀န်ကြီးချုပ် Lee Hsien Loong က အမည်စာရင်းတင်သွင်းခဲ့သည်။

လွှတ်တော်အတွင်း သူမ၏ ကိုယ်ပိုင်ပုံစံဖြင့် ပြောင်းလဲမှုလုပ်မည်ဟု Channel News Asia သို့ အစောပိုင်းက ပြောကြားထားခဲ့သည်။

“လွှတ်တော် ဥက္ကဌနေရာဆိုတာ လုပ်ငန်းဆောင်တာတွေကို ကျွမ်းကျွမ်းကျင်ကျင် စနစ်တကျ စီမံခန့်ခွဲဖို့ဖြစ်ပါတယ်။ ပြီးတော့ လွှတ်တော်ကိုယ်စားလှယ်တွေနဲ့လည်း အလုပ်တွေအများကြီးလုပ်ဖို့လည်း လိုအပ်ပါတယ်။ ဘာ့ကြောင့်လဲဆိုတော့ (လွှတ်တော်က) လူတိုင်းဟာ လွှတ်တော်ရဲ့ အဆင့်အတန်း၊ သြဇာတိက္ကမနဲ့ ဂုဏ်သိက္ခာကို ထိန်းသိမ်းဖို့ အရေးကြီးတဲ့ နေရာကနေ ပါဝင်နေလို့ပါပဲ။ ဒါဟာ သိပ်ကိုအရေးကြီးပါတယ်။” ဟု သူမကဆိုသည်။

ယခင် Madam Halimah တာဝန်ယူခဲ့သည့် လူမှုရေး နှင့် မိသားစုဖွံဖြိုးတိုးတက်ရေး ၀န်ကြီးဌာန ၀န်ကြီး နေရာတွင် မည်သူ တာဝန်ယူမည်ဆိုသည်ကို ထုတ်ဖေါ်ပြောကြားခြင်း မရှိသေးပေ။

သို့ရာတွင် Madam Halimah ကအဆိုပါတာဝန် ထမ်းဆောင်ရန်အတွက် လုံလောက်သော စိတ်အားထက်သန်မှု ရှိရမည်ဟု ဆိုသည်။

“အဲဒီ အလုပ်ကိုလုပ်ဖို့အတွက် စိတ်ဝင်စားတဲ့၊ စိတ်ဓာတ်ထက်သန်တဲ့လူမျိုး လိုအပ်ပါတယ်။ ဒီအလုပ်ဟာ အစီအစဉ်တွေ ချမှတ်ရုံတင် မဟုတ်ပါဘူး။ အလုပ်ကိုချစ်ရမယ်။ လူတွေနဲ့ဆက်ဆံတဲ့အခါမှာလည်း လူတွေကိုချစ်ရပါမယ်။ ဘာဖြစ်လို့လဲဆိုတော့ ကျမတို့ဟာ မိသားစု အကျိုးဆောင်အဖွဲ့တွေ၊ လူမှုအကျိုးပြု အဖွဲ့တွေ၊ အများအကျိုးဆောင်ရွက်သူတွေ၊ စေတနာ့ဝန်ထမ်းတွေ စသဖြင့် ဆက်သွယ်ဆောင်ရွက်ရပါတယ်။ အဲဒီလူတွေနဲ့ ဆက်သွယ်ဆောင်ရွက်နိုင်ဖို့ လိုအပ်ပါတယ်။” ဟု သူက ရှင်းပြခဲ့သည်။

သူမနှစ်သက်သည့် လူမှုရေးလုပ်ငန်းဆောင်တာများကိုလည်း ဆက်လက်လုပ်ဆောင်သွားမည်ဟုဆိုသည်။

“ဒီလုပ်ငန်းဟာ ကျမ ဆက်လက်လုပ်ဆောင်သွားနိုင်မယ်လို့ မျှော်လင့်တဲ့ လုပ်ငန်းတစ်ခုပါ။ လိုအပ်နေသူတွေ၊ နွမ်းပါးသူတွေ၊ ဆင်းရဲသားတွေကို ကူညီရင်းနဲ့ လူမှုရေးအခန်း ကဏ္ဍတွေမှာ ဆက်လက်ချိတ်ဆက်ဆောင်ရွက်သွားမှာပါ။ MSF မှာ ကျမ လုပ်ဆောင်ခဲ့တဲ့၊ ကျမနှစ်သက်တဲ့ နယ်ပယ်က အမျိုးသမီးတွေနဲ့ ကလေးတွေအတွက် ဒါဟာ အရေးကြီးတယ်လို့ ကျမ ထင်ပါတယ်။ ဆက်လက်လုပ်ဆောင်သွားနိုင်လိမ့်မယ်လို့ ကျမမျှော်လင့်ပါတယ်။” လို့ ဟလီမာ ယာကွဘ်က ပြောကြားပါသည်။

ဟာလီမာယာကွဘ် ဟာ စင်္ကာပူ နိုင်ငံသမိုင်းတလျှောက် လွှတ်တော်ဥက္ကဌ ရာထူးတွင် ရွေးချယ်ခံရသော ပထမဆုံး အမျိုးသမီးစာရင်းဝင်သွားပြီ ဖြစ်သည်။

ကိုးကား Channel News Asia

January 15, 2013
ကနေဒါတွင် မွတ်စလင် အမျိုးသမီး လူမှုထူးချွန်မှု့ကြောင့် ဘုရင်မ ဂုဏ်ထူးဆောင်ဆု ချီးမြှင့်ခံရ

ဇန်န၀ါရီ ၅ ၊၂၀၁၃
M-Media

ကနေဒါတွင် မွတ်စလင် အမျိုးသမီး လူမှုထူးချွန်မှု့ကြောင့် အဲလိဇဘက် ဘုရင်မ ဂုဏ်ထူးဆောင်ဆု ချီးမြှင့်ခံရ

နှစ်ပေါင်းများစွာ လူမှုရေးလုပ်ငန်းများကို အားတတ်သရောဆောင်ရွက်ခြင်းကြောင့် အွန်တရီအိုမြို့တောင်ပိုင်း Mississauga မြို့နေ ကနေဒါ မွတ်စလင်အမျိုးသမီးတစ်ဦးသည် တိုင်းပြည်အတွက် တာဝန်ကျေပွန်မှုအပေါ် The Queen Elizabeth II Diamond Jubilee Medal ဆု ချီးမြှင် ခြင်းခံရသည်။

“ကနေဒါမှာ လေးဆယ့်ငါးနှစ် ကြာနေထိုင်စဉ် အတွင်း ယခုလို လုပ်အားပေးခဲ့တာပါ။ ကျွန်မ ကနေဒါကို စရောက်တုန်းက ဒီလို အလုပ်တွေ လုပ်နိုင်လိမ့်မယ်လို့ တကယ်ကို မသိခဲ့ပါဘူး ၊ ကနေဒါ က တကယ်ကောင်းတဲ့ နိုင်ငံတစ်ခုပါ။ ” ဟု အိန္ဒိယနိုင်ငံ ဇာတိဖြစ်သူ Malik Syed က Mississauga သတင်းဌါနသို့ ပြီးခဲ့တဲ့ သောကြာနေ့က ပြောကြားခဲ့ပါသည်။

အိန္ဒိယတွင် ဆရာမ တစ်ဦးအဖြစ် အသက်မွေးဝမ်းကျောင်းခဲ့သူ သူမသည် ကနေဒါနိုင်ငံ အွန်တရီအိုတွင်လည်း ဆရာမ တစ်ယောက်အနေနဲ့ အလုပ်လုပ်ခဲ့ပါသည်။ထို့နောက် သူမသည် Muslim Seniors Circle အဖွဲ့တွင် လုပ်အားပေးခဲ့ပြီး ဆေးရုံများသို့ ပုံမှန်သွားရောက် လုပ်အားပေးခဲ့ပါသည်။

ကလေးများကို ကူညီပေးခြင်းသည် သူမအတွက် အလွန်တရာ ပျော်ရွှင်မှုပင်ဖြစ်သည်။ “ကျွန်မ မွတ်စလင်လူထုအတွက်ချည်းပဲ လုပ်အားပေးတာ မဟုတ်ပါဘူး ၊ ကနေဒါ လူထုအတွက်လည်း လုပ်အားပေးနေတာပါ ” ဟု သူမက ထပ်လောင်းပြောကြားခဲ့ပါသည်။

ယခုလို ကြိုးပမ်းမှုကြောင့် Pushtun decent ယဉ်ကျေးမှု အဖွဲ့၏ ပထမဆုံး လွှတ်တော်အမတ်ဖြစ်သူ Salma Ataullahjan က Malik Syed အား ကနေဒါနိုင်ငံ Sheridan Way ဒေသတောင်ပိုင်းရှိ Islamic center တွင် ၄င်းဂုဏ်ပြုဆုအား ပေးအပ်ခဲ့သည်။ “Malik ဟာ ကနေဒါမှာ လေးဆယ့်ငါးနှစ်ကြာ လုပ်အားပေးခဲ့တာပါ ။ ဒီ Islamic Center မှာ သူမအခုလို ဆုကို ရရှိတာဟာ တကယ်ကို ထိုက်ထိုက်တန်တန်ပါပဲ” ဟု Salma က ဆုချီးမြှင့်မှု အပြီးတွင် ၀မ်းမြောက်စွာပြောကြားခဲ့ပါသည်။

ဂုဏ်ပြုဆု ရယူမှု အပြီးတွင် “သူမထက်တောင် ကျွန်တော်က ပိုပျော်နေပါတယ် ” ဟု Malik Syed ၏ အမျိုးသားဖြစ်သူ Amjad Syed က ပြောကြားခဲ့ပါသည်။

ဒီဆု ဟာဆိုရင် ကနေဒါနိုင်ငံသားတို့အတွက် တကယ်ကို ဂုဏ်ယူစရာကောင်းသော အထင်ကရအောင်မြင်မှုဖြစ်ပါသည်။လူဦးရေ (၃၂.၈) သန်းတွင် မွတ်စလင်ဦးရေ (၁.၉)သန်းရှိသော ကနေဒါနိုင်ငံသည် မြောက်အမေရိက တိုက်တွင် အစ္စလာမ်ဘာသာဝင် အများဆုံးဖြစ်သည်။ မကြာသေးမီက လေ့လာတွေ့ရှိချက်များအရ မွတ်စလင် အများစုသည် ကနေဒါနိုင်ငံသားဖြစ်ရသည်ကို ဂုဏ်ယူလျက်ရှိကြသည်။ ။

ကိုးကား -.Onislam

January 10, 2013
စင်ကာပူ လွှတ်တော်ဥက္ကဌ အဖြစ် မွတ်စလင်မ် အမျိုးသမီးတဦးအား ဝန်ကြီးချုပ်မှ အမည်တင်သွင်း

ဇန်န၀ါရီ ၈ ၊ ၂၀၁၃
M-Media

စင်ကာပူ ၀န်ကြီးချုပ် လီရှန်လွန်း သည် Community Development, Youth and Sports ဝန်ကြီးဌာန ဝန်ကြီး ဟာလီမာ ဟာကွဘ် (Halimah Yacob) ၏ အစိုးရအဖွဲ့ ညီလာခံများတွင် စွမ်းစွမ်းတမံ ပါဝင်ဆောင်ရွက်မှုများကြောင့် လွှတ်တော်ဥက္ကဌ အဖြစ် အမည်စာရင်း တင်သွင်းလိုက်ပြီ ဖြစ်ကြောင်းနှင့် သူမ၏လုပ်ဆောင်ချက်များ အတွက်လည်း ကျေးဇူးတင်ကြောင်း တနင်္လာနေ့က လွှတ်တော်အတွင်း ပြောကြားခဲ့ပါသည်။

အသက် (၅၈) ရှစ်နှစ်ရှိပြီဖြစ်သော Madam Halimah သည် ဥက္ကဌ အဖြစ် တာဝန်ထမ်းဆောင်မည်ဆိုပါက သူမ၏ ယခုလက်ရှိ အစိုးရအဖွဲ့ ဝန်ကြီး တာဝန်အား ဇန်န၀ါရီ (၁၃)ရက်နေ့မှာ နှုတ်ထွက်သွားမည် ဆိုသည်ကို ၀န်ကြီးချုပ်က ထည့်သွင်းပြောကြားခဲ့ပါသည်။

သူမသည် လွန်ခဲ့သော နှစ်နှစ်ကျော်အတွင်း Community Development, Youth and Sports ၀န်ကြီး အဖြစ်လည်းကောင်း ၊ လူမှုရေး နှင့် မိသားစု ဖွံဖြိုးရေး ၀န်ကြီး အဖြစ်လည်းကောင်း တာဝန် ထမ်းဆောင်ခဲ့ပါသည်။

“ညီလာခံအတွင်းမှာဆိုရင် Halimah က လက်တွေ့ကျသော ကိုယ်ချင်းစာတရားရှိသော အသံနဲ့ အမြဲပြောဆိုခဲ့ပါတယ်။ အဲဒီလို သူမ၏ အဆိုပြုချက်များသည် ကျွန်တော်တို့အနေနဲ့ ပြည်သူလူထုအတွက် အမှန်တကယ် ထိရောက်သော နိုင်ငံရေးပေါ်လစီများကို ပုံဖော်ဖို့ ပြသလိုက်တာပဲ ဖြစ်ပါတယ်” ဟု ၀န်ကြီးချူပ် လီရှန်လွန်းက ဖော်ပြပြောကြားခဲ့ပါသည်။

“Halimah က အိမ်တွေ နဲ့ အိမ်တွင်း အသက်ကြီးသူများအား စောင့်ရှောက်မှု တွေကို ဘယ်လိုကောင်းမွန်အောင် လုပ်ရမလဲဆိုတာ ကြိုတင်သိမြင်ခန့်မှန်းတယ်၊ ပြီးတော့ ဘိုးဘွားရိပ်သာများနဲ့ အိမ်တိုင်ယာရောက် သက်ကြီးရွယ်အို စောင့်ရှောက်မှု အဖွဲ့အစည်းတွေကို သူမရဲ့ အတွေးအမြင်သစ်တွေကို အစပျိုးပေးခဲ့ပါတယ်၊ သူမက ဆင်းရဲသားများကို ဘယ်လို စောင့်ရှောက်ရမယ် ပြီးတော့ မိသားစုစောင့်ရှောက်မှုနဲ့ ကင်းကွာနေသူ ကလေးငယ်များနဲ့ မိသားစုဝင်များကို ဘယ်လိုအားပေး ကူညီရမလဲ ဆိုတာတွေကို မြှင့်တင် လုပ်ဆောင်ခဲ့ပါတယ်။ Halimah သည် အမျိုးသမီးများ စီးပွားရေး နှင့် လူမှုရေးလုပ်ငန်းများတွင် ပါဝင်ဆောင်ရွက်နေရာရလာစေရန်လည်း အမျိုးသမီးထုအတွင်း ပါဝင်လုပ်ဆောင်နေသူလည်းဖြစ်ပါတယ် ” ဟု ၀န်ကြီးချူပ် လီရှန်လွန်းက ထပ်လောင်းပြောကြားခဲ့ပါသည်။ ။

ဝန်ကြီးချုပ် လီရှန်လွန်း၏ အမည်တင်သွင်းမှုအတိုင်း ဟယ်လ်လီမာဟ်အား လွှတ်တော်ဥက္ကဋ္ဌအဖြစ် အတည်ပြုရွေးချယ်ဖြစ်ပါက သူမသည် စင်ကာပူလွှတ်တော်၏ ပထမဆုံး အမျိုးသမီးဥက္ကဋ္ဌ ဖြစ်လာမည်ဟု သိရှိရသည်။ ဟယ်လ်လီမာဟ်အား လွှတ်တော်ဥက္ကဋ္ဌအဖြစ် အမည်စာရင်းတင်သွင်းကြောင်းကို ဝန်ကြီးချုပ် လီရှန်လွန်း၏ Facebook နှင့် Twitter စာမျက်နှာတို့တွင် ရေးသားဖော်ပြသည်။

Ref: Straitstimes

January 9, 2013
ကလေးများအား ဖမ်းဆီးချူပ်နှောင်မှု့ အပေါ် ပါလက်စတိုင်းမှ အစ္စရေးအား ICC တိုင်ဖွယ်ရှိ

ဒီဇင်ဘာ ၂၈ ၊ ၂၀၁၂
M-Media

ပါလက်စတိုင်းအာဏာပိုင်များသည် အစ္စရေးတို့၏ ပါလက်စတိုင်းကလေးငယ်များကို ဖမ်းဆီးညှင်းပမ်းနှိပ်စက်ခြင်းအပေါ် ဥပဒေအရ အရေးယူရန် စဉ်းစားလျှက်ရှိသည်။

ကုလသမဂ္ဂ အထွေထွေညီလာခံ၏ ပါလက်စတိုင်းအပေါ် non-member observer state အဖြစ် သံတမန်အဆင့်အတန်း မြှင့်တင်ရန် မဲခွဲဆုံးဖြတ်ရာ ရလာဒ်အဖြစ် ပါလက်စတိုင်းသည် ကုလသမဂ္ဂ ကိုယ်စားလှယ် အဖွဲ့အစည်းများနှင့် အပြည်ပြည်ဆိုင်ရာ ပြစ်မှု ခုံရုံးတို့သို့ ဆက်သွယ်ဆောင်ရွက် နိုင်သည့် အခွင်းအရေးများ ရရှိလာသည်။

“ကျွန်တော်တို့က အစ္စရေးတို့ကျူးလွန်တဲ့ပြစ်မှုတွေကို တိုင်းတာပြီး အထူးသဖြင့် ဖမ်းဆီးခြင်း၊ ထိန်းသိမ်းခြင်း နှင့် ပါလက်စတိုင်း ကလေးငယ်များအပေါ် မတရား ညှင်းပမ်းနှိပ်စက်ခြင်းတို့အပေါ် စစ်ခုံရုံးတင် ဆောင်ရွက်ရန် ကြိုးပမ်းခြင်းဖြင့် လတ်တလောရရှိထားတဲ့ နိုင်ငံအဆင့်အတန်းကို ကျင့်သုံးရန်လိုသည်။” ဟု ပါလက်စတိုင်းနိုင်ငံ အကျဉ်းဦးစီးဌာနဆိုင်ရာ ၀န်ကြီး အီဆာကရာကေး က အယ်လ်အာရေးဗျ သတင်းအစီအစဉ်သို့ ပြောကြားသည်။

၎င်း၏ ထုတ်ပြန်ချက်တွင် ၂၀၁၂ ခုနှစ်အတွင်း ပါလက်စတိုင်းကလေးငယ် ၉၀၀ ခန့် အစ္စရေးအာဏာပိုင်တို့၏ ဖမ်းဆီးခြင်းခံရကြောင်း၊ ၂၀၁၁ ခုနှစ် က ၇၀၀ ခန့်ဖမ်းဆီးခံရမှုထက် သိသိသာသာ မြင့်တက်လျှက်ရှိကြောင်း ဖေါ်ပြသည်။ ထုတ်ပြန်ချက်တွင် ကလေးများသည် စစ်မေးစဉ် မကြာခဏ ညှင်းပမ်း နှိပ်စက် ခံရကြောင်း နှင့် ထိန်းသိမ်းထားစဉ်အတွင်း အရိုက်ခံရကြောင်း တင်ပြသည်။

“အစ္စရေးတို့သည် ကလေးသူငယ် ကာကွယ်စောင့်ရေး ဥပဒေနှင့် ကလေးသူငယ်များအပေါ် ထိုသို့ အနာတရဖြစ်စေသည့် အပြုအမူများကို ရည်ညွှန်းသည့် အပြည်ပြည်ဆိုင်ရာ ဥပဒေများ ချိုးဖေါက်နေသည်။” ဟု ကရာကေးက ပြောသေးသည်။

ကရာကေးက အပြည်ပြည်ဆိုင်ရာအဖွဲ့အစည်းများသည် ပါလက်စတိုင်းကလေးငယ်များ အပေါ်ကျူးလွန်သည့် ပြစ်မှုများကို သတိပြုမိကြောင်းနှင့် အမျိုးစုံသော လူ့အခွင့်အရေး အဖွဲ့များက ပါလက်စတိုင်းကလေးများနှင့် စုစည်းကာ လှုံ့ဆော်မှုများ ပြုလုပ်နေကြောင်း အရေးတယူ ပြောသည်။ “ဒါပေမဲ့ ဒါနဲ့တင် မလုံလောက်ဘူး။ ကျွန်တော်တို့ ဒီထက်ပိုပြီး လုပ်ဆောင်ရမယ်။” ဟု ၄င်းက အယ်အာရေးဗျကိုပြောပါသည်။

အကျဉ်းထောင် ထောက်ပံ့ရေးနှင့် လူ့အခွင့်အရေး အဖွဲ့ အစည်းများ၏ လစဉ် အစီရင်ခံစာအရ ဒီဇင်ဘာ ၁ ရက်တွင် ကလေးငယ် ၁၇၇ ဦး အကျဉ်းထောင်တွင် ကျန်သေးကြောင်း ဖေါ်ပြသည်။

ပါလက်စတိုင်းတို့က ICC သို့ ယခုထိ တိုင်ကြားခြင်းမရှိသေးသော်လည်း ပြီးခဲ့သည့် အပတ်က အကယ်၍ ကုလသမဂ္ဂ လုံခြုံရေး ကောင်စီက အစ္စရေးတို့၏ အနောက်ဘက်ကမ်း နှင့် အရှေ့ဂျေရုစလင်တွင် အခြေစိုက်ရန် ကြံစည်မှုများကို အရေးယူခြင်းမရှိပါက တိုင်ကြားတော့မည်ဖြစ်ကြောင်း သတိပေး ပြောကြားသည်။

ကိုးကား RT

December 28, 2012