မတ် ၁၉၊ ၂၀၁၆
M-Media
– ယနေ့မနက်ပိုင်းက ရုရှားနိုင်ငံ ရို့စ်တော့ဗ် အွန် ဒွန်မြို့သို့ ဆင်းသက်ရန်ကြိုးစားစဉ် ပျက်ကျသွားခဲ့သည့် ဒူဘိုင်းလေယာဉ်တွင် လိုက်ပါသွားသူအားလုံး သေဆုံးခဲ့သည်ဟု ရုရှားအားဏာပိုင်များက ပြောကြားလိုက်သည်။
လိုက်ပါသွားသူများမှာ ခရီးသည် ၅၅ ဦးနှင့် လေယာဉ်အမှုထမ်း ၇ ဦး အနည်းဆုံး ၆၂ ဦးရှိပြီး၊ လေယာဉ်မှာ တစ်စစီ ကျိုးပဲ့ပျက်ဆီးသွားခဲ့သည်။
ဒူဘိုင်းမီဒီယာရုံးမှ Twitter စာမျက်နှာ၌ ထုတ်ပြန်မှုတွင် ခရီးသည်များ၏ ၄၄ ဦးမှာ ရုရှားနိုင်ငံသားများဖြစ်ကြပြီး၊ ယူကရိန်းနိုင်ငံသား ၈ ဦး၊ အိန္ဒိယနိုင်ငံသား ၂ ဦးနှင့် ဥဇဘက်ကစ္စတန်မှ ၁ ဦးတို့ ဖြစ်ကြသည်ဟု ဖော်ပြထားသည်။ ဘိုးအင်း ၇၃၇ အမျိုးအစားဟု ယူဆရသည့် အဆိုပါ လေယာဉ်မှာ ၂၀၀၉ ခုနှစ်က စတင်ပြေးဆွဲခဲ့သည့် ဒူဘိုင်း လေကြောင်းလိုင်း FlyDubai မှ ဖြစ်သည်။
လေယာဉ်ပျက်ကျရသည့်အကြောင်းအရင်းကို မသိရှိရသေးသော်လည်း ရာသီဥတုဆိုးဝါးမှုက ပျက်ကြရသည့် အကြောင်းအရင်းတစ်ခု ဖြစ်နိုင်သည်ဟု သတင်းဌာနအချို့က ဖော်ပြကြသည်။
Ref: Aljazeera
Leave a Reply
You must be logged in to post a comment.