News @ M-Media

ဂါဇာမှ အစ္စရေး၏ တစ်ကျော့ပြန် လူသတ်ပွဲအတွင်း အသတ်ခံရသူ ၃၅၀၀၀ ကျော်ပြီ

မေ ၁၂၊ ၂၀၂၄

M-Media


(ဓာတ်ပုံ – အစ္စရေး၏ အကြမ်းဖက်တိုက်ခိုက်မှုကြောင့် အိုးအိမ်စွန့်ခွာ ထွက်ပြေးလာရသည့် ဂါဇာပြည်သူများ)

-ပြီးခဲ့တဲ့နှစ် အောက်တိုဘာ ၇ ရက်နေ့က စတင်ခဲ့တဲ့ ဂါဇာက အစ္စရေးရဲ့ တစ်ကျော့ပြန်လူသတ်ပွဲအတွင်း အသတ်ခံရသူ အရေအတွက်ဟာ ၃၅၀၃၄ ဦး ရှိလာခဲ့ပြီ ဖြစ်ပါတယ်။ 

အသတ်ခံရသူတွေထဲမှာ ကလေးငယ် ၁၅၀၀၀ ပါ၀င်ပြီး ဒဏ်ရာရသူအရေအတွက်က ၇၈၇၅၅ ဦး ရှိနေပါတယ်။ အစ္စရေးက တိုက်ခိုက်ဖျက်ဆီးခဲ့တဲ့ အပျက်အဆီးတွေကြားထဲ ပိတ်မိပျောက်ဆုံးနေသူ အရေအတွက်က ၈၀၀၀ ကျော် ရှိနေပါတယ်။ 

ဂါဇာမှာ အစ္စရေးက အစုလိုက်အပြုံလိုက် သတ်ဖြတ်မြှုပ်နှံထားတဲ့ နေရာအများအပြားကိုလည်း တွေ့ရှိထားပါတယ်။ 

လက်ရှိမှာ ပါလက်စတိုင်းပြည်သူ တစ်သန်းကျော်ခိုလှုံနေတဲ့ ဂါဇာတောင်ဘက်စွန်း ရာဖာမြို့က ဒုက္ခသည်စခန်းတွေကို အစ္စရေးက အကြမ်းဖက် တိုက်ခိုက်ဖျက်ဆီးနေပြီး သေဆုံးဒဏ်ရာရသူအရေအတွက်ကလည်း ပိုမို တိုးလာပါတယ်။

ဂါဇာကမ်းမြှောင်တစ်ခုလုံးက လူနေအိမ်ယာတွေ၊ ဆေးရုံ၊ ကျောင်း စတဲ့ အခြေခံအဆောက်အဦး ၈၅ ရာခိုင်နှုန်းကျော်ကိုလည်း အစ္စရေးက ဖျက်ဆီးထားပါတယ်။  

Ref: Aljazeera