Category: နှလုံးသားအာဟာရ

စက်တင်ဘာ ၂၉ ၊ ၂၀၁၅
M-Media
နှင်းဆီခင်ရေးသည်။

ပြောစရာလိုမယ်တောင် မထင်ပါဘူး။ လောကမှာပျော်ချင်ကြသူတွေချည်းပေါ့။ စိတ်ညစ်စိတ်ရှုပ်ပြီး မှိုင်နိုင်နေချင်သူလို့လည်း မရှိတန်ကောင်းပါဘူး။ ဘဝရဲ့နေ့သစ်တိုင်းကို အပျော်လေးတွေနှင့်ချည်းပြည့်နေစေချင်တာ လူတိုင်းရဲ့ ဆန္ဒလို့ဆိုရမှာပါ။

ဒါပေမယ့် လက်တွေ့ဘဝမှာတော့ အတွန်းအတိုက်၊ အတိုးအနှက်တွေကို ကံကြမ္မာဆိုတာကြီးက ဖြန့်ဝေနေတယ်။ ဒါကြောင့် ပျော်ချင်တိုင်းပျော် လို့မှ မရတာလို့ လူငယ် အများစုက ယူဆထားကြတယ်။ မှန်ပါတယ်၊ အချိန်ပြည့် တက်ကြွ ပျော်ရွှင်နေသူလို့ ဘဝမှာမရှိနိုင်ဘူးဆိုပေမယ့် အချိန်တော်တော်များများကို ကြည်နူးပျော်ရွှင်နေအောင် လုပ်ယူလို့တော့ရတယ်လို့ ပညာရှင်တွေက ဆိုမိန့်ကြတယ်။ လောကဓံရဲ့အထိုးအနှက်ကို ဥာဏ်ပါပါ တွန်းလှန်ရင်း လွတ်မြောက်မှုကို ကြိုးပမ်းနိုင်တယ်လို့လည်း ဆိုပါတယ်။ အရှိန်မပျက်လည်ပတ်နေတဲ့ ကမ္ဘာကြီးကို ဟန်ချက်နေရာကနေ ရွှေ့ပစ်လိုက်နိုင်တယ်လို့ သိပံပညာရှင်တစ်ခုရဲ့ကြုံးဝါးသံဟာ လက်တွေ့ဖြစ်လာနိုင် မဖြစ်နိုင်ဆိုတာထက်၊ ကိုယ့်ဘဝရဲ့အညှာကို ကိုင်လှုပ်ပြီး ပြောင်းလဲပစ်နိုင်တာကတော့ သူများမဟုတ်ဘူးနော်။ ကိုယ်ကိုယ်တိုင်ပဲဆိုတာတော့ ယုံထားလိုက်ပါ။ ဒါဆိုရင် ဘယ်လိုပုံစံနှင့်များ ပြောင်းလဲပစ်နိုင်ပါလိမ့်လို့ တွေးစရာရှိလာမှာ သေချာတယ်။

အဖြေကတော့ လွယ်လွယ်ရှင်းရှင်းလေးပါ။ မှန်မှန်ကန်ကန်တွေးတောဆင်ခြင်ခြင်းပဲပေါ့။ ကိုယ့်ဘဝ အတွက် ဖြစ်သင့်တာ၊ ဖြစ်နိုင်တာ ဖြစ်ချေရှိတာတွေကို မှန်မှန်ကန်ကန်နှင့် ဦးဆုံးတွေးခေါ်ဖို့လိုတယ်။ ပြီးမှ တစ်ဆင့်ပြီး တစ်ဆင့် တိုးမြှင့်တက်လှမ်းသင့်တယ်။ ဘယ်လိုကြိုးစား ကြိုးစားဘာမှဖြစ်လာမှာ မဟုတ်ပါဘူးဆိုတဲ့ အပျက်အတွေးတွေးတာ မျိုးကိုတော့ ရှောင်မှ။ ဘာမှမလုပ်ဘဲ စိတ်ပျက်လက်ပျက်ထိုင်ငိုင်နေပြီး စိတ်ဓါတ် ကျနေတာဟာ နေ့စဉ် ဘဝကိုပျော်ရွှင်ကြည်နူးချင်တယ်ဆိုတဲ့ ရည်ရွယ်ချက်ကို ကန့်လန့်ထိုက်နေတာတော့ အမှန်ပဲ။

ကောင်းပြီ။ သင့်တော်မှန်ကန်တဲ့အတွေးတွေနဲ့ ဘဝကိုအသစ်စတင်ပြီး ကြိုးပမ်းမယ်လို့တော့ ရည်ရွယ်ရင်ပေါ့။ လူငယ်ဘဝ စိတ်မြန်လက်မြန် ရှိတယ်။ အီလေးဆွဲပြီး ထိုင်စောင့် မနေချင်တော့ဘူး။ ရေတွင်းတူးပြီးပြီဆိုတာနဲ့ ရေကြည်ရေသန့်ကို တစ်ဝကြီးသောက်ပစ် လိုက်ချင်တယ်ဆိုတဲ့ စိတ်ဓာတ်မျိုးကိုတော့ ထိန်းရမှာဖြစ်တယ်။ သူများတကာ အမြင့်ကြီးကို လှမ်းတက်ချင်သူဟာ သူများတကာ အိပ်ကောင်းကောင်းနှင့် အနားယူနေတုန်းမှာ ဝိရီယရှိရှိ ကြိုးစားတတ်ကြတာကိုလည်း မေ့မထားသင့်ဘူး။

တစ်ခုရှိတာက ဇွဲရှိခြင်းရဲ့တစ်ဆက်တည်း အနေနှင့် စိတ်ရှည်ကြံ့ခိုင်ခြင်းဆိုတာက ကပ်ပြီးပါနေသင့်တာမျိုး။ ဆိုလိုတာက ကိုယ့်ရဲ့ရည်မှန်းချက်ပြည့်မှီပြီး နေပျော်တဲ့ ဘဝလေးကိုပိုင်ဆိုင်ဖို့အတွက် နေ့မအား ညမနားကြိုးစားပြီး နားချိန်အားချိန်ဆိုတာ လုံးဝမရှိသင့်ဘူးလို့တော့ မဆိုလိုပါဘူး။ တစ်စိုက်မတ်မတ်ကြိုးစားခြင်းဆိုတာမှာ စိတ်ရောလူပါဖြေလျှော့ အနားယူပေးခြင်းဆိုတာ မဖြစ်မနေ လိုအပ်ချက်တစ်ခု။ဘဝမှာခက်ခဲ ပင်ပန်းမှုတွေနဲ့ချည်း ရုန်းကန်မှအောင်မြင်မှုကို ရနိုင်တယ်ဆိုတဲ့ သီအိုရီကို အရိုးစွဲကိုင် မထားသင့်ပါဘူး။ စိတ်ကြည်လင်ပေါ့ပါးမှု အပြည့်နှင့် နားချိန်၊ အားချိန်၊ အလုပ်ကြိူးစားချိန်ဆိုတာတွေကို ဟန်ချက်ညီညီရှိဖို့ကသာ အရေးကြီးဆုံးပါ။

ယေဘုယျ သဘောပြောရရင် ကိုယ့်ရဲ့ရည်မှန်းချက်ကို အာရုံစူးစိုက်ပြီး စိတ်ဖိစီး တင်းကျပ်မှုတွေကိုဖယ်၊ ဒါမှမဟုတ် လျှော့နိုင် သလောက်လျှော့ချ၊ အပျက်အတွေးတွေဝင် မလာအောင်တားဆီး၊ ဒါတွေဟာ မဖြစ်မနေဆောင်ရွက်သင့်တဲ့ အချက်တွေပါ။ လောကဓံ ဆိုတာကတော့ သူရဲ့လုပ်ရိုးလုပ်စဉ် တာဝန်တစ်ခုအနေနဲ့ တိုက်ခိုက်ထိုးနှက်နေမှာပဲ။ ကိုယ်ကသာ ဖြစ် သင့်တာ၊ ဖြစ်ချင်တာနှင့် ဖြစ်လာနိုင်တာတွေကို ချင့်ချိန်တွေးဆတတ်ဖို့လိုတယ်။ ပြီးတော့ စိတ်ကူးယဉ် အိမ်မက်ချည်းမက်နေတာထက် ပျော်ရွှင်ကြည်နှုးစရာကောင်းတဲ့ ရွှေရောင်နေ့သစ်တွေကို တကယ်ပဲ မျှော်မှန်းပြီး လက်တွေ့ဆန်ဆန်အလုပ်နှင့် သက်သေပြရမှာပါ။

ဘဝမှာအောင်မြင်ပျော်ရွှင်ချင်တယ်ဆိုရင်ပေါ့။ ကိုယ်မျှော်မှန်းထားတာ တစ်စုံတစ်ရာရှိတယ်။ တွေးတောကြံဆပြီး ကြိုးစားတယ်။ ဒါပေမယ့် စိတ်ထဲမှာသိပ်ပြီး မယုံရဲသလိုဖြစ်နေတာမျိုးဆိုရင်တော့ ကိုယ့်ကိုကိုယ်ဆန်းစစ်ဖို့လိုလာပြီ။ အထူးသဖြင့်တော့ ငယ်ဘဝမှာ မိဘ (အထူးသဖြင့် ဘိုးဘွားတွေက) စိုးရိမ်တကြီးနဲ့ ဟန့်တားခဲ့တာတွေ များတာပဲဖြစ်ဖြစ် “ဟိုမလုပ်နဲ့” “ဒါလုပ်ပါလား” တွေနှင့် တရစပ်ကြားနာပြီး ကြီးပြင်းလာရသူတွေမှာ ဝေခွဲမရ၊ မရေမရာစိတ်တွေဖြစ်လေ့ရှိတယ်။ ဒီတော့ ကိုယ့်ရည်မှန်းချက်ကို ပြည့်မြောက်ဖို့ ကြိုးစားတယ်။ စိတ်ကူးတိုင်းဖြစ်ပါ့မလားဆိုပြီး တွန့်ဆုတ်တွန့်ဆုတ်ဖြစ်နေပြန်ရော။ အဲဒီအကျင့်ကို အရင်ဆုံးဖျောက်ပစ်ဖို့ကလည်း သူများအကူအညီယူစရာမလိုပါဘူး။ ကိုယ်တိုင်ကပဲ စိတ်ဓ်ာနှင့်အမြင်ကိုပြောင်းလဲပစ်နိုင်တာပါ။ ဒါဟာကိုယ့်ဘဝအတွက် အဆင်ပြေချောမွေ့ပြီး ကြည်နှုးစရာနေ့ရက်တွေကို ပိုင်ဆိုင်လာနိုင်တဲ့ အခွင့်အကောင်းတစ်ရပ်လို့ပဲလို့ အသေအချာ သဘောပေါက် လက်ခံလိုက်ရင် ကိုယ့်စိတ်ဓာတ်ကိုအခြေခံဖို့ အဲဒီအခါ တစ်စုံတစ်ယောက်ဆီက ဘာအခွင့်အရေးကောင်းတွေ၊ ဘာအကူအညီတွေများ ရပါ့မလဲ၊ အဲဒါတွေရလာရင်တော့ ပျော်ရွှင်တဲ့ဘဝလေးတစ်ခု ရတန်ကောင်းရဲ့ဆိုတဲ့ အတွေးတွေရှိမလာနိုင်တော့ဘူး။

လက်တွေ့ကြိုးစားမှုနှင့် တစ်ထပ်တည်းလိုက်နေတာက သင့်တော်မှန်ကန်တဲ့ကိုယ့်ရဲ့စိတ်ဓာတ် ဆိုတာ မေ့မထားပါနှင့်။ ဖြစ်ချင်တာတွေ အတွက် (စိတ်ဓာတ်မကျဘဲနှင့်) ဖြစ်သင့်တာတွေကို တစ်နေ့ချင်းဖြည်းဖြည်းမှန်မှန်  ကြိုးစားသွားဖို့ စိတ်ကူးမယ် ဆိုရင် ပျော်ရွှင်အောင်မြင်မှု ဆိုတာ ကိုယ့်ရဲ့အဝေးကြီးမှာ မဟုတ်။ လက်တစ်ကမ်းတင်ပါပဲ။ အရေးကြီးတာက ခိုင်ခိုင်မာမာ ယုံကြည်မှုရှိရမယ်။ အတွေးအခေါ်မှန်ကန်ပြီး တစ်စိုက်မတ်မတ် ကြိုးစားဖို့ပါပဲ။ ကောက်ရိုးမီး အားထုတ်မှုမျိုးကတော့ ကိုယ့်ဘဝရဲ့ ရည်မှန်းချက်နှင့် ဝေးသည်ထက်ဝေးအောင် တွန်းပို့နေမှာပါဆိုတဲ့အကြောင်း။

နှင်းဆီခင်

သြဂုတ် ၂၁ ၊ ၂၀၁၅
M-Media
နှင်းဆီခင်ရေးသည်။

တချို့ရှိ်တယ်။ အချင်းချင်းတွေ့လိုက်ရင်စကားလက်ဆုံကျလို့ ပြောတဲ့အခါ ရာခိုင်နှုန်းတော်တော်များများက ကိုယ့်အကြောင်း၊ ပြီးတော့ မကောင်းမြင် အတွေးတွေ အပြည့်နှင့်ပေါ့။ ဆိုပါစို့ တစ်ယောက်နှင့် တစ်ယောက်တွေ့လို့ မေးရိုးမေးစဉ်မေးနေကျအတိုင်း “နေကောင်းလား” ဆိုတာနှင့် ဖြေပြပါလိမ့်မယ် တသီကြီး။ ခေါင်းကိုက်၊ ဗိုက်နာ၊ မတ်တပ်နာက အစ ကြီးကြီးမားမား ဝေဒနာအဆုံး ရိုက်မစစ်ရဘဲ အသေးစိတ်ပြောပြပါလိမ့်မယ်။

“ကောင်းတယ်လို့ မပြောနိုင်ပါဘူး” အစချီပြီး အသက်အရွယ် ရလာတာနဲ့ အမျှ ဘာမှမကောင်းချင်တော့ဘူး။ နှလုံးသွေးတိုး၊ ဆီးချိုအပြင် ကိုယ်တွင်းကလီစာတွေ ဘာတစ်ခုမှ မကောင်းတော့တဲ့ အကြောင်း ဖွဲ့နွဲ့ပြောတတ်ကြတယ်။

ပြီးတော့ရှိသေးတယ်။ ဘယ်ရောဂါ အတွက် ဘယ်အထူးကု ဆရာဝန်ကြီး ဆရာဝန်မကြီးတွေနှင့် ပြနေရတယ်ဆိုတာရယ် ဘယ်ပုဂ္ဂလိက အထူးကုဆေးရုံတွေမှာ ဘယ်လိုသွားလာ ကုသနေရသလဲဆိုတာကိ အားပါးတရပြောပြတာမျိုးလည်း ရှိတယ်။ လူတိုင်းတော့ မဟုတ်ပါဘူး။ မလွှဲမရှောင်သာ ကုသနေရသူတွေရှိပါတယ်။ ဒါပေမယ့် တချို့ကတော့ အကဲပိုလို့ ဇာချဲ့နေတတ်တဲ့သဘော။ ဒါကသက်ကြီးပိုင်းတွေပြောလေ့ရှိတဲ့ နှုတ်ဆက် စကားဆိုပါစို့။ ဒါကလည်းအိုလာလို့ နာရတဲ့အကြောင်းတွေလို့ သဘောထားချင်သား။ ဒါပေမယ့် တချို့ လူငယ် လူလတ် လူရွယ်တွေကျပြန်တော့လည်း သူတို့ရဲ အခက်အခဲ၊ ဒုက္ခတွေကို (တစ်ခါတစ်ရံမှာဝေဒနာ) အကြောင်း ခိုညည်း ညည်းသလိုပြောတတ် ဆိုတတ်ကြသေးတယ်။ ကိုယ့်ကို လက်ခံစကားပြောနေသူ နားထောင်ချင်မှန်း၊ စိတ်ဝင်စားမှန်းမသိ စိတ်ထဲရှိသမျှ အိတ်သွန်လို့ ဖာမှောက်ပြီး ပြောချကြရော။

ကောင်းပြီ။ ကိုယ့်ရဲ့အခက်အခဲနှင့် မပြေလည်မှုတွေကို ဖွင့်ပြောသင့်ပြောထိုက်တဲ့သူ။ ကူညီဖြေရှင်းပေးနိုင်မဲ့သူ ဆိုရင်တော့ အဟုတ်သားပေါ့။ အဲဒီင်္လို မဟုတ်ခဲ့ရင်တော့ စဉ်းစားဆင်ခြင်ဖို့ လိုနေပြီလေ။

ကိုယ်ပြောသမျှ နားထောင်ပေးတဲ့လူတိုင်းလိုလိုက ကိုယ့်ကိုကိုယ် သနားစိတ်ဝင်နေသလို တစ်ထပ်တည်း ခံစားနေကြမှာပဲလို့တော့ လုံးဝမထင်နှင့်နော်။ အားနာပါးနာနှင့် နားထောင်ပေးပြီး ဝမ်းနည်းသယောင် စိတ်မကောင်းသယောင် ခဏတဖြုတ်ဖြစ်ပြီးရင်တော့ ထွက်သွားကြမှာ။ ကျန်တဲ့အပိုင်းကတော့ ကိုယ့်ဘာသာဆက်ပြီး ခံစားနေပေတော့။

ကိုယ့်ခံစားရတဲ့ အခက်အခဲ၊ သောကနှင့် ဝေဒနာစတာတွေဟာ ဘယ်သူ့မှာမှ မခံစားရဘဲ ကိုယ်ချည်း ခံစားနေရပါလားဆိုတဲ့ အတွေးမျိုးတော့မရှိသင့်ဘူး။ ဒါ့အပြင် ကိုယ့်သောတွေက သူများတကာတွေထက် ပိုဆိုးနေတယ်ဆိုတဲ့အမြင်မျိုးကို ဖယ်ရှားရမှာပါ။ တကယ်တမ်းပြောရရင် လောကကြီး တစ်ခုလုံးမှာရှိတဲ့လူတွေဟာ မိနစ်တိုင်း စက္ကန့်တိုင်းမှာ ကိုယ့်အခက်အခဲနှင့် ကိုယ်ရှိနေကြစစမြဲပါ။ ကိုယ်တစ်ယောက်တည်း ခံစားရလေခြင်းလို့တော့ မထင်ပါနှင့်။ ဝမ်းနည်းမှု၊ ဆုံးရှုံးမှုနှင့် အခက်အခဲတွေ အဆင်မပြေမှုတွေဆိုတာ လူသားတွေနှင့် ချိတ်ဆက်ထားတဲ့ အရာတွေပါလားဆိုတယကို သဘောပေါက်ထားဖို့ လိုပါတယ်။

ကိုယ်က အားတက်သရောပြောပြတာတွေကို တဖက်သားက အရေးမစိုက်သလိုလို အရေးမကြီးသလိုလို လုပ်တိုင်း အပြစ်မမြင်ပါနှင့်။ သူတို့အားလုံးမှာလည်း ကိုယ့်ကိစ္စနှင့် ကိုယ်ချည်းရှိနေကြတာမို့ စာနာစိတ်မရှိဘူးလို့ မစွပ်စွဲသင့်ပါဘူး။ အကြင်နာ၊ ဂရုဏထားတာက တစ်ပိုင်း သူတို့ရဲ့ကိုယ်ရေးကိုယ်တာ ခံစားနေရတာတွေက တစ်ပိုင်းဆိုတာ မမေ့သင့်ဘူး။

ကိုယ့်ကိုကိုယ် သနားစိတ်ပိုလွန်းသူဟာ တစ်ဦးဦးကို အားကိုးအားထားပြုချင်လာတယ်။ ဘဝမှာ ကိုယ့်ကိုဖေးမမဲ့သူ မရှိရင် မဖြစ်ဘူးလို့တွေးလာမိတဲ့ အထိ ကိုယ့်အခက်အခဲတွေချည်း ဖွင့်ပြောနေပြီး သူများတကာကို အမှီသဟဲပြုနေတာထက် သူ့အခက်အခဲတွေကို အလေးထား နားထောင်ပြီး ကူညီပေးနိုင်အောင် စဉ်းစားတာက ကိုယ့်သောကကိုပါ လျော့ပါးစေတတ်ပါတယ်။ အသေးအဖွဲ့က အစ ခပ်ကြီးကြီးအထိ သူများချည်းအားကိုးနေတာ စိတ်ပင်ပန်းလှပါတယ်။

အခက်အခဲဆိုတာ လူတစ်ယောက်ရဲ့အရည်အသွေးကို စမ်းသပ်ပြီးအမြင့်ကိုတွန်းတင်ပေးနိုင်တဲ့ တွန်းအားလို့ အမြင်ပြောင်းကြည့်လိုက်မယ်ဆိုရင်ပေါ့။ ကိုယ့်ရဲ့အခက်အခဲနှင့်ပြသာနာ စတာတွေကို ငိုင်မှိုင်တွေဝေပြီး စိတ်ညစ်နေမဲ့အစား ထွက်ပေါက်ရှာကြိုးပမ်းတာဟာ လကတွေ့ဆန်တယ်။ ကိုယ်ရောသူများ အတွက်ပါ အချိန်ပေးပြီး ထည့်စဉ်းစယးသူအတွက် သောကဖွေနေစရာ အချိန်ပိုမရှိတာကို သိလာရင်တော့ သိပ်ကိုပျော်မိမှာသေချာတယ်။

“ငါ့နှယ် ပညာတွေသင်ရတာ အလုပ်လုပ်ရတာ ပင်ပန်းလိုက်တာ နေထွက်ကနေဝင်အားချိန်ကို မရှိပါဘူး။” ဆိုတဲ့အတွေးနှင့် ကိုယ့်ကိုကိုယ် သနားစိတ်ဝင်နေသူတွေဟာ မနည်းမနောပါ။ အဲဒီလိုအချိန်ပြည့် လှုပ်ရှားသွားလာ ရုန်းကန်ခွင့်ရတာ၊ ကိုယ့်အတွက်ရော သူများအတွက်ပါ ကောင်းကျိုး တစ်ခုခုပြုနိုင်တာဟာ သဘာဝကပေးတဲ့ ကံကောင်းခြင်းလက်ဆောင်တွေလေ။ အခြေအနေ တစ်ခုခုကြောင့် အိပ်ရာထဲလဲပြီး ဘာတစ်ခုမှ လှုပ်ရှားမရနိုင်တဲ့ ဘဝကိုစာနာမိရင်ပေါ့။

ဒါကြောင့် နေလာသမျှအခက်အခဲတွေ၊ အဆင်မပြေမှုတွေကို တွေးတွေးပြီး ကိုယ့်ကိုကိုယ် သနားစိတ်ဝင်တတ်တဲ့ အကျင့်လေးရှိရင် ဖျောက်ပစ်နိုင်အောင်ကြိုးစားသင့်တယ်။ ဘဝရဲ့စိန်ခေါ်မှုတွေဟာ ကိုယ့်အတွက် လှပတဲ့အနာဂတ်တစ်ခုကို ဖန်တီးပေးနိုင်တဲ့ အရာတွေလို့ အမြင်ပြောင်းကြည့်ရအောင်။ ကဲ ဒါဆိုရင် ဘယ်တော့များမှ ပြောင်းလဲကြည့်မယ်လို့ စိတ်ကူးသံလဲ မနက်ဖြန်ဆိုတာဝေးပါသေးတယ်။ “အခု” လို့ဆိုရင် စာဖတ်သူ ဘယ်လိ်ုသဘောရသလဲ။

နှင်းဆီခင်