Category: အာရှ-ပဖိဖိတ်

အောက်တိုဘာ ၂ ၊ ၂၀၁၄
M-Media

– ဟောင်ကောင်တွင် ဒီမိုကရေစီအရေး ဆန္ဒပြသူများက ဟောင်ကောင်  အုပ်ချုပ်ရေးမှူးအား ယနေ့ည ၁၂ နာရီ နောက်ဆုံးထား၍ ရာထူးမှနှုတ်ထွက်ပေးရန် ရာဇသံပေးလိုက်ပြီဟု သိရသည်။

ဟောင်ကောင်ရှိ အဓိကကျသည့် လမ်းများကို ပိတ်ဆို့၍ ဆန္ဒပြမှု လေးရက်မြောက်လာခဲ့ပြီးနောက် ဆန္ဒပြသူများမှာ ယခုကဲ့သို့ ရာဇသံပေးလိုက်ခြင်းဖြစ်ပြီး မလိုက်နာပါက အစိုးရအဆောက်အဦးများကို သိမ်းပိုက်ခြင်းအပါအ၀င် ဆန့်ကျင်မှုများကို တိုးမြှင့်လုပ်ဆောင်သွားမည်ဟုလည်း သတိပေးခဲ့သည်။

ယနေ့နံနက်တွင် ဆန္ဒပြသူများမှာ ဟောင်ကောင်ရှိ အဓိကလမ်းမများတွင် ဆက်လက် စခန်းချထားဆဲဖြစ်ပြီး၊ ဆန္ဒပြသူချို့မှာ ဟောင်ကောင်အုပ်ချုပ်ရေးမှူး Leung ၏ ရုံးခန်းဘေး အဆောက်အဦးကို စတင်သိမ်းပိုက်နေကြသည်။

Leung အနေဖြင့် ဆန္ဒပြသူများကို သီတင်းပတ်အနည်းငယ်အထိ ဆက်လက်ခွင့်ပြုထားဖွယ် ရှိနေသည်ဟု ဟောင်ကောင်အုပ်ချုပ်ရေးအသိုင်းအ၀ိုင်း၏ ပြောကြားမှုကို Reuters သတင်းဌာနက ဖော်ပြခဲ့သည်။ တရုတ်အစိုးရကလည်း Leung အား အပြည့်အ၀ ထောက်ခံပေးထားပြီး ဆန္ဒပြမှုအား ကိုင်တွယ်ပုံကိုလည်း ကျေနပ်နေသည်ဟု ဆိုသည်။

တရုတ်နိုင်ငံခြားရေးဝန်ကြီး ၀မ်ယီကမူ မိမိတို့၏ ပြည်တွင်ရေးအား ၀င်ရောက်စွက်ဖက်ခြင်း မပြုရန် အမေရိကန်နှင့် နိုင်ငံခြားတိုင်းပြည်များအား သတိပေးထားသည်။

ref_ Al Jazeera and agencies

စက်တင်ဘာ ၂၉ ၊ ၂၀၁၄
M-Media

– ဟောင်ကောင်တွင် ဒီမိုကရေစီအရေး ဆန္ဒပြမှုများမှာ ပိုမိုပြင်းထန်လာပြီး ယနေ့နံနက်အစောပိုင်းတွင် အဓိကရုဏ်နှိမ်နင်းရေး ရဲတပ်ဖွဲ့များက မျက်ရည်ဗုံး များစွာသုံးကာ လူစုခွဲမှုများ ပြုလုပ်ခဲ့ရသည်ဟု သိရသည်။

ဆန္ဒပြသူ ထောင်ပေါင်းများစွာတို့မှာ ဟောင်ကောင်၏ အဓိကအစိုးရ အဆောက်အဦးအား ၀န်းရံထားပြီး၊ ဟောင်ကောင်၏ စီးပွားရေးအချက်အချာကျသည့် ဒေသသို့ သွားရောက်သည့် လမ်းများကိုလည်း ပိတ်ဆို့ထားသည်။

အစောပိုင်းက ငရုတ်ကောင်း စပရေးများနှင့် တုံ့ပြန်ခဲ့သည့် အဓိကရုဏ်နှိမ်နှင်းရေး ရဲတပ်ဖွဲ့ဝင်များမှာ ယနေ့နံနက်တွင် မျက်ရည်ယိုဗုံးများဖြင့် ပစ်ခတ်ခဲ့ကြပြီး၊ ရဲများနှင့် ဆန္ဒပြသူများအကြား လုံးထွေးသတ်ပုတ်မှုများလည်း ဖြစ်ပွားခဲ့သည်။

ထို့ပြင် ဆန္ဒပြသူများမှာ ဟောင်ကောင်ရှိ လမ်းများအား ပိတ်ဆို့ကာ ဟောင်ကောင်အုပ်ချုပ်ရေးမှူး  Leung Chun-ying ဆင်းပေးရေး တောင်းဆိုမှုများ ကိုလည်း ပြုလုပ်ခဲ့သည်။ ဟောင်ကောင်ကျောင်းသားအဖွဲ့ချုပ်နှင့် ဒီမိုကရေစီအရေး တက်ကြွလှုပ်ရှားသူများကမူ ရဲတပ်ဖွဲ့ဝင်များမှာ ရာဘာကြည်များ အသုံးပြု ပစ်ခတ်လာနိုင်သည်ဟု ဆန္ဒပြသူများအား သတိပေးခဲ့သည်။

ထိုကဲ့သို့ ဆန္ဒပြမှုများကြောင့် ဟောင်ကောင်ရှိ ဘဏ္ဍာရေးဆိုင်ရာ ကုမ္ပဏီ အများစုမှာ ၎င်းတို့၏ ၀န်ထမ်းများအား မိမိတို့၏နေအိမ် သို့မဟုတ် အရံရုံခန်းများမှ အလုပ်လုပ်ကြရန် ညွှန်ကြားထားပြီး၊ Standard Chartered ဘဏ်နှင့် Bank of China ဘဏ်တို့ကလည်း ၎င်းတို့၏ လုပ်ငန်းအချို့ကို ရပ်ဆိုင်းထားသည်။

Al Jazeera and agencie