Category: အေရွ႕အလယ္ပိုင္း

စက်တင်ဘာ ၂၇ ၂၀၂၅

M-Media

(M-Media Burmese ၏ ပို့စ်များကို Like/Share လုပ်ပေးခြင်းအားဖြင့် သတင်းမှန်များ ပြန့်နှံ့ရေး ကူညီပေးနိုင်ပါတယ်)

အီတလီစက်ဘီးစီးပြိုင်ပွဲ Giro dell’Emilia ကို ကျင်းပမဲ့သူတွေက အစ္စရေး စက်ဘီးစီးအသင်း Israel-Premier Techitaly ကိုပြိုင်ပွဲကနေ ဖယ်ရှားလိုက်ကြောင်း စက်တင်ဘာ၂၇ရက်နေ့မှာထုတ်ပြန်ပါတယ်။

အများပြည်သူလုံခြုံရေးဆိုင်ရာစိုးရိမ်မှုတွေရှိတဲ့အတွက်ဒီလိုဖယ်ရှားတာလို့ဆိုပါတယ်။

ဂါဇာကမ်းမြှောင်မှာ လူပေါင်း ၆၆၀၀၀ နီးပါးကို သတ်ဖြတ်ထားတဲ့အစ္စ‌ရေးကို ကမ္ဘာတဝှမ်းက အားကစားပြိုင်ပွဲ အနုပညာပြိုင်ပွဲတွေမှာပါဝင်ခြင်း ပိတ်ပင်ဖို့အတွက် တိုက်တွန်းဆော်ဩမှုတွေ နိုင်ငံတကာအသိုင်းအဝိုင်းမှာ မြင့်တက်လာနေပါတယ်။

Ref: Aljazeera

စက်တင်ဘာ ၂၉၊ ၂၀၂၅
M-Media

(ဓာတ်ပုံ – တိုက်ခိုက်မှုပြီးနောက် Semiramis ဟိုတယ်မြင်ကွင်း)

၁၉၄၈ ခုနှစ် ဇန်န၀ါရီလ ပထမအပတ်အတွင်း ပါလက်စတိုင်းနိုင်ငံ ဂျေရုစလင်မြို့ ခရစ်ယာန်ရပ်ကွက်ဖြစ်တဲ့ ကာတာမွန်က Semiramis ဟိုတယ်မှာ ဗုံးခွဲမှုတစ်ခုဖြစ်ပွားခဲ့ပြီး အရပ်သား အနည်းဆုံး ၂၄ ဦး သေဆုံးခဲ့ပါတယ်။

ဟိုတယ်ကို ခရစ်ယာန်မိသားစုဖြစ်တဲ့ Aboussouan မိသားစုက ပိုင်ဆိုင်တာဖြစ်ပြီး သေဆုံးသူအများစုဟာ သူတို့ မိသားစု၀င်တွေဖြစ်ပါတယ်။ သေဆုံးသူတွေထဲမှာ ဟော်တယ်ပိုင်ရှင်ရဲ့သား အသက် ၂၃ နှစ်အရွယ် ဟူဘာ့တ်လော်ရန်ဇိုနဲ့ ပါလက်စတိုင်းဆိုင်ရာ စပိန်ဒုသံမှူး မန်နျူယဲလ် အလန်ဒေ ဆာလာဇာလည်း ပါ၀င်သွားပါတယ်။

တိုက်ခိုက်မှုကို အဲဒီအချိန်က အကြမ်းအဖွဲ့အဖြစ် သတ်မှတ်ခံထားရတဲ့ ဂျူးလက်နက်ကိုင်အဖွဲ့ Haganah က ပြုလုပ်တာပါ။ အဖွဲ့ခေါင်းဆောင် ဒေးဗစ်ဘင်ဂူရီယန်ဟာ ပါလက်စတိုင်းနယ်မြေတွေကို သိမ်းပိုက်ပြီး ၁၉၄၈ ခုနှစ် မေလမှာ တည်ထောင်တဲ့ အစ္စရေးနိုင်ငံရဲ့ ပထမဆုံး၀န်ကြီးချုပ် ဖြစ်လာပါတယ်။

ခရစ်ယာန်တွေကို ပစ်မှတ်ထားတဲ့ နောက်ထပ် အစုလိုက်အပြုံလိုက် သတ်ဖြတ်မှုတစ်ခုက ပါလက်စတိုင်းနယ်မြေတွေကို ဂျူးလက်နက်ကိုင်အဖွဲ့က သိမ်းပိုက်စဥ် ၁၉၄၈ ခုနှစ် အောက်တိုဘာ ၃၀ ရက်နေ့မှာ ဖြစ်ပွားတာဖြစ်ပါတယ်။

နာဇရတ်မြို့နားက အီလာဘွန်ဆိုတဲ့ ခရစ်ယာန်ရွာမှာ အမျိုးသား ၁၂ ဦး တန်းစီ ပစ်သတ်ခံခဲ့ရတာပါ။ ကျန်တဲ့ရွာသားအားလုံးကို လက်ဘနွန်နိုင်ငံဆီ မောင်းထုတ်ခဲ့ပြီး၊ ၁၉၄၉ ခုနှစ်မှာတော့ ဂရိအော်သို့ဒေ့ါစ် ရဟန်းမင်း မက္ကဆီမို့စ် ဗီ ဟာကင်နဲ့ အစ္စရေးတို့အကြား ရရှိတဲ့ သဘောတူညီချက်အရ ရွာသားတွေ နေရပ် ပြန်လာနိုင်ခဲ့ပါတယ်။

သတ်ဖြတ်မှုအကြောင်း Sons of Eilaboun အမည်နဲ့ မှတ်တမ်းရုပ်ရှင် ထွက်ရှိထားပါတယ်။

Ref: TRT World, Wiki

စက်တင်ဘာ ၂၇၊ ၂၀၂၅

M-Media 

အစ္စရေးစစ်တပ်က အသုံးပြုနေတဲ့ Azure cloud နဲ့  AI ၀န်ဆောင်မှု တစ်စိတ်တစ်ပိုင်းကို အသုံးပြုခွင့် ပိတ်လိုက်တယ်လို့ နည်းပညာထိပ်တန်းကုမ္ပဏီ မိုက်ခရိုဆော့ဖ်က အတည်ပြုပါတယ်။ 

ပါလက်စတိုင်းအရပ်သားတွေကို တရားမ၀င် စောင့်ကြည့်ထောက်လှမ်းမှုအပါအ၀င် မလုပ်ဆောင်ရမယ့် သဘောတူညီချက်တွေကို ချိုးဖောက်တဲ့အတွက် ဒီလိုပိတ်ပင်တာလို့ ထုတ်ပြန်ပါတယ်။ အစ္စရေးဟာ မိုက်ခရိုဆော့ဖ်ရဲ့ နည်းပညာတွေကို အသုံးပြုပြီး ပါလက်စတိုင်းအရပ်သားတွေကို စောင့်ကြည့် ဖိနှိပ်တာမျိုး ရှိတယ်ဆိုတဲ့ သတင်းတွေ အရင်ကတည်းက ကျယ်ကျယ်ပြန့်ပြန့် ထွက်ပေါ်ခဲ့ပေမယ့် အစောပိုင်းမှာ မိုက်ခရဆော့ဖ်က ငြင်းချက်ထုတ်ထားတာပါ။ 

Azure ကို အရပ်သားတွေအပေါ် စောင့်ကြည့်ဖိနှိပ်ဖို့ အသုံးချနေတယ်ဆိုတာ သြဂုတ်လက မီဒီယာတွေ စုံစမ်းဖော်ထုတ်ပြီးနောက်ပိုင်းမှာ သိရှိလာရပေမယ့်၊ ၀ယ်ယူအသုံးပြုသူရဲ့ တစ်ကိုယ်ရေ အချက်အလက် လုံခြုံရေးကြောင့် ဘယ်ပုံဘယ်နည်း အသုံးပြုခဲ့တယ်ဆိုတာကို မသိခဲ့ရဘူးလို့ ဆိုပါတယ်။ သုံးသပ်မှုတွေအရ စိုးရိမ်စရာ အကြောင်းအရာတွေကို တွေ့ရတယ်လို့ မိုက်ခရိုဆော့ဖ်က အတည်ပြုပါတယ်။ 

Azure cloud နဲ့ AI ၀န်ဆောင်မှုတစ်ချို့ကိုသာ အသုံးပြုခွင့် ပိတ်လိုက်တာဖြစ်ပြီး မိုက်ခရိုဆော့ဖ်ရဲ့ အခြား နည်းပညာတွေကိုတော့ အစ္စရေးက ဆက်လက် အသုံးပြုနေဆဲဖြစ်ပါတယ်။ 

အစ္စရေးစစ်တပ်ရဲ့ ဆိုက်ဘာတပ်ဖွဲ့ 8200 ဟာ Azure ကို အသုံးပြုပြီး သန်းနဲ့ချီတဲ့ ပါလက်စတိုင်းတွေရဲ့ ဖုန်းခေါ်ဆိုမှုတွေ၊ စာတိုပေးပို့မှုတွေကို တရားမ၀င် ကြားဖြတ်စောင့်ကြည့်ခဲ့တာဖြစ်ပါတယ်။ 

မိုက်ခရိုဆော့ဖ်ရဲ့ အခုလို ရပ်တန့်မှုက အစ္စရေးတဲ့ တရားမ၀င်လုပ်ရပ်တွေကို ကြီးကြီးမားမား ထိခိုက်သွားနိုင်တာမျိုး မရှိဘူးလို့ ကျွမ်းကျင်သူတွေက သုံးသပ်ပါတယ်။ အစ္စရေးဖက်ကတည်း ဒီပိတ်ပင်မှုဟာ သူတို့ရဲ့ လုပ်နိုင်စွမ်းကို ထိခိုက်မှာ မဟုတ်ဘူးလို့ ထုတ်ပြန်ခဲ့ပါတယ်။ 

Ref: Aljazeera

စက်တင်ဘာ ၂၃၊ ၂၀၂၅

M-Media

ယူကရိန်းကို ရုရှားက ကျူးကျော်ပြီး ၄ ရက်ပဲကြာတယ်။ FIFA နဲ့ UEFA က ရုရှားကို ဘောလုံးလောကကနေ ပိတ်ပင်လိုက်တယ်။ Amnesty International က လူမျိုးတုန်းသတ်ဖြတ်မှုလို့ သတ်မှတ်ထားတဲ့ကိစ္စ ဖြစ်နေတာ ၇၁၆ ရက် ရှိပြီ။ ဒါပေမယ့် အစ္စရေးကတော့ ဘောလုံးပွဲတွေမှာ ပါ၀င်ကစားခွင့်ရနေဆဲပါ။ ဘာ့ကြောင့်လဲ။ ဘာ့ကြောင့် ဒီလို စံနှုန်း ၂မျိုး ဖြစ်နေတာလဲ။ FIFA နဲ့ UEFA တိုဟာ အစ္စရေးကို ပိတ်ပစ်ရမယ်။ ကလပ်အသင်းတိုင်းက အစ္စရေးအသင်းတွေနဲ့ မကစားဘူးလို့ ငြင်းရမယ်။ ကစားသမားတိုင်းကလည်း အစ္စရေးအသင်းနဲ့ မကစားဘူးလို့ ငြင်းရမယ်။ တောင်အာဖရိကက လူမျိုးရေးခွဲခြားမှုကို ကျွန်တော်တို့ မှတ်မိမှာပါ။ တောင်အာဖရိကက ဒီစနစ်ချုပ်ငြိမ်းရေးမှာ အားကစားဖက်က သပိတ်မှောက်မှုဟာ အရေးပါခဲ့ပါတယ်။ ကျွန်တော်တို့မှာ စွမ်းအားရှိတယ်၊ ခင်ဗျားတို့မှာလည်း စွမ်းအားရှိတယ်။ ကမ္ဘာတစ်၀ှမ်းက ဘောလုံးပရိတ်သတ်အားလုံးမှာလည်း စွမ်းအားရှိပါတယ်။

(စက်တင်ဘာ ၁၇ ရက်နေ့ လန်ဒန်တွင် ပြုလုပ်ခဲ့သည့် Together for Palestine အခမ်းအနားတွင် ပြင်သစ်နှင့် မန်ယူအသင်း၏ နာမည်ကျော်ကွင်းလယ်လူဟောင်း အဲရစ်ကန်တိုနာ၏ ပြောကြားချက်)