ဖေဖော်ဝါရီ ၁၆၊ ၂၀၁၈
M-Media
– ပြီးခဲ့တဲ့နှစ်က ဆိုးဆိုးဝါးဝါး ထိခိုက်ခဲ့တဲ့ NotPetya ဆိုက်ဘာတိုက်ခိုက်မှုအတွက် အမေရိကန်က ဒီကနေ့မှာ ရုရှားကို ပြစ်တင်ပြောဆိုလိုက်ပါတယ်။
၂၀၁၇ ခုနှစ် ဇွန်လမှာ ဖြစ်ပွားခဲ့တဲ့ အဲဒီတိုက်ခိုက်မှုကြောင့် ယူကရိန်းနိုင်ငံရဲ့ အစိုးရလုပ်ငန်းတွေ တော်တော်လေး ထိခိုက်ခဲ့ပြီး ကမ္ဘာတစ်ဝှမ်းက ကွန်ပျူတာတွေလည်း ဒီတိုက်ခိုက်မှုဒဏ်ကို ခံစားခဲ့ရပါတယ်။
အိမ်ဖြူတော်က ထုတ်ပြန်တဲ့ ကြေငြာချက်မှာ တိုက်ခိုက်မှုကြောင့် ဥရောပ၊ အာရှနဲ့ အမေရိကတို့အပါအ၀င် ကမ္ဘာတစ်ဝှမ်း ဒေါ်လာဘီလီယံပေါင်းများစွာ ဆုံးရှုံးခဲ့တယ်လို့ ဆိုပါတယ်။
“၂၀၁၇ ခုနှစ် ဇွန်လမှာ ရုရှားစစ်တပ်ဟာ သမိုင်းတစ်လျှောက် အဆိုးဝါးဆုံးနဲ့ ဆုံးရှုံးမှုအများဆုံး ဆိုက်ဘာတိုက်ခိုက်မှုကို ဆောင်ရွက်ခဲ့ပါတယ်။ ဒါဟာ ယူကရိန်း မတည်မငြိမ်ဖြစ်ဖို့အတွက် ရုရှားရဲ့ ဆောင်ရွက်မှုတွေထဲက အစိတ်အပိုင်းတစ်ခုဖြစ်ပြီး၊ လက်ရှိ ပြဿနာတွေမှာ ရုရှားရဲ့ပါဝင်မှုကို ပိုပြီး ရှင်းရှင်းလင်းလင်း မြင်လိုက်ရတာ ဖြစ်ပါတယ်။ ဒါဟာ နိုင်ငံတကာမှာ နောက်ဆက်တွဲဆိုးကျိုးတွေ ကြုံတွေ့စေဖို့ တမင်ရည်ရွယ်လုပ်ဆောင်တဲ့ ကိစ္စတစ်ခု ဖြစ်ပါတယ်” လို့ ကြေငြာချက်မှာ ဖော်ပြထားပါတယ်။
ဒီတိုက်ခိုက်မှုအတွက် ယူကေအစိုးရကလည်း ရုရှားကို အပြစ်တင်ခဲ့ပြီး ရုရှားစစ်တပ်က လုပ်ခဲ့တယ်လို့ ဒီနေ့မနက်ပိုင်းမှာ ကြေငြာချက် ထုတ်ခဲ့ပါတယ်။
အိမ်ဖြူတော် တာဝန်ရှိသူတစ်ဦးက သူတို့အနေနဲ့ ဒီကိစ္စကို တုန့်ပြန်ဖို့ နည်းလမ်းတွေကို သုံးသပ်နေတယ်လို့ ပြောကြားခဲ့ပါတယ်။
၂၀၁၇ ခုနှစ် ဇွန်လအတွင်းမှာ ဒီ NotPetya တိုက်ခိုက်မှုဟာ ယူကရိန်းမှာ စတင်ခဲ့ပြီး အစိုးနဲ့ စီးပွားရေးလုပ်ငန်းတွေရဲ့ ကွန်ပျူတာတွေ ထိခိုက်ခဲ့ပြီးတဲ့နောက် ကမ္ဘာတစ်ဝှမ်းကို ပြန့်နှံ့သွားတာ ဖြစ်ပါတယ်။
Ref: Alarabiya
