ဇွန် ၁၀၊ ၂၀၁၅
M-Media
– တရုတ်အင်တာနက်ကုမ္ပဏီနှစ်ခု ပူးပေါင်းကျင်းပသော လိင်တူချစ်သူ စုံတွဲပြိုင်ပွဲတွင် ရွေးချယ်ခြင်းခံခဲ့ရသည့် တရုတ်နိုင်ငံမှ အမျိုးသား၊ အမျိုးသမီး လိင်တူချစ်သူ စုံတွဲ ၇ ခုမှာ အမေရိကန်နိုင်ငံတွင် လက်ထပ်လိုက်ပြီဟု သိရသည်။
အဆိုပါ စုံတွဲပြိုင်ပွဲကို WeDo ဟု အမည်ပေးထားပြီး ၀င်ရောက်ယှဉ်ပြိုင်သူ စုံတွဲ ၂၀၀၀ ကျော် ရှိခဲ့သည်။ လိင်တူချစ်သူများမှာ ၎င်းတို့၏ ဇာတ်လမ်းများအကြောင်းကို ဗီဒီယိုမှတစ်ဆင့် ပြောကြားရပြီး ထိုဗီဒီယိုများကို အွန်လိုင်း ကုန်သွယ်ရေးကုမ္ပဏီ အလီဘာဘာ၏ အွန်လိုင်း ဈေးဝယ်ဆိုက်ဖြစ်သော Taobao တွင် အင်တာနက်သုံးစွဲသူများက မဲပေးရွေးချယ်ရခြင်း ဖြစ်သည်။
ထိုပြိုင်ပွဲကို အလီဘာဘာနှင့် တရုတ်နိုင်ငံ၏ အကြီးဆုံး လိင်တူချစ်သူ မိုင်းဘိုင်း Dating အက်ပလီကေးရှင်း Blued တို့က ပူးပေါင်းကျင်းပခြင်းဖြစ်သည်။ မဲအများဆုံးရသည့် လိင်တူချစ်သူ စုံတွဲ ၁၀ ခုကို ရွေးချယ်ခဲ့ပြီး ဆုအနေဖြင့် ကယ်လီဖိုးနီးယားတွင် လက်ထပ်ခွင့်နှင့် ဟန်းနီးမွန်းတို့အတွက် ကုန်ကျစားရိတ်အားလုံးကို ပြိုင်ပွဲကျင်းပပေးသည့် ကုမ္ပဏီများက ကျခံပေးသွားမည်ဖြစ်သည်။
၎င်းတို့ထဲမှ အမျိုးသားနှင့် အမျိုးသမီး လိင်တူချစ်သူ စုံတွဲ ၇ ခုမှာ ကယ်လီဖိုးနီးယားတောင်ပိုင်း လိင်တူချစ်သူလူ့အဖွဲ့အစည်း များပြားသည့် ၀က်စ်ဟောလီးဝုဒ်ရှိ မြို့တော်စာကြည့်တိုက်တွင် ယမန်နေ့က လက်ထပ်ခဲ့ကြပြီး လက်ထပ်ပွဲကို ၀က်စ်ဟောလီးဝုဒ် အုပ်ချုပ်ရေးမှူးက တာဝန်ယူ ကျင်းပပေးခဲ့သည်။
“သူတို့ကို ၀က်စ်ဟောလီးဝုဒ်မှာ လက်ထပ်ပေးရတဲ့အတွက် ကျွန်မတို့ အရမ်းဂုဏ်ယူမိပြီး ပျော်လည်းပျော်ပါတယ်။ လူအားလုံးအတွက် တူညီတဲ့အခွင့်အရေးကို လက်သင့်ခံတဲ့၊ အထူးသဖြင့် ကျွန်မတို့ လိင်တူချစ်သူ လူ့အဖွဲ့အစည်းရဲ့ အခွင့်အရေးတွေကို မြှင့်တင်ကာကွယ်ပေးတဲ့ လူ့အဖွဲ့အစည်း ကျွန်မတို့ဆီမှာ ရှိနေတာ ကြာပါပြီ” ဟု အုပ်ချုပ်ရေးမှူး လင်ဆေး ဟော်ဗို့သ်က ပြောကြားခဲ့သည်။
တရုတ်နိုင်ငံတွင် လိင်တူဆက်ဆံမှုကို ရာဇ၀တ်မှုအဖြစ် သတ်မှတ်ထားရာမှ ၁၉၉၃ ခုနှစ်တွင် ပယ်ဖျက်ခဲ့သော်လည်း လိင်တူလက်ထပ်မှုကိုမူ တရားမ၀င်ဟု သတ်မှတ်ထားသည်။
ကယ်လီဖိုးနီးယားပြည်နယ်တွင်မူ ၂၀၁၃ ခုနှစ်က လိင်တူလက်ထပ်ခွင့်ကို တရားဝင်ခွင့်ပြုခဲ့သည်။ ယခုလက်ထပ်ထားသည့် စုံတွဲများမှာ တရုတ်နိုင်ငံတွင် တရားဝင်မည်မဟုတ်ပေ။
Ref: Aljazeera
