Blog

မေ ၂၉၊ ၂၀၁၅
M-Media

– မြန်မာနိုင်ငံအတွင်းရှိ လူ့အခွင့်အရေး အခြေအနေနှင့်ပတ်သက်၍ ပထမဆုံး တံခါးပိတ်အစည်းအ၀းကို ကုလသမဂ္ဂ လုံခြုံရေးကောင်စီတွင် ယမန်နေ့က ပြုလုပ်ခဲ့ကြပြီး လူနည်းစု ရိုဟင်ဂျာမွတ်စလင်များ၏ ကြောက်မက်ဖွယ်အခြေအနေများအပေါ် အဓိကထား ဆွေးနွေးခဲ့သည်ဟု အမေရိကန်နှင့် ကုလသမဂ္ဂ သံတမန်များက ပြောကြားလိုက်သည်။

ကုလမဂ္ဂ လူ့အခွင့်အရေးအကြီးအကဲ ဇီအစ် ရာအဒ် အလ်ဟူစိန်မှာ ဗီဒီယိုမှတစ်ဆင့် အသေးစိတ် ရှင်းလင်းတင်ပြခဲ့ပြီး ရိုဟင်ဂျာများအပေါ် မနှစ်မြို့စရာ ခွဲခြားဆက်ဆံမှု အခြေအနေများကို ဖော်ပြခဲ့သည်။ ကုလသမဂ္ဂဆိုင်ရာ အမေရိကန်သံအမတ် စမန်သာပါဝါကမူ အဆိုပါအစည်းဝေးကို ကြိုဆိုခဲ့ပြီး “ပထမဆုံး သမိုင်းဝင်” ဟု Twitter စာမျက်နှာမှတစ်ဆင့် ပြောကြားခဲ့သည်။

“မြန်မာနိုင်ငံက ရိုဟင်ဂျာတွေ ရင်ဆိုင်နေရတဲ့ ကြောက်မက်ဖွယ် အခြေအနေတွေ၊ စနစ်တကျ ခွဲခြားဆက်ဆံမှုတွေနဲ့ ပတ်သက်လို့ ဇီအစ်က ခိုင်မာတဲ့ အသေးစိတ်ရှင်းလင်းမှု ပြုလုပ်ခဲ့ပါတယ်။ သူတို့ဟာ မကြာခဏ လူကုန်ကူးသူတွေရဲ့ အမြတ်ထုတ်မှုကို ခံရတယ်။ ရာနဲချီတဲ့သူတွေဟာလည်း မကြာသေးခင်က ပင်လယ်ထဲမှာ သေမလို ဖြစ်နေပါတယ်။ ဒါက ပြည့်ဝတဲ့ တုန့်ပြန်မှုကို တောင်းဆိုနေတာပါ။ ပြဿနာရဲ့ ရင်းမြစ်ကို မဖြစ်မနေ ကြည့်ရပါမယ်” ဟု အဆိုပါ အစည်းအဝေးသို့ တက်ရောက်ခဲ့သည့် အမည်မဖော်လိုသော သံတမန်တစ်ဦးက Reuters သတင်းဌာနသို့ ပြောကြားခဲ့သည်။

စမန်သာပါဝါကမူ ရိုဟင်ဂျာများ၏ အခြေအနေမှာ စိုးရိမ်စရာကောင်ပြီး လူမဆန်သည့် အခြေအနေမျိုးဖြစ်သည်ဟု ပြောကြားခဲ့သည်။ အစည်းအဝေးအတွင်း ပါဝါက မြန်မာနိုင်ငံတွင် တိုးတက်မှုများ ပြုလုပ်ခဲ့သော်လည်း လူအချို့မှာ အသစ်ရရှိသည့် လွတ်လပ်မှုကို အမုန်းတရား တည်ဆောက်ရန်၊ အကြမ်းဖက်မှုကို ဆွပေးရန်နှင့် ချို့တဲ့သည့် ရိုဟင်ဂျာများအား ညှင်းပန်းနှိပ်စက်ရေးကို ဖော်ဆောင်ရန် အသုံးပြုနေကြသည်ဟု ထောက်ပြခဲ့ကြောင်း အခြားသံတမန်တစ်ဦးက ပြောကြားခဲ့သည်။

ထို့ပြင် လူသားချင်းစာနာထောက်ထားမှုဆိုင်ရာ အထောက်အပံ့ နည်းနည်းဖြင့် ဒုက္ခသည်စခန်းများတွင် ပိတ်မိနေသည့် ၁၄၀၀၀၀ ကျော်သော ရိုဟင်ဂျာများ၏ လွတ်လပ်စွာ သွားလာလှုပ်ရှားမှု ကန့်သတ်ချက်များကို မြန်မာအစိုးရက ချက်ချင်း ရုပ်သိမ်းပေးရန် တိုက်တွန်းခဲ့သည်ဟုလည်း ၎င်းက ဆိုသည်။

မကြာသေးမီ သီတင်းပတ်များအတွင်းက ပေါ်ထွက်ခဲ့သည့် လှေစီးဒုက္ခသည် ပြဿနာအတွက် ဘန်ကောက်တွင် ပြုလုပ်ရန်စီစဉ်ထားသော အရှေ့တောင်အာရှနိုင်ငံအချို့၏ အစည်းဝေးကိုလည်း ကြိုဆိုကြောင်း လုံခြုံရေးကာင်စီ အဖွဲ့ဝင်များက ပြောကြားခဲ့သည်။

ရုရှားနိုင်ငံမှ သံတမန်ကမူ လုံခြုံရေးကောင်စီမှာ လူ့အခွင့်အရေးနှင့်ပတ်သက်၍ ဆွေးနွေးပွဲဆောင်ရွက်ရန် သင့်တော်သည့်နေရာမဟုတ်ဟု စောဒကတက်ခဲ့သည်။ မြန်မာနိုင်ငံ၏ ကာလရှည်မဟာမိတ်ဖြစ်သော တရုတ်နိုင်ငံကမူ ထိုကိစ္စမှာ နိုင်ငံအာဏာပိုင်များ၏ ပြည်တွင်းရေးကိစ္စဖြစ်သည်ဟု ပြောကြားခဲ့သော်လည်း ထိုပြဿနာအခြေအနေအတွက် စိုးရိမ်မိသည်ဟု ဆိုသည်။

Ref: Reuters