မေ ၃၊ ၂၀၁၅
M-Media
– မြန်မာစံတော်ချိန် ဒီနေ့ည ၇ နာရီမှာ ကစားခဲ့တဲ့ ချယ်ဆီးနဲ့ ခရစ္စတယ်ပဲလေ့စ်တို့ရဲ့ ပရီးမီးယားလိဂ်ပွဲစဉ် ၃၅ မှာတော့ ချယ်ဆီးက အကောင်ဆုံးပုံစံနဲ့ အနိုင်ကစားသွားပြီး ပရီးမီးယားလိဂ်ဖလားကို ဆွတ်ခူးနိုင်ခဲ့ပါတယ်။
အတောင့်တင်းဆုံးလူစာရင်းနဲ့ အကောင်းဆုံးပြင်ဆင်လာတဲ့ ချယ်ဆီးအသင်းဟာ အသေအချာ အာရုံစိုက်ကစားခဲ့ပြီး PFA ရဲ့ တစ်နှစ်တာအကောင်းဆုံး ဘောလုံးသမားဆုကို ပူပူနွေးနွေးရရှိထားတဲ့ ဟာဇာ့ဒ်ရဲ့ တစ်လုံးတည်းသော ဂိုးနဲ့ အနိုင်ရခဲ့တာပါ။
ပထမပိုင်း နောက်ဆုံးမိနစ်မှာရတဲ့ပင်နယ်တီကို ဟဇာ့ဒ်ကန်သွင်းရာမှာ ခရစ္စတယ်ပဲလေ့စ်ဂိုးသမား ကာကွယ်ရာကနေ ပြန်အထွက် ဟဇာ့ဒ်ကပဲခေါင်းတိုက် သွင်းယူခဲ့တာဖြစ်ပါတယ်။
ပါဂျူးကိုင်တွယ်ပြီးနောက် ခြေစွမ်းထက်လာပြီး တိုက်စစ်ကလည်း ဂိုးတွေသွင်းလာနိုင်တဲ့ ခရစ္စတယ်ပဲလေ့စ်ကတော့ ချယ်ဆီးရဲ့ဂိုးပေါက်ကို တစ်ကြိမ်တောင် ထိထိရောက်ရောက် ခြိမ်းခြောက်နိုင်ခဲ့ခြင်း မရှိပါဘူး။
“မယုံကြည်နိုင်စရာပါပဲ။ ဒီလိုပန်းဝင်ဖို့ ကျွန်တော်တို့ ဒီနှစ်မှာ အသည်းအသန် အလုပ်လုပ်ခဲ့ရပါတယ်။ ဒီနေ့ပွဲဟာ ခက်ခဲတဲ့ပွဲပါ။ နည်းနည်းတော့ လန့်တာပေါ့။ ဒါပေမယ့် ကျွန်တော်တို့ ပန်းဝင်ခဲ့ပြီး၊ ကျွန်တော်တို့ ချန်ပီယံဖြစ်ခဲ့ပါပြီ” လို့ အသင်းခေါင်းဆောင် ဂျွန်တယ်ရီက ပွဲအပြီးမှာ ပြောကြားခဲ့ပါတယ်။
ချယ်ဆီးဟာ ပရီးမီးယားလိဂ်ဖလားကိုတော့ ပွဲစဉ် ၃၈ ကစားပြီးမှ ရရှိမှာဖြစ်ပေမယ့် အောင်ပွဲခံအခမ်းအနား ပြုလုပ်ဖို့ ပြင်ဆင်နေပါတယ်။
ချယ်ဆီးရဲ့ အခု ပရီးမီးယားလိဂ်ဖလားဟာ အသင်းရဲ့ နှစ်ပေါင်း ၁၀၀ ရှိတဲ့ သမိုင်းတစ်လျှောက် ၅ ကြိမ်မြောက် ပရီးမီးယားလိဂ် ဖလားဖြစ်ပြီး ၂၀၁၀ နောက်ပိုင်း ပထမဆုံးရရှိတဲ့ ပရီးမီးယားလိဂ်ဖလားလည်း ဖြစ်ပါတယ်။ လိဂ်ဖလားကို ရရှိထားတဲ့ ချယ်ဆီးအတွက် ဒါဟာ ဒီနှစ်ဘောလုံးရာသီ ဒုတိယမြောက်ဖလားလည်း ဖြစ်ပါတယ်။
၂၀၀၅နဲ့ ၂၀၀၆ မှာ ချယ်ဆီးနဲ့အတူ ပရီးမီးယားလိဂ်ဖလားကို ဆွတ်ခူးခဲ့ဖူးတဲ့ မော်ရင်ဟိုအတွက် ဒါဟာ ချယ်ဆီးနဲ့ ပရီးမီးယားလိဂ်ဖလားကို တတိယအကြိမ်မြောက် ကိုင်မြှောက်နိုင်ခဲ့တာလည်း ဖြစ်ပါတယ်။
