နိုဝင်ဘာ ၂၀ ၊ ၂၀၁၄
M-Media
နိုဝင်ဘာ ၁၈ ရက် အင်္ဂါနေ့က (သိမ်းပိုက်ခံ ဂျေရုဆလင်) အလ်ကုဒ်စ်မြို့ရှိ ဂျူးဘုရားကျောင်း တစ်ခုအပေါ် ပါလက်စတိုင်းနှစ်ဦးမှ တိုက်ခိုက်ရာ အစ္စရေးငါးဦး သေဆုံးသည်။ ထိုတိုက်ခိုက်မှုသည် လက်ရှိနှစ်များအတွင်း ပြင်းထန်သောတိုက်ခိုက်မှုများအနက် တစ်ခုအပါအ၀င်ဖြစ်သည်။
“ဒီအော်ပရေးရှင်းက ကျုပ်တုိ့လူထု၊ ကျုပ်တို့အထွဋ်အမြတ်ထားရာ နေရာအပေါ် ကျူးလွန်စော်ကားတဲ့ ဇီယွန်ဝါဒီတွေကို သူရဲကောင်းဆန်ဆန် တူညီတဲ့တုန့်ပြန်ချက် တစ်ရပ်ဖြစ်တယ်။ ကျဆုံးသွားတဲ့ ကျုပ်တို့ သူရဲကောင်းများရဲ့သွေးကြွေးကို ရတဲ့နည်းလမ်းနဲ့ ပြန်ဆပ်ဖို့ ကျုပ်တို့မှာ အပြည့်အ၀ အခွင့်အရေးရှိတယ်” ဟု ဟားမားစ်အဖွဲ့၏ပြောခွင့်ရှိသူ မုရှိရ် အလ်မတ်စ်ရီက သူ၏ဖေ့စ်ဘွတ်စာမျက်နှာပေါ် ရေးသားခဲ့ကြောင်း နျူးယော့ခ်တိုင်းမ်မှ တင်ပြသည်။
ဂျေရုဆလင်အနောက်ပိုင်း(အလ်ကုဒ်စ်)၏ ရှေးရိုးစွဲအယူသည်းရပ်ဝန်းတစ်ခု၌ အရုဏ်တက်ပြီးများမကြာမီ ထိုတိုက်ခိုက်မှု ဖြစ်ပွားခြင်းဖြစ်သည်။
ဝတ်ပြုအခင်းပေါ် လဲကျသေဆုံးနေသော ဂျူးအမျိုးသားတစ်ဦး၏ ပုံများကို အစ္စရေး စစ်တပ်ပြောရေးဆိုခွင့်ရှိသူမှ အင်တာနက်ပေါ်တင်ခဲ့သည်။
ဂျူးဘုရားကျောင်းတွင် အနည်းဆုံး လူတစ်ဒါဇင် ဒဏ်ရာရရှိခဲ့ကြောင်း အစ္စရေးလူနာတင ယာဉ်လုပ်ငန်းဒါရိုက်တာ Magen David Adom ၏ အဆိုအရ သိရသည်။
အခင်းဖြစ်ရာသို့ အစ္စရေးရဲတပ်ဖွဲ့ ချက်ခြင်းရောက်ရှိလာပြီး တိုက်ခိုက်သူတို့အား သုတ်သင်ခဲ့သည်။ ထိုသူတို့သည် အလ်ကုဒ်စ်မှ ပါလက်စတိုင်းများဖြစ်ကြောင်း အတည်ပြုခဲ့ကြသည်။
သံသယရှိ သူတို့နေထိုင်သည်ဟု ယုံကြည်ထားသော အလ်ကုဒ်စ်နှင့် ကပ်လျက် ပါလက်စတိုင်းရပ်ကွက် Jabel Mukaber သို့ အစ္စရေးလုံခြုံရေးတပ်ဖွဲ့များက အင်အားသုံးဝင်ရောက်စီးနင်းကာ ၎င်းတို့၏မိသားစုနေအိမ်များနှင့် သံလွင်ပင်တောင်ကုန်းများအတွင်းသို့ မျက်ရည်ယိုဗုံးများ ပစ်ခဲ့ကြသည်။
ဒေသခံတစ်ဦးက တိုက်ခိုက်သူများမှာ သူမ၏မောင်နှမ၀မ်းကွဲတော်စပ်သည့် အုစိုင်းဒ် နှင့် ဃတ်စာန်း အဘူဂျမားလ် ဖြစ်ကြောင်း အတည်ပြုပြောကြားသည်။
ဃတ်စာန်း(၃၀ နှစ်)ထံ ကလေးနှစ်ဦးရှိပြီး အုစိုင်းဒ်(၂၀ နှစ်)မှာ အိမ်ထောင်မရှိသူဖြစ်ကြောင်း သူမက ဆိုသည်။
ပြီးခဲ့သော တနင်္ဂနွေနေ့က ဘတ်စ်ကားလမ်းကြောင်းထိပ်တွင် သတ်ဖြတ် ချိတ်ဆွဲခံထားရသော ပါလက်စတိုင်း ဘတ်စ်ကားဒရိုင်ဗာ Youssef al-Ramouni ၏ ရုပ်အလောင်းကို တွေ့ရပြီးနောက် တိုက်ခိုက်မှုဖြစ်ပွားခြင်းဖြစ်သည်။
Ramouni အား ဂျူးတိုက်ခိုက်ရေးသမားတို့မှ သတ်ဖြတ်သည်ဆိုသော ကောလဟလသတင်းမှာ မီဒီယာများ၌ လျင်မြန်စွာပျံ့နှံ့သွားရာ မြို့တော်အတွင်း တင်းမာမှု ကြီးမားသွားခဲ့သည်။
ကလဲ့စား
———-
အလ် အတ်ကဆွာဝတ်ကျောင်း အတွင်း အစ္စရေးတို့၏ ရမ်းကား ကျူးလွန်မှုကြောင့် ပါလက်စတိုင်းတို့၏ ဒေါသ အုံကြွလာမှုကို ကရုမစိုက်ပဲ အစ္စရေးဝန်ကြီးချုပ် ဘင်ဂျမင် နက်တန်ယာဟုက ယင်းတိုက်ခိုက်မှုနှင့် စပ်လျဉ်း၍ ဟားမားစ်နှင့် ပါလက်စတိုင်းသမ္မတ မဟ်မူးဒ် အဘ္ဘာ့စ်အား ပြစ်တင်ပြောကြားလိုက်သည်။
“ဒါဟာ ဟားမားစ်နဲ့ အဘူမေဇင်တို့ရဲ့ သွေးထိုးမှုကြောင့် ဖြစ်လာတဲ့ တိုက်ရိုက်ရလဒ်ပါပဲ။ နိုင်ငံတကာအသိုင်းအ၀ိုင်းက တာဝန်မဲ့စွာ လျစ်လျူရှုထားတယ်လို့ သူတို့ သွေးထိုးခဲ့ကြတယ်။ ၀တ်ပြုဖို့ လာရောက်တဲ့ ဂျူးတွေကို ဂါရ၀တရားမဲ့ လူသတ်ကောင်တွေက သတ်ဖြတ်ခဲ့ကြတယ်။ ဒီလိုကြမ်းကြုတ်ရက်စက်တဲ့ သတ်ဖြတ်ခြင်းအပေါ် ကျွန်တော်တို့ အပြင်းထန်ဆုံးတုန့်ပြန်သွားပါမယ်” ဟု ၎င်းမှဆိုကြောင်း NY Times မှ ဖော်ပြသည်။
အခြားတစ်ဖက်မှာမူ ပါလက်စတိုင်း သမ္မတ မဟ်မူးဒ် အဘ္ဘာ့စ်က အစ္စရေးဘုရားဝတ်ပြုကျောင်း တိုက်ခိုက်မှုအပေါ် ပြစ်တင်ရှုတ်ချခဲ့သည်။
“မိမိတို့ရဲ့ဘုရားကျောင်းထဲ ၀တ်ပြုနေတဲ့ ဂျူးတွေကိုတိုက်ခိုက်မှုအပေါ် ရှုတ်ချပါတယ်။ ဒီလိုလုပ်ဆောင်တဲ့ ဘယ်လိုလူမျိုးလူသတ်ကောင်ကိုမဆို ရှုတ်ချပါတယ်” ဟု အဘ္ဘာ့စ်၏ သမ္မတရုံးထုတ်ပြန်စာတွင် ဖော်ပြထားကြောင်း Jerusalem Post မှ ဖော်ပြသည်။
ယင်းထုတ်ပြန်ချက်တွင် အခြေချသူများ၏ နယ်စပ်ဖြတ်ကျော် လျှပ်တစ်ပြက်တိုက်ခိုက်မှုများနှင့် လှုံ့ဆော်နေမှုများ အဆုံးသတ်ကြရန် တိုက်တွန်းထားသည်။
သို့သော် ဟားမားစ်တာဝန်ရှိသူများက အစ္စရေးတို့၏သိမ်းပိုက်မှုကို ဆန့်ကျင်သည့် အော်ပရေးရှင်းများ ရှေ့ဆက်ကြရန် ပါလက်စတိုင်းသားတို့အား တွန်းအားပေးခဲ့သည်။
“မပြတ်စတမ်း ကလဲ့စားချေအော်ပရေးရှင်းတွေ ပြုလုပ်သွားဖို့ ဟားမားစ်က ဆော်သြပါတယ်။ အစ္စရေးတွေရဲ့ကျူးကျော်သိမ်းပိုက်ခြင်းက ဂျေရုဆလင်တင်းမာမှု အတွက် လုံးလုံးလျားလျား တာဝန်ရှိတယ်လို့ ၀န်ခံလာတဲ့ အထိပေါ့” ဟု ဟားမားစ်ပြောရေးဆိုခွင့်ရှိသူ Sami Abu Zuhri ၏ ပြောဆိုချက်ကို ရိုက်တာမှ တင်ပြထားသည်။
Glick ၏ ပစ်ခတ်မှုအပြီး အစ္စရေး အာဏာပိုင်များက အလ်အတ်က်ဆွာဝတ် ကျောင်းတော်နယ်မြေအား ပိတ်လိုက်ချိန် လွန်ခဲ့သော ရက်သတ္တပတ်လုံး အလ်ကုဒ်စ်မြို့တော်၌ တင်းမာမှု မြင့်တက်တိုးပွားနေခဲ့သည်။
ပြီးခဲ့သောသီတင်းပတ်က အရှေ့ဂျေရုဆလင်နေအိမ် အတွင်း ဂျူးဘုန်းတော်ကြီး တစ်ဦးအား စီးနင်း ၀င်ရောက် သတ်ဖြတ်ခဲ့သူဟု သံသယ၀င်ခံရသော ပါလက်စတိုင်း လူငယ်တစ်ဦးကို အစ္စရေးတပ်ဖွဲ့များမှ သတ်ဖြတ်လိုက်ပြီးနောက် လှုပ်ခတ်မှု ဂယက် ပိုမိုကြီးထွားလာတော့သည်။
လတ်တလောရက်များအတွင်း ဗလီဝတ်ကျောင်းပရ၀ုဏ်ထဲသို့ အစ္စရေးအမတ်များ ၀င်ရောက်ကာ မွတ်စ်လင်မ်ဝတ်ပြုသူတို့အပေါ် ဒေါသအမျက် ပြသခဲ့သလို အာရဗ်နှင့်မွတ်စ်လင်မ်နိုင်ငံမျာုးကိုလည်း ပြစ်တင်မှုများ ပြုလုပ်ခဲ့သည်။
ထို့အပြင် ၀င်ရောက် အခြေချသူ ဂျူးအုပ်စုများက ထိုနေရာသို့ အတင်း ၀င်ရောက်လာကြသဖြင့် မွတ်စ်လင်မ် ၀တ်ပြုသူနှင့်အစ္စရေး အင်အားစုအကြား ရုန်းရင်းဆန်ခတ် ဖြစ်ပွားရသည်။
ဗလီဝတ်ကျောင်းအား ကာကွယ်ရေးအတွက် ပါလက်စတိုင်း လူငယ်အချို့က မျက်ရည်ယိုဗုံးနှင့် လက်နက်ငယ်များ အသုံးပြု ရဲတပ်ဖွဲ့ဝင်တို့ကို ခဲများဖြင့် ပစ်ပေါက်တုန့်ပြန်ကာ အစွန်းရောက်ဂျူးတို့နှင့် ရင်ဆိုင်ခဲ့ကြသည်။
Ref : OnIslam
