ဒီဇင်ဘာ ၂၄၊ ၂၀၁၈
M-Media
– အင်ဒိုနီးရှားမှာ စနေနေ့ညပိုင်းက ဖြစ်ပွားခဲ့တဲ့ ဆူနာမီကြောင့် သေဆုံးသူ အရေအတွက် ၂၈၀ ကျော်လာခဲ့ပြီး နောက်ထပ် ဖြစ်ပွားနိုင်ခြေ ရှိတယ်လို့လည်း ပညာရှင်တွေက သတိပေးထားပါတယ်။
ဆွန်ဒါ ရေလက်ကြားက Anak Krakatoa မီးတောင် လှုပ်ခတ်မှုကြောင့် ပင်လယ်အောက်မှာ မြေပြိုရာကနေ ဂျာဗားနဲ့ ဆူမားတြားကျွန်း အစွန်ပိုင်းတွေမှာ ဆူနာမီရေလှိုင်းတွေ ၀င်ရောက်လာတာဖြစ်ပြီး ပြည်နယ် ၂ ခုမှာရှိတဲ့ မြို့တွေ အကြီးအကျယ် ထိခိုက်ပျက်ဆီးခဲ့ပါတယ်။
အင်ဒိုနီးရှား သဘာဝဘေးအန္တရာယ် ကာကွယ်ရေးအေဂျင်စီက သေဆုံးသူအရေအတွက်ဟာ စုစုပေါင်း ၂၈၁ ဦး ရှိလာပြီလို့ ဒီနေ့မနက်ပိုင်းမှာ ထုတ်ပြန်ခဲ့ပြီး ပျောက်ဆုံးသူက ၅၀ လောက် ရှိနေပါတယ်။ ဆူနာမီကြောင့် အိမ်တွေ၊ အဆောက်အဦးတွေလည်း အကြီးအကျယ်ပျက်ဆီးခဲ့ကာ လူတစ်ထောင်ကျော်လောက် ဒဏ်ရာရရှိခဲ့ပါတယ်။
အေဂျင်စီရဲ့ ပြောရေးဆိုခွင့်ရှိသူ ဆူတိုပို ပူရ်ဝို နူဂရိုဟိုက သေဆုံးသူအရေအတွက်နဲ့ ပျက်ဆီးဆုံးရှုံးမှု ပမာဏဟာ မြင့်တက်လာနိုင်တယ်လို့ ပြောကြားခဲ့ပါတယ်။
ဒီရေစောင့်ကြည့်ရေးစနစ် အလုပ်မလုပ်
နူဂရိုဟို အင်ဒိုနီးရှားရဲ့ ဆူနာမီဒီရေ ကြိုတင်သတိပေးတဲ့စနစ်ဟာ ၂၀၁၂ ခုနှစ်နောက်ပိုင်းကတည်းက အသုံးပြုလို့မရတော့ဘဲ ဖျက်ဆီးခံရတာ၊ ရန်ပုံငွေနည်းတာနဲ့ နည်းပညာဆိုင်ရာ ပြဿနာတွေကြောင့် ဖြစ်တယ်လို့ ပြောကြားခဲ့ပါတယ်။
“ဒီစနစ်မရှိတာကြောင့် ဆူနာမီကို ကြိုတင်မသိရှိနိုင်တာ ဖြစ်ပါတယ်”
ဒါ့အပြင် ပင်လယ်အောက်မှာ မြေပြိုမှု၊ မီးတောင်လှုပ်မှုတွေကို ကြိုတင်သိရှိ အသိပေးနိုင်မယ့် စနစ်မျိုးလည်း အင်ဒိုနီးရှားမှာ မရှိသေးဘူးလို့လည်း သူက ဆိုပါတယ်။
Ref: CNA
