ဒီဇင်ဘာ ၁၅၊ ၂၀၁၈
M-Media
– BBC က ရွေးချယ်တဲ့ တစ်နှစ်တာ အာဖရိက အကောင်းဆုံး ဘောလုံးသမားဆုကို လီဗာပူးလ်အသင်းရဲ့ အီဂျစ်လက်ရွေးစင် တိုက်စစ်မှူး မိုဟာမက် ဆာလာဟ်က ရရှိခဲ့ပါတယ်။
အသက် ၂၆ နှစ်အရွယ် ဆာလာဟ်ဟာ မဒ်ဟီ ဘီနာတီယာ၊ ကာလီဒူ ကူလီဘလီ၊ ဆာဒီယိုမာနေးနဲ့ သောမတ်စ် ပါတေးတို့ကို ကျော်ဖြတ် ရရှိခဲ့တာဖြစ်ပြီး၊ ၂ နှစ်ဆက်တိုက် ဆွတ်ခူးခဲ့တာလည်း ဖြစ်ပါတယ်။
“ဒီနှစ်မှာ ထပ်ရတဲ့အတွက် တော်တော်လေး ပျော်ရွှင်မိပါတယ်။ နောက်နှစ်လည်း ဒီလိုပဲ ဆက်ရချင်ပါတယ်” လို့ ဆာလာဟ်က ပြောကြားခဲ့ပါတယ်။
ဆာလာဟ်ဟာ ပြီးခဲ့တဲ့ ဘောလုံးရာသီမှာ ချန်ပီယံလိဂ်ဖိုင်နယ်ကို ရောက်ရှိခဲ့တဲ့ လီဗာပူးလ်အသင်းအတွက် ပြိုင်ပွဲပေါင်းစုံ ၄၄ ဂိုး သွင်းပေးခဲ့သလို၊ ၂၀၁၈ ခုနှစ်
ကမ္ဘာဖလားမှာလည်း အီဂျစ်အသင်းအတွက် ၂ ဂိုး သွင်းပေးခဲ့ပါတယ်။
“၂၀၁၈ ခုနှစ်မှ အချိန်ကောင်းတွေ တော်တော်များများ ရရှိခဲ့ပါတယ်။ ချန်ပီယံလိဂ် ဆီမီးဖိုင်နယ် ရိုးမားနဲ့ ပထမအကျော့ပွဲဟာ မယုံနိုင်စရာပါပဲ။ ကျွန်တော် ဂိုးတွေသွင်းပြီး အမှတ်ပေးဇယားမှာ ထိပ်ဆုံးနားရောက်အောင် အသင်းကို ကူညီပေးနိုင်ခဲ့တယ်။ တော်တော်လေးကို ပျော်ရွှင်စရာ ကောင်းပါတယ်” လို့ ဆာလာဟ်က ပြောပါတယ်။
၂၀၁၉ ခုနှစ်မှာတော့ အသင်းနဲ့အတူ ဆုတံဆိပ်တစ်ခုခုရချင်ပြီး အားလုံး စိတ်အားထက်သန်နေကြတယ်လို့လည်း ဆိုပါတယ်။ အခုနှစ် ဘီဘီစီရဲ့ အာဖရိကအကောင်းဆုံး ဘောလုံးသမားဆု ရွေးချယ်မှုမှာ မဲပေးသူ ၆ သိန်း ၅ သောင်းလောက် ရရှိခဲ့ပြီး ဒီဆုအတွက် စံချိန်တင်အရေအတွက်လည်း ဖြစ်ပါတယ်။
နိုက်ဂျီရီးယားကစားသမား ဂျေဂျေအိုကိုချာနောက်ပိုင်း ဆာလာဟ်ဟာ ဒီဆုကို ၂ ကြိမ်ဆက်ရတဲ့ ပထမဆုံး ကစားသမားလည်း ဖြစ်ပါတယ်။
Ref: BBC
