ဒီဇင်ဘာ ၁၃၊ ၂၀၁၈
M-Media
– အိမ်သာဆောက်ပေးမယ်လို့ ကတိပေးပြီး အမှန်တကယ် မဆောက်ပေးတဲ့ ဖခင်ကို အသက် ၇ နှစ်အရွယ် သမီးဖြစ်သူက လိမ်လဲမှုနဲ့ ရဲစခန်းတိုင်ကြားမှုတစ်ခု အိန္ဒိယနိုင်ငံတောင်ပိုင်း တမီလ်နာဒူးပြည်နယ်မှာ ဖြစ်ပွားခဲ့ပါတယ်။
အိန္ဒိယနိုင်ငံမှာ အိမ်သာမသုံးရသူ တော်တော်များများ ရှိနေပြီး ပြည်သူ သန်း ၅၀၀ နီးပါးက ဟင်းလင်းပြင်မှာ အပေါ့အလေး စွန့်နေရတယ်လို့ ယူနီဆက်ဖ်က ထုတ်ပြန်တဲ့ အချက်အလက်မှာ ဖော်ပြထားပါတယ်။ အိမ်သာတွေ ဆောက်လုပ်ပေးပေမယ့် အသုံးမပြုတာတွေလည်း ရှိနေပါတယ်။
တမီလ်နာဒူးပြည်နယ် အမ်ဘူရ်မြို့မှာနေထိုင်တဲ့ အသက် ၇ နှစ်အရွယ် သမီးငယ် ဟာနီဖာက အိမ်နီးချင်းတွေမှာ အိမ်သာတွေ ရှိနေတဲ့အတွက် ဖခင်ဖြစ်သူကို အိမ်သာဆောက်ပေဖို့ ကတိတောင်းခဲ့တာ ဖြစ်ပါတယ်။
“အိမ်အပြင်ထွက်ပြီး အပေါ့အလေးစွန့်ရမှာ သမီးရှက်တယ်။ လူတွေက သမီးကို ကြည့်သွားတာမျိုးကို မကြိုက်ဘူး” လို့ ဟာနီဖာက ပြောကြားခဲ့ပြီး လဟာပြင်မှာ အပေါ့အလေးစွန့်ခြင်းရဲ့ ဆိုးကျိုးကို ကျောင်းမှာ သင်ကြားရတာဟာ ဖခင်ကို အိမ်သာဆောက်ပေးဖို့ ပူဆာမှု နောက်ကွယ်က အကြောင်းအရင်း ဖြစ်ပါတယ်။
အတန်းထဲမှာ အဆင့် ၁ ရရင် အိမ်သာဆောက်ပေးမယ်လို့ ဖခင်ဖြစ်သူက ကတိပေးခဲ့ပေမယ့် အဲဒီကတိကို မတည်ဘူးလို့ ဟာနီဖာက ဆိုပါတယ်။
“ငယ်ငယ်လေးကတည်းက သမီး အတန်းထဲမှာ အမြဲ ပထမရတယ်။ အခုဆိုရင် ၂ တန်းတောင်ရောက်နေပြီး။ အဖေက ဆောက်ပေးမယ်လို့ပဲ ပြောနေတုန်း။ ဒါဟာ လိမ်လည်မှုတစ်မျိုးပါ။ ဒါ့ကြောင့် အဖေ့ကို ဖမ်းပေးပါ” လို့ ရဲတပ်ဖွဲ့ထံ တိုင်ကြားစာမှာ ရေးသားခဲ့ပါတယ်။
ဖမ်းမပေးနိုင်ဘူးဆိုရင် ဘယ်အချိန်မှာ အိမ်သာဆောက်ပေးမလဲဆိုတဲ့ စာချုပ်ရေးပြီး လက်မှတ်ထိုးခိုင်းဖို့လည်း ဟာနီဖာက တောင်းဆိုခဲ့ပါတယ်။
ဖခင်ဖြစ်သူ အာဆာနွလ္လာဟ်က လက်ရှိမှာ အလုပ်မရှိဘဲ ၀င်ငွေမရှိတဲ့အတွက် အိမ်သာမဆောက်ပေးနိုင်တာ ဖြစ်တယ်လို့ ပြောကြားခဲ့ပါတယ်။
“အချိန်ထပ်ပေးဖို့ သမီးကို ကျွန်တော် ပြောတယ်။ ဒါပေမယ့် ကတိဖျက်တယ်ဆိုပြီး သူက ကျွန်တော့်ကို စကားမပြောတော့ဘူး”
ဟာနီဖာက ဖခင်ဖြစ်သူဟာ သူ့ကို ကတိပေးပြီး အကြောင်းအမျိုးမျိုးပြ ကတိဖျက်တာ များနေတဲ့အတွက် ရဲတိုင်ရတာဖြစ်တယ်လို့ ထည့်သွင်းပြောဆိုခဲ့ပါတယ်။
Ref: BBC
