စာရေးဆရာ မောင်လွမ်းယဉ် နှင့် တွေ့ဆုံ မေးမြန်းခြင်း

မတ်၊ ၁၃ ၊ ၂၀၁၃
M-Media
( တွေ့ဆုံမေးမြန်းသူ )  ပသီ ဆောင်းနှင်းမှုံ

M-Media – ဆရာပထမဆုံး စာပေလောကထဲ ၀င်ရောက်လာပုံအကြောင်း ပြောပြပေးပါရှင်။
(မောင်လွမ်းယဉ်) –    ကျွန်တော် လေးတန်းကျောင်းသားအရွယ်ကတည်းက စပြီး စာပေ၀ါသနာ ထုံခဲ့ပါတယ်။ အဲ့ဒီိကနေ ၁၉၆၂ခုနှစ်ထုတ်၊ ၁၅ ပြားတန် ပုလဲစာစောင်မှာ “ သဇင် သို့မဟုတ် အရိုင်း ” ၀တ္တုတိုနဲ့  စာပေလောကထဲ စတင် ရောက်လာခဲ့တာပါ။

M-Media –ဆရာရဲ့ပထမဆုံး လုံးချင်းစာအုပ် တစ်အုပ်ထဲနဲ့ ဆရာ့ကို စာပေလောကမှာ လူသိများပြီး အောင်မြင်လာခဲ့တယ်လို့ သိရပါတယ်။ ဆရာ့အနေနဲ့ အဲ့ဒီ စာအုပ်အကြောင်းလေး ပြောပြပေးနိုင်ပါသလားရှင်။
ဖြေ –    ဆရာရဲ့ ပထမဆုံး လုံးချင်းဝတ္ထုက “ အသဲပျော်သခင်မလေး ” စာအုပ်ပါ။ အဲ့ဒီစာအုပ်ကို ၁၉၆၅ခုနှစ၊ သြဂုတ်လမှာ နှင်းဝေေ၀ စာအုပ်တိုက်က ဖြန့်ချိခဲ့ပါတယ်။ အဲ့ဒီအချိန်တုန်းက အုပ်ရေ ၂၀၀၀ ပုံနှိပ်ခဲ့ရပါတယ်။ လူငယ်တွေအနေနဲ့ လမ်းမှားမရောက်သွားဖို့ ၊အဆိပ်အတောက် မဖြစ်ဖို့ ဆိုတဲ့ ရည်ရွယ်ချက်လေးနဲ့ အဲ့ဒီ ပညာပေးအချစ်ဝတ္ထု စာအုပ်ကို ရေးသားခဲ့တာပါ။ ထို့နည်းတူ  “ ကပြားမလေး ညိုပြာညက် ” ဆိုတဲ့စာအုပ်ကလည်း စာဖတ်သူတွေ အကြိုက်တွေ့ခဲ့ပါသေးတယ်။

M-Media – ဆရာက ပထမဆုံးလုံးချည်းစာအုပ်နဲ့ တာထွက်  အရမ်းကောင်းခဲ့တော့  ၀တ္ထုတွေဆက်လက်ရေးသားဖို့ တကယ်ပဲ အင်အားတွေ ရခဲ့မယ်လို့ထင်မိပါတယ်။ အဲ့ဒီစာအုပ်ထွက်ပြီးတဲ့နောက် ဆရာဆက်လက်ရေးသားခဲ့တဲ့ လုံးချင်းစာအုပ်အကြာင်းလေးတွေကိုလည်း ပြောပြပေးပါရှင်။
ဖြေ –    ဒုတိယ စာအုပ်အဖြစ် “ ရှိုက်သံသက်သေ နှင့် မျက်ရည်အယူခံ ” ၀တ္ထုကို ရေးသားခဲ့တယ်။ နောက် ဆရာတို့ခေတ်တုန်းက တေးသံရှင်တွေရဲ့အကြောင်းကို “ တေးအလှ နှင့် သူတို့ခရီး ” ဆိုပြီး ပထမတွဲ ဒုတိယတွဲ ဆက်တိုက်ရေးသားခဲ့ပါတယ်။

M-Media -ပုံနှိပ်ဖော်ပြပြီးတဲ့ ဆရာ့ ၀တ္ထုတို၊ ကဗျာ၊ လုံးချင်းဝတ္တုရှည်စာအုပ်တွေ ဘယ်လောက်ရှိပါသလဲရှင်။
ဖြေ –    လုံးချင်း စာအုပ်က (၁၁) အုပ်၊ ဆောင်းပါး (၂) အုပ်၊ ကဗျာ နဲ့ ၀တ္ထုတိုပေါင်း (၇၀) ကျော်ရေးသားခဲ့ပြီးပါပြီ။

M-Media -ဆရာက ၀တ္ထုတိုတွေရော၊ လုံးချင်းဝတ္ထုစာအုပ်တွေပါ အများကြီးရေးခဲ့တာဆိုတော့ ဆရာရဲ့ လက်ဦးဆရာတွေ ရှိရင် ပြောပြပေးစေချင်ပါတယ်ရှင့်။
ဖြေ –     ကျွန်တော့်ရဲ့ လက်ဦးဆရာများကတော့ စာရေးဆရာ အောင်လင်း၊ မြင့်ကျော်၊ မြင့်နီ၊ ကရမက်၊ အောင်ကျော်ကျော် နဲ့ ဆရာမောင်ကြည်ဆွေ တို့ဖြစ်ကြပါတယ်။

M-Media -ဆရာ့ရဲ့ ကလောင်ခွဲ အမည်တွေကို ဖော်ပြပေးပါဦးရှင်။
ဖြေ – ဇင်ယော်(မြေနီကုန်း) ၊ ကျော်ဇင်လတ်(မြေနီကုန်း) ၊ ခင်ပပ၀င်း(မြေနီကုန်း) ၊ စန်းစန်းစော(မြေနီကုန်း) တို့ဖြစ်ပါတယ်။

M-Media -ပုံနှိပ် မထုတ်ဝေရသေးတဲ့ ရေးပြီးသား စာမူတွေရှိရင်လည်း ဆရာ့ရဲ့စာဖတ်ပရိသတ် အတွက် အသိပေးစေချင်ပါတယ်။
ဖြေ – “ နိဗ္ဗာန်ဘုံမှာခိုမလား အ၀ီစိငရဲအောင်းမလား ” ၊ “ မေသူလွင် ” ၊ “ လှောင်အိမ် ” စတဲ့လုံးချင်းစာအုပ်တွေ  ကျွန်တော် ရေးသားပြီးပါပြီ။ စာအုပ်အဖြစ် စာဖတ်သူတွေ ဆီရောက်အောင် ကြိုးစားနေပါတယ်။ ကျွန်တော့်ရဲ့စာအုပ်တွေကို အားပေးဖတ်ရှုပေးကြတဲ့ စာဖတ်ပရိသတ်တွေကိုလည်း လှိုက်လှိုက်လှဲလှဲ ကျေးဇူးတင်ရှိကြောင်း ပြောကြားပါရစေခင်ဗျား။

M-Media –  ဆရာ့အနေနဲ့ စုံထောက်စာပေတွေ ဘာကြောင့်ဖန်တီးရေးသားဖြစ်ခဲ့သလဲဆိုတာ ပြောပြပေးနိုင်ပါသလား။
ဖြေ -ရာဇ၀တ်မှုတွေကို စုံစမ်းထောက်လှမ်းတဲ့အခါမှာ  ပြဿနာတစ်ခုကို ဘယ်လိုကိုင်တွယ်ဖြေရှင်းရသလဲဆိုတာ စာဖတ်သူတွေကို  ပညာဗဟု သုတတွေ ဝေမျှပေးချင်လို့ ရေးသားခြင်း ဖြစ်ပါတယ်။

M-Media -ဆရာ့လို ရေးအားကောင်းပြီး အောင်မြင်တဲ့ စာရေးဆရာအဖြစ် ရေရှည်ရပ်တည်သွားနိုင်ဖို့ဝါသနာရှင် မျိုးဆက်သစ် လူငယ်တွေအတွက် အားပေးစကား လက်ဆောင်လေး ချီးမြှင့်ပေးပါရှင်။
ဖြေ – ဆရာရေးသားတဲ့ စာတွေရဲ့အကျိုးဆက်ကြောင့် နိုင်ငံအတွက် ကောင်းတဲ့ဖက်က အုတ်တစ်ချပ် သဲတစ်ပွင့်အနေနဲ့ အကျိုးပြုနိုင်ဖို့၊ လမ်းမှားကို ရောက်မှန်း မသိရောက်နေတဲ့သူတွေ လမ်းမှန်ပေါ်ပြန်ရောက်လာဖို့၊ အတုယူ မမှားစေဖို့ဆိုတဲ့ စေတနာကို အရင်းခံပြီး ဆရာ့စာပေတွေကို ဖန်တီးရေးသားခဲ့ပါတယ်။ စေတနာကိုအရင်းခံပြီး ဇွဲ၊ လုံ့လ၊ ၀ီရိယ အပြည့်နဲ့ စာကောင်းပေမွန်တွေ ထွက်လာနိုင်အောင် မလျှော့စတမ်း ကြိုးစားကြပါ၊ စာများများဖတ်ပြီး များများအရေးကျင့်ကြပါ၊ အနာဂတ်မှာ ထူးချွန်ထက်မြက်တဲ့ – ရေးအားကောင်းတဲ့ လူငယ် စာရေးဆရာ၊ စာရေးဆရာမတွေ များများ ပေါ်ထွက်လာပါစေလို့လည်း ဆန္ဒပြုဆုမွန်တောင်းလိုက်ပါတယ်။

“  ကိုယ်ရေးအကျဉ်း   ”

– စာရေးဆရာ မောင်လွမ်းယဉ်ကို အစ္စလာမ်ဘာသာဝင် မိဘများဖြစ်သော အဖဦးဂနီ၊ အမိ ဒေါ်ကြည် တို့မှ ( ၄.၇.၁၉၄၄ ) ခုနှစ်တွင်     မင်္ဂလာဒုံတပ်မြို့နယ်၊  ခလောက်ကွန်တိုင်ကျေးရွာ၊ ရန်ကုန်မြို့၌ မွေးဖွားခဲ့သည်။
– ငယ်စဉ်က မြူနီစပယ်ကျောင်း ၊ စမ်းချောင်းမြို့နယ် (ယခင် – ကမာရွတ်မြို့ နယ်) ၊ ဗဟန်းအစိုးရအထက်တန်းကျောင်း၊   မင်္ဂလာဒုံတပ်မတော်   အစိုးရအထက်တန်းကျောင်း တို့တွင် တက္ကသိုလ်ဝင်တန်းထိ ပညာသင်ကြားခဲ့သည်။
– အမည်ရင်းမှာ ဦးကျော် ဖြစ်သည်။
– ငယ်စဉ်ကျောင်းသားဘ၀ကတည်းက စာဖတ်ဝါသနာ ထုံခဲ့သည်။
– သူ၏ဖခင်မှာ အစိုးရ၀န်ထမ်း ဆင့်စာလုလင် တစ်ဦးဖြစ်သည်။
– ၁၉၆၂ ခုနှစ်တွင် ၁၅ပြားတန် ပုလဲစာစောင်၌ “ သဇင် သို့မဟုတ် အရိုင်း ” ၀တ္ထုတိုဖြင့် စာပေလောကထဲသို့ စတင်ဝင်ရောက်ခဲ့သည်။
– ၀တ္ထုတို နှင့် ကဗျာများ ပုဒ်ရေ ၇၀ ကျော်၊ လုံးချင်းဝတ္တု (၁၁) အုပ်၊ ဆောင်းပါး (၂) အုပ် ရေးသားထုတ်ဝေခဲ့သည်။
– စမ်းချောင်းမြို့နယ် စာပေနှင့်စာနယ်ဇင်း အဖွဲ့နယ်မြေ တာဝန်ယူခဲ့သည်။
– ၂၀၁၀ ခုနှစ် စမ်းချောင်းမြို့နယ် စာပေနှင့်စာနယ်ဇင်းအဖွဲ့၏ ဒု/ဥက္ကဌ တာဝန်ယူခဲ့သည်။
– စမ်းချောင်းမြို့နယ် စာရေးဆရာအသင်း၏ အဖွဲ့ဝင်တစ်ဦး ဖြစ်သည်။
– အသက် ၆၉ နှစ် အရွယ်ရှိပြီဖြစ်သော စာရေးဆရာ မောင်လွမ်းယဉ်သည် ဇင်ယော်(မြေနီကုန်း) ၊ ကျော်ဇင်လတ် (မြေနီကုန်း) ၊   ခင်ပပ၀င်း   (မြေနီကုန်း) ၊ စန်းစန်းစော (မြေနီကုန်း) စသည့် ကလောင်အမည်ခွဲ အမျိုးမျိုးတို့ဖြင့် အချစ် ၊ စုံထောက် နှင့် အကျိုးပြုစာပေများစွာတို့ကို   ရေးသားနေဆဲဖြစ်သည်။
– အမှတ်၂၃ ၊ ရှမ်းကုန်းလမ်း ၊ စမ်းချောင်းမြို့နယ် ၊ ရန်ကုန်မြို့တွင် သားသမီး ၊ မြေး(၃)ယောက်တို့ဖြင့် ကျန်းမာပျော်ရွှင်စွာ       နေထိုင်လျက်ရှိသည်။

ဆရာ မောင်လွမ်းယဉ် မှ ရေးသားထုတ်ဝေခဲ့ပြီးသော စာအုပ်များမှာ –

(၁)  အသဲပျော်သခင်မလေး – ၁၉၆၉ ခုနှစ်၊ သြဂုတ်လ (နှင်းဝေေ၀ စာပေ)
(၂)  ရှိုက်သံသက်သေ နှင့် မျက်ရည်အယူခံ – ၁၉၇၁ ခုနှစ်၊ အောက်တိုဘာလ (သစ်တစ်ပင် စာပေ)
(၃)  တေးအလှ နှင့် သူတို့ခရီး (ပထမတွဲ) – ၁၉၆၈ ခုနှစ်၊ စက်တင်ဘာလ [တေးသံရှင်များအကြောင်း] (ပြည်သူ့ရောင်ခြည် စာပေ)
(၄)  တေးအလှ နှင့် သူတို့ခရီး (ဒုတိယတွဲ) – ၁၉၇၂ ခုနှစ်၊ အောက်တိုဘာလ[တေးသံရှင်များအကြောင်း] (ဥက္ကလာ စာပေ)
(၅)  ရမ္မက်ပြင်းပြင်း ယမင်းလှလှ – ၁၉၇၄ ခုနှစ်၊ စက်တင်ဘာလ (စိန်ရတနာ စာပေ)
(၆)  ကြိုးချင်းမငြိ ကျော့ကွင်းမိ – ၁၉၇၄ ခုနှစ်၊ နိုဝင်ဘာလ (စိန်ရတနာ စာပေ)
(၇)  အနက်ထဲကအဖြူ – ၁၉၇၅ ခုနှစ်၊ ဇန္န၀ါရီလ (စိန်ရတနာ စာပေ)
(၈)  ချစ်ရမ္မက်အငြိုး – ၁၉၇၅ ခုနှစ်၊ မေလ (မိုးဇော် စာပေ)
(၉)  ကပြားမလေး ညိုပြာညက် – ၁၉၇၅ ခုနှစ်၊ ဇွန်လ (မိုးဇော် စာပေ)
(၁၀)  အနီရောင်အသဲ နှင့် အနက်ရောင်အနမ်း – ၁၉၇၆ ခုနှစ်၊ စက်တင်ဘာလ (တမာရိပ် စာပေ)
(၁၁)  ၀င်္ကပါထဲက ခရုအိမ် – ၁၉၇၆ ခုနှစ်၊ အောက်တိုဘာလ (တမာရိပ် စာပေ)
(၁၂)  အကုသိုလ်ပွဲစား – ၁၉၇၆ ခုနှစ်၊ ဒီဇင်ဘာလ (အရုဏ်ဦး စာပေ)
(၁၃) နောက်ဆုံးလှေကားထစ် – ၁၉၇၇ ခုနှစ်၊ ဖေဖော်ဝါရီလ (မြင့် စာပေ)

အသင့်ရေးပြီး လက်ဝယ်ရှိလုံးချင်းများမှာ –

(၁) နိဗ္ဗာန်ဘုံမှာခိုမလား အ၀ီစိငရဲအောင်းမလား
(၂) မေသူလွင်
(၃) လှောင်အိမ် တို့ဖြစ်ပါသည်။