ဘာသာရေး၊ လူမျိုးရေး နှိပ်ကွက်မှုများ ဆွေးနွေးမည့် CHRO (ချင်း)အဖွဲ့၏ ပြည်ပခရီးစဉ်

မတ်လ၊ ၁၈ ၊ ၂၀၁၃
M-Media

ယခုရက်သတ္တပတ်အတွင်း ချင်းအမျိုးသား လူ့အခွင့်အရေးအဖွဲ့ – The Chin Human Rights Organization (CHRO) သည် အမေရိကန်နိုင်ငံ ၀ါရှင်တန် ဒီစီမှ လွှတ်တော်အမတ်များ၊ ဥပဒေပြုအဖွဲ့ဝင်များ၊  အရာရှိများနှင့် ရက်ရှည်ဆွေးနွေးပွဲတစ်ရပ် ပြုလုပ်သွားမည်။

CHRO အဖွဲ့ဝင်များသည် မြန်မာနိုင်ငံ၌ ခရစ်ယာန်ဘာသာဝင် ချင်းလူမျိုးတို့လက်ရှိ ရင်ဆိုင်နေရသော ဘာသာရေးပြဿနာများကို အထောက်အထားများနှင့် တစ်ကွ တင်သွင်းဆွေးနွေးမည် ဖြစ်သည်။ မြန်မာနိုင်ငံအတွင်းရှိ ခရစ်ယာန်ဘာသာဝင် ချင်းတိုင်းရင်းသားတို့အပေါ် မတရား ဆက်ဆံခံရမှုများအကြောင်း မှတ်တမ်းတင်ထားသော “ ကျွန်ုပ်တို့ဌာနီမှ ခြိမ်းချောက်ခံရမှုများ ” အမည်ရှိ အစီရင်ခံစာ စာတမ်းဖြင့် အခြေပြုဆွေးနွေးကြမည်။

ထို့ပြင် ယင်းရက်သတ္တပတ်ကြာ အမေရိကန်ခရီးစဉ် အတွင်း နိုင်ငံတကာ ဘာသာရေးလွတ်လပ်ခွင့် ဌာနအဖွဲ့ဝင်များနှင့် လည်းကောင်း၊ အရပ်ဖက်ဆိုင်ရာ လူ့အဖွဲ့အစည်းများနှင့် လည်းကောင်း တွေ့ဆုံရန် ရှိသည်။

လွန်ခဲ့သောလက ပြည်သူ့လွှတ်တော်ဥက္ကဌ သူရဦးရွှေမန်း၊ မြန်မာအမျုိုးသား လူ့အခွင့်အရေးကော်မရှင် အဖွဲ့ဝင်များ နှင့် နေပြည်တော်နှင့် ရန်ကုန်မြို့ရှိ အခြား အာဏာပိုင်များထံ ချင်းပြည်နယ်အတွင်း လူ့အခွင့်အရေး ချိုးဖောက်မှု ဆက်လက်ဖြစ်ပေါ်နေကြောင်း CHRO ကိုယ်စားလှယ်အဖွဲ့မှ တင်ပြခဲ့ကြသည်။

CHRO မှ တင်ပြသည့်အစီရင်ခံစာတွင် မြန်မာနိုင်ငံ၏လက်ရှိ အစိုးရသစ်လက်ထက်၌ ခရစ်ယာန်တို့အထွဋ်အမြတ်ထားရာ လက်ဝါးကပ်တိုင် သင်္ကေတကြီး လေးခုထက်မနည်း ဖျက်ဆီးခံရခြင်း၊ ချာ့ခ်ျနှင့်ဘာသာရေး အဆောက်အဦများ ဆောက်လုပ်ခွင့်ကို ပိတ်ပင်ကန့်သတ်ခြင်း၊ ဒေသတွင်းရှိ ပညာသင်ကျောင်း တစ်ခုမှ ချင်းကလေး သူငယ်များအား ဗုဒ္ဓဘာသာဝင် အဖြစ် အလိုမတူ အဓမ္မသွတ်သွင်းကြခြင်း အကြောင်းအရာတို့ ပါဝင်သည်။

မြောက်အမေရိကသို့ထွက်ခွာမည့်ခရီးစဉ်နောက်ဆုံးအဆင့်တွင် CHRO အသင်းသည် အဖွဲ့ပေါင်းစုံမှ MP များနှင့်လည်းကောင်း၊ ရှေ့လာမည့် အပတ်တွင် ကနေဒါရှိ The Canadian International Development Agency မှ ကိုယ်စားလှယ်များနှင့်လည်းကောင်း တွေ့ဆုံရန် စီစဉ်ထားသည်။

ကိုယ်စားလှယ်အဖွဲ့သည် အမေရိကန်အခြေစိုက် ချင်းအမျိုးသား ချာ့ခ်ျများ၊ ချင်းလူမျိုးလူ့အသိုင်းအ၀ိုင်းများကိုတွေ့ဆုံ၍ မြန်မာနိုင်ငံရှိ ဘာသာရေးဆိုင်ရာ လွတ်လပ်ခွင့် နှင့် တွေ့ရှိချက်အကြောင်းအရာများအား အသိပေးတင်ပြသွားမည်ဖြစ်သည်။

သို့သာမက ချင်းတိုင်းရင်းသားတို့အပေါ် ဘာသာရေး၊ လူမျိုးရေးအခြေခံ ရည်ရွယ်ချက်ရှိရှိခွဲခြားနှိမ့်ချဆက်ဆံမှုအကြောင်းကို မတ်လ ၁၉ ရက်တွင် ဘယ်လ်ဂျီယံနိုင်ငံ၊ ဘရပ်ဆဲလ်မြို့ရှိ လူ့အခွင့်အရေးဆိုင်ရာ ဥရောပပါလီမန်ဆပ်ကော်မတီထံသို့ ထွက်ဆိုတင်ပြသွားရန် CHRO မှ သီးသန့်ပြင်ဆင်ထားပါသည်။

Ref: http://www.chinlandguardian.com