မငိုပါနဲ့ တိတ်ပါတော့ သျှိသျှားရယ်

မတ်လ ၂၈ ၊၂၀၁၃

ရေးသူ- ကိုလေး

အဲ့ဒီကန်ကြီးကို
ကလိယုတ်သက္ကရာဇ် ၃ ခုနှစ်က
အာကာရဋ္ဌမင်းကြီးနဲ့နောက်ပါဗိုလ်ခြေလေးသိန်းကျော်က
စတင်ဖန်ဆင်းတည်ထောင်ခဲ့တယ်။
ကန်ပတ်လည်သျှိသျှားပင်တွေနဲ့
မြတ်စွာဘုရားရဲ့သားတော်
အရိယာဝိဇ္ဇာ၊ ရဟန္တာမထေရ်မြတ်ကြီးတွေ
သျှိသျှားသီးသုံးဆောင်ပြီး အဲ့ဒီကန်ကရေကိုသောက်ခဲ့လို့
သျှိသျှားကန်လို့ ခေါ်ခဲ့တယ်။

သျှီသျှားကန်ကြီးကို
မင်းပေါင်း ၁၇မင်း ခေတ်အဆက်ဆက် ပြုပြင်ဆည်ဖို့ခဲ့တယ်။
ကန်ပတ်လည် သမိုင်းဝင် စေတီ ၃၂ ဆူ၊
သိမ် ၉သိမ်၊ ဂူ ၉လုံး၊ ကုန်း ၉ကုန်း၊ အင်း ၉အင်း၊ အိုင် ၉အိုင်
ဝန်ဇင်းသမိုင်း၊ မထောင်းတာနတ်သမိုင်းနဲ့
၉ပါးမကတဲ့ အံ့ဖွယ်ရာများလည်းရှိသေးတယ်။
ရာဇာဘိသိက်၊ မုဒ္ဓါဘိသိက် ဘိသိက်ငါးပါးခံယူလိုတိုင်း
အဲ့ဒီသျှိသျှားကန်တော်ရေကို ဘိသိက်တော်ရေစင်အဖြစ် သုံးစွဲခဲ့ကြတယ်။
ကျုပ်မသိတာတွေလည်း ရှိဦးမယ်။

ကာဠာဝကကန်၊ သျှိသျှားကန်၊ မင်္ဂလာကန်၊ မေတ္တာကန်၊ ကန်တော်မင်္ဂလာ
နာမည်အမျိုးမျိုးနဲ့ကျော်ကြားခဲ့တဲ့ အဲ့ဒီကန်ကြီးကို
အနော်ရထာမင်းကြီးက
ပုပ္ပါးတောင်ခြေနဲ့ ထိခြင်း၊ စပ်ခြင်းရှိမရှိ
ကြည့်ခိုင်းတဲ့ မြင်းသည်တော်တင်လျှောက်တဲ့
မထိလာပါ ဆိုတဲ့စကားကိုကိုအစွဲပြုပြီး
မထိလာကန် လို့ ပြောင်းလဲသမုတ်တော်မူခဲ့ရာက
ကာလရွေ့လျားပြီး မိတ္ထီလာကန်တော် လို့ ဖြစ်လာသတဲ့။
ဟုတ်တယ် အဲ့ဒီကန်တော်ရှိနေရာတ၀ိုက်က မိတ္တီလာမြို့လို့ခေါ်တယ်။

အထက်တန်းကျောင်း၊ တက္ကသိုလ်
ပြည်သူ့ဆေးရုံ၊ စစ်တပ်
စစ်ဆေးရုံ၊ လေတပ်ပညာသင်ကျောင်း
စက်မှုဇုန်တွေရှိတယ်။

ဆက်သွယ်ရေး၊ စီးပွားရေးအချက်အချာကျလို့
နယ်ပေါင်းစုံက၀င်ထွက်သွားလာနေတဲ့
မတစ်ထောင်သားတွေကို
နှစ်ပေါင်းများစွာ ခေတ်ပေါင်းများစွာ
လက်ခံဆက်ဆံလာတဲ့ မိတ္ထီလာသားတွေ
ဆက်ဆံရေးမညံ့ဖျင်းဘူး။
လူရိပ်လူကဲမခတ်တတ်လောက်အောင် မတုံးကြဘူး။

မိတ္ထီလာသားဆိုရင် ကန်ရေသောက်မြက်ခြောက်စားလို့
နင့်နင့်သီးသီး ကျီစယ်တာတောင်
အမူအယာမပျက်၊ စေတနာမပျက်၊ အခင်မင်မပျက်
အိမ်ပေါ်တင်ထမင်းကျွေးမပျက်ဘဲ
လည်ပင်းဖက်ပေါင်းခဲ့ကြသူတွေပါ။

လူဖြစ်စကတည်းက
ခင်ဗျားနာမည် နားမှာ ရင်းနှီးခဲ့တယ်။
ကျနော်တို့ကမသိသေးဘူး
ခင်ဗျားက သိနေခဲ့တယ်။
ကျနော်တို့မလာခင်ထဲက ခင်ဗျားကကြိုနေခဲ့တယ်။
ခင်ဗျားနာမည်ကို ချိုမြိန်သာယာတဲ့အသံလေးနဲ့ မိတ်ဆက်ပေးသူတွေက
ဘုရားနဲ့တဂိုဏ်းထဲထား ၉လလွယ် ၁၀လွယ်ဖွား
မာတာမိခင်ကျေးဇူးရှင်တွေပါ
အသက်နဲ့ရင်းပြီးချစ်တဲ့ သူ့သားသမီးလေးတွေရဲ့ငိုသံကိုမခံနိုင်ရှာလွန်းလို့

(စိတ်မကြည်သာ ငိုကြွေးသံတော်ပျောက်မည်ပ မိထ္ထီလာ အိုလေး ကန်တော်အောက်ဆီက ဖားကောက်လို့ မြန်မြန်လာ ဟေ့) ဆိုပြီး သံချိုအေးအေးလေးနဲ့ ငိုသံတွေတိတ်
မျက်လုံးကိုပိတ် နှစ်နှစ်ခြိုက်ခြိုက်အိပ်စေခဲ့တယ်လေ။
အမေ့ဝမ်းကကျွတ်လို့
မိတ္ထီလာဆိုတာ ဘာမှန်းမသိခင်ကတည်းက
ခင်ဗျားက ကျုပ်တို့ဆီအရောက်
လာရောက်နှုတ်ဆက်ခဲ့တာလေ။

မိတ္ထီလာရေ အို……. မိတ္ထီလာ
မိခင်တွေရဲ့သံချိုအေးနဲ့ မေတ္တာတရားတွေထုံလွှမ်းနေတဲ့
ခင်ဗျားနာမည်ဟာ လာခြင်းကောင်းတဲ့နာမည်ပါ။
ခင်ဗျားနာမည်ဟာ မျက်ရည်တွေကိုပဲ သုတ်ပေးခဲ့တာပါ။
ခင်ဗျားနာမည်မှာ ရာဇ၀င်၊ သမိုင်းတွေစီးဝင်နေတယ်
ခင်ဗျားနာမည်မှာ ယဉ်ကျေးမှုတွေစီးဝင်နေတယ်
ခင်ဗျားနာမည်မှာ မေတ္တာတရားတွေစီးဝင်နေတယ်
ခင်ဗျားနာမည်မှာ ချစ်ခြင်းတရားတွေသာစီးဝင်လို့
ခင်ဗျားကိုသိသိ မသိသိ
ခင်ဗျားရင်ခွင်ထဲကို ရောက်ရောက်မရောက်ရောက်
မွေးမိခင်ကိုသတိရမိသူတိုင်း
ခင်ဗျားနဲ့ တနည်းတဖုံတော့ ပါတ်သက်သွားတာပဲ မိတ္ထီလာ။
မွေးမိခင်လိုပဲ နွေးထွေးစေခဲ့တာပါ မိတ္ထီလာ။

မိတ္ထိလာရေ…… မိတ္ထီလာ
ခုတော့ ခင်ဗျားသိပ်ရှက်သွားပြီလား
ခုတော့ ခင်ဗျား ခေါင်းမဖော်ဝံ့တဲ့ဘ၀ရောက်သွားပြီလား
အယုတ်၊အလတ်၊အမြတ်မရွေး ပွေ့ဖက်ထားတဲ့
ခင်ဗျားရဲ့ရင်ခွင်ထဲက
မိတ္ထီလာမြို့သား အပြစ်မဲ့မွတ်စလင်တွေကို
ရက်ရက်စက်စက်သတ်တဲ့ပွဲ
မျက်စိနဲ့တပ်အပ်မြင်လိုက်ရတဲ့
မိတ္ထီလာမြို့သား၊ စစ်မှန်တဲ့ဗုဒ္ဓဘာသာဝင်
ကိုကျော်ကျော်ရဲ့ ယောကျာ်းကြီးတန်မဲ့
ငိုကြီးချက်မနဲ့ ရင်ဘတ်စည်တီးတဘုန်းဘုန်းထုပြီး
ဘာသာမတူတဲ့ မိတ္ထီလာမြို့သား
အပြစ်မဲ့မွတ်စလင်များကို သူ့မျက်စေ့အောက်တင်
ခွေးလိုဝက်လိုသတ်သွားတယ်လို့
ခင်ဗျားရဲ့ဝိဥာဉ်တွေပူးကပ်ပြီး
နာနာကျည်းကျည်းနဲ့
အမှန်တရားကိုရင်ဖွင့်သွားတာလား မိတ္ထီလာ။

၈လေးလုံး၊ တရုတ်အရေးအခင်းထက် အဆပေါင်းများစွာဆိုးရွား
လူလယ်ခေါင်မှာပိုးစိုးပက်စက်သတ်သွားကြလို့
ခင်ဗျားရဲ့ကန်တော်စောင့်နတ်ကောင်းနတ်မြတ်တွေ
ကြက်သေသေပြီး ကြည့်နေခဲ့တာလား မိတ္ထီလာ။

ဆုတောင်းသံတွေဆူညံနေသလောက်
ရှိသမျှဘုရားသခင်အပေါင်း
ငဲ့စောင်းမကြည့်နိုင်လောက်အောင် ခရီးလွန်နေလို့
ကန်တော်သမိုင်းအဆက်ဆက်ဆက်က
သူတော်စင်သူတော်ကောင်းတွေကိုတိုင်တည်ပြီး
ခင်ဗျားဝိဥာဉ်တွေဝင်စီး ငိုကြီးချက်မနဲ့
ရင်ဖွင့်ပြသွားတာလား မိတ္ထီလာ။

ခင်ဗျားရင်ခွင်ထဲက သားသမီးတွေရဲ့
အသက်တွေကို မကယ်လိုက်နိုင်လို့
ကြေကြေကွဲကွဲ ငိုညည်းနေပြီလား မိတ္ထီလာ။

အပြစ်မဲ့ အစ္စလာမ်ဘာသာရေးကျောင်းသားလေးတွေ
အပြစ်မဲ့ အစ္စလာမ်ဘာသာကိုးကွယ်သူတွေကို
လမ်းလည်ခေါင်မှာ အစုလိုက်အပြုံလိုက်သတ်
သေပြီးတာတောင် ပိုးစိုးပက်စက် မီးရှို့ခံလိုက်ရတာ
ခင်ဗျား ရင်နာနာနဲ့ တောက်ခတ်ပြီးကြည့်နေရတာလား မိတ္ထီလာ။

လင်သေ၊ သားသေ၊ မိဘသေ၊ ဘိုးဘွားတွေသေတဲ့
အပူသည်တွေရဲ့မျက်ရည်ကိုသုတ်မပေးနိုင်လို့
သုသာန်တစပြင်လို့ဖြစ်သွားတဲ့ကြားက
ခင်ဗျား ရင်ကွဲနာကျနေပြီလား မိတ္ထီလာ။

ကမ္ဘာ့သတင်းစာမျက်နှာတွေမှာ
အကြမ်းဖက်ဗုဒ္ဓဘာသာဂိုဏ်းသစ် ၉၆၉ကြောင့်
စစ်မှန်တဲ့ဗုဒ္ဓဘာသာဝင် မိတ္ထီလာသားတွေကို
လူသတ်ကောင်နာဇီတွေအဖြစ်
လူယုတ်မာအစွန်းရောက်တွေအဖြစ်ဖော်ပြခံနေရလို့
အစွန်းရောက်အကြမ်းဖက်ဗုဒ္ဓဘာသာဝင်တွေအဖြစ်
ကမ္ဘာ့တံတွေးခွက်မှာပက်လက်မျောနေလို့
ခင်ဗျားအရှက်ကြီးရှက်ဖြေမဆည်နိုင် ဆို့နင့်နေပြီလား မိတ္ထီလာ။

တချိန်ကဂူးဂဲလ်မှာ မိတ္ထီလာလို့ရိုက်လိုက်တာနဲ့
ခင်ဗျားဂုဏ်ကိုဆောင်ခဲ့တဲ့ မိတ္ထီလာကန်
ခင်ဗျားဂုဏ်ကိုဆောင်ခဲ့တဲ့ သားချော့တေး
ခင်ဗျားဂုဏ်ကိုဆောင်ခဲ့တဲ့ ၀န်ဇင်းမင်းရာဇာ
ခင်ဗျားဂုဏ်ကိုဆောင်ခဲ့တဲ့ ဦးရာဇတ်
ခင်ဗျားဂုဏ်ကိုဆောင်ခဲ့တဲ့ ထီလာစစ်သူ
အံ့မခန်းတဲ့သမိုင်းကောင်းတွေ အပြိုင်းအရိုင်းတက်လာခဲ့တာပါမိတ္ထီလာ။
သဒ္ဒါမှာ ရှင်မဟာကစ္စည်း၊ ကဗျာမှာ ရှင်မဟာသီလ၀ံသတည်း လို့ကျော်ကြားခဲ့တဲ့
ပေလေးပင်ရှင်လေးပါး အကျော်အမော်တပါးဖြစ်တဲ့
ရှင်မဟာသီလ၀ံသရဲ့ သျှိသျှားကန်တော်ဘွဲ့ဆိုတာ
ဂူးဂဲလ်ကျေးဇူးနဲ့ ကျုပ်သိခဲ့ရတာပါ မိတ္ထီလာ။
ကျုပ်တို့မသိသေးတဲ့ ခင်ဗျားရဲ့ ရာဇ၀င်သမိုင်းအချက်အလက်တွေကို
ခေါင်းမော့ဂုဏ်ယူဖွယ်ရာစာမျက်နှာတွေပဲထုတ်ပေးခဲ့တယ် မိတ္ထီလာ။
သိပ်ဂုဏ်ပြောင်လွန်းတဲ့ မိတ္ထီလာပေါ့။

အခုတော့ ဂူးဂဲလ်မှာ မိတ္ထီလာလို့ရိုက်လိုက်ရင်
အဓိကရုဏ်း၊ မီးလောင်၊ လူသတ်မှု၊ အရေးပေါ်အခြေအနေ၊
အကြမ်းဖက်သမားများရဲ့ သတ်ဖြတ်မှု၊ သေဆုံး၊ ပဋိပက္ခတွေနဲ့
လက်နက်ကိုင်စွဲထားတဲ့ အရည်ကြီးရှင်ယောင်တွေ
မီးလောင်နေတဲ့ဗလီတွေ၊ နာဇီလူသတ်ခန်းတွေကိုအပို့ခံရတဲ့ဂျူးတွေလို
လက်မြှောက်ပြီးထွက်လာတဲ့ အပြစ်မဲ့အမျိုးသမီးနဲ့ကလေးသူငယ်တွေကို
ရဲတွေကြားကနေ လူမဆန်အောင်ခဲနဲ့ပေါက်နေတဲ့ ဗွီဒီယိုတွေနဲ့
သျှိသျှားရာဇ၀င်တလှည့် အပြစ်မဲ့အသတ်ခံရသူတွေတလှည့်
ဝန်ဇင်းမင်းရာဇာတလှည့် မီးလောင်ပြင်တွေတလှည့်
ဦးရာဇတ်တလှည့် သူလိုဘာသာဝင် ကုလားအလောင်းတွေတလှည့်
ထီလာစစ်သူတလှည့် အရည်းကြီးရှင်ယောင်ပုံတွေတလှည့်နဲ့
ရှက်ရွံ့ဖွယ်စာမျက်နှာတွေထုတ်ပေးနေတော့
ကမ္ဘာ့အလယ်မှာ ခင်ဗျားအရှက်သည်း ကြေကွဲနေပြီလား မိတ္ထီလာရယ်။

လွတ်လိုလွတ်ငြား အားကိုးအားထားနဲ့
ဘုရားဂုဏ်တော်၊ တရားဂုဏ်တော်၊ သံဃာဂုဏ်တော်တင်မကဘူး
ဘုရားရှင်ပုံတော်လေးကပ်ပြီး
သာသနာ့အလံလေးကိုင်လို့ ထိတ်လန့်နေရှာတဲ့
အမယ်အိုရဲ့ဆိုင်ကို
အနော်ရထာမင်းလက်ထက်က
မာရ်နတ်ထက်ယုတ်တဲ့ အရည်းကြီးရှင်ယောင်တွေနဲ့
၉၆၉ ခွေးကောင်တွေက
လက်ခမောင်းခတ် လုယက်ဖျက်စီးခံလိုက်ရတာ
မျက်ရည်ပိုးပိုးပေါက်ပေါက်ကျအောင်
ခင်ဗျားမယုံနိုင်အောင်ရင်နာသွားလား မိတ္ထီလာ။

သားရဲမရဲစီးနေတဲ့ မိစ္ဆာကောင်တွေကြားမှာ
ကြမ္မာဆိုးမ၀င်ဘူးထင်နေရှာတဲ့
၁၃နှစ်သား ကျောင်းသားလေးက
အမေသားဘာမှမဖြစ်ဘူး စိတ်မပူနဲ့နော်ဆိုတဲ့
ဖုန်းသံလေးအဆုံး ပိုးစိုးပက်စက်
အပိုင်းပိုင်း အသတ်ခံလိုက်ရတာ
ကြားရတဲ့လူတွေတောင် ဆို့နင့်ကုန်တယ် မိတ္ထီလာရယ်။

လက်နက်ကိုင်ရဲတွေကို လက်နက်ကိုင်ပြီးလက်ညှိုးထိုးနေတဲ့
အကြမ်းဖက်အစွန်းရောက်ဗုဒ္ဓဘာသာအရေခြုံ
လူယုတ်မာ ၉၆၉ ရှင်ယောင်တွေကြောင့်
ကမ္ဘာ့အလည်မှာ စစ်မှန်တဲ့ဗုဒ္ဓဘာသာဝင်တွေ
မျက်နှာမဖော်ရဲတဲ့ဘ၀ရောက်ကုန်တာ
ခင်ဗျားမှာ ဖြေစရာရှိရဲ့လား မိတ္ထီလာ။

အဲ့ဒီ ၉၆၉ ကောင်တွေဟာ အာဖဂန်က ဗုဒ္ဓရုပ်ပွားတော်ကြီးကို
ဒိုင်းနမိုက်နဲ့ဖြိုခွဲဖျက်ဆီးလိုက်တဲ့ အစွန်းရောက်အကြမ်းဖက်သမားတွေနဲ့
တစ်ဂိုဏ်းတည်းပဲ မိတ္ထီလာ။

ခင်ဗျားရဲ့ ဖြတ်သန်းခဲ့တဲ့ ရာဇ၀င်အဆက်ဆက်၊ သမိုင်းအဆက်ဆက်
ခေတ်အဆက်ဆက်က ဗုဒ္ဓံ၊ ဓမ္မံ၊ သံဃံ အရိပ်အောက်မှာ
ငြိမ်းချမ်းထည်ဝါစွာတည်ဆောက်ခဲ့တဲ့
ခင်ဗျားရဲ့အစဉ်အလာဂုဏ်သိက္ခာတွေကို
၂၀.၃.၂၀၁၃ ဆိုတဲ့ သက္ကရာဇ်တစ်ရက်မှာ
ထမိန်ခြုံပြီး ချီးစားနေတဲ့ အောက်လမ်းခွေးငမိုက်
ဗုဒ္ဓဘာသာအကြမ်းဖက်အစွန်းရောက်တသိုက်
နာဇီလက်သစ် ၉၆၉ ဂိုဏ်းသားငမိုက်တွေက
၁၁မီး စုံမြှိုက် ၃ရက်အတွင်း ချေမွဖျက်ဆီးပစ်လိုက်တာ
နောင်ခေတ်အဆက်ဆက်၊ ရာဇ၀င်အဆက်ဆက် လက်ညှိုးထိုးခံဘ၀
မရှုမလှရှုံ့ချခံဘ၀ကို ရောက်သွားတာ
ခင်ဗျားဘယ်လိုများ ပြန်တည်ဆောက်မှာလဲ မိတ္ထီလာရေ………………………………….။

မိတ္ထီလာရေ မငိုပါနဲ့မိတ္ထီလာရေ
လူမမယ်လေးတွေကို ချော့မြှူလို့ မျက်ရည်တိတ်စေတဲ့ မိတ္ထီလာရေ……..
လူမမယ်လေးတွေခင်ဗျားမသိခင်ကတည်းက ခင်ဗျားကအရင်
ကြိုတင်နှုတ်ဆက်ခဲ့ပြီး ဖော်ရွေလှတဲ့မိတ္ထီလာ
သားချော့တေးမှာ သွေးစက်လက်စွန်းခဲ့ရတဲ့ မိတ္ထီလာရေ
ခင်ဗျားမျက်ရည်တွေကိုသုတ်ပေးဖို့
နာကျည်းငိုရှိုက်သံတွေနဲ့မောပန်းနွမ်းနယ်နေတဲ့ခင်ဗျားကိုနှစ်သိမ့်ဖို့
မိတ္ထီလာချော့တေးဆိုတာ မရှိဖူးပေမဲ့
ဗုဒ္ဓဘာသာစစ်စစ် လူပီသတဲ့လူတွေ
လူကိုလူလို့မြင်တဲ့ ခင်ဗျားရင်သွေး မိတ္ထီလာသားရဲ့လုပ်ရပ်က
ခင်ဗျားဖြေသာစရာ ကျန်ပါသေးတယ်။

သူတို့ကခင်ဗျားအရိပ်ကိုခိုနေတဲ့ ခင်ဗျားရင်သွေး
တမြေတည်းတရေတည်းကဘာသာမတူတဲ့မွတ်စလင်တွေကို
လူသားအသိစိတ်၊ လူသားစိတ်ဓာတ်
လူပီသစွာ အကြင်နာတရားတွေနဲ့ ကယ်တင်ပေးခဲ့သေးတယ် မိတ္ထီလာ
အသက်နဲ့ရင်းပြီးကာကွယ်ပေးခဲ့ပါတယ်မိတ္ထီလာ။

လက်မြှောက်ပြီးထွက်လာတဲ့ အစ္စလာမ်ဘာသာဝင်လူအုပ်စုကြီးကို
တမြို့တည်းသား ဗုဒ္ဓဘာသာဝင်စစ်စစ် ကိုမင်းသန့်အောင် က
မခံစားနိုင်တော့လို့ လက်ထဲက တုတ်ကိုပစ်ချပြီး
ရေတွေတိုက်ကျွေးနှစ်သိမ့်ခဲ့တယ်ကြားရတာ
ကျုပ် မျက်ရည်ပေါက်ပေါက်ကျမိတယ် မိတ္ထီလာ။

ကြည့်စမ်း မိတ္ထီလာ
သူတို့လုပ်ရပ်က ခင်ဗျားရဲ့သားသမီးစစ်စစ်
ဗုဒ္ဓဘာသာဝင်စစ်တွေဖြစ်ကြောင်း သက်သေပြခဲ့တာပါ မိတ္ထီလာ။

အဲ့ဒီပုဂ္ဂိုလ်တွေကိုလည်း ဘယ်တော့မှ မမေ့ဘူးမိတ္ထီလာ။
အကြမ်းဖက်အစွန်းရောက် ၉၆၉ ဗုဒ္ဓဘာသာဂိုဏ်းသစ်ရဲ့
ရက်စက်ယုတ်မာမှုတဲ့လုပ်ရပ်တွေကိုပြောတိုင်း
မွန်မြတ်တဲ့ဗုဒ္ဓဘာသာဝင်စစ်စစ်တွေရဲ့ လုပ်ရပ်တွေကိုပြောဖို့လည်း
ကျုပ်တို့မမေ့ဘူး မိတ္ထီလာ။
ကမ္ဘာကလည်း မမေ့ဘူး မိတ္ထီလာ။

ခင်ဗျားမှာ လူစိတ်ရှိတဲ့ ဂုဏ်ယူစရာ ရင်သွေးတွေ
အသက်အန္တရာယ်နဲ့ရင်းပြီး ခင်ဗျားဂုဏ်သိက္ခာကိုကယ်တင်ခဲ့တဲ့
ခင်ဗျားရဲ့ရင်သွေးတွေ အများကြီးကျန်ပါသးတယ် မိတ္ထီလာ။
ဗုဒ္ဓဘာသာအကြမ်းဖက်အစွန်းရောက်လို့ အပြောခံလိုက်ရလို့
အသဲတဆတ်ဆတ်ခါသွားတဲ့
ဗုဒ္ဓဘာသာဝင်စစ်စစ်တိုင်း
၉၆၉ ဆိုတဲ့ အကြမ်းဖက်အစွန်းရောက်
လူမဆန်တဲ့ဗုဒ္ဓဘာသာဂိုဏ်းသစ်ကို
ဆန့်ကျင်ကန့်ကွက်ကုန်တာ ခင်ဗျားသိမှာပါ မိတ္ထီလာ။

မိတ္ထီလာရေ မိတ္ထီလာ
ခင်ဗျားကိုတိုင်တည်လို့မှမဆုံးခင်
တစ်မြို့ပြီးတစ်မြို့၊ တနယ်ပြီးတနယ်မှာ
ဗလီဝတ်ကျောင်းတော်တွေ တလုံးပြီးတလုံး ဖျက်ဆီးခံနေပြီ မိတ္ထီလာ။
ခင်ဗျားရင်သွေးတွေလိုပဲ ကံဆိုးမိုးမှောင်ကျတဲ့အပြစ်မဲ့နယ်သူနယ်သားတွေ
ဘာသာတရားကွဲပြားတာနဲ့ပဲ ခွေးလိုဝက်လို အသတ်မခံရအောင်
အသက်လုပြေးနေရပြီ မိတ္ထီလာရေ။

ဝေဒနာတွေထပ် သန်းခေါင်ထက်နက်နေကြပြီ မိတ္ထီလာရေ။
ဟေ့ကောင်ကလေး ကမ္ဘာပေါ်မှာ မြန်မာပြည်ဟာ
အယဉ်ကျေးဆုံးတိုင်းပြည်တစ်ခုပါ တဲ့
အဲ့ဒါ စာထဲမှာဘဲ လူကြားကောင်းရုံရှိတော့တယ် မိတ္ထီလာ။

အို့… အေ့.. အေးးး အေးးး အို
မိတ္ထီလာရေ ……………. မိတ္ထီလာ
မိငိုပါနဲ့ တိတ်ပါတော့ မိတ္ထီလာရေ
ကျနော်ကဗျာသမားစာသမားမဟုတ်ဘူး မိတ္ထီလာ
ဒါပေမဲ့ မိတ္ထီလာရေ
အို အို အေ အေ မိတ္ထီလာသားချော့တေးနဲ့
ကြီးပြင်းခဲ့ရတဲ့ကောင်ပါ မိတ္ထီလာ။

အခုမရေးတတ်ရေးတတ်နဲ့
ပိုးစိုးပက်စက်အသတ်ခံရတဲ့သတင်းဓာတ်ပုံတွေနဲ့
ခင်ဗျားအတွက် ဆို့နင်နေတဲ့ခံစားချက်တွေကို လက်ထိုးအန်ချလိုက်တာပါ မိတ္ထီလာ
ခင်ဗျားရင်သွေးသားသမီးတပြုံတမကြီးရှေ့မှာ
ထမိန်ခြုံကြောင်သူတော်တသိုက်ရဲ့ ပိုးစိုးပက်စက်မုဒိမ်းကျင့်မီးမြှိုက်လိုက်ကြတဲ့
ကိုယ်မေကိုယ်ရိုး ၉၆၉ ခွေးဆိုးတွေအတွက်တော့
ဟော့ဒီစကားတစ်လုံးတလုံးတိုင်းက
အောင်ဝေး တခွန်းအဖြစ် ကျုပ်ရည်စူးတယ် မိတ္ထီလာ။

အဲ့ဒီကောင်တွေ အသက်ရှည်ဖို့ ကျုပ် ဆုတောင်းလိုက်တယ် မိတ္ထီလာ။
စစ်မှန်ငြိမ်းချမ်းတဲ့ ဗုဒ္ဓဘာသာရဲ့ ကောင်းခြင်းအဖြာဖြာကို တိုင်တည်ပြီး
လူမျိုးဘာသာမရွေး၊ အယုတ်အလတ်အမြတ်မရွေးအပေါ်မှာ
အကြင်နာတရားကြီးမားလှတဲ့ ခင်ဗျားရဲ့ဂုဏ်သိက္ခာတွေကိုတိုင်တည်ပြီး
သျှိသျှားကန်တော်ကြီးရဲ့ရာဇ၀င်အဆက်ဆက်
သမိုင်းအဆက်ဆက် ခေတ်အဆက်ဆက်က
နတ်ကောင်းနတ်မြတ်တွေ၊ မင်းကောင်းမင်းမြတ်တွေကိုတိုင်တည်ပြီး
ခင်ဗျားရင်ခွင်ထဲမှာ ခွေးလိုဝက်လိုပိုးစိုးပက်စက်အသတ်ခံလိုက်ရတဲ့
ခင်ဗျားရဲ့ရင်သွေးတွေကိုတိုင်တည်ပြီး
ဒုက္ခသောကမီးပူပေါင်းများစွာနဲ့ ကျန်ရစ်ခဲ့တဲ့ ဘာသာပေါင်းစုံက
လင်သေသားသေမိဘသားသမီးအပေါင်းရဲ့ ကြေကွဲဝမ်းနည်းမှုတွေကို တိုင်တည်ပြီး
လူသားအားလုံးရဲ့ ပူပန်သောကဝေဒနာတွေကိုတိုင်တည်ပြီး
ကျုပ် ကျိန်စာတိုက်လိုက်တယ်မိတ္ထီလာ
ခင်ဗျားနဲ့ခင်ဗျားရင်သွေးတွေခံစားရသလို
သူတို့ပြန်ခံစားရပါစေ မိတ္ထီလာ။

အစွန်းရောက်အကြမ်းဖက်သမားတိုင်းရဲ့ ၀ါဒ ကျဆုံးပါစေ
အစွန်းရောက်အကြမ်းဖက်သမားတိုင်းရဲ့ လူ့အဖွဲ့အစည်း ကျဆုံးပါစေ
အစွန်းရောက်အကြမ်းဖက်သမားတိုင်းရဲ့ ဘာသာရေး ကျဆုံးပါစေ ပေါ့ မိတ္ထီလာ။

ဟောဒီစာတွေမှာ ကျုပ်မုသားတွေပါခဲ့ရင်
အဲ့ဒီကျိန်စာ ကျုပ်ကို ပြန်စူးပါစေ မိတ္ထီလာ။
ကျုပ်ရင်ထဲမှာ မွန်းကြပ်ဆို့နင့်လွန်းလို့
လက်ထိုးအန်လိုက်တဲ့ ဟော့ဒီခံစားချက်တွေကို
မုသားစကားတွေနဲ့ပုံတူပွား
ခင်ဗျားနဲ့ ခင်ဗျားသားသမီးတွေအပေါ်မှာ
ကာယကံ၊ ၀စီကံ၊ မနောကံနဲ့
ပြောင်လှောင်စော်ကားခဲ့ကြရင်
အဲ့ဒီကောင်တွေလည်း ကျိန်စာစူးပါစေ မိတ္ထီလာ။

မျက်ရည်စက်လက် သွေးစက်လက်နဲ့ မိတ္ထီလာရေ
စိတ်မလျှော့လိုက်ပါနဲ့ ပြန်ထခဲ့ပါ မိတ္ထီလာ
ခင်ဗျားရင်သွေးရတနာ ထီလာစစ်သူရဲ့
လောကဓံဖွဲ့ သတ္တိအရှိဆုံးအချိန်ဆိုတဲ့ ကဗျာတစ်ပုဒ်မှာ
ဟောသလို သီကုံးခဲ့တာ ခင်ဗျားအတွက်များ ဖြစ်နေရော့လား မိတ္ထီလာ…

(အပျက်တရား
ဘွားကနဲတွေ့ တစ်ကွေ့ဆိုင်စဉ်
အနိုင်မခံ ကြံ့ကြံ့ခံလျက်
မာန်ဖြင့်ရုန်းထ ထိုကာလသာ
ဘ၀သတ္တိအရှိဆုံးတကား။
ထီလာစစ်သူ)

မငိုပါနဲ့ မိတ္ထီလာ
အဲ့ဒီကဗျာလေးအတိုင်း အခက်ခဲဆုံးအချိန်တွေကို
အားတင်းရင်ဆိုင်ပြီးတော့ ခင်ဗျားရင်သွေးတွေအတွက်
ခင်ဗျားအနာဂါတ်အတွက် ခင်ဗျားကိုယ်တိုင်အတွက်
တကမ္ဘာလုံး ဂရုဏာသက်နေတဲ့ မျက်လုံးတွေအောက်မှာ
အကြင်နာအကြည့်တွေအောက်မှာ
ကူညီဖေးမမှုတွေရဲ့အောက်မှာ
အားမာန်အပြည့်အ၀နဲ့ ပြန်ထခဲ့ပါ
ပြန်ထခဲ့ပါ မိတ္ထီလာ။

(ကိုလေး)

Original Link=>http://goo.gl/ld5CN