သီရိလင်္ကာနိုင်ငံ နှင့် အစ္စလာမ်သာသနာ

ဧပြီ-၂၄-၂၀၁၃
M-Media
စုစည်းတင်ပြသူ- ဂျူလိုင်ရဲရင့်

ကမ္ဘာ့နိုင်ငံများမှ မွတ်စလင်များ ကဏ္ဍ

သီရိလင်္ကာ နိုင်ငံတော် အလံ

သီရိလင်္ကာနိုင်ငံတွင် အစ္စလာမ်သာသနာဝင်များသည် နိုင်ငံ့လူဦးရေ၏ ၉.၇%မျှသာရှိသော လူနည်းစုလူ့အဖွဲ့အစည်း ဖြစ်သည်။ ၂၀၁၂ ခုနှစ်၊ သန်းခေါင်စာရင်းအရ ၁,၉၆၇,၂၂၇ ဦး ရှိသည်။ မွတ်စ်လင်မ်လူ့အဖွဲ့အစည်း၌ လူမျိုးစု သုံးစုခွဲခြားနိုင်သည်။ သီရိလင်္ကာဒေသခံMoors၊ (တမီလ် အပါအ၀င်) အိန္ဒိယနွယ်ဖွား မွတ်စ်လင်မ်များ နှင့် မလေးအနွယ်များ ဖြစ်ကြသည်။ ၄င်းတို့ထံတွင် သက်ဆိုင်ရာသမိုင်းကြောင်း နှင့် ဓလေ့ထုံးတမ်းများ ကိုယ်စီရှိကြသည်။

သီရိလင်္ကာနိုင်ငံ မှ အစ္စလာမ့်သမိုင်းကြောင်း
=======================
အေဒီ ၈ ရာစုတွင် သီရိလင်္ကာသို့ အာရဗ်ကုန်သည်များ ရောက်ရှိချိန်မှစ၍ အစ္စလာမ်သာသနာ စတင်ပြန့်ပွားလာကြောင်း ၁၉၈၁ နှင့် ၂၀၀၁ ခုနှစ်ရေးမှတ်တမ်းများက ဖော်ပြသည်။ အစ္စလာမ်သာသနာအား မိမိသဘောအလျောက် သက်ဝင်လက်ခံလာသော ဒေသခံအမျိုးသမီးများနှင့် အာရဗ်ကုန်သည်များက အိမ်ထောင်ထူခဲ့ကြသည်။ အစ္စလာမ့် အသိုင်းအ၀ိုင်းသည် ထိုအချိန်မှ စတင်ဖြစ်တည်လာသည်။ ၁၅ ရာစုသို့ရောက်သော် အာရဗ်ကုန်သည်များသည် သီရိလင်္ကာအပါအ၀င် အိန္ဒိယသမုဒ္ဒရာ နယ်ပယ်၏ကုန်သွယ်ရေး၌ ပေါက်ရောက်လာကြသည်။ ယင်းကုန်သည် အများအပြားတို့သည် လင်္ကာကျွန်းပေါ် အခြေစိုက် နေထိုင်လာကြပြီး အစ္စလာမ်ကို ဖြန့်ချိခဲ့ကြသည်။ သို့သော် ၄င်းတို့မှ ဆင်းသက်လာသည့် သီရိလင်္ကာဒေသခံ မွတ်စ်လင်မ်လူမျိုးစု Moors တို့သည် ၁၆ ရာစုတွင် ကျူးကျော်ဝင်ရောက်လာသော ပေါ်တူဂီတို့၏ နှိပ်စက်ညှင်းပန်းမှုကို ခံခဲ့ရသည်။ ထိုအခါ သီရိလင်္ကာရှိ အရှေ့ပိုင်းပြည်နယ်နှင့် ဗဟိုကုန်းမြင့်ဒေသများ၌ ဆင်ဟာလီဘုရင် စီနာရတ်က မွတ်စ်လင်မ်တို့အား ခိုလှုံခွင့် ပေးခဲ့သည်။

သိရလင်္ကာမှ ဗလီဝတ်ကျောင်းတော် တခု

၁၈ ရာစုနှင့် ၁၉ ရာစုနှစ်များအတွင်း မင်းမူအုပ်ချုပ်နေသော ဒတ်ခ်ျ နှင့် ဗြိတိသျှ အစိုးရများက ဂျာဗားကျွန်းသား မွတ်စ်လင်မ်များ၊ မလေးမွတ်စ်လင်မ်များကို ခေါ်သွင်းလာခဲ့သဖြင့် သီရိလင်္ကာ၌ မွတ်စ်လင်မ်ဦးရေ တိုးပွားလာသည်။ ၄င်းတို့၏ အဆက်အနွယ် (ယခု – သီရိလင်္ကာ မလေးလူမျိုး)တို့သည် သီရိလင်္ကာဒေသခံ Moors တို့၏ အစ္စလာမ့်ထုံးတမ်းအတိုင်း လက်ခံနေထိုင်ခဲ့သည်။ ယင်းသို့ ရောယှက်လာသော အစ္စလာမ့်ယဉ်ကျေးမှုဖြင့် ကျွန်းပေါ်တွင် အခြားမွတ်စ်လင်မ် အုပ်စုများလည်း တစ်သားတည်းကျသွားခဲ့သည်။

၁၉ ရာစု နှင့် ၂၀ ရာစုနှစ်များအတွင်း အိန္ဒိယမှ မွတ်စ်လင်မ်များ ရောက်ရှိလာသောအခါ သီရိလင်္ကာ၌ အစ္စလာမ်သာသနာ ပို၍ ကြီးထွားလာသည်။ ထင်ရှားသောအဆိုအရ ပါကစ္စတန် နှင့် အိန္ဒိယတောင်ပိုင်း မွတ်စ်လင်မ်များက ရှီအဟ် နှင့် ဟနဖီ အတွေးအခေါ်လမ်းကြောင်းအား သီရိလင်္ကာသို့ သယ်ဆောင်လာခဲ့သည်။ ကျွန်းပေါ်ရှိ မွတ်စ်လင်မ်အများစုကမူ စွန္နီလမ်းကြောင်းမှ အစ္စလာမ့်ကျင့်ထုံးများကို ယနေ့တိုင် လိုက်နာကျင့်သုံးနေဆဲဖြစ်သည်။

လက်ရှိသမယတွင် သီရိလင်္ကာရှိ မွတ်စ်လင်မ်တို့အား မွတ်စ်လင်မ်ရေးရာ သာသနာရေးနှင့် ယဉ်ကျေးမှုဌာနမှ ကိုင်တွယ်ထားသည်။ မွတ်စ်လင်မ်လူ့အဖွဲ့အစည်းအပေါ် အခြားသော သီရိလင်္ကာ အသိုင်းအ၀ိုင်းများ၏ မပြတ်ဖယ်ကြဉ်ခြင်းကို ကာကွယ်ရန် ၄င်းဌာနအား ၁၉၈၀ ခုနှစ်များက ဖွဲ့စည်းတည်ထောင်ထားခြင်း ဖြစ်သည်။ ယခုအခါ သီရိလင်္ကာသား ၁၀% ခန့်မှာ အစ္စလာမ်သာသနာဝင်များဖြစ်ပြီး ၊ ဗလီဝတ် ကျောင်းတော်ပေါင်း ငါးထောင်နီးပါးမျှ ရှိသည်။ ဗလီဝတ် ကျောင်းတော်များ၌ ထိန်းသိမ်းစောင့်ရှောက်ရေး ကော်မတီအသီးသီးရှိ၍ သက်ဆိုင်ရာ အသိုင်းအ၀ိုင်း၏ အရေးအရာများကို ဆောင်ရွက်လျက်ရှိသည်။ သီရိလင်္ကာရှိ မွတ်စ်လင်မ် အများစုမှာ Moor  နှင့် မလေးလူမျိုးစုလူ့အဖွဲ့အစည်းများဖြစ်ကာ တမီလ်ကဲ့သို့ အခြားလူမျိုးနွယ်များမှ အစ္စလာမ် လက်ခံလာသူများ အချို့လည်း ရှိနေကြသည်။
အဟ်မဒီယာ မွတ်စ်လင်မ် အသိုင်းအ၀ိုင်းကို သီရိလင်္ကာ၌ ၁၉၁၅ ခုနှစ်တွင် စတင်တည်ထောင်သည်။

၂၀ ရာစုတွင် ရိုက်ကူးထားသော သိရိလင်္ကာ Moor လူမျိုး မွတ်စလင်မ်များ

သီရိလင်္ကာဒေသခံ Moor လူမျိုးစု
=================
သီရိလင်္ကာဒေသခံ Moor လူမျိုးစုတို့သည် မွတ်စ်လင်မ် လူဦးရေ၏ ၉၂ %၊ နိုင်ငံ့လူဦးရေ၏  ၉.၇ % ရှိသည်။ ၄င်းတို့အများစုမှာ စွန္နီမွတ်စ်လင်မ် အုပ်စုဝင်များဖြစ်ကာ ရှာဖိအီ အတွေးအခေါ် လမ်းကြောင်းကို လက်ကိုင်ပြုထားကြသည်။ ၄င်းတို့၏ဘိုးဘေးများဖြစ်သော အာရဗ်တို့၏ အရဗီဘာသာစကားကို ပြောဆိုခြင်း မရှိကြတော့ချေ။ သို့သော် နေ့စဉ်သုံးဝေါဟာရ နှင့် အသုံးအနှုန်းများ၌ ပါဝင်နေဆဲဖြစ်သည်။ Moor တို့သည် ပျောက်ကွယ်သွားပြီဖြစ်သော အရ်ဝီ ကို မိမိတို့၏မိခင်ဘာသာ စကားအဖြစ် ခံယူကြသည်။ ယခုအခါ သီရိလင်္ကာ အရှေ့ပိုင်းရှိ Moor တို့သည် အရဗီ စကားလုံးများစွာ စိမ့်ဝင်နေသည့် တမီလ်စကားကို အဓိကထားပြောဆိုကြသည်။ အနောက်ပိုင်းရှိ Moor တို့ကမူ သီရိလင်္ကာရှိ လူများစုဆင်ဟာလီတို့ပြောဆိုသော ဆင်ဟာလာ စကားကို ကျွမ်းကျင်စွာ အသုံးပြုပြောဆိုကြသည်။ ၄င်းဘာသာစကားသည် အင်ဒို-ဥရောပ အနွယ်များ၏ ဘာသာစကား ဖြစ်သည်။ မိမိတို့လူ့အဖွဲ့အစည်းအတွင်း၌ အင်္ဂလိပ်ဘာသာ စကားကိုလည်း အသုံးပြုကြ၏။ Moor တို့သည် ဘာသာစကားအမျိုးမျိုးကို မရောထွေးမပေါင်းစပ်ဘဲ ပြောဆိုသည့် ဘာသာရေးအုပ်စုဖြစ်နေသည်။

သီရိလင်္ကာဒေသခံ Moor တို့သည် ကမ်းရိုးတန်းကုန်သွယ်ရေး၊ စိုက်ပျိုးရေးဖြင့် အသက်မွေးကြသည်။ အရှေ့တောင်အာရှဓလေ့များစွာ ပါဝင်နေသည့် အစ္စလာမ့်ယဉ်ကျေးမှု အမွေအနှစ်ကိုလည်း ထိန်းသိမ်းထားကြသည်။ ပေါ်တူဂီကိုလိုနီခေတ်ကာလတွင် နှိပ်စက်ညှင်းပန်းခံရသဖြင့် ဗဟိုကုန်းမြင့်ဒေသများနှင့် မိမိတို့အဆက်အနွယ်များရှိသော အရှေ့ပိုင်းသို့ တအုံတကျင်း ပြောင်းရွှေ့နေထိုင်ခဲ့ကြသည်။

အရှေ့ဖက်ကမ်းရိုးတန်းမှ Moor များ
===================
အရှေ့ဖက်ကမ်းရိုးတန်းဒေသတွင် နေထိုင်သူအများစုမှာ မွတ်စ်လင်မ်များဖြစ်ကြသည်။ ၄င်းတို့သည် ပေါ်တူဂီကိုလိုနီခေတ်အတွင်း ဆင်ဟာလီဘုရင် စီနာရတ်မှ ချီးမြှင့်ပေးထားသော နယ်မြေများ၌ အခြေချနေထိုင်လာသူများဖြစ်သည်။ လယ်ယာ၊ ငါးဖမ်း၊ ကုန်ကူး လုပ်ငန်းများ လုပ်ကိုင်ကြသည်။ ၂၀၀၇ ခုနှစ်သန်းခေါင်စာရင်းအရ ယင်းဒေသရှိ Moor လူမျိုးစုတစ်ခုတည်း ကပင် နိုင်ငံလူဦးရေ ၅ % အထိရှိသည်။

အနောက်ဖက်ကမ်းရိုးတန်းမှ Moor များ
=====================
ဤဒေသရှိ Moor တို့သည် ကုန်သည်များ၊ ပညာရှင်များ၊ အစိုးရ၀န်ထမ်းများဖြစ်ပြီး Colombo၊ Kalutara၊ Beruwala၊ Puttalam၊ Jaffna နှင့် Mannar မြို့များတွင် အဓိကနေထိုင်ကြသည်။ အလယ်ပိ်ုင်းဒေသနှင့်ဤဒေသရှိ Moor တို့သည် အာရဗ်နှင့်အရှေ့အလယ်ပိုင်းဓလေ့အတိုင်း မိမိတို့၏အမည်များတွင် ဖခင်ဖက်မှအမည်ကို ထည့်သွင်းဖော်ပြလေ့ရှိသည်။

၁၉ ရာစုမှ သိရလင်္ကာ-မလေး သားအဖကိုတွေ့ရစဉ်

မလေးလူမျိုး
======
သီရိလင်္ကာရှိ မလေးများမှာ အရှေ့တောင်အာရှဖက်မှ ဆင်းသက်လာပြီး ယခုသော် လူဦးရေ ငါးသောင်းခန့်ရှိသည်။ သီရိလင်္ကာနှင့်အင်ဒိုနီးရှားသည် ဒတ်ခ်ျကိုလိုနီနယ်ဖြစ်ခဲ့စဉ်က ၄င်းတို့၏ ဘိုးဘေးများ ရောက်လာရာမှ အစပြုသည်။ ရှေးဦးအခြေချသူအများစုမှာ ဒတ်ခ်ျအစိုးရ လက်အောက်ခံ စစ်သည်များဖြစ်သော်လည်း သီရိလင်္ကာ၌သာ အခြေချရန် ဆုံးဖြတ်ခဲ့သူများ ဖြစ်သည်။ ကျန်ရှိရှေးဦးအခြေချသူများမှာမူ သီရိလင်္ကာသို့အပြီးတိုင် နယ်နှယ်ခံရသော အင်ဒိုနီးရှားမင်းမျိုးမင်းနွယ်များဖြစ်ကြ၏။ ၄င်းတို့၏ကိုယ်ပိုင်ဘာသာစကားမှာ မလေးဖြစ်သော်လည်း ဆင်ဟာလီ၊ တမီလ်၊ Moor တို့၏ အသုံးများနှင့်လည်း ရောယှက်နေသည်။ ၁၉၈၀ ခုနှစ်များတွင် မလေးတို့သည် မွတ်စ်လင်မ်လူဦးရေ၏ ၅ %ခန့်ရှိခဲ့ပြီး၊ အများစုမှာ Moor များကဲ့သို့ ရှာဖိအီအတွေးအခေါ်လမ်းကြောင်း နောက်လိုက် စွန္နီမွတ်စ်လင်မ်အုပ်စု ဖြစ်သည်။

တမီလ် မွတ်စ်လင်မ်များ
============
သီရိလင်္ကာ၌ တမီလ်စကားပြောဆိုသည့် မွတ်စ်လင်မ်ဦးရေ အများအပြားရှိကြသည်။ သို့သော် ၄င်းတို့သည် အိန္ဒိယရှိ တမီလ်မွတ်စ်လင်မ်များကဲ့သို့ အခွင့်အရေးမရကြ။ တမီလ်လူမျိုးစုတို့၏ယဉ်ကျေးမှုနှင့် ချိတ်ဆက်မနေသောကြောင့် နိုင်ငံ၏တရားဝင်စာရင်း၌ သီးခြား လူမျိုးစုအဖြစ် ထည့်သွင်းသတ်မှတ်ခံရသည်။ သီရိလင်္ကာရှိ တမီလ်မွတ်စ်လင်မ် လူ့အဖွဲ့အစည်းတွင် အိန္ဒိယနိုင်ငံ တမီလ်နာဒူးဒေသမှာ ပြောင်းရွှေ့လာသည့် တမီလ် မွတ်စ်လင်မ်များ၊ သီရိလင်္ကာဒေသခံတမီလ် မွတ်စ်လင်မ်သစ်လွင်များ ပါဝင်သည်။ တမီလ် မွတ်စ်လင်မ်တို့သည် လူမှုရေး၊ စီးပွားရေးကောင်းမွန်ကြသဖြင့် အင်္ဂလိပ်ကိုလိုနီလက်အောက်တွင် ပညာသင်ကြားခြင်းနှင့်အလုပ်အကိုင်အခွင့်အလမ်းများ ရရှိခဲ့ကြသည်။ ၄င်းတို့က မိမိကိုယ်ကို သီရိလင်္ကာမွတ်စ်လင်မ်လူ့အဖွဲ့အစည်းကြီး၏ အစိတ်အပိုင်းတစ်ခု အဖြစ်ခံယူကြသည်။ နိုင်ငံရေးခံယူချက်၌ လူများစု ဟိန္ဒူတမီလ်တို့နှင့် မတူညီကြချေ။  အထက်၌ ဖော်ပြခဲ့သည့်အတိုင်း (နိုင်ငံတော်အစိုးရဖက်ရပ်တည်သဖြင့်) စစ်သွေးကြွ တမီလ်ကျားသူပုန်တို့၏ တိုက်ခိုက်မှုကို ပြင်းထန်စွာ ခံစားခဲ့ရသည်။

အိန္ဒိယအနွယ် မွတ်စ်လင်မ်များ ( မေမန်၊ ဘိုဟ်ရာ၊ ခိုဂျာ )
==============================
အိန္ဒိယနိုင်ငံ တစ်ဝှန်းမှ စီးပွားရေးလုပ်ငန်းကို အကြောင်းပြု၍ အင်္ဂလိပ်ကိုလိုနီခေတ် အတွင်း ရောက်ရှိလာကြခြင်းဖြစ်သည်။ ၄င်းတို့အနက် အချို့ကမူ ပေါ်တူဂီ ကိုလိုနီခေတ် အတွင်းကပင် ရောက်ရှိနေခဲ့ကြသည်။ သီရိလင်္ကာ Moor များနှင့် မျိုးရိုးဇာစ်မြစ် မတူကြပေ။ အများစုမှာ အိန္ဒိယနိုင်ငံ တောင်ပိုင်းအနွယ်များဖြစ်ပြီး တမီလ်နဒူး နှင့် ကီရာလာပြည်နယ်များမှ ဖြစ်သည်။ ၄င်းတို့၏လူဦးရေ သုံးသောင်းခန့်ရှိမည်ဟု ခန့်မှန်းရသည်။ မေမန်များမှာ ဆင်းဒ်ပြည်နယ် (ယခု ပါကစ္စတန်)မှ ဖြစ်ပြီး ၁၈၇၀ ခုနှစ်တွင် စတင်ရောက်ရှိသည်။ ၁၉၈၀ ခုနှစ်အထိ လူဦးရေမှာ သုံးထောင်ခန့်သာရှိပြီး ဟနဖီ-စွန္နီမွတ်စ်လင်မ်များ ဖြစ်ကြသည်။
ဒါဝူးဒီဘိုဟ်ရာ နှင့် ခိုဂျာ တို့သည် ရှီအဟ် မွတ်စ်လင်မ်များဖြစ်ပြီး အိန္ဒိယနိုင်ငံ အနောက်မြောက်ပိုင်း ဂူဂျာရတ်ပြည်နယ်မှ ၁၈၈၀ နောက်ပိုင်း ၀င်ရောက်လာခဲ့သည်။ ၁၉၈၀ ခုနှစ်များတွင် စုစုပေါင်း လူဦးရေ ၂၀၀၀ ပင် မပြည့်ခဲ့။ ၄င်းတို့၏ဘာသာစကားမှာ ပင်ရင်းမိခင် ဘာသာစကားများသာ ဖြစ်၏။

ပညာရေး
=====
သီရိလင်္ကာ၌ မွတ်စ်လင်မ်ကျောင်း ၇၄၉ ကျောင်း၊ ဘာသာရေးစာသင်ကျောင်း ၂၀၅ ကျောင်း၊ ဘာရူးဝါလာတွင် (Jamiya Naleemiya) အစ္စလာမ့်တက္ကသိုလ် တစ်ခု ရှိသည်။ ၂၀ ရာစု အစောပိုင်းက စာရင်းကိုင်၊ ဆရာဝန်၊ အင်ဂျင်နီယာ စသော မွတ်စ်လင်မ် ပညာတတ်များ မရှိသလောက် နည်းပါးခဲ့သည်။ သို့သော် လက်ရှိကာလ၌မူ ပညာတတ်များ အဆပေါင်းများစွာ တိုးတက် များပြားလာသည်။ သီရိလင်္ကာ၌ အလုပ်အကိုင် အခွင့်အလမ်းရှားပါးမှုကြောင့် မွတ်စ်လင်မ် ပညာရှင်များစွာတို့က အရှေ့အလယ်ပိုင်း၊ အမေရိကန်၊ ကနေဒါ၊ သြစတေးလျ၊ ဥရောပ စသည့် တိုင်းပြည်များထံ ပြောင်းရွှေ့လျက်ရှိကြသည်။

သီရိလင်္ကာ ပြည်တွင်းစစ်မှ မွတ်စ်လင်မ်တို့၏အခန်းကဏ္ဍ
=============================
သီရိလင်္ကာကျွန်းပေါ်တွင်ဖြစ်ပွားခဲ့သော ပြည်တွင်းစစ်မှာ ၂၆ နှစ်တိုင်ကြာညောင်းခဲ့သည်။ ၄င်းမှာ သီရိလင်္ကာအစိုးရ နှင့် ခွဲထွက်ရေးစစ်သွေးကြွ အဖွဲ့အစည်း LTTE (Liberation Tigers of Tamil Eelam) တို့အကြား ဖြစ်ပွားသော စစ်ပွဲဖြစ်သည်။ (တမီလ်ကျားအဖွဲ့ဟု ကျော်ကြားသည်)။ (မွတ်စ်လင်မ်တို့သည် အစိုးရဖက်မှ ပါဝင်အားပေးသဖြင့်) ယင်းပြည်တွင်းစစ်၌ သောင်း ဂဏန်းမျှအထိ သီရိလင်္ကာ မွတ်စ်လင်များမှာ တမီလ်ကျားအဖွဲ့၏ ဦးတည် သတ်ဖြတ်ခြင်း ခံခဲ့ရသည်။ သိန်းပေါင်းများစွာသော မွတ်စ်လင်မ်တို့၏ အိုးအိမ် စည်းစိမ်များအား တမီလ်သူပုန်များမှ ဖျက်ဆီးခဲ့ကြသည်။

၎င်း စစ်သွေးကြွ တမီလ်ကျားအဖွဲ့သည် လူမျိုးကြီးဝါဒ ထူထောင်ရန် ၁၉၉၀ ခုနှစ်၊ အောက်တိုဘာလတွင် မြောက်ပိုင်းပြည်နယ်ရှိ မွတ်စ်လင်မ်တို့အား သုတ်သင်ဖယ်ရှားရေးကို ပြုလုပ်ခဲ့ကြသည်။ သီရိလင်္ကာမြောက်ပိုင်းတွင် တမီလ်လူမျိုး တစ်ရပ်တည်းသာရှိသော သီးခြား ကိုယ်ပိုင်နိုင်ငံ ဖန်တီးရေး ရည်မှန်းချက်အရ မြောက်ပိုင်းပြည်နယ်မှ မွတ်စ်လင်မ် ၉၅၀၀၀ အား အဓမ္မအင်အား သုံး မောင်းထုတ်ခဲ့ကြသည်။

ယင်းသို့မောင်းထုတ်ခဲ့ခြင်းသည် သီရိလင်္ကာမွတ်စ်လင်မ်များ အကြား ခါးသည်းသည့် အရိပ်ဆိုး အဖြစ် ကျန်ရစ်ခဲ့ကြသည်။ ၂၀၀၂ ခုနှစ်တွင် စစ်သွေးကြွ ကျားသူပုန်ခေါင်းဆောင် Vellupillai Prabhakaran က မြောက်ပိုင်းမှ မွတ်စ်လင်မ်များကို မောင်းထုတ်ခဲ့ခြင်းအတွက် တရားဝင် ၀န်ချတောင်းပန်ခဲ့သည်။ အပစ်အခတ်ရပ်စဲလိုက်ကတည်းက ဂျဖ်နာသို့ မွတ်စ်လင်မ်များစွာ ပြန်လည်ကူးသန်းသွားလာခဲ့ကြသည်။ မိသားစုအချို့မှ ပြန်လည်ရောက်ရှိလာပြီး Osmaniya College ကို ပြန်ဖွင့်ရာ ယခုသော် ကျောင်းသား ၆၀ ဦးရှိနေပြီဖြစ်သည်။ ဗလီဝတ်ကျောင်းတော် နှစ်လုံးကိုလည်း ပြန်လည်မွမ်းမံဖွင့်လှစ် ခွင့်ခဲ့သည်။  ဂျဖ်နာတွင် မွတ်စ်လင်မ်ဦးရေ ၂၀၀၀ ခန့်ရှိလာကြောင်း၊ ၁၅၀၀ မှာ ဒေသခံဖြစ်ပြီး ကျန်သူများမှာ အခြားဒေသမှ ကုန်သွယ်ကူးသန်းသူများဖြစ်ကြောင်း၊ မွတ်စ်လင်မ်ဈေးဆိုင် ၁၀ခု ဖွင့်လှစ်လျက်ရှိပြီး ထပ်မံတိုးပွားမည်ဟု ယူဆရကြောင်း ဂျဖ်နာရှိ မွတ်စ်လင်မ်တစ်ဦးက ဆိုသည်။

ကျားသူပုန်အဖွဲ့ပြိုကွဲပြီးနောက် ၁၀ နှစ်နီးပါးအကြာ (လက်ရှိနှစ်များ)တွင်မူ  ၄င်းတို့၏ အဆက်အနွယ်များသည် ယခင် ရည်ရွယ်ချက်ဟောင်းကို ပြန်လည် အသက်သွင်းရန် ဒေသခံဗုဒ္ဓဘာသာ ဘုန်းတော်ကြီးအချို့နှင့်ပူးပေါင်း၍  မွတ်စ်လင်မ် ဆန့်ကျင်ရေး အဓိကရုဏ်းများ ဖြစ်ပေါ်အောင် နှိုးဆော်လျက်ရှိပေသည်။

ကိုးကား- http://en.wikipedia.org/wiki/Islam_in_Sri_Lanka