အပြန်အလှန် နားလည်မှုမှ ငြိမ်းချမ်းခြင်းဆီသို့ (M-Media Blog ကဏ္ဍ)

မေ၊၈ ၊ ၂၀၁၃

(မူရင်းရေးသားသူ၏ အမြင်နှင့် အာဘော်သာဖြစ်ပါသည်။)

ယနေ့အချိန်အခါမှာ ကျွန်တော်တို့ မြန်မာနိုင်ငံဟာ အေးချမ်းပြီး ခေတ်မီဖွံ့ဖြိုးတိုးတက်တဲ့ ဒီမိုကရေစီ နိုင်ငံတော်ကြီးဆီကို ခြေလှမ်း လှမ်းနေတဲ့ နိုင်ငံတစ်ခုဖြစ်နေပါပြီ။ ဒီမိုကရေစီ ငြိမ်းချမ်းရေးလမ်းစဉ်ဘက် သွားတယ်ဆိုရင်ပဲ ဒါနဲ့အတူရရှိလာတဲ့ လွတ်လပ်မှုလေးတွေ အသင့်အတင့်ရှိလာခဲ့ပါပြီ။ နိုင်ငံတော်သမ္မတနဲ့ နိုဗယ်ငြိမ်းချမ်းရေးဆုရှင် ဒေါ်အောင်ဆန်းစုကြည်တို့ ကြိုးစားမှုတွေရဲ့ ရလာဒ်အဖြစ် အထိုက်အလျှောက် ရရှိလာခဲ့တဲ့ လွတ်လပ်မှုတွေကို အကျိုးရှိရှိ အသုံးချပြီး တိုင်းပြည်တိုးတက်စည်ပင်အောင် လုပ်ဆောင်နေကြတဲ့ လူတစ်ဦး တစ်ယောက် သို့မဟုတ် အဖွဲ့အစည်းတွေလည်း အမြောက်အမြားပေါ်ထွက်လာသလို ခေတ်ဟောင်းမှာ အသားကျပြီး ပြောင်းလဲလာတဲ့ ခေတ်သစ်ကို မလိုက်လိုသူတွေ၊ တိုးတက်အေးချမ်းတဲ့ခေတ်သစ်ကို မလိုလားသူတွေ တိုင်းသူပြည်သားအားလုံး ဘာသာလူမျိုးမရွေး ကောင်းစားစေမယ့် အခြေအနေကို မရှုစိမ့်သူတွေဟာလည်း တစ်ဦးချင်းသော်လည်းကောင်း အဖွဲ့အစည်း အုပ်စုများဖြင့်သော်လည်းကောင်း အဖျက်အမှောင့်များ ဖန်တီးဖို့ရာ ပေါ်ထွက်လာနေပါတယ်။ တိုင်းပြည်ကောင်းကျိုးအတွက် ရရာအခန်းကဏ္ဍကနေ အကျိုးလိုလားသူတွေက ဆောင်ရွက်နေတဲ့အချိန်မှာ အဖျက်အမှောင့်သမားတွေကတော့ တိုင်းရင်းသားအချင်းချင်း သွေးကွဲစေဖို့၊ ပါတီအဖွဲ့အစည်းတွေကြား ရန်ထောင်စေဖို့၊ မြန်မာနိုင်ငံရဲ့ လေးစားဂုဏ်ယူဖွယ် ဝိသေသထူးအဖြစ် နှစ်ပေါင်းများစွာ ယှဉ်တွဲနေထိုင်လာတဲ့ ဗုဒ္ဓဘာသာအပြင် အခြားဘာသာများဖြစ်တဲ့ အစ္စလာမ်၊ ခရိယာန်၊ ဟိန္ဒူ စသဖြင့်တို့ကြားမှာ မနာလိုမုန်းတီးမှုတွေ ဖန်တီးဖို့ နည်းလမ်းတွေရှာဖွေလုပ်ကိုင်နေပါတော့တယ်။

တိုးတက်ဖွံ့ဖြိုးလာတဲ့ ခေတ်မီ နည်းပညာတွေကြောင့် အင်တာနက်ပေါ်မှာ အခြေခံတဲ့ လူမှုကွန်ရက် (Social Network) လို့ခေါ်တဲ့ Facebook, Twitter, Blog စသဖြင့်တို့ဟာ သုံးတတ်ရင် ဆေးသဖွယ်ဖြစ်ပြီး ပြည်သူလူထုကြားမှာ သတင်းအချက် အလက်တွေဖြန့်ဖြူးဖို့ရာနဲ့ လူထုကိုနိုင်ငံရေး၊ လူမှုရေး၊ ဘာသာရေး စသည်တို့မှာ အမြင်ပွင့်လင်းဖို့ရာ အသုံးကျမှုတွေရှိလာပါတယ်။ သို့သော်လည်း နည်းပညာရဲ့သဘောဟာ အကျိုးရှိတဲ့ဘက်မှာ အသုံးချ၍ရနိုင်သလို အကျိုးမရှိတဲ့ ဖျက်စီးတဲ့လုပ်ငန်းတွေမှာလည်း အသိဉာဏ်နည်းမိုက်မဲသူတစ်ချို့ကြောင့် မှားယွင်းစွာ အသုံးချခံရတာတွေရှိပါတယ်။ ရလာဒ်အားဖြင့် အဲ့ဒါတွေဟာ အသုံးမှားတဲ့အခါ အဖျက်စွမ်းအားကြီးကြီးနဲ့ လူသားတွေကို ထိခိုက်စေတာပဲဖြစ်ပါတယ်။ ယနေ့ကျွန်တော်တို့မြန်မာနိုင်ငံမှာလည်း ဒီလူမှုကွန်ရက်ကို အကျိုးရှိရှိ အသုံးချပြီး ပြည်သူတွေကို မေတ္တာတရားတွေဝေငှပေးနေတဲ့ ဘာသာလူမျိုးမရွေးကူညီပေးနေတဲ့ ရုပ်ရှင်သရုပ်ဆောင် ဦးကျော်သူတို့ ဦးစီးဆောင်ရွက်ကြတဲ့ နာရေးနဲ့ အခြားကျန်းမာရေးကူညီမှု အသင်းလိုမျိုး၊ အခြားအစိုးရမဟုတ်တဲ့ လူမှုရေးအသင်းအဖွဲ့တွေလိုမျိုးနဲ့ ပြည်သူလူထု အသိဉာဏ်တိုးပွားစေမယ့် စာပေ၊ နည်းပညာ၊ ဆေးပညာဆိုင်ရာ အချက်အလက်တွေ ဝေမျှကြတဲ့ အဖွဲ့အစည်းတွေ၊ တစ်ဦးတစ်ယောက်ချင်းစီအတွက် အင်မတန်မှပဲ ဂုဏ်ယူစရာကောင်းလှပါတယ်။

ဒီအထဲမှာ စိတ်မကောင်းစရာ ကံမကောင်းအကြောင်းမလှစရာကတော့ ကမ္ဘာမှာ ယဉ်ကျေးလိမ္မာ လှပါတယ်ဆိုတဲ့ မြန်မာ့အစဉ် အဆက်ဂုဏ်ရည်ကို ဖျက်စီးကြတဲ့ ဘာသာရေး ပုတ်ခတ်မှု ဘလော့ (blog) တွေ၊ လူမှုကွန်ရက်စာမျက်နှာ (Facebook Page) တွေနဲ့ တစ်ဦးတစ်ယောက်ချင်း တာဝန်ရှိရှိ မရေးသားမှုတွေပဲဖြစ်ပါတယ်။ မြန်မာဘာသာာနဲ့ ညစ်ညမ်းစွာဆဲရေးထားတဲ့ စာမျက်နှာအပါအဝင် ဘာသာရေး၊ လူမျိုးရေး ရန်ထောင်ပေးမှုတွေ၊ ဘာသာဝင်တစ်ခုနဲ့တစ်ခုအကြား နားလည်မှုလွဲမှားအောင် လုပ်ဆောင်နေကြတဲ့ မှန်ကန်တဲ့အမည်နာမ မဖော်ပြထားတဲ့ စာမျက်နှာ (Page) တွေ (ဥပမာ လူထု မောင်ကာဠု ၊ အမည်ဝှက်သုံးထားတဲ့ စာမျက်နှာတွေ၊ အမည်မှန်သုံးပြီး အဆင့်အတန်း နိမ့်ကျစွာ ဝေဖန်ပုတ်ခတ်ရေးသားမှုတွေရှိနေပါတယ်။ အဆိုးရွားဆုံးကတော့ မြန်မာနိုင်ငံထဲမှာ ရှိနေတဲ့ အစဉ်အဆက် ယှဉ်တွဲနေထိုင်လာတဲ့ လူနည်းစုအစ္စလာမ်ဘာသာဝင်တွေနဲ့ ယဉ်ကျေးပျူငှာတဲ့ ဗုဒ္ဓဘာသာဝင်တွေကြားမှာ လောင်စာထည့် မှိုင်းတိုက်ပြီး မီးလောင်အောင်အားထုတ်ပေးနေသူတွေပါပဲ (ဝီရသူ Facebook Page)။ Cyber Law လို့ခေါ်တဲ့ အင်တာနက် နည်းပညာဥပဒေတွေလည်း ပီပီပြင်ပြင် မရှိသေးနိုင်တဲ့ အချိန်ကာလမို့ ဒီလူတွေဟာ အခြားဘာသာ သာသနာတွေကို ပုတ်ခတ်ဖို့ ထင်တိုင်းကြဲခွင့်အပြည့်အဝရနေပါတယ်။

ဒီလိုလုပ်ရပ်တွေထဲမှာ အမည်ဖော်ပြပြီး ပေါ်ပေါ်ထင်ထင်အစ္စလာမ်ဘာသာကို ဆန့်ကျင်လျှက် လူမျိုးဘာသာရေး မငြိမ်းချမ်းမှုတွေကို ပြုလုပ်နေသူ တစ်ဦးကတော့ မတူကွဲပြားခြင်းနှင့် ငြိမ်းချမ်းရေးပါတီရဲ့ ဥက္ကဌ ဖြစ်သူ ဦးနေမျိုးဝေ  ဆိုသူပဲဖြစ်ပါတယ်။ မြန်မာပြည်မှာဖြစ်ပေါ်နေတဲ့ မငြိမ်မသက်မှုတွေ အများအပြားထဲက ဘာသာရေး၊ လူမျိုးရေး မငြိမ်မသက်မှုတွေဖြစ်ပေါ်အောင် ရည်ရွယ်ချက်ရှိရှိ ကြံစည် လုပ်ဆောင်နေသူ အများအပြားရှိတဲ့ အနက်က တစ်ဦးပဲဖြစ်ပါတယ်။ မြန်မာပြည်တွင်းမှာ တရားဝင် ရပ်တည် ထူထောင်ထားတဲ့ ပါတီတစ်ခုရဲ့ ပါတီဝင် ဥက္ကဌ တစ်ဦးအနေနဲ့ သူလုပ်ဆောင်သင့်တာက ကွဲပြားတဲ့ ဘာသာရေးတွေ အချင်းချင်းကြားမှာ ဘာသာတစ်ခုချင်းစီရဲ့ ဘုံတူညီမှုတွေနဲ့ ချစ်ခင်လေးစားမှုတွေနဲ့ ပြည်သူလူထုကို အကောင်းဘက် မေတ္တာ အပြန်အလှန်ထားမယ့်ဘက်ကို စည်းရုံးခေါ်ဆောင်ရမှာဖြစ်ပါတယ်။ ဒါပေမယ့် လက်တွေ့မှာတော့ သူဟာ အစ္စလာမ့်ဘာသာရေး ကျမ်းစာများကို လိုသလိုဖြတ်ထုတ်ဆွဲယူခြင်းပြု (Out of Context) ထုတ်နှုတ်ယူပြီး အစ္စလာမ်သာသနာဟာ အကြမ်းဖက်သာသနာဖြစ်ကြောင်း၊ ကိုရ်အာန်ကျမ်းစာဟာလည်း အကြမ်းဖက်မှုအားပေးကြောင်း၊ အစ္စလာမ်သာသနာဝင်အားလုံးဟာ အကြမ်းဖက်သူများဖြစ်ကြောင်း စသဖြင့် ရိုးသားမှုမရှိဘဲ လိမ်လည်ဝါဒဖြန့်ဝေကာ အစွန်းရောက်အမြင်တူသူများကို သူ့ဘက်တော်သားများအဖြစ် စည်းရုံးသိမ်းသွင်းနေပါတယ်။

စစ်မှန်သည့် အစ္စလာမ် သာသနာအရ အစ္စလာမ်ဘာသာဟာ လူသား အချင်းချင်းစာနာထောက်ထားမှုနဲ့ လူသားတစ်ဦး တစ်ယောက်ရဲ့ လွတ်လပ်မှုကို အသိအမှတ်ပြုပါတယ်။ လူသားတစ်ဦး တစ်ယောက်ဟာ မိမိရွေးချယ်မှုနဲ့ ဘာသာသာသနာကို ကိုးကွယ်ပိုင်ခွင့်ရှိပါတယ်။ “ဘာသာရေးတွင် အတင်းအကျပ်ပြုမှုမရှိ” ဟု ကိုရ်အာန်ကျမ်းစာ အခန်းကြီး ( ၂ ) အခန်းငယ် ( ၂၅၇ ) မှာ ဖော်ပြထားပါတယ်။ ဒါ့အပြင်အစ္စလာမ် သာသနာရဲ့ သင်ပြမှုတွေထဲမှာ လူသားတစ်ဦးတစ်ယောက်ဟာ မိမိနှင့် ဘဝတူလူသားအချင်းချင်းကြားမှာ ငြိမ်းချမ်းစွာ နေထိုင်နိုင်ခြင်းမရှိသမျှကာလပတ်လုံး ဘုရားသခင်နဲ့လည်း ငြိမ်းချမ်းစွာ အတူနေထိုင်နိုင်မှာ မဟုတ်တဲ့အကြောင်း သွန်သင်ပြချက်ပါရှိပါတယ်။ မြန်မာပြည်တစ်လွှားက အစ္စလာမ် သာသနာဝင်တွေမှာ ငြိမ်းအေးချမ်းမြသူတွေ အမြောက်အများရှိကြပါတယ်။

မိထ္ထိလာ၊ ဥက္ကံ စတဲ့အရေးအခင်းတွေမှာ အစ္စလာမ်ဘာသာဝင်တွေကို သတ်ဖြတ်ကြတဲ့ အနည်းငယ်သော ဗုဒ္ဓဘာသာဝင်တွေနဲ့ ရဟန်းအချို့ဟာ စစ်မှန်တဲ့ ဗုဒ္ဓဘာသာဝင်တွေ မဟုတ်သလို့ ကမ္ဘာမှာ ရံဖန်ရံခါတွေ့မြင်ကြရတဲ့ အစ္စလာမ်ဘာသာဝင် အမည်ခံအချို့ရဲ့ ကြမ်းကြုတ်တဲ့လုပ်ရပ်တွေဟာလည်း အစစ်အမှန် အစ္စလာမ်သာသနာရဲ့ လုပ်ရပ်မဟုတ်ပါဘူး။ ကိုရ်အာန်ကျမ်းစာကလည်း မည့်သည့် အကြမ်းဖက်မှုမျိုးကို မဆို ရှုံ့ချကြောင်းလည်း သိစေအပ်ပါတယ်။ ” အစ္စလာမ်သာသနာဟာ အပြစ်ကင်းမဲ့သူများ ရန်လိုမှုမရှိသူများကို သတ်ဖြတ်ခြင်းမှ တင်းကျပ်စွာတားမြစ်ထားပါတယ်။ ထောင်ထားခြားနား ရန်လိုသူများမှ တပါး အခြားသူများအား ကြမ်းတမ်းစွာ ဆက်ဆံခြင်းမပြုရချေ။ ” ဟု ကိုရ်အာန်ကျမ်းစာ အခန်းကြီး ( ၂ ) အခန်းငယ်  (၁၉၄ ) မှာဖော်ပြထားပါတယ်။

ဒါ့အပြင် အကြမ်းဖက်အပြုအမူမျိုးတွေကျူးလွန်တဲ့အတွက်ကြောင့် အပြစ်မဲ့ လူသားတွေသတ်ဖြတ်ခြင်းခံရတဲ့အခါမှာ ကိုရ်အာန်ကျမ်းစာက မိန့်ကြားတာက …
“မြေပြင်ပေါ်တွင် ခိုးဆိုးလုယက်၍ မတည်ငြိမ်မှုကိုဖန်တီးပြီး မကောင်းမှုကျူးလွန်ကာ သွားလာနေသူမဟုတ်က မည်သူမဆို လူတစ်ဦးအား သတ်ဖြတ်သည်ရှိသော် ထိုသူသည် လူသားထုတစ်ရပ်လုံးအား သတ်ဖြတ်သူမည်၏။”  လို ကိုရ်အာန်ကျမ်းစာ အခန်းကြီး (၅) အခန်းငယ် (၃၃) မှာ ထာဝရဘုရားရှင်က မိန့်ကြားထားပါတယ်။ဆိုလိုသည်မှာ အကြောင်းတစ်စုံတစ်ရာ မရှိဘဲ လူတစ်ဦးအား သတ်ဖြတ်သော် ထာဝရဘုရားသခင်၏ အမြင်တွင် လူသားထုတစ်ရပ်လုံးအား သတ်ဖြတ်သကဲ့သို့ပင် ဖြစ်ပေသည်။ ဒီမုက္ခပတ်တော်တွေအရ အစ္စလာမ်သာသနာမှာ အကြောင်းအရင်းမရှိဘဲ အခြားသူတစ်ဦးတစ်ယောက်အား သတ်ဖြတ်ခြင်းမှာ မည်မျှအပြစ်ကြီးသည်ကို သိရှိနီုင်ပါသည်။ ထို့ကြောင့် အစ္စလာမ့်သွန်သင်ချက်များမှာ ငြိမ်းချမ်းမှုသာဖြစ်ပြီး အစ္စလာမ်ဆိုသည့် ဝေါဟာရသည်ပင် ” ငြိမ်းချမ်းခြင်းနှင့် ငြိမ်ဝပ်ခြင်း” ဟု အဓိပ္ပာယ်ရပေသည်။

ယခုဆောင်းပါးမှာ ကျွန်တော်အနေနဲ့ ထပ်ပြီး ရှင်းလင်းလိုတာတစ်ခုက မတူကွဲပြားခြင်းနှင့် ငြိမ်းချမ်းရေးပါတီ ဥက္ကဌ ဦးနေမျိုးဝေဆိုသူရဲ့ ကိုရ်အာန်ကျမ်းစာမှ လိုသလို ဖြတ်ထုတ် ဆွဲယူမှုတွေကိုပဲဖြစ်ပါတယ်။  ဦးနေမျိုးဝေအား ထပ်ဆင့်ချီးကျူးထောက်ခံကာ ရေးသားထားသော သီရိလင်္ကာနိုင်ငံတွင် ပညာတော်သင်နေသော ဓမ္မဝီရ အရှင်တေဇနိယရဲ့(http://www.ashintejaniya.com/) ရေးသားချက်တွေကိုလည်းရှင်းလင်းသွားပါမယ်။ ကျွန်တော်ရှင်းလင်းရတဲ့ လိုရင်းအချက်ကတော့ အစ္စလာမ်သာသနာကို ယဉ်ယဉ်ကျေးကျေး အဆင့်တန်းရှိရှိ  ခြေခြေမြစ်မြစ်မဟုတ်ဘဲ လိုသလိုဆွဲထုတ်ဝေဖန်နေတဲ့ ဦးနေမျိုးဝေနဲ့ သူကိုအားပေးထောက်ခံတဲ့ သဘောထားအမြင်ကို သဘောမကျလို့ပဲဖြစ်ပါတယ်။ ကျွန်တော်အနေနဲ့ လူအများကိုးကွယ်နေသော မည်သည့်ဘာသာ၊ သာသနာကိုမှ ဝေဖန်ပုတ်ခတ်မှု ပြုလိုခြင်းမရှိကြောင်းနှင့် အခြားသူများ၏ ဘာသာသာသနာများအပေါ် ဝေဖန်ပုတ်ခတ်မှုများကိုလည်း အလျှဉ်းလက်ခံလိုခြင်းမရှိကြောင်း ကြိုတင် အထူးသတိပေးပါရစေ။ သို့သော် အရှင်တေဇနိယကမူ စိုက်ယဒ် ဟာဂျီဘေလားနူးရ်အား ပြန်လည်ဖြေရှင်းချက်ထုတ်ကာ အစ္စလာမ်သာသနာဝင်များအား မိမိတို့သာသနာကို ပြန်လည်ဆန်းစစ်စေလိုကြောင်းနှင့် ဗုဒ္ဓသာသနာတွင် သင်္ဂါယနာတင်ခြင်းနှင့် ဆက်လျှဉ်း၍ မြတ်ဗုဒ္ဓဟောကြားသည့်အတိုင်းဖြစ်ရအောင် ၆ ကြိမ်သင်္ဂါယနာအားဖြင့် အဆင့်ဆင့် ပယ်ဖျက်၊ ဖြည့်စွက် ပြင်ဆင်ရခြင်း မရှိကြောင်း အကယ်၍ တင်ပြသောအချက်အလက်အား မှားယွင်းကြောင်း တင်ပြပြောဆိုနိုင်ပါက အစ္စလာမ်ဘာသာကောင်းသည် မကောင်းသည်ကို မစဉ်းစားဘဲ အစ္စလာမ်ဘာသာထဲသို့ ဦးဇင်းကိုယ်တိုင် ဝင်ရောက်ပါမည်ဟု ကတိကဝတ်ပေးထားပါသည်။

ထိုအတွက် ရှင်းလင်းစရာ အမြောက်အများရှိသော်လည်း အဓိကကျသည့် အချက်နှစ်ချက်ကို ရှင်းလင်းပါမည်။ သာသနာရေးနှင့် စပ်လျှဉ်းသည်ဖြစ်၍ ရှင်းလင်းရာတွင် ထေရဝါဒသာသနာထဲမှ သီရိလင်္ကာ ဘုန်းတော်ကြီးဖြစ်သူ ဒေါက်တာ ဝါလ်ပိုလာ ရာဟုလာကဲ့သို့သော အထင်ကရဘုန်းတော်ကြီးများ၏ စာပေများနှင့် အခြားထင်ရှားသော ဗုဒ္ဓသာသနာဆိုင်ရာ သမိုင်းပညာရှင်များဖြစ်သည့် လန်ဒန်ပါဠိစာပေအသင်း၏ ပါဠိပါမောက္ခဖြစ်သူ မစ္စ ရိုင်းစ် ဒေးဗစ် (Mrs Rhys David) စသော ပညာရှင်များနှင့် အခြား သုတေသနစာတမ်း၊ ခိုင်မာသော အကိုးအကားများအားဖြင့်သာ ဗမာဘာသာနှင့် အင်္ဂလိပ်ဘာသာစာပေများမှ ကောက်နှုတ်ရေးသားတင်ပြပါမည်။

ပထမအချက်မှာ စိုက်ယဒ်ဟာဂျီဘေလားနူးရ်မေးသော အချက်ဖြစ်ပါသည်။ ပိဋကတ်ကျမ်းတော်များကို သီရိလင်္ကာ (သီဟိုဠ်) တွင် သက္ကတဘာသာအားဖြင့်ရှိသည်ဟု ထင်မြင်ယူဆနေခြင်းဖြစ်ပါသည်။ သီရိလင်္ကာနေ အရှင်တေဇနိယအနေဖြင့် သီရိလင်္ကာတွင် ပိဋကတ်တော်များ သက္ကတ ဘာသာဖြင့်မရှိဘဲ ပါဠိဘာသာဖြင့်သာ ရှိကြောင်း ပြန်လည် ရှင်းလင်းချက်ထုတ်ထားပါသည်။ အမှန်တကယ်အားဖြင့် ထိုင်း၊ ကမ္ဗောဒီးယား၊လာအို၊မြန်မာ၊သီရိလင်္ကာ စသောထေရဝါဒ နိုင်ငံများတွင် ပိဋကတ်တော်များ ပါဠိဘာသာဖြင့်သာတွေ့ရပြီး၊ မဟာယနဗုဒ္ဓဘာသာကိုးကွယ်သော  ကိုရီးယား၊ တရုတ်၊ ဂျပန်၊ တိဗက်၊  နီပေါ၊ ဘူတန် စသည်တို့တွင်သာ ပိဋကတ်တော်များကို သက္ကတ္တ ဘာသာစကားအားဖြင့်တွေ့ရပါသည်။ အချိုးအစားအရ မဟာယန ဗုဒ္ဓဘာသာဝင်အရေအတွက်က ပိုများသည်။ မဟာယနအလိုအရ မြတ်ဗုဒ္ဓသည် ထာဝရဘုရားရှင်၏ အဝတာရ ကိုယ်ပွားတော်အဖြစ် လောကတွင် တရားဟောကြားခြင်းဖြစ်၍ ထေရဝါဒနှင့် ကွဲပြားကာ ထေရဝါဒ ပိဋကတ်ကို လက်မခံဘဲ မိမိတို့ဘာသာ စင်ပြိုင်သင်္ဂါယနာတင်ထားသော သက္ကတ္တဘာသာနှင့် တရုတ်၊တိဗက်စသော အခြားဘာသာ ပိဋကတ်ကျမ်းများရှိသည်။ ဤနေရာတွင် ထေရဝါဒ ပိဋကတ်တော်များသည် ပါဠိဘာသာဖြင့်မရှိခင်က သက္ကတ္တဘာသာစကားအားဖြင့်မဟုတ်ဘဲ သီဟိုဠ်ဘာသာ (သို့) သီရိလင်္ကာ ဘာသာဖြင့် ဦးစွာပထမ အပြည့်အစုံစာဖြင့် ရေးသား မှတ်တမ်းတင်ခြင်း ခံခဲ့ရကြောင်းကို ဖော်ပြလိုပါသည်။ ထိုရေးသားမှတ်တမ်းတင်ခြင်းကို တတိယ သင်္ဂါယနာအပြီး နှစ်ပေါင်းနှစ်ရာအကြာ မြတ်ဗုဒ္ဓပိရိနိဗ္ဗာန်ပြုပြီး နှစ်ပေါင်း ၄၅ဝ အကြာ ဘီစီ ၄၃ ခုနှစ်မှာပြုလုပ်ခဲ့ခြင်းဖြစ်ပါတယ်။ ယင်းအချက်ကို ဗုဒ္ဓဘာသာသာမန်လူထုအတွင်းအသိနည်းလှသော်လည်း ဒေါက်တာ ဝါလ်ပိုလာ ရာဟုလာကဲ့သို့သော အထင်ကရဗုဒ္ဓဘာသာရဟန်းတော်များနှင့် သမိုင်းပညာရှင်များလည်း လက်ခံကြပါသည်။ ယင်းအချက်အပြည့်အစုံကို ဒုတိယအချက်အဖြစ် သင်္ဂါယနာကိစ္စ (သင်္ဂါယနာတင်ပုံ)နှင့် တွဲလျှက်ဆက်လက်ဖော်ပြပါမည်။

ဒုတိယအချက်မှာ သင်္ဂါယနာနှင့်သက်ဆိုင်ပါသည်။ ဦးစွာ သင်္ဂါယနာ၏ မူရင်းအဓိပ္ပာယ်ကို ရှင်းလင်းပြပါမည်။ သင်္ဂါယနာဆိုသည်မှာ အများသဘောတူ အတည်ပြုခြင်းအားဖြင့် စုပေါင်းရွတ်ဆိုခြင်း(ရွတ်ဆိုခြင်းကို သတိပြုစေလို) ကို သင်္ဂါယနာတင်သည်ဟု အဓိပ္ပာယ်ဖွင့်ပါသည်။ ယင်းတွင် ကွဲလွဲလျှက်ရှိသောတရားတော်များကို မြတ်ဗုဒ္ဓဟောကြားခဲ့သည့်အတိုင်းဖြစ်ရအောင် ပြင်ဆင်ခြင်း၊ ပယ်နှုတ်ခြင်း၊ ဖြည့်စွက်ခြင်းများအပြင့် အခြားဘာသာစကားတစ်ခုမှ တစ်ခုသို့ပြန်ဆိုခြင်း အဆင့်ဆင့်ရှိခဲ့ပါသည်။ ဤအကြောင်းအရပ်များကို ထင်ရှားသော ထေရဝါဒ ဗုဒ္ဓဘာသာရဟန်းတော်များနှင့် သမိုင်းပညာရှင်များ၏ စာအုပ်စာတန်းများမှ အကျဉ်းကောက်နှုတ်တင်ပြပါမည်။

ပထမသင်္ဂါယနာ
ပထမ သင်္ဂါယနာတင်ပွဲကို မြတ်ဗုဒ္ဓပရိနိဗ္ဗာန်ပြုပြီး ဘီစီ ၅၄၃-၅၄၂ မှာ မာဂဓတိုင်းရဲ့ မြို့တော် ရာဇဂြိုဟ်မှာ ကျင်းပခဲ့တာပါ။ သင်္ဂါယနာတင်ရတဲ့အကြောင်းအရင်းကတော့ သံဃာထဲကို နောက်ကျမှ ဝင်ရောက်လာတဲ့ သုဘဒ္ဒါဆိုသူ ရဟန်းဟာ မြတ်ဗုဒ္ဓပရိနိဗ္ဗာန်ပြုသွားတဲ့အခါ ဝမ်းနည်းငိုကြွေးနေသော ရဟန်းတို့ကိုကြည့်လျှက် မြတ်ဗုဒ္ဓမရှိတော့တဲ့အတွက် မိမိတို့ကိုယ်တိုင်ဆရာဖြစ်၍ ချုပ်ချယ်မည့်သူမရှိတော့သောကြောင့် ဝမ်းနည်းမည့်အစား ပျော်ရွှင်ခြင်းက သာပြီးကောင်းတယ်လို့ဆိုလာပါတယ်။ ဒီအချိန်မှာ တခြားရဟန်းတော်တွေက သုဘဒ္ဒါကဲ့သို့ တပါးသူတွေ လမ်းလွဲရောက်သွားမှာစိုးရိမ်တဲ့အတွက် မြတ်ဗုဒ္ဓရဲ့ မူလသွန်သင်ချက်တွေကို ထိန်းသိမ်းစုစည်းမယ့် ညီလာခံတစ်ခုလုပ်ကြဖို့တောင်းဆိုခဲ့ကြရာက အစပြုပါတယ်။ မြတ်ဗုဒ္ဓက သူကွယ်လွန်ခါနီးမှာ ” အချင်းတို့ တစ်ပါးသူကို မကြည့်ကြနှင့် အသင်တို့ရဲ့ လွတ်မြောက်ခြင်းဟာ မည်သူတစ်စုံတစ်ဦးပေါ်မှာမှမတည်။ မိမိအတွင်းကိုသာ ကြည့်ကြလော။ ဓမ္မကို အားကိုးရားပြု၍ နေထိုင်ကြလော” ဟုမိန့်ကြားခံပါသည်။ (မဟာပရိနိဗ္ဗာနသုတ်။)
မာဂဓပြည့်ရှင် အဇာတသတ်ရဲ့ ကမ္မကထပြုမှုနဲ့ မြတ်ဗုဒ္ဓရဲ့ ထိပ်တန်းသာဝကကြီးဖြစ်သူ ရှင်မဟာ ကဿပ တို့ဦးဆောင်ပြီး ရဟန်း(ဘိက္ခု)သံဃာ (၅ဝဝ) ပါဝင်လျှက် ပထမသင်္ဂါယနာကို ကျင်းပခဲ့ပါတယ်။ ဒေသနာတွေကို မြတ်ဗုဒ္ဓအပါးမှား အမြဲခစားနေတဲ့ တပည့်သာဝကဖြစ်သူ အရှင် အာနန္ဒာက တင်ပြပေးခဲ့ပြီး အဲ့ဒါတွေကို ပိဋကတ်သုံးပုံမှာ သုတ္တန်ဒေသနာအဖြစ်ထားရှိပါတယ်။ နောက်တပည့်တစ်ဦးဖြစ်တဲ့ ရှင်ဥပါလိက အစည်းအရုံးဆိုင်ရာ ဗုဒ္ဓရဲ့သွန်သင်ချက်များကို တင်ပြခဲ့ပြီး အဲ့ဒါတွေကိုတော့ ဝိနည်း (ဝိနယ) အဖြစ်ထားရှိပါတယ်။ ပိဋကတ်သုံးပုံရဲ့ တတိယအပိုင်းဖြစ်တဲ့ အဘိဓမ္မာကို ရှင်မဟာ ကဿပက ဆင့်ပြန်တယ်လို့ သိကြပေမယ့် ပထမနဲ့ ဒုတိယ သင်္ဂါယနာနှစ်ခုရဲ့ သမိုင်းအရ ရှင်မဟာ ကဿပဟာ ပထမနဲ့ ဒုတိယ သင်္ဂါယနာတွေမှာ မည်သည့်ဗုဒ္ဓဒေသနာတွေကိုမှ ဆင့်ပြန်တယ်လို့ ဖော်ပြထားခြင်းမရှိပါဘူး။
ပထမသင်္ဂါယနာဟာ ခုနှစ်လကြာမြင့်ခဲ့ပြီး ပိဋကတ်သုံးပုံရဲ့ ပထမနှစ်ပိုင်းဖြစ်တဲ့ သုတ္တန်နဲ့ ဝိနည်းတို့ စတင်အခြေတည်ပါတယ်။ ဒီနေရာမှာ အထူးအရေးတကြီး ဖော်ပြလိုတာက သင်္ဂါယနာတင်ဆောင်ရွက်ကြတဲ့အခါမှာ မည်သည့် စကားလုံးတစ်လုံးကိုမျှ ပေထက် အက္ခရာတင်ထားခြင်း မရှိပါဘူး။ ရဟန်းတွေသာ နှုတ်ငုံဆောင်ဖို့ တာဝန်တင်ရှိပါတယ်။ ဒါကို ဗုဒ္ဓဘာသာ သုတေသီတွေပါ သဘောတူ လက်ခံကြပါတယ်။ နှုတ်တိုက် သက်သက်သာဖြစ်ပြီး ရေးသား ကမ္ဗည်းတင်တဲ့ အပိုင်းမပါပါဘူး။

ဒုတိယသင်္ဂါယနာ
ပထမသင်္ဂါယနာအပြီး နောက်ထပ်နှစ်တရာအကြာ ဘီစီ ၄၄၃-၄၄၂ ခု ပါဋလိပုတ်မြို့ရဲ့ မြောက်ဘက် ၂၇ မိုင်အကွာက ဝေသာလီပြည်မှာ မာဂဓပြည့်ရှင် ကာလာသောကရဲ့ ကမ္မကထပြုချက်နဲ့ ဒုတိယသင်္ဂါယနာကို ကျင်းပခဲ့ပါတယ်။ သင်္ဂါယနာတင်ရတာဟာ ကွဲပြားမှုတွေပေါ်ထွက်လာတဲ့အတွက် ဒီကွဲပြားမှုတွေကနေ အများသဘောတူညီတဲ့ မြတ်ဗုဒ္ဓရဲ့ဒေသနာကို အာဂုံဆောင်ထားတဲ့ ရဟန်းတော်တွေကတစ်ဆင့် ပြန်လည်စုစည်း ညှိုနှိုင်းယူရတာဖြစ်ပါတယ်။ ရဟန်း(ဘိက္ခု)သံဃာပေါင်း ၇ဝဝ ကျော် တက်ရောက်ခဲ့ပြီး ရှင်မဟာ ယဿက အကြီးအမှူးအဖြစ်ဆောင်ရွက်ခဲ့ပါတယ်။

ပထမသင်္ဂါယနာအပြီးယင်း၏ ဆုံးဖြတ်ချက်ကို သဘောမတူသောရဟန်းများက ဝိနည်းကို မိမိတို့အလိုကျပြုပြင်၍ ဝတ္ထုဆယ်ပါး (ဒဿဝတ္ထု) ကို ကျင့်ကြပါတယ်။ ဒီရဟန်းတော်တွေကိုတော့ မဟာသံဃိကလို့ခေါ်ပါတယ်။ ဂိုဏ်းအမည်ကိုတော့ မဟာသင်္ဂိတီဂိုဏ်း သို့ မဟာသံဃိကဂိုဏ်းလို့ခေါ်ကြပါတယ်။ ဘီစီ ၃-၄ ရာစုမှာတော့ မဟာသံဃိကတွေက သြဇာအာဏာ ကြီးထွားလာခဲ့တာကြောင့် သံဃာထုအကြားမှာ အထင်အရှားကွဲလွဲမှုတွေပေါ်ပေါက်ခဲ့ရတယ်။

ဒါကြောင့်မူလပင်မဂိုဏ်း(နောင်ထေရဝါဒဂိုဏ်းကွဲတစ်ခုပေါ်ထွက်လာမည့်ဂိုဏ်း) က ရဟန်းတွေဟာ အချင်းချင်းတိုင်ပင်နှီးနှောကြပြီး ဒုတိယသင်္ဂါယနာကို ကျင်းပခဲ့ခြင်းဖြစ်ပါတယ်။  မဟာသံဃိကရဟန်းတော်တွေဟာလည်း သင့်တင့်တဲ့ အရေအတွက် ရှိတာကြောင့် ကောသမ္ဗီပြည်နယ်မှာ စင်ပြိုင်(ပထမ) သင်္ဂါယနာတင်ခြင်းကို ပြုလုပ်ခဲ့ကြပါတယ်။

ဒီကွဲလွဲမှုတွေကြောင့် ဒုတိယသင်္ဂါယနာမှာ သုတ္တန်နဲ့ ဝိနည်းတို့ကို အပြန်အလှန် ဆန်းစစ်မွမ်းမံဖို့ အခြေအတင်ဆွေးနွေး ဆုံးဖြတ်ခဲ့ကြပါတယ်။ ဒီအကြိမ်မှာလည်း ပထမ သင်္ဂါယနာ နည်းတူ နှုတ်တိုက် ရွတ်ဆိုခဲ့ခြင်းသာဖြစ်ပြီး ဝိနယနဲ့ သုတ္တန်ပါဠိတော်ရဲ့ မည့်သည့်အစိတ်အပိုင်းကိုမျှ ရေးသား မှတ်တမ်းတင်ခဲ့ခြင်း မရှိပါ။

တတိယသင်္ဂါယနာ
ဘီစီ ၂၆၉ ခုနှစ်မှာ ဗြဟ္မဏဘာသာကို ကိုးကွယ်တဲ့ မောရိယပြည့်ရှင် ဗိန္ဒုသာရရဲ့ သားဖြစ်သူ အသောက နန်းတက်လာခဲ့ပါတယ်။ဘုရင်ဖြစ်ပြီး နှစ်အတန်ကြာမှာပဲ ဗုဒ္ဓဘာသာကို အတိအလင်းခံယူခဲ့ပါတယ်။ သာသနာဖြန့်ချီရေး အတွက်လည်း အစွမ်းကုန်ကြိုးပမ်းခဲ့ပါတယ်။ ဒီအချိန်မှာ မူလပင်မဂိုဏ်း ( နောင်ထေရဝါဒပေါ် ထွက်လာမည့်ဂိုဏ်း) မှလည်း ဂိုဏ်းကွဲများ ဆက်ကာဆက်ကာ ကွဲသွားရာ ” သဗ္ဗတ္ထိဝါဒ၊ ဓမ္မဂုတ္တိက၊ ကဿမိက၊ သုတ္တန္တိကဝါဒ ” စသည်အားဖြင့် (၁၁) ဂိုဏ်းအထိကွဲသွားပြီး မဟာသံဃိက ဂိုဏ်းကွဲများပါထည့်ပေါ်င်းလျှင် (၁၈) ဂိုဏ်းခန့်တွေ့ရပါတယ်။ အခြားဂိုဏ်းကွဲငယ် အများအပြားလည်းရှိကြောင်း ကထာဝတ္ထု အဌကထာတွင် ဖတ်ရှုနိုင်ပါတယ်။

အသောကမင်းကြီးကမ္မကထပြုလျှက် ဒီဂိုဏ်းကွဲတွေကို ပြန်လည်စည်းလုံးညီညွတ်သွားစေဖို့အတွက် ဂိုဏ်းအားလုံးမှ ရဟန်းတော်များကို ပင့်ဖိတ်ပြီး ဘီစီ ၂၄၇-၂၅ဝ ခုနှစ် ပါဋလိပုတ်ပြည်မှာ ရှင်မဟာ မောဂ္ဂလိပုတ္တတိဿ မထေရ်ဦးဆောင်ကာ တတိယ သင်္ဂါယနာတင်ခြင်းကိုပြုလုပ်ခဲ့ပါတယ်။ အဘိဓမ္မာကျမ်း၌ အကျုံးဝင်သော ကထာဝတ္ထုကို ရှင်မဟာမောဂ္ဂလိပုတ္တ တိဿမထေရ်ပင်ပြုစုခဲ့ခြင်းဖြစ်ပါတယ်။(ပိဋကတ်တော်သို့ ဖြည့်စွက်ချက်။) ဒီသင်္ဂါယနာတင်ပွဲကို ပါဋလိပုတ်စည်းဝေးပွဲလို့လည်း လူသိများပါတယ်။ ပါဋလိပုတ်စည်းဝေးပွဲမှာ ရဟန်းတော်ပေါင်း ခြောက်သောင်းခန့်ကို အကျင့်ပျက်ရဟန်းတွေအဖြစ် သံဃာထဲက ကြဉ်ခဲ့ကြပြီး မိစ္ဆာဒိဌိများအဖြစ်သတ်မှတ်ခဲ့ပါတယ်။ ဤတတိယသင်္ဂါယနာတွင်လည်း အားလုံးသော အကြောင်း အရာများကို နှုတ်တိုက်သာ ကျက်မှတ်ခဲ့ခြင်းဖြစ်ပြီး ရေးသားမှတ်တမ်းတင်ခဲ့ခြင်း မရှိပါဘူး။ အချို့သုတေသီတွေက တတိယသင်္ဂါယနာမှာ ပေထက် အက္ခရာတင်တယ် အောင့်မေ့ကြပါတယ်။ အကြောင်းပြချက်တစ်ခုက အာသောကကျောက်စာ အချို့ကို အထောက်ပြကြတယ်။ တကယ်တော့ အသောက ကျောက်စာတွေက သင်္ဂါယနာမတင်ခင်က အချို့ အစိတ်အပိုင်းလောက်သာ ရေးထိုးထားပြီး နေရာဒေသတစ်ချို့မှာ စိုက်ထူခဲ့တာပါ။ တတိယသင်္ဂါယနာတင်တဲ့အကြောင်း အသောကကျောက်စာများ၌ မတွေ့ရပါ။ နောက်အကြောင်းပြချက်တစ်ခုက အသောကရဲ့ သားတော် ရှင်မဟိန္ဒ ပိဋကတ်သုံးပုံပေမူနဲ့ သီဟိုဠ်ကို သာသနာပြုဖို့သွားခဲ့တယ်လိုဆိုကြပါတယ်။ ဒါပေမယ့် ပေမူတွေယူသွားတယ်ဆိုတဲ့ အချက်အတွက် ဗုဒ္ဓဘာသာစာပေနဲ့ သမိုင်းအထောက်အထားမတွေ့ရပါ။

စတုထ္ထသင်္ဂါယနာ

ပိဋကတ်သုံးပုံကို မည်သည့်အချိန်မှာ အပြည့်အစုံရေးသားမှတ်တမ်းတင်ခဲ့ပါသလဲ။ ခိုင်မာတည်တံ့တဲ့ အထောက်အထား ရှုထောင့်အရ ပိဋကတ်သုံးပုံ အပြည့်အစုံကို မြတ် ဗုဒ္ဓပွင့်တော်မူခဲ့တဲ့ အိန္ဒိယမှာ မဟုတ်ဘဲ သီဟိုဠ် (သီရိလင်္ကာ) မှာ ပထမဆုံးအကြိမ် စာဖြင့်ရေးသားမှတ်တမ်းတင်ခဲ့ပါတယ်။ မြတ်ဗုဒ္ဓပရိနိဗ္ဗာန်ပြုအပြီး နှစ်ပေါင်း (၄၅ဝ) အကြာ ဘီစီ ၄၃ ခုနှစ်မှာ မှတ်တမ်းတင်ရေးသားတဲ့ ပိဋကတ်သုံးပုံရဲ့ ပထမဆုံးမူဟာ ပါဠိဘာသာနဲ့ရေးသားထားတာမဟုတ်ပြန်ပါဘူး၊ သီဟိုဠ်ဘာသာနဲ့ရေးသားခဲ့တာပါ။

အသောကမင်းရဲ့သားတော် ရှင်မဟိန္ဒနဲ့ ဆွေရင်းမျိုးရင်းနှစ်ဦးရယ် ပညာကျော် သံဃာလေးပါးတို့ဟာ သီဟိုဠ်ကို သာသနာပြုကြွသွားခဲ့ပါတယ်။ ဒီသံဃာတော်တွေက သီဟိုရဟန်းတော်တွေကို ပိဋကတ်တော်တွေ နှုတ်တိုက်ချပေး အာဂုံဆောင်စေခဲ့ပါတယ်။ ခုလိုလုပ်ကိုင်နည်းများအရ သီဟိုဠ်မှာလည်း ပိဋကတ်သုံးပုံကို မျိုးဆက်တစ်ဆက်မှတစ်ဆက် အာဂုံဆောင်နည်းနဲ့သာ လက်ဆင့်ကမ်းခဲ့ကြတာပါ။ ဘီစီ (၄၃) ခုနှစ်မှာ ဗုဒ္ဓဘာသာကို မြှောက်စားခဲ့တဲ့ သီဟိုဠ်ဘုရင်တွေ နန်းကျသွားပြီး တမီလ်ဘုရင်တွေ နန်းတက်လာခဲ့ပါတယ်။ ဒီဘုရင်တွေဟာ ဗုဒ္ဓဘာသာကို စိတ်မဝင်စားခဲ့ပါဘူး။

ပြည်တွင်းနိုင်ငံရေးမငြိမ်မသက်ခြင်းနဲ့ ဗုဒ္ဓဘာသာကို ဘုရင်မင်းတရားတွေဘက်က ထောက်ခံမှုမရှိခဲ့တော့တာကြောင့်လည်း မဟာထေရ်များလို့ ထင်ရှားတဲ့ ဗုဒ္ဓဘာသာပညာရှိကြီးများက ပိဋကတ်သုံးပုံကို ရေးသားမှတ်တမ်းတင်ခြင်းဖြင့် ထိန်းသိမ်းရန် နည်းလမ်းရှာကြံလာခဲ့ကြပါတယ်။ ဒါကြောင့် အာဂုံရ ရဟန်းတော်များ(ဘိက္ခုများ) ရဲ့အကူအညီနဲ့ ပိဋကတ်သုံးပုံကို ပါဠိဘာသာကနေ သီဟိုဠ်ဘာသာစကားနဲ့ဘာသာပြန်ဆိုခဲ့ကြပါတယ်။ “သီဟိုဠ်တွင် ဗုဒ္ဓဘာသာသမိုင်း” (History of Buddhism in Ceylon by Walpola Rahula) ကို ရေးသားခဲ့တဲ့ ဒေါက်တာဝါလ်ပိုလာ ရာဟုလာက ရှေးဟောင်း သီဟိုဠ်သမိုင်းကျမ်းများဖြစ်တဲ့ မဟာဝံသနဲ့ ဒီပဝံသကျမ်းတွေကိုကိုးကားပြီး သမိုင်းမှာပထမဆုံးအကြိမ် ပိဋကတ်သုံးပုံကို ပေထက်အက္ခရာတင်ခဲ့ပုံနဲ့ပတ်သက်လို့ အခုလို ရေးသားသွားခဲ့ပါတယ်။

ဘီစီ ၄၃ ခုနှစ်ကစလို့ ၁၄ နှစ်အတွင်း အနုရာဓပြည်မှာ တမီလ်ဘုရင် ငါးပါးအုပ်စိုးသွားခဲ့ပါတယ်။ ဒီတုန်းက (စတုထ္ထသင်္ဂါယနာတင်မင်းလို့ဆိုကြတဲ့) ဘုရင်ဝဋ္ဓဂါမဏိကိုယ်တိုင် ဝေးလံတဲ့ဒေသ တောအုပ်တစ်ခုမှာ ပုန်းအောင်းနေခဲ့ရပါတယ်။ မဟာထေရ်များနဲ့ သီဟိုဠ်ခေါင်းဆောင် တွေက ဗုဒ္ဓဘာသာရဲ့အနာဂတ်အရေးကအန္တရာယ်ဆိုက်တော့မှာကို မြင်ခဲ့ကြပါတယ်။ ရပ်တည်ဖို့တောင်အနိုင်နိုင်ဖြစ်နေခဲ့ပြီ။ ထောက်ခံမဲ့ သီဟိုဠ်ဘုရင်များလဲ မရှိတော့ဘူး။ ပိဋကတ်သုံးပုံကို အဆင့်ဆင့်နုတ်တိုက်နည်းနဲ့ပဲ ရှေ့ဆက်အာဂုံဆောင်သွားဖို့ဆိုတာက ရန်လိုနေတဲ့ဝန်းကျင်ကြီးမှာ ဘယ်လိုမှမဖြစ်နိုင်တော့ဘူး။ ဒီမအေးချမ်းတဲ့ အခြေအနေဆိုးကြီးထဲမှာ ဗုဒ္ဓဘာသာရဲ့သွန်သင်ချက်တွေကို ထိန်းသိမ်းဖို့က ဒေသနာတွေကို တန်ဖိုးထားတဲ့သံဃာတို့ရဲ့ အဓိကတာဝန်ဖြစ်နေပြီ။ ဒါကြောင့် အမြင်ကျယ်လှတဲ့မဟာထေရ်တွေက ဒေသခံအကြီးအကဲတစ်ဦးရဲ့ ကမ္မကထပြုမှုနဲ့ မတလိရွာ အလုဝိဟာရမှာ ပိဋကတ်သုံးပုံအလုံးစုံကို ဋီကာဖွင့်ချက်နဲ့ တစ်ပါတည်း သမိုင်းမှာ ပထမဆုံးအကြိမ်အဖြစ်နဲ့ ကြာရှည်မပျက်တည်နေရအောင်လို့ ပေထက်အက္ခရာ တင်ခဲ့ကြပါတယ်။ (History of Buddhism by Walpola Rahula Page 81-82, Ananda W. P. Guruge Speech Delivered at Washington D.C on the Occassion of the 2600th Birthday of Buddhism -March 23 2012)။ သမိုင်းမှတ်တမ်းတွေအရ စတုတ္ထသင်္ဂါယနာတင်သူဟာ ဘုရင်ဝဋ္ဓဂါမဏိမဟုတ်ဘဲ ဒီအမည်မဖော်ပြထားတဲ့ ဒေသခံအကြီးအကဲသာဖြစ်ပါတယ်။ အဲဒီအချိန်မှာ သီရိလင်္ကာမှာ ကပ်ဘေးဆိုက်နေပြီး ဗုဒ္ဓသာသနာဟာလည်း အင်မတန်မှ ဆိုးဆိုးရွားရွားဖျက်စီးခံနေရတဲ့အချိန်လည်းဖြစ်တယ်။ ဒါတင်မက ဒေါက်တာ ဝါလ်ပိုလာ ရာဟုလာက ဘီစီတတိယရာစုကတည်းကပိဋကတ်သုံးပုံထဲက တစ်စိတ်တစ်ဒေသရဲ့ဋီကာဖွင့်ထားချက်က လက်ရှိကျမ်းပုံစံနဲ့တော့ ရှိနေကောင်းရဲ့လို့ ဆိုခဲ့ပေမဲ့ ဘီစီပထမရာစုမတိုင်မီ ပိဋကတ်သုံးပုံ အလုံးစုံကို ပေထက်အက္ခရာ တင်မထားသေးဘူးဆိုပြီး အခုလိုဝန်ခံထားခဲ့ပါတယ်။ “ပိဋကတ်သုံးပုံဋီကာ ကျမ်းများ၏ စာအုပ်ပုံစံများကို သီဟိုဠ်ကျွန်းတွင်ဘီစီ ၃ ရာစုအတွင်း ဗုဒ္ဓသာသနာကျွမ်းဝင်ပြီးနောက်ပိုင်းမှသာ အသုံးပြုလာတယ်လို့ ထင်ရပါတယ်။ ဒါပေမယ့် အချက်အလက်တွေအရ ပိဋကတ်သုံးပုံသည်ပင် ဘီစီ (၁) ရာစုအတွင်းမှသာ ရေးသား မှတ်တမ်းတင်ခဲ့ပါတယ်။” (History of Buddhism in Ceylon by Walpola Rahula Page 288)
သင်္ဂါယနာများကို နှစ်တစ်ရာသို့မဟုတ် နှစ်တစ်ရာ့ငါးဆယ်ကြာအပြီး တစ်ကြိမ်ကျစီကျင်းပခဲ့ရာမှာ ပိဋကတ်သုံးပုံကို ပြင်ဆင်တိုးတက်စေခြင်းတွေ၊ ပယ်ဖျက်ခြင်းတွေနဲ့ ထပ်မံဖြည့်စွက်ခြင်းတွေ ပြုလုပ်ခဲ့ကြပါတယ်။ အဲဒီလိုတိုးတက်ဖြစ်ထွန်းစေခြင်း၊ ပယ်ဖျက်ခြင်းနဲ့ ထပ်ပေါင်းခြင်းဖြစ်စဉ်များဟာ သမိုင်းမှာပိဋကတ်သုံးပုံကို ပထမဆုံးအကြိမ်ရေးသားမှတ်တမ်းတင်တဲ့ ဘီစီ ၄၃ ထိတိုင်အောင်ပင်ဖြစ်ပါတယ်။
ပိဋကတ်သုံးပုံအပေါ် အသစ်အသစ်သော ပုံမှန်ပြင်ဆင်တည်းဖြတ်မှုများကို နောက်ထပ် နှစ်ပေါင်း ၅၀၀ ကာလအထိပြုလုပ်ခဲ့ကြပါတယ်။ ဒါ့အပြင် နောက်ထပ်သတိပြုရမှာတစ်ခုကသီဟိုဠ် ဘာသာစကားကနေ ထပ်မံပါဠိဘာသာကိုပြန်ပြီးဘာသာပြန်ခဲ့ကြရတာပါ။ ဒီအတွက်ကြောင့် မြတ်ဗုဒ္ဓပရိနိဗ္ဗာန်ပြုတော်မူပြီး နှစ်ပေါင်း ၉၅၀ ကြာတဲ့အခါကျမှပဲ ပိဋကတ်သုံးပုံက ပါဠိမူအဖြစ်နဲ့ တည်ရှိလာခဲ့ရတာဖြစ်ပါတယ်။ ပထမဆုံး ပါဠိမူအဖြစ် ရှိလာခဲ့ရပုံကလည်း စိတ်ဝင်စားစရာ ကောင်းလှပါတယ်။ အသောကမင်းကြီးရဲ့ ကြိုးပမ်းချက်ကြောင့် ဗုဒ္ဓဘာသာက သီဟိုဠ်နိုင်ငံနဲ့

အနီးအနားဒေသတွေမှာ ပြန့်ပွားသွားခဲ့  ရရုံသာမက အိန္ဒိယနိုင်ငံမှာပါ လူအတော် များများက လက်ခံယုံကြည်လာခဲ့ရပါတယ်။ ဘုရင်မင်းတရားကိုမှီပြီး ဒီဘာသာထဲ ၀င်လာခဲ့သူတွေထဲမှာ ဗြဟ္မဏ၀ါဒရဲ့ အရိပ်တွေကထိုးပြီးကျန်ခဲ့ပါတယ်။ အဲဒီအကြောင်းကပဲအိန္ဒိယနိုင်ငံမှာ ဗုဒ္ဓဘာသာကွယ်ပရခြင်းရဲ့ပင်မအချက်ဖြစ်ပါတယ်။ ဒါကြောင့် အသောကမင်းလွန်ပြီး နှစ်ကာလကြာလာတာနဲ့အမျှ ဗုဒ္ဓဘာသာထဲမှာ ဗြဟ္မဏ ၀ါဒရဲ့အယူဓလေ့တွေ တစ်စတစ စတင်ကြီးစိုးသွားခဲ့ပါတယ်။ ဒီလိုနဲ့ အေဒီ ၅ ရာစုမှာတော့ ဗြဟ္မဏတို့က သူတို့ရဲ့အတွေးအခေါ် အယူဝါဒတွေကို ဗုဒ္ဓဘာသာထဲ အပြီးအပိုင်နစ်ဝင် သွားစေနိုင်ခဲ့ပါတယ်။ ပိဋကတ်သုံးပုံကိုအာဂုံရခဲ့တဲ့ သံဃာတွေဆိုတာလည်း မရှိသလောက်ဖြစ်သွားခဲ့ပြီ။ ကျမ်းတတ်ပညာရှိတွေကလဲ ရှားပါးသွားပြီ။

မှတ်ဥာဏ်မှာ အစဉ်အဆက်ထိန်းသိမ်းလာခဲ့တဲ့ ပိဋကတ်တွေက အခုကာလမှာတော့ လက်ဆင့်ကမ်းအမွေခံမယ့်သူမရှိတော့ပါဘူး။ ဒီအခြေအနေဆိုးတွေကို ရင်ဆိုင်ရလို့ ထင်ရှားတဲ့ဗုဒ္ဓဘာသာဝင်ကြီးဖြစ်တဲ့ ရှင်မဟာဗုဒ္ဓဃောသက အေဒီ ၅ ရာစုမှာ သီဟိုဠ်နိုင်ငံကိုသွားခဲ့ပါတယ်။ ခက်ခဲစွာ ကြိုးပမ်းခဲ့အပြီးမှာ သူကပဲ ပိဋကတ်သုံးပုံအလုံးစုံနဲ့ ဋီကာကို သီဟိုဠ် ဘာသာစကားကနေ ပါဠိဘာသာသို့ ပြန်ဆိုရေးသားခဲ့ပါတယ်။ ဒီလိုနဲ့ ပိဋကတ်သုံးပုံ ပါဠိမူဆိုပြီး ရှိလာခဲ့ပါတယ်။ ဘာတွေပြောင်းထားတယ်၊ ဘာတွေ ဖြည့်ထားတယ်ဆိုတာကိုတော့ ဒေါက်တာ ဝေပုလ ရာဟုလာရဲ့ အောက်ပါပြောစကားအရပဲ ဆုံးဖြတ်ကြည့်နိုင်ပါတယ်။

“အိန္ဒိယနဲ့ သီဟိုဠ်မှာ စောစောပိုင်းရာစုနှစ်များအတွင်းမှာ ပါဠိကျမ်းစာ ရယ်လို့ရှိခဲ့ပြီဆိုတာကို သက်သေသာဓကပြနိုင်ပေမဲ့ ကျမ်းစာဖြစ်လာရေးမှာ အဟန့်အတား အကန့်အသတ်တွေရှိနေတာကိုတော့ သံသယဖြစ်စရာဘာအကြောင်းမှမရှိပါဘူး။ အေဒီ ၅ ရာစုမှာမှ အရှင်ဗုဒ္ဓဃောသက သီဟိုဠ်ကနေ ပါဠိဘာသာကို ပြန်ဆိုခဲ့တဲ့အတွက်ကြောင့်သာ အပြီးသတ်ကျမ်း အဆင့်ရောက်ခဲ့ရတယ်။” (History of Buddhism in Ceylon by Walpola Rahula – Introduction)အထက်မှာဖော်ပြခဲ့တဲ့ အချက်တွေအတိုင်း ကောက်ချက်ယူရရင် အဲဒီပါဠိပိဋကတ်တွေကလည်း မူလအတိုင်းအတိအကျ မဟုတ်ဘဲဘာသာပြန်ဆိုထားတာကို ထပ်ဆင့် ဘာသာပြန်ဆိုခြင်းသာဖြစ်ပါတယ်။ ဒါ့ကြောင့် နှစ်ပေါင်း(၉၅၀)အတွင်း မှားယွင်း ပိဋကတ်တွေဟာ ပြင်ဆင်ဖြည့်စွက်နုတ်ပယ်ခြင်းမြောက်မြားစွာပြုလုပ်ခံခဲ့ရပါတယ်။

 ပဉ္စမ နှင့် ဆဋ္ဌ သင်္ဂါယနာ

စတုတ္တသင်္ဂါယနာတင်ပြီး နှစ်ပေါင်း ၂၀၀၀ ခန့်အကြာ မြန်မာနိုင်ငံ မင်းတုန်းမင်းလက်ထက်၊ သာသနာသက္ကရာဇ် ၂၄၁၅ ခု၊ မြန်မာသက္ကရာဇ် ၁၂၂၂ ခုတွင် အရှင်ဇာဂရမထေရ် အမှူးရှိသော ဆရာတော် ၂၄၀၀ တို့ဖြင့် ကျောက်ထက်အက္ခရာ တင်ခြင်းနှင့် နှုတ်တက်သံပြိုင် ရွတ်ဆိုခြင်းနှစ်မျိုးဖြင့် ပဉ္စမသင်္ဂါယနာ ကိုတင်ခဲ့ခြင်းဖြစ်သည်။

ပဉ္စမသင်္ဂါယနာတင်ပြီးနောက် နှစ်ပေါင်း(၈၀)အကြာ သာသနာ သက္ကရာဇ် ၂၅၀၀ ပြည့်အထိမ်းအမှတ်အဖြစ် မြန်မာသက္ကရာဇ် ၁၃၁၆ ခုနှစ်၊ သီရိမင်္ဂလာ ကမ္ဘာအေးကုန်းမြေ မဟာပါသာဏ လိုဏ်ဂူတော်ကြီးတွင်  ညောင်ရမ်းဆရာတော်ဘုရားကြီး အမှူးရှိသော ထေရဝါဒငါးနိုင်ငံမှ သံဃာတော် ၂၅၀၀-တို့နှင့် ရန်ကုန်မြို့၊ ကမ္ဘာအေးကုန်းမြေရှိ မဟာပါသာဏ လိုဏ်ဂူတော်ကြီးတွင် ဆဋ္ဌမသင်္ဂါယနာတင်သည်။

 အစ္စလာမ်သာသနာနဲ့ အစ္စလာမ့်ကိုရ်အာန်ကျမ်းစာကို မဟုတ်တမ်းတရား ဝေဖန်သူ ဦးနေမျိုးဝေအား ထပ်ဆင့်ထောက်ခံရေးသားသည့် အရှင်တေဇနိယ၏ ပိဋကတ်ကျမ်းစာနှင့်ပတ်သတ်သောအမြင်မှာ မှားယွင်းကြောင်း ရှင်းလင်ထင်ရှား၍ အရှင်တေဇနိယသာ ကတိပြုထားသည့်အတိုင်း ကတိကဝတ်ကိုဖြည့်စည်းမည်ဆိုပါက အစ္စလာမ်သာသနာအတွင်းသို့ ဝင်ရောက်ရပေမည်။ အရှင်တေဇနိယက မိမိဘာသာ ကတိပေးခြင်းဖြစ်ပြီး ကျွန်တော်အနေနဲ့မူ ဘာသာတစ်ခုထဲသို့ မသိနားမလည်ဘဲ ဝင်ရောက်ခြင်းက ကောင်းကျိုးထက်ဆိုးကျိုးကိုသာပိုဖြစ်စေမည်ဟု ယုံကြည်သဖြင့် အစ္စလာမ်သာသနာထဲသို့ဝင်ရန် အတင်းမတိုက်တွန်းလိုပါ။

ဒီနေရာမှာ ကိုရ်အာန်ကျမ်းစာရဲ့ ထူးခြားမှုကို အသိပေးလိုပါတယ်။ ကိုရ်အာန်ကျမ်းစာဟာ အခြားဘာသာသာသနာတွေရဲ့ ကျမ်းစာတွေလို ကျမ်းစာဟောကြားတဲ့ တရားပြပုဂ္ဂိုလ်တွေ ကွယ်လွန်ပြီးခါမှ သင်္ဂါယနာတင် အတည်ပြုစုစည်းတာမျိုးမဟုတ်ဘဲ တရားဟောကြားတဲ့ တမန်တော် မိုဟမ္မဒ်ရှိတဲ့ကာလတွင်းမှာပဲ ကျမ်းစာတစ်ခုလုံး အဆင့်ဆင့်ကျရောက်ပြီးဖြစ်တာကြောင့် ကျမ်းစာကို နှုတ်ငုံဆောင်ထားသူသာဝကတွေကို တမန်တော်မိုဟမ္မဒ်ကိုယ်တိုင်က အတည်ပြုပေးပြီးဖြစ်ပါတယ်။ ဒါအပြင့် တမန်တော်မိုဟမ္မဒ်ကွယ်လွန်ပြီး နှစ်အနည်းငယ်အတွင်းမှာပဲ ကျွန်တော်တို့ ယခုသုံးနေတဲ့ စာအုပ်စာပေအတိုင်း စာရေးမှတ်တမ်းတင်ပြီးဖြစ်ပါတယ်။ အဒီအချိန်ကမှတ်တမ်းတင်ထားတဲ့ ကိုရ်အာန်ကျမ်းစာဟာ ယခုနှစ်ပေါင်း (၁၄ဝဝ) ကျော်ရှိလာပြီဖြစ်ပေမယ့် တစ်လုံးတစ်ပါဒမျှ လွဲမှားပြောင်းလဲခြင်းမရှိကြောင်းကို ကမ္ဘာတဝန်းက ပညာရှင်တွေအားလုံးသက်သေခံပါတယ်။ကိုရ်အာန်ကျမ်းဟာ အခြားကျမ်းစာများနဲ့ နှိုင်းယှဉ်မယ်ဆိုရင် အရွယ်ပမာဏအားဖြင့် များစွာငယ်ပါတယ်။ ဖွဲ့စည်းထားတာဟာလည်း နှုတ်ရကျတ်မှတ်လို့လွယ်အောင် ဖွဲ့စည်းထားတာပါ။ ဒါ့အပြင် အကြောင်းအမျိုးမျိုးကြောင့် ကမ္ဘာပေါ်မှာ ရှိတဲ့ ကိုရ်အာန်ကျမ်းစာ စာအုပ်အားလုံးပျောက်ပျက်သွားတယ်ဆိုပါစို့။ အဲ့ဒီကိုရ်အာန်ကျမ်းစာကို စာဖြင့်ပြန်ရေးဖို့ရာ ဟာဖီဇ် လို့ ခေါ်တဲ့ ကိုရ်အာန်ကို နှုတ်ငုံရအာဂုံဆောင်သူတစ်ဦးက အသံသွင်းမယ်ဆိုရင် နာရီပေါင်း (၁၈) နာရီထက်ပိုမကြာပါဘူး။ မြန်မာပြည်တပြည်လုံးမပြောပါနဲ့ ရန်ကုန်တစ်မြို့လုံးလည်း မဆိုပါနဲ့ ရွှေတိဂုံဘုရားလမ်းကနေ ဗိုလ်အောင်ကျော်လမ်းထိ အတွင်းမှာပဲ ကိုရ်အာန်ကျမ်းစာကို နှုတ်ငုံရတဲ့သူ အမြောက်အများကို ကျွန်တော်တို့ ရှာဖွေစုဆောင်းနိုင်ပါတယ်။ အဲ့ဒီလို ထူးခြားတဲ့ ဂုဏ်ယူမှုမျိုးကို အခြားကျမ်းစာတွေမပြုလုပ်နိုင်ဘူးဆိုတာ ကျွန်တော် ရိုးသားစွာပြောပါရစေ။

ကိုရ်အာန်ကျမ်းစာဟာ အခြားကျမ်းစာတွေနဲ့နှိုင်းယှဉ်ရင် အရွယ်ပမာဏာအားဖြင့် အသေးငယ်ဆုံးဖြစ်ပါတယ်လို့ အထက်မှာ ကျွန်တော်ပြောခဲ့ပါတယ်။ အရွယ်ပမာဏငယ်ပေမယ့်လည်း အခြားမည်သည့်ကျမ်းစာမှ မိမိအားယုံကြည်သူ နောက်လိုက်များအပေါ် ကိုရ်အာန်လောက် သြဇာသက်ရောက်မှုမရှိဘူးလို့ပြောမယ်ဆိုရင် လွန်မယ်မထင်ပါဘူး။ ကိုရ်အာန်ကျမ်းစာဟာ အစ္စလာမ်ဘာသာဝင် (မွတ်စလင်) တစ်ဦးရဲ့ ဘဝကို အဖက်ဖက်မှ လမ်းညွှန်မှုပေးပါတယ်။ ဘာသာရေး၊ ကိုယ်ကျင့်တရား၊ လူမှုရေး၊ စီးပွားရေး စတဲ့ ရှုထောင့်အစုံစုံအတွက် ပညာပေးလမ်းညွှန်မှုများပါဝင်ပါတယ်။ လိုရင်းပြောရရင် စည်းမျဉ်းဥပဒေသအားလုံးကို ကိုရ်အာန်ကျမ်းစာက ထုတ်ယူလို့ရပါတယ်။ ယခုလို့သြဇာ သက်ရောက်မှုအရှိဆုံးအနေအထားကို Michael H Hart ရေးတဲ့ ကျော်စွာတစ်ရာ (The 100) စာအုပ်ကလည်း သက်သေခံနေပါတယ်။

ဦးနေမျိုးဝေ အစ္စလာမ်သာသနာအားလွန်စွာမှ ပုတ်ခတ်စော်ကား၍ အချိန်ကုန်လူပင်ပန်းခံကာ ဗုဒ္ဓဘာသာနှင့် အစ္စလာမ်သာသနာဝင်တို့အကြား ပဋိပက္ခဖြစ်ပွားစေရန် ရည်ရွယ်ချက်ဖြင့် MRTV 4 ဆရာတော် အရှင် ကဉ္ဇနောဘာသကို စည်းရုံးကာ ကလေးမြို့သို့ မုန်းတီးရေးတရားသွားဟောခဲ့ခြင်းကို ဗီဒီယိုမှတ်တမ်းအနေဖြင့် Youtube တွင် တွေ့ရပါသည်။ လူတစ်ထောင်ခန့်မျှကြည့်ရှုထားပါသည်။ ဗီဒီယိုဖိုင်၏အကျဉ်းသဘောမှာ မွတ်စလင်များသည် သောကြာနေ့တိုင်း ဗလီဆရာများ၏ ဦးဆောင်မှုဖြင့် အစ္စလာမ်မှအပ ဘာသာခြားများ ပျက်စီးရာပျက်စီးကြောင်းကြွေးကြော်ဆုတောင်းနေကြကြောင်း ဆုတောင်းစာ၏သဘောကိုလွဲမှားစွာ လိုသလိုကောက်ယူလျှက်အမုန်းဝါဒဖြန့်ခြင်းဖြစ်ပါသည်။

ဤသည်မှာလုံးဝမှားယွင်းကြောင်း သောကြာနေ့တိုင်း ဗလီတက်လေ့ရှိသော ကျွန်တော်အစ္စလာမ် ဘာသာဝင်တစ်ဦးအနေဖြင့် သာမက အခြားအစ္စလာမ်ဘာသာဝင်များအားလုံးက သက်သေခံနိုင်ပါသည်။ ယမန်နေ့ကပင်လျှင် အစ္စလာမ် သာသာနာရေးကောင်စီက မြန်မာတစ်နိုင်ငံလုံးရှိ အစ္စလာမ်ဘာသာဝင်များ ဘုရားရှိခိုးရာ ဗလီများအတွင်း မည်သည့်ဘာသာဝင်မဆို ၀င်ရောက်ကြည့်ရှုလေ့လာခွင့်ပြုထားမည်ဖြစ်ကြောင်း  မော်ကွန်း မဂ္ဂဇင်းတွင်ဖော်ပြထားပေသည်။ အရှင်ကဉ္ဇနောဘာသ အနေဖြင့် ဦးနေမျိုးဝေယူဆောင်လာသော ဤစာရွက်စာတန်းများကို အင်တာနက်ပေါ်မှရသည်ဟု တာဝန်ကင်းမဲ့စွာ ပြောဆိုထားပါသည်။ အကယ်၍ အမှန်တရားကို လိုလားသူတစ်ဦးဖြစ်ပါမူ သက်ဆိုင်ရာ ဘာသာဝင်အစ္စလာမ်ဘာသာဝင် သို့မဟုတ် ဗလီဆရာတစ်ဦးဦးအား ချဉ်းကပ်မေးမြန်းသင့်ပါသည်။ ယခုမူ မိမိကောင်းစွာမသိရှိသော အကြောင်းအရာကို မိမိနာမည် ဂုဏ်သတင်းကျော်ကြားမှုကို လွဲမှားစွာ အသုံးချဝါဒဖြန့်ခြင်းကြောင့် အစ္စလာမ်သာသနာဝင်များအား မလိုလားအပ်ဘဲ မုန်းတီးစိတ်ဝင်အောင် ပြုလုပ်ပေးခြင်းဖြစ်နေပါသည်။ သင်္ဃန်းရုံထားသော သံဃာတော်တစ်ပါးအနေနှင့် သာ၍ပင် မပြုလုပ်သင့်ပါ။ ဦးနေမျိုးဝေသည် ကမ္ဘာပေါ်တွင် လူသန်းပေါင်းများစွာ အမြတ်တနိုးကိုးကွယ်ကြသော အစ္စလာမ်ဘာသာ၏ ကိုရ်အာန်ကျမ်းစာကို တရားစွဲရန် နိုင်ငံတော် သမ္မတအား တိုက်တွန်းပြောကြားခဲ့ကြောင်း (မေလ ၆ ရက်)က MRTV ရုပ်သံတွင်ထုတ်လွှင့်သွားခဲ့ပါတယ်။

ဆုတောင်းစာ၏ အစစ်အမှန်သဘောမှာ အစ္စလာမ်သာသနာမှလွဲ၍ အခြားဘာသာခြားများကို ညွှန်းဆိုသည်မဟုတ်ဘဲ ဓမ္မနှင့် အဓမ္မဝါဒ ယှဉ်ပြိုင်ရာတွင် အဓမ္မဝါဒ အရေးနိမ့်အောင် ဆုတောင်းပဌာနာပြုခြင်းသာဖြစ်ပေသည်။ အကယ်၍ မတရားပြုသူ အဓမ္မဝါဒီသည် ထိုသို့ဆုတောင်းပါက မိမိဆုတောင်းဖြင့် မိမိကိုယ်ကို ပျက်စီးစေမည်ဖြစ်ပေသည်။ တမန်တော် မိုဟမ္မဒ်သည် ဆော်ဒီအာရေးဘီးယားရှိ မဒီနာမြို့တော်တွင် ဂျူးဘာသာဝင် ဂျူးလူမျိုးများ၊ ခရစ်ယာန်ဘာသာဝင် များနှင့်အတူ ငြိမ်းချမ်းစွာ ယှဉ်တွဲနေထိုင်ခဲ့ပါသည်။ တမန်တော်မိုဟမ္မဒ်ကား အခြားဘာသာရေးခေါင်းဆောင်များနှင့်တမူထူးခြားစွာ မိမိကိုယ်တိုင် သက်ရှိထင်ရှားရှိနေစဉ် အမြင့်ဆုံးသော နိုင်ငံရေး၊ ဘာသာရေး၊ လူမူရေး ခေါင်းဆောင်အဖြစ်ရှိခဲ့ပါသည်။ သို့စဉ်လျှက် အခြားဘာသာတရားများအားလည်း တန်းတူညီမျှ နေထိုင်ခွင့်နှင့် လွတ်လပ်စွာ ကိုးကွယ်ခွင့်ပေးထားခဲ့ကြောင်း သမိုင်းမှတ်တမ်းများ ငြင်းမရအောင် ရှိနေပါသည်။ လူနည်းစုဖြစ်စေ လူများစု ဖြစ်စေ အခြားဘာသာတရားများအား ဖျက်စီးရန်အစ္စလာမ့်ပဉာတ်ချက်ဟူ၍ ကိုရ်အာန်ကျမ်းတွင် လုံးဝမပါရှိပါ။ ထို့အတွက်ကြောင့် အရှင်ကဉ္ဇနောဘာသနှင့် ဦးနေမျိုးဝေတို့၏ လုပ်ကြံလှီဆယ်ဝါဒဖြန့်မှုများဟာ တက်တက်စင်အောင် လွဲမှားနေကြောင်း သိစေအပ်ပါတယ်။ အလားတူ အခြားသော ဦးနေမျိုးဝေ၏ စွပ်စွဲချက်များ ဝါဒဖြန့်မှုများကို အစ္စလာမ်သာသနာဝင်များထဲမှ ရှင်းလင်းမှုများရှိပြီးဖြစ်ပါသည်။

ကျွန်တော့်အနေနဲ့ မြန်မာနိုင်ငံတဝန်းမှာခုလို လူပုဂ္ဂိုလ်တွေနဲ့ အနည်းငယ်သောရဟန်းသံဃာအချို့ (ဦးဝီရသူ၊ အရှင်ကဉ္ဇနောဘာသ စသဖြင့်) တို့ဟာအစ္စလာမ်ဘာသာမုန်းတီးရေးတရားကို လှိုင်လှိုင်ဟောကြားနေတာကို မြင်တွေ့နေရပါတယ်။ သူတို့လိုလူတွေရဲ့လှုံဆော်မှုနဲ့ မျက်ကန်းနားယောင်သူတွေကြာင့် မိထ္ထိလာ၊ ဥက္ကံစတဲ့ မြန်မာနိုင်ငံသား မွတ်စလင်တွေကို သတ်ဖြတ်တဲ့ အရေးအခင်းတွေအဖြစ် ကြီးမားကျယ်ပြန့်လာရတာဖြစ်ပြီး မတူညီတဲ့ဘာသာဝင် လူထုတွေကြား သံသယတွေတိုးပွားလာနေတာပဲဖြစ်ပါတယ်။ ဒါကြောင့် အစ္စလာမ် ကျမ်းစာကို ထောက်ပြပြီး ဝေဖန်တာပဲဖြစ်ဖြစ်၊ အစ္စလာမ်သာသနာကို အကြမ်းဖက်သာသနာ၊ အစ္စလာမ်ဘာသာဝင်တွေအားလုံးအကြမ်းဖက်သူတွေ စသဖြင့် မှားယွင်းတဲ့အချက်အလက်တွေနဲ့ ဝေဖန်တဲ့အခါ ဒါကို ပြန်လည်ချေပဖို့နိုးထကြပါ။ သူတို့ရဲ့ စွပ်စွဲမှုတွေကို မချေဖျက်ရင် ဒါတွေဟာ ကျွန်တော်တို့ကိုနှောင်ကြိုးသဖွယ်ချည်တုပ်နေမှာဖြစ်တယ်။ အစ္စလာမ်သာသနာကို အမြဲအထင်သေးနှိမ်ချနေကြမှာဖြစ်တယ်။ ဒီအတွက် အခြေအမြစ်မရှိတဲ့ ကြိုးတွေကိုဖြတ်ပစ်ကြပါ။ ယခုခေတ်ကာလဟာ အသိဉာဏ်ပညာကာလဖြစ်ပါတယ်။ မွတ်စလင်တွေဟာ ကလောင်( စာရေးသားခြင်း) ကို ကိုင်စွဲပြီး အစ္စလာမ်သာသနာဟာ ငြိမ်းချမ်းတဲ့သာသနာဖြစ်ကြောင်း သိမ့်မွေ့နှုးညံ့စွာနဲ့ အချက်အလက်ခိုင်ခိုင်မာမာ၊ တခြားဘာသာ သာသနာကို မထိမခိုက်ဘဲ အမှန်တရားကို မြတ်နိုးပြီး ရေးသားတင်ပြကြပါ။ ဒါ့အပြင် မိမိတို့ရဲ့ကောင်းမွန်တဲ့လုပ်ရပ်နဲ့ အဲ့ဒါကို သက်သေခံကြပါ။ အစ္စလာမ်သာသနာဝင်တွေဟာ အခြားဘာသာသာသနာတွေကို တိုက်ခိုက်ရမှာမဟုတ်ဘဲ မိမိဘာသာသာသနာကို အပုတ်ချရေးသား တိုက်ခိုက်လာသူတွေကို ပြန်လည်ရှင်းလင်းတင်ပြပြီး အစ္စလာမ်သာသနာဟာလည်း အခြားဘာသာများနည်းတူ လေးစားဂုဏ်ယူဖွယ်ရာ အချက်အလက်တွေပါဝင်တဲ့ သာသနာဖြစ်ကြောင်း ခုခံရှင်းလင်းတင်ပြကြရမှာပါ။

မြန်မာနိုင်ငံတွင်းမှာ နေထိုင်သူအများစုဖြစ်တဲ့ ဗုဒ္ဓဘာသာဝင်များဟာ အေးချမ်း ပျူငှာပြီး အမှန်တရားကို မြတ်နိုး သူတွေဖြစ်ကြပါတယ်။ ဒါပေမယ့် မကောင်းတဲ့ လှုံ့ဆော်သူတွေကြောင့် သူတို့ကြားမှာ နားလည်မှုလွဲမှားတဲ့ အကြိတ်အခဲလေးတွေရှိနေခဲ့ရင် ကျွန်တော်တို့ဟာ ကောင်းမြတ်တဲ့ အကျင့်သီလအပြင် ချေငံစွာနဲ့ ဒါတွေကို ရှင်းလင်းချေ ဖျက်ပစ်ကြပါ။ ခုလိုပြုလုပ်မယ်ဆိုရင် ဘာသာတရားအချင်းချင်းအပြန်အလှန်နားလည်မှုကနေ ငြိမ်းချမ်းခြင်းဆီကို ဦးတည်နိုင်မှာဖြစ်ပါတယ်။

နောက်ဆုံးအနေနဲ့ ဒီဆောင်းပါးစာတမ်းကို ငြိမ်းချမ်းမှုလိုလားတဲ့ အစ္စလာမ်ဘာသာဝင်တွေအနေနဲ့ ကျွန်တော်တို့ကို ချည်တဲ့ကြိုးတွေကိုဖြည်ဖို့ရာ ဒီရှင်းလင်းချက်ကို လူအားလုံးထံရောက်အောင်ဖြန့်ဝေကြဖို့နဲ့ အမှန်တရားကို မြတ်နိုးတဲ့ ဗုဒ္ဓဘာသာဝင်တွေဟာ အစစ်အမှန်သမိုင်းနဲ့ အစ္စလာမ်ဘာသာရဲ့ စစ်မှန်တဲ့ သဘောကို သိရှိနားလည်ဖို့ရာ လေးလေးနက်နက် ဖတ်ရှုကြဖို့တိုက်တွန်းချင်ပါတယ်။

ခင်မင်လျှက်

အောင်သန်းလွင်

အရှင်တေဇနိယရေးသားချက်

ပသီဇော်မင်းထွန်း ချေပချက်

Reference အကိုးအကားအညွှန်း

History of Buddhism in Ceylon By Dr Walpola Rahula (ဝါလ်ပိုလာ သို့ ဝေပုလ္လ ရာဟုလာ)

C.A.F Rhys Davids (1857-1942)  Wayfarer’s Words I,II,III PDF book

လန်ဒန်ပါဠိစာပေအသင်း၏ ပါဠိပါမောက္ခ (ပိဋကတ်တော်များကို ပါဠိဘာသာမှ အင်္ဂလိပ်ဘာသာသို့ပြန်ဆိုသူ)

(PDF Download Link =>http://www.kathodos.com/wayfarers3volumes.pdf)

The Life and work of BUDDHAGHOSA BIMALA CHARAN LAW, M.A., B.L.

(Author, Ksatriya Clans in- Buddhist India, Historical Gleanings, etc)

(PDF Download Link =>http://theknowledgeden.com/wp-content/uploads/2011/09/Life-and-Work-of-Buddhaghosa-the.-Bimala-Charan-Law-1923.pdf)

အိန္ဒိယပြည် ဗုဒ္ဓသာသနာ့သမိုင်း

ဦးမြင့်ဆွေ (မဟာဝိဇ္ဇာ-လန်ဒန်) -ပါမောက္ခချုပ် မန္တလေး ရန်ကုန် ဗုဒ္ဓ တက္ကသိုလ် (ပြဌာန်းကျမ်းစာ)

www.buddhanet.net/pdf_file/mission-accomplished.pdf (စာ ၆၀ ကြည့်)

en.wikipedia.org/wiki/Buddhist_councils

(Sinhalese Writing)

ပါရဂူ – ရာဇာနှင့်သာသနာ ( အသောက အခန်းမှ)

Buddhism in Sri Lanka

(http://www.mangalavihara.org.sg/Buddhist%20and%20Pali%20College/Diploma%20Notes/Buddhism%20in%20Sri%20Lanka.doc)

Ananda W. P. Guruge is Senior Vice-President of the World Fellowship of Buddhists, Chairman of the World Buddhist University Council, Patron of the European Buddhist Union, Former Ambassador of Sri Lanka to UNESCO, France and USA and Senior Special Adviser to the Director-General of UNESCO, Dean Emeritus of Academic Affairs and Professor of Buddhism of the University of the West and Adjunct Professor of Buddhism, Hinduism and Peace Studies of California State University Fullerton.

ဘာသာခြားများသိသင့်သော အစ္စလာမ်ဘာသာ၏ကုရ်အာန်ကျမ်းအကြောင်းခေါင်းစဉ်တပ်၍ MRTV 4 ဆရာတော်နှင့် ဦးနေမျိုးဝေတို့ လုပ်ကြံဝါဒဖြန့်မှု ဗီဒီယို (၉၆၉ ခေါင်းစဉ်ဖြင့်)