သစ်တောတွေလည်း ညအိပ်မီးတွေနဲ့

သြဂုတ် ၀၂၊ ၂၀၁၃
M-Media Knowledge ကဏ္ဍ
ရှာဖွေတင်ဆက်သူ – မိုးတိမ်

Avatar ရုပ်ရှင်ထဲက လင်းလက်နေတဲ့ အပင်တွေရှိတဲ့ တောကြီးကို မှတ်မိကြမယ်ထင်ပါတယ်။ 3D animation ကိုအထူးပြုလုပ်ထားပြီး ထူးခြားဆန်းသစ်တဲ့ အမြင်တွေပေးနိုင်တဲ့ Avatar ဇာတ်ကားကတော့ စံချိန်တင်သွားပါတယ်။ အဲဒီ စိတ်ကူးယဉ်ဇာတ်ကားထဲက ထူးဆန်းတဲ့ အရာတချို့နဲ့ အပြင်မှာ မိတ်ဆက်ခွင့်ရမယ်ဆိုရင်ရော …

ညဖက်မှာ မှောင်မဲနေတဲ့ တောထဲမှာ အလင်းပေးဖို့ သူတို့တွေတာဝန်ယူထားကြပါတယ်။ သူတို့ဆိုတာ Foxfire (သို့) Fairy fire လို့ခေါ်တဲ့ သစ်ဆွေးတွေမှာ ပေါက်တတ်တဲ့ ခပ်ဖြူဖြူသေးသေး မှိုတစ်မျိုးရဲ့အလင်းဓါတ်ပါ။ သူတို့ရဲ့ သိပ္ပံနာမည်ကတော့ Panellus stipticus ဖြစ်ပြီး ညဖက်မှာ သဘာဝအရ အပြာ၊ အစိမ်း၊ အဝါစသဖြင့် မျိုးကွဲတွေအပေါ်မူတည်ပြီး အလင်းရောင်ထုတ်လွှတ်ကြပါတယ်။

နယူးအင်္ဂလန်ရဲ့ သစ်တောတွေအတွင်း ဆောင်းဦးရာသီမှာ အများဆုံး တွေ့ရပြီး ကြီးမားတဲ့ မျိုးကွဲတွေကိုတော့ သြစတေးလျနဲ့ အမေရိကမှာတွေ့ရကာ အချင်း ၅ လက်မလောက်ထိကြီးပါတယ်။ အလင်းရောင်တွေကတော့ ဝက်သစ်ချပင်ဆီက စုပ်ယူထားတဲ့ ဓါတ်ပစ္စည်းတွေကို ချေဖျက်ရင်းထွက်လာတာပါ။ အလင်းရောင်တွေရဲ့ အဓိကရည်ရွယ်ချက်ကို အတိအကျမသိရပေမယ့် ဝတ်မှုန်ကူးစေရန် အင်းဆက်ပိုးမွှားတွေကို ဆွဲဆောင်ဖို့လို့ ယုံကြည်ထားကြပါတယ်။ ဒါမှမဟုတ် ဆာလောင်နေတဲ့ တိရိစ္ဆာန်တွေကို မစားရန်ခြောက်လှန့်ဖို့လည်း ဖြစ်နိုင်ပါတယ်။ ပုံမှန်အားဖြင့်တော့ ဖျော့တော့တော့ အလင်းရောင်သာရှိပေမယ့် တခါတရံမှာတော့ သတိထားမိလောက်အောင်ကို လင်းပါတယ်။

အစောဆုံးမှတ်တမ်းအနေနဲ့ Aristotle က ဘီစီ ၃၈၂ ခုနှစ်မှာရေးခဲ့ပြီး ရောမအတွေးအခေါ်ပညာရှင် Pliny the Elder နဲ့ Benjamin Franklin တို့ရဲ့ မှတ်တမ်းတွေမှာတွေ့ရပါတယ်။ သိပ္ပံပညာရှင်တွေနဲ့ သဘာဝလေ့လာသူတွေရဲ့ မှတ်တမ်းအမြောက်အများရှိပေမယ့် ၁၈၂၃ ခုနှစ် မှာမှ မိုင်းတွင်း သစ်တွေပေါ်က အလင်းရောင်တွေဟာ မှိုတွေကြောင့်ဆိုတာ သိရတာပါ။ Foxfire ထဲက fox ကတော့ ပြင်သစ်စကားလုံးဟောင်း fols (အဓိပ္ပါယ်: false အတု) ဆီကဆင်းသက်လာတာဖြစ်ပြီး မြေခွေးကို ဆိုလိုခြင်းမဟုတ်ပါဘူး။

ကိုးကား – Wikipedia, Britannica, Science Source