ရှစ်လေးလုံး နှစ်ပတ်လည် နှင့် ကျဆုံးခဲ့သူများကို ဂုဏ်ပြု လမ်းလျှောက်ပွဲ ပြုလုပ်မည်။

သြဂုတ် ၈၊ ၂၀၁၃
M-Media
KK

ရှစ်လေးလုံး နှစ်ပတ်လည်နေ့နှင့် ဒီမိုကရေစီအရေးတွင် ကျဆုံးခဲ့ကြသော ရဟန်းရှင်လူ ကျောင်းသားပြည်သူများ ဂုဏ်ပြု လမ်းလျှောက်ပွဲ ပြုလုပ်မည်။

ရန်ကုန် ။ ။ ရှစ်လေးလုံးနှစ်ပတ်လည်နေ့နှင့် ဒီမိုကရေစီအရေးတွင် ကျဆုံးခဲ့ကြသော ရဟန်းရှင်လူ ကျောင်းသားပြည်သူများ ဂုဏ်ပြု လမ်းလျှောက်ပွဲအား မနက်ဖြန် သြဂုတ်လ ၈-ရက် နံနက် (၉း၀၀)နာရီတွင် ဟံသာဝတီအ၀ိုင်း၌ စုရပ်ပြုလုပ်၍ လမ်းလျှောက်မည်ဖြစ်ကြောင်း သိရသည်။

လွန်ခဲ့သော ၂၅-နှစ်တာ ကာလ ၁၉၈၈-ခုနှစ် သြဂုတ်လ (၈)ရက်နေ့တွင် မြန်မာနိုင်ငံတစ်ဝှမ်းလုံးရှိ ရဟန်းရှင်လူ ပြည်သူများနှင့် ကျောင်းသားကျောင်းသူများမှ ဒီမိုကရေစီ ရရှိရေးအတွက် စည်းလုံးညီညွတ်စွာ လမ်းမကြီးများပေါ်၌ အသက်စွန့်၍ ဆန္ဒပြတောင်းဆိုခဲ့ကြသည့် အရေးတော်ပုံကြီးအား အမှတ်တရ ဂုဏ်ပြုသည့်အနေဖြင့်လည်းကောင်း၊ ဒီမိုကရေစီတိုက်ပွဲများတွင် ကျဆုံးခဲ့ကြသော ရဟန်းရှင်လူ ပြည်သူများနှင့် ကျောင်းသား ကျောင်းသူများအား ဂုဏ်ပြုသည့်အနေဖြင့်လည်းကောင်း ဂုဏ်ပြုလမ်းလျှောက်ပွဲအား ကျင်းပပြု လုပ်မည်ဖြစ်ပါ၍ ပြည်သူတစ်ရပ်လုံးမှ ပါဝင်ဆင်နွှဲပေးကြပါရန် ပန်ကြား ဖိတ်ခေါ်ထားသည်။

အဆိုပါ လမ်းလျှောက်ပွဲအား ၈.၈.၂၀၁၃ နံနက်(၉း၀၀)နာရီတွင် ဟံသာဝတီအ၀ိုင်း၌ စုရပ်ပြုလုပ်ပြီး မြို့တော်ခန်းမရှေ့သို့ တန်းစီခွက်ခွာမည်ဖြစ်ကြောင်းနှင့် ယခု လမ်းလျှောက်ပွဲသည် ဆန္ဒပြခြင်း လုံးဝမဟုတ်သည့်အတွက် မည်သည့်တောင်းဆိုမှုကိုမှ ပြုလုပ်မည်မဟုတ်ပဲ အထိမ်းအမှတ် လမ်းလျှောက်ပွဲသာဖြစ်ကြောင်း ပန်ကြားထားပါသည်။

ဤလမ်းလျှောက်ပွဲအား ဗမာနိုင်ငံလုံးဆိုင်ရာ အင်ဂျင်နီယာကျောင်းသားဟောင်းများ ကွန်ရက်၊ လူသားချင်း စာနာထောက်ထားမှုဆိုင်ရာ အမျိုးသမီးများနှင့် ကလေးများကွန်ရက်၊ အခရာ အမျိုးသမီးများအဖွဲ့၊ အမျိုးသမီးများ စောင့်ရှောက်ရေးအဖွဲ့ (ရွှေပြည်သာ)၊ ဦးဝင်းချို (တစ်သီးပုဂ္ဂလ)၊ ဦးညီညီဦးနှင့် သံလျင်လူငယ်များအဖွဲ့၊ ဦးအောင်ထွန်း (မရမ်းကုန်းမြို့နယ်)နှင့် အဖွဲ့၊ နိုင်ငံရေးအကျဉ်းသားဟောင်းများအင်အားစု စသည့် အင်အားစုများစုပေါင်း၍ ဖိတ်ခေါ်ထားခြင်းဖြစ်ကြောင်း သိရသည်။