တူဖြစ်တုန်း နှံ ပြီး ပေ အဖြစ်မခံဝံ့ သူ သတ္တိရှင် ကြီးများ

သြဂုတ်-၁၄ရက်။ ၂၀၁၃
ရေးသူ-Robert Elhose  (အမေရိကန်ပြည်ထောင်စု)

၁၉၈၈ ခုနှစ်အရေးအခင်း မတိုင်မီကလေးမှာ အရင် ကာကွယ်ရေးဦးစီးချူပ်ဟောင်း ၊ ဗိုလ်မှူးချူပ်ဟောင်း အောင်ကြီးရဲ့ ဦးနေ၀င်း သို့ အိတ်ဖွင့်ပေးစာ ဆိုတာ ထွက်လာပါတယ်။ အဲ့ဒီမှာ ၁၉၆၂ ခုနှစ် အာဏာသိမ်းပြီး နောက် ဇူလိုင်လ ၇ ရက်နေ့မှာ ရန်ကုန်တက္ကသိုလ်ထဲက သမိုင်းဝင် ကျောင်းသားများသမဂ္ဂ အဆောက်အအုံ ကြီးကို ဒိုင်းနမိုက် နဲ့ ဖောက်ခွဲ ဖြိုချ လိုက်ဖို့ အမိန့်ပေးတာ မှာ အဓိက တာဝန်ရှိသူ ဟာ ဗိုလ်ချူပ်ကြီး နေ၀င်း သာဖြစ်တယ်လို့ ဆိုထားပါတယ်။

ဒီကျောင်းသားများသမဂ္ဂဖြိုခွင်းခဲ့မှု မှာ အဲ့ဒီအချိန်က တက္ကသိုလ်ကျောင်းသားပေါင်း ရာပေါင်းများစွာ ရက်ရက်စက်စက် အသတ်ခံခဲ့ရတာပါ။

နောက်မကြာပါဘူး ဦးနေ၀င်းကလည်း တီဗွီဖန်သား ပြင်ပေါ်မှာ ပေါ်လာပြန်ပြီး အဲ့ဒီ ကျောင်းသားများ သမဂ္ဂ ဖောက်ခွဲ ခဲ့မှု မှာ သူ့မှာ တာဝန်မရှိခဲ့ဘူး။ အဲ့ဒီအချိန်က ဒုတိယ ကာကွယ်ရေး ဦးစီးချူပ်ဖြစ်တဲ့ ဗိုလ်မှူးချူပ်အောင်ကြီး မှာ သာ တာဝန်ရှိတယ်ဆိုပြီး ပြန်လည် ပုံချပါတယ်။

နောက်ဆုံး သူတို့ နှစ်ဦးစလုံးသာ သေသွားတယ်။ ဒီသမိုင်း တရားခံအစစ်က ဘယ်သူဆိုတာ ဒီနေ့ထိ အဖြစ်မှန်ကို ပြည်သူတွေ မှာ မသိလိုက်ရပါ။ ဒါ ဗမာပြည်က စစ်ဗိုလ် တွေ ကိုယ်တိုင်ရေးခဲ့တဲ့ သူရဲဘောကြောင် သမိုင်းပါ။ လုပ်တုန်းက လုပ်ပြီး ခံအလှည့်ကျတော့ မခံရဲ့တဲ့ သမိုင်းပါ။

ဟော အခုလည်း လာပြန်ပြီ ။ ၈၈ အာဏာသိမ်းပြီးကာလ ကနေ ၂၀၀၄ ခုနှစ် သူပြုတ်မသွားခင် အထိ ဗမာပြည်မှာ လူတိုင်းက ဖိန့်ဖိန့်တုန်အောင် ကြောက်ခဲ့ရတဲ့ ကမ္ဘာ့ အကောက်ကျစ်ဆုံး ဗမာစစ်ထောက်လှမ်းရေး အဖွဲ့ နဲ့ ၀န်ကြီးချူပ်ဟောင်း၊ အတွင်းရေးမှူး(၁)ဟောင်း (အဲ့ဒီရာထုးက အဲ့ဒီအချိန် ဗမာပြည်မှာ နံပါတ် နှစ်) ဖြစ်ခဲ့ဘူးတဲ့ ဗိုလ်ချူပ်ကြီးဟောင်း ခင်ညွန့်။

လျှပ်တစ်ပြတ်ဂျာနယ် က ကိုမြတ်ခိုင် နဲ့ အင်တာဗျူးမှာ အဲ့ဒီတုန်းက ဖြစ်ပျက် ခဲ့သမျှ တွေအတွက် လူပေါင်း သန်းပေါင်းများစွာ နစ်နာ ခဲ့ရတာတွေအတွက် သူ့မှာ တာဝန်မရှိဘူးတဲ့။ မျက်နှာမည်းကြီး မှာ သာ တာဝန်ရှိတာပါတဲ့။ နှစ်ယောက်လုံးကလည်း လောကမှာ ကြာကြာ နေရတော့မယ့် အသက်အရွယ်တွေ တော့မဟုတ်တော့ဘူး။ ဒီတစ်ခါလည်း ဗိုလ်နေ၀င်းနဲ့ ဗိုလ်အောင်ကြီးတုန်းကလို ပဲ သူတို့သာ သေသွားမယ် အဖြစ်မှန် က ပေါ်လာဖို့တော့ မရှိဘူး။

မှတ်ထားပါ။ ဒါဟာ ဗမာပြည်မှာ လုပ်သာလုပ်ရဲပြီး တာဝန်ခံစိတ် တစ်ပြားသားမျှ မရှိတဲ့ လေနဲ့သာ သတ္တိပြောင် တဲ့ စစ်ဗိုလ် တွေ အုပ်ချူပ်ခဲ့တဲ့ ခေတ်ဆိုးခေတ်ပျက် တစ်ခေတ်ဆိုတာ။ ဒီလူတွေ ဟာလည်း သမိုင်းရဲ့ အမှိုက်ပုံ ထဲမှာ ပုပ်ပွ ဟောင်စော် သူများ အဖြစ် အခိုင်အမာ နေရာ ရသွား ခဲ့ကြပြီဆိုတာ။