၁၄-၈-၂၀၁၃ အားကစားသတင်းများ

သြဂုတ်လ- ၁၄ ၇က်၊ ၂၀၁၃
M-Media

အနာဂတ်အင်္ဂလန်အသင်း၏ ကပ္ပတိန်အဖြစ် ၀ီလ်ရှိုင်းယားအား ဂျာရက်ထောက်ခံ

အင်္ဂလန်လက်ရွေးစင်အသင်း၏ အသင်းခေါင်းဆောင် ကွင်းလယ်လူ စတီဗင်ဂျရတ်က ၀ီလ်ရှိုင်းယားမှာ အနာဂတ်အင်္ဂလန်အသင်း၏  အသင်းခေါင်းဆောင်အဖြစ် အောင်မြင်သောကစားသမားဖြစ်လာလိ့မ်မည်ဟု ပြောကြားလိုက်သည်။ ထိုယူဆချက်နှင့်ပက်သက်၍ သံသယမရှိကြောင်း
ဝီလ်ရှိုင်းယား၏ အရည်အသွေး၊ လေ့ကျင့်ကွင်းတွင်ပြုမှုနေထိုင်ပုံများကို ကြည့်လျှင် အသင်းခေါင်းဆောင်တံဆိပ်ခတ်နှိပ်ထားသည့် လူငယ်လေးတစ်ဦးအဖြစ် မှတ်ယူနိုင်ကြောင်း၊ ၀ီလ်ရှိုင်းယားမှာ သင်ယူလိုစိတ်ရှိပြီး အင်္ဂလန်အသင်းကိုချစ်ကြောင်း ဂျရတ်က ပြောဆိုခဲ့သည်။
______________________________
ဆွမ်ဆီးအလယ်တန်းလူ ဂူဇ်မန် ဟော်လန်အသင်းနှင့် လေ့ကျင့်ခန်းဆင်းစဉ် ထိခိုက်ဒဏ်ရာရရှိ

ပရီးမီးယားလိဂ်ကလပ် ဆွမ်ဆီးအသင်း၏အလယ်တန်းလူ ဂျိုနသန် ဂူဇ်မန်မှာ ဟော်လန်အသင်းနှင့် လေ့ကျင့်ခန်းဆင်းစဉ် ဒဏ်ရာရရှိသွားသည်ဟုသိရသည်။ ဂူဇ်မန်မှာ ဗုဒ္ဓဟူးနေ့တွင် ပေါ်တူဂီအသင်းနှင့် စြေမ်းစမ်းပွဲကစားမည့် ဟော်လန်အသင်းနှင့်အတူ လေ့ကျင့်ခန်းဆင်းနေစဉ် အသင်းဖော် ဒါ့ကော့နှင့် ပြင်းထန်စွာတိုက်မိခဲ့ပြီး ဦးခေါင်း၌ ဒဏ်ရာရရှိခဲ့ကာ ဆးရုံသို့ပို့ဆောင်ခဲ့ရသည်။ ကနဦးဆေးစစ်ချက်များအရ ဒဏ်ရာမှာ ပြင်းထန်မှုမရှိဘဲ အနည်းဆုံး နှစ်ပတ်ခန့် အနားယူရမည်ဟု သိရသည်။
______________________________
ဗလင်စီယာတွင် ဆက်ရှိနေချင်သည်ဟု လူငယ်ဂိုးသမားဆို

ဗလင်စီယာအသင်း၏ လူငယ်ဂိုးသမားဖြစ်သူ ဗင်းဆင့် ဂူအီတာက အသင်းတွက် ဆက်လက်ရှိနေလိုသည်ဟုပြောဆိုလိုက်သည်။ ဗလင်စီယာ လူငယ်အကယ်ဒမီမှ ထွက်ပေါ်လာသည့် ဂူအီတာမှာ ယမန်နှစ်က လာလီဂါပွဲထွက်ခွင့် ၁၄ ပွဲသာရရှိခဲ့သည်။ ဗလင်စီယာအသင်းနှင့် သက်တမ်း ၂ နှစ် ကျန်ရှိနေသေးကြောင်း၊ သက်တမ်းကုန်ဆုံးသွားပါကလည်း ဗလင်စီယာအသင်းတွင် ဆက်လက်နေခွင့်ရရန်မျှော်လင့်မိပါကြောင်း ဂူအီတာက ပြောဆိုခဲ့သည်။
______________________________
လူးဝစ်ဆွာရက်ဇ် လီဗာပူးလ်နှင့် သက်တမ်းတိုးတော့မည်

အာဆင်နယ်အသင်းမှ ခေါ်ယူရန်ကြိုးစားနေသည့် လီဗာပူးလ်တိုက်စစ်မှူး လူးဝစ်ဆွာရက်ဇ်မှာ လီဗာပူးလ်နှင့် သက်တမ်းတိုးစာချုပ် ချုပ်ဆိုတော့မည်ဟုသိရသည်။ လူးဝစ်ဆွာရက်ဇ်မှာ စောစောပိုင်းက လီဗာပူးလ်အသင်းမှ ထွက်ခွာချင်သည်ဟု ဖွင့်ဟခဲ့ဖူးသည်။
Martin Charquero
______________________________
ပီပီအားခေါ်ယူရန် မန်စီးတီးအဆင်သင့်ဖြစ်နေ

မန်ချက်စတာစီးတီးအသင်းအနေဖြင့် ရီးယဲလ်နောက်ခံလူ ပီပီအားခေါ်ယူရန် အဆင်သင့်ဖြစ်နေသည်ဟု သိရသည်။ မန်စီးတီးအသင်း၏ နောက်ခံလူ နက်စတာစစ်မှာ ခြေချင်းဝတ်ဒဏ်ရာရရှိသွားပြီး တစ်လခန့်အနားယူရမည်ဖြစ်သောကြောင့် နောက်ခံလူပြဿနာနှင့်ရင်ဆိုင်နေရသည်။ ပီပီမှာ မန်စီးတီးနည်းပြသစ် ပယ်လီဂရီနီခေါ်ယူချင်သည့် ပထမဦးစားပေးကစားသမားဖြစ်ခဲ့ပြီး လွန်ခဲ့သည့်လက ပေါင် ၁၅ သန်းဖြင့်ကမ်းလှမ်းခဲ့ရာ ရီးယဲက်မက်ဒရစ်အသင်းမှ ပယ်ချခဲ့သည်။ ထို့ကြောင့် ယခုအခါ ပေါင် သန်း ၂၀ ၀န်းကျင်ဖြင့် ထပ်မံကမ်းလှမ်းမည်ဟု သိရသည်။
______________________________
မီချူးနှင့် ဇက်ကိုတို့ဘက်သို့ အာဆင်နယ်ဦးလှည့်လာပြန်

အာဆင်နယ်အသင်းသည် ဆွမ်ဆီးအသင်း၏ တိုက်စစ်မှူး မီချူးနှင့် မန်စီတီးအသင်း၏ တိုက်စစ်မှူး ဇစ်ကိုတို့အား ခေါ်ယူရန်စိတ်ဝင်စားနေသည်ဟုသိရသည်။ ဆွာရက်ဇ်အားခေါ်ယူရန် မသေချာတော့သည့် အာဆင်နယ်အသင်းမှာ ဘိုင်ယန်ကွင်းလည်လူ ဂတ်စတာဗိုအား ခေါ်ယူရန်နီးစပ်နေသည်ဟု သတင်းထွက်ပေါ်လာသေးသည်။
Daily Mirror
______________________________
ရူနီအတွက် ကမ်းလှမ်းမှုအားလုံးကို မန်ယူပယ်ချ

မန်ချက်စတာယူနိုက်တက်အသင်းသည် ၎င်းတို့၏ တိုက်စစ်မှူး ၀ိန်းရူနီအား ခေါ်ယူရန် ကမ်းလှမ်းမှုအားလုံးကို ပယ်ချတော့မည်ဟုဆိုသည်။ ၎င်းတို့၏ တိုက်စစ်မှူးအား အိုးထရက်ဖို့မှထွက်ခွာရန် ခွင့်ပြုလိမ့်မည်မဟုတ်ကြောင်း မန်ယူအသင်းက ထုတ်ပြန်ကြေညာခဲ့သည်။
The Guardian
______________________________
ဒေဗစ်ဖာရဲရား တတိယအဆင့်သို့ရောက်ရှိခဲ့သည့် ATP Cincinnati Masters တင်းနစ်ပြိုင်ပွဲ

အမေရိကန်နိုင်ငံ အိုဟိုင်းယိုးပြည်နယ် စင်စင်နတီမြို့တွင် ကျင်းပပြုလုပ်လျက်ရှိသည့် ATP Cincinnati Masters တင်းနစ်ပြိုင်ပွဲ ဒုတိယအဆင့်တွင် နိုင်ခြေအဆင့်သုံးရှိ ဖာရဲရားက အိမ်ရှင်တင်းနစ်သမား ရိုင်ယန် ဟာရစ်ဆန်ကို အနိုင်ရရှိခဲ့သည်ဟု သိရသည်။ ၂ နာရီနှင့် ၄၂
မိနစ်ကြာခဲ့သည့် အဆိုပါပွဲမှာ အကြိတ်အနယ်ရှိခဲ့ပြီး ဖာရဲရားက ဟာရစ်ဆန်အား ၇-၆(၇-၅)၊ ၃-၆၊ ၆-၄ ဖြင့် အနိုင်ရရှိခဲ့ကာ တတိယအဆင့်သို့ တက်ရောက်သွားပြီဖြစ်သည်။
______________________________
WTA Western & Southern Open တင်းနစ်ပြိုင်ပွဲတွင် ရှာရာပိုဗာရှုံးနိမ့် အဇာရန်ကာ တတိယအဆင့်သို့တက်ရောက်

အမေရိကန်နိုင်ငံ အိုဟိုင်းယိုးတွင် ကျင်းပပြုလုပ်နေသည့် WTA Western & Southern Open တင်းနစ်ပြိုင်ပွဲ ဒုတိယအဆင့်တွင် နာမည်ကြီးတင်းနစ်မယ် ရှာရာပိုဗာမှာ ရှုံးနိမ့်သွားသည်ဟုသိရသည်။ နိုင်ခြေအဆင့် ၃ ရ ရှာရာပိုဗာမှာ အမေရိကန် တင်းနစ်မယ် ဆိုလိန်း စတီဖင်အား ၂-၆၊ ၇-၆(၇-၅)၊ ၆-၃ ဖြင့် ရှုံးနိမ့်သွားခဲ့ပြီး နည်းပြသစ်ဖြင့် ပထမဦးဆုံးယှဉ်ပြိုင်သည့်ပွဲတွင် ရှုံးနိမ့်ခဲ့ခြင်းလည်းဖြစ်သည်။

ဘီလာရုဇ်တင်းနယ်မယ် ဗစ်တိုးရီးယား အဇာရန်ကာမှာ ထိုင်ဝမ်-အမေရိကန် တင်းနစ်မယ် ဗီယန်နာကင်းအား အနိုင်ရရှိကာ တတိယအဆင့်သို့ တက်ရောက်သွားပြီဖြစ်သည်။ ၁နာရီနှင့် ၄၁ မိနစ် ကြာမြင့်ခဲ့သောအဆိုပါပွဲတွင် ကမ္ဘာ့အဆင့် ၂ အဇာရန်ကာ က ကင်းအား ၆-၁၊
၇-၆(၈-၆)ဖြင့် အနိုင်ရရှိခဲ့သည်။
______________________________
မော်စကိုတုတ်ထောက်ခုန်ပြိုင်ပွဲတွင် ရုရှားသူ ကမ္ဘာ့ချန်ပီယံဘွဲ့ကိုဆွတ်ခူး

ရုရှားနိုင်ငံ မော်စကိုမြို့တွင် ကျင်းပပြုလုပ်နေသည့် ကမ္ဘာ့ချန်ပီယံရှစ် အားကစားပြိုင်ပွဲ အမျိုးသမီးတုတ်ထောက်ခုန်ပြိုင်ပွဲတွင် ရုရှား တုတ်ထောက်ခုန်မယ် ယီလီနာ အစ်စင်ဘိုင်အီဗာ က အနိုင်ရဗိုလ်စွဲခဲ့သည်ဟု သိရသည်။ ကမ္ဘာ့ချန်ပီယံနှစ်ကြိမ်ဖြစ်ခဲ့ပြီး အိုလံပစ်ရွှေတံဆိပ်ဆု
နှစ်ကြိမ်ရရှိခဲ့သည့် အသက် ၃၁ နှစ်အရွယ်ရှိ အစ်စင်ဘိုင်အီဗာမှာ ၄.၈၉ မီတာအမြင့်ခုန်နိုင်ခဲ့ကာ အနိုင်ရခဲ့ခြင်းဖြစ်သည်။