ကျိုလီယာ မွတ်စလင်မ်အသင်းမှ သင်္ကန်းကျွန်း စံပြဆေးရုံကြီးသို့ ဆေးဝါး ပစ္စည်းများ လှူဒါန်း

သြဂုတ်လ ၂၀၊ ၂၀၁၃
M-Media
သတင်း- ဆူးထက်

ရန်ကုန်တိုင်း ဒေသကြီး၊ သင်္ဃန်းကျွန်းမြို့နယ်၊ စံပြ ဆေးရုံကြီးသို့ ကျိုလီယာ မွတ်စလင်မ် သာသနာ့ ရန်ပုံငွေ အဖွဲ့မှ သြဂုတ်လ ၁၉-ရက်နေ့ နေ့လည် (၄)နာရီက နှလုံးဆေးဝါး ပစ္စည်း တန်ဖိုးငွေကျပ် (၂၁)သိန်းဖိုး တတိယ အကြိမ်မြောက် ပေးအပ်လှူဒါန်းခဲ့ကြောင်း သတင်းရရှိသည်။

အဆိုပါ ကျိုလီယာ မွတ်စလင်မ် သာသနာ့ ရန်ပုံငွေ အဖွဲ့မှ လှူဒါန်းဖြစ်ခဲ့ခြင်း အကြောင်းနှင့် ပတ်သက်၍ “ဆေးရုံကို လာရောက်တဲ့ သူတွေထဲက မရှိဆင်းရဲသားတွေ အဆင်ပြေ ချောမွတ်စေဖို့ အတွက် ရည်ရွယ် လှူဒါန်းခဲ့ခြင်း ဖြစ်ပါတယ်။ မေတ္တာဖြင့် ကုနေတဲ့ ဆေးရုံဖြစ်တဲ့အတွက် ကျွန်တော်တို့ကလည်း မေတ္တာနဲ့ လာရောက် ကူညီခဲ့ခြင်း ဖြစ်ပါတယ်။ အခုတစ်ကြိမ်နဲ့ဆို ဒီဆေးရုံမှာကြီးပဲ သုံးကြိမ်ရှိပါပြီ။ ပထမအကြိမ်က အားဆေးသွင်းတဲ့ ဆေးဝါး ပစ္စည်းတန်ဖိုးငွေ ၁၄-သိန်း၊ ဒုတိယအကြိမ်က ကင်ဆာဆေးဝါး ပစ္စည်း တန်ဖိုးငွေ ၃၇-သိန်းဖိုးပါ။ မကြာသေးခင်ကလည်း ကလေးဆေးရုံကို ၁၅၆-သိန်းဖိုး ဆေးဝါးလှူဒါန်းခဲ့ပါတယ်” ဟု ၎င်းအဖွဲ့မှ တွဲဖက်အတွင်းရေးမှူး ဦးလှဌေးက M-Media သို့ပြောသည်။

စံပြဆေးရုံအုပ်ကြီး ဦးဇော်ထွန်း (M.B., B.S) Ygn က ” အခုလို လာရောက်လှူဒါန်းကြတဲ့အတွက် ဆရာကြီးရဲ့ လူနာတွေအတွက် ပီတီဖြစ်ရတယ်။ ဆရာကြီးတို့ဟာ ရောက်လာသမျှ လူနာတွေကို ဆင်းရဲ ချမ်းသာ မရွေး၊ ဘာသာ လူမျိုး မရွေး အားလုံးကို တန်းတူ နွေးနွေး ထွေးထွေး စောင့်ရှောက် ကာကွယ် ကုသ ပေးတယ်။ အခုလို အစ္စလာမ်ဘာသာဝင်တွေ အနေနဲ့ လာရောက်လှူဒါန်း တဲ့အပေါ်မှာလည်း အရမ်းဝမ်းသာပါတယ်။ အစိုးရကလည်း မနှစ်က ဘတ်ဂျက် တန်ဖိုး ကျပ်သိန်းတစ်ထောင့်နှစ်ရာ ကနေ အခုဒီနှစ်အတွက် ကျပ်သိန်းငါးထောင် ချပေးခဲ့ပါတယ်။ အလှူရှင်တွေကလည်း အခုလို ကြိုကြား ကြိုကြား လာလှူဒါန်းပေးတဲ့အတွက် ဒီဆေးရုံရဲ့ လိုအပ်ချက်တွေဟာ ပြည့်မှီလာပါတယ် ” ဟု M-Media သို့ပြောသည်။

ဆက်လက်၍ ” နောက်တစ်ခု ဆရာကြီးရဲ့ ရုံးခန်းတံခါးကို အမြဲဖွင့်ထားတယ်။ ဘယ်သူမဆို ၀င်လို့ရတယ်။ လူနာရှင်တွေရဲ့ အခက်အခဲတွေကို ဆရာကြီး တတ်နိုင်သလောက် ကူညီပေးတယ်။ အကြံပြုစာ ထည့်ရန်ဆိုပြီး ပုံးအပြာလေးတွေလည်း ချိတ်ဆွဲထားတယ်။ လူနာရှင်တွေအနေနဲ့ အကြံပြုစာ ထည့်နိုင်ပါတယ်။ အဲဒီ့ အကြံပြုစာတွေကို တစ်လတစ်ခါ ပေါင်းပြီး ဖတ်တယ်။ ဒါမှ လိုအပ်ချက်တွေနဲ့ သူတို့တွေရဲ့ ဆန္ဒတွေကို ဖြည့်ဆည်းပေးနိုင်တာပေါ့။ ဆရာကြီး ဒီဆေးရုံမှာ တာဝန်ထမ်းဆောင်တာ တစ်နှစ်ကျော်ပါပြီ။ ဆရာကြီးရဲ့ တစ်ယောက်တည်းနဲ့ လုပ်ဆောင်ခဲ့တာတွေ မဟုတ်ပါဘူး။ အားလုံး ပူးပေါင်း ပါဝင်ဆောင်ရွက်ကြတာပါ။ ဆရာကြီးရဲ့ လုပ်ဖော်ကိုင်ဖက် ၀န်ထမ်းတွေကိုလည်း အရင်ခေတ်လို မဟုတ်တော့ဘူး။ ခေတ်ပြောင်းသွားပြီ။ ဒါကြောင့် ဆရာကြီးတို့တွေဟာလည်း အပြောအဆို ရပ်တည်ချက်တွေ ပြောင်းရတော့မယ်လို့ ပြောပြ စည်းရုံးခဲ့ပါတယ်။ ဟိုးအရင်တုန်းကဆိုရင် ဆေးရုံမှာ ဓာတ်ပုံရိုက်တာကို သိပ်မကြိုက်ခဲ့ကြဘူး။ အခုတော့ ဓါတ်ပုံကို ကြိုက်သလောက်ရိုက်လို့ရတယ်” ဟု ၎င်းမှ M-Media သို့ပြောသည်။

အဆိုပါ စံပြဆေးရုံကြီးသို့ တစ်နေ့လျှင် ပျမ်းမျှ အတွင်းလူနာ ၅၀၀ကျော်နှင့် အပြင်လူနာ ၂၀၀ကျော်ခန့် လာရောက်ပြသကြောင်း၊ ဂိတ်ပေါက်စောင့်မှ စောင့်၍ လူနာများထံ လာရောက်သည့် ဧည့်သည်များအား ပိုက်ဆံ တောင်းမည့် သူမရှိကြောင်း၊ အိမ်သာများ သန့်ရှင်းအောင် ထားရှိထားကြောင်း၊ ရေစီးရေလာကောင်းအောင်နှင့် ပတ်ဝန်ကျင် သန့်ရှင်းရေးကို အရေးပေး ဆောင်ရွက်ရန် စီမံထားရှိကြောင်း၊ အမှိုက်ပုံးများကိုလည်း အလွယ်တကူ စွန့်ပစ်နိုင်ရန်အမြောက်အများထားရှိပေးထားကြောင်း သို့ပါသောကြောင့် ဆေးရုံတွင် အနံအသက် ကင်းစင်သန့်ရှင်းနေခြင်း ဖြစ်ကြောင်း လုပ်ငန်းဆောင်ရွက်ပုံများအား M-Media သို့ထပ်လောင်းပြောကြားသည်။

ယင်းနောက် ကျိုလီယာ သာသနာရန်ပုံငွေ အဖွဲ့အား စံပြ ဆေးရုံအုပ်ကြီးမှ ဂုဏ်ပြု မှတ်တမ်းလွှာ ပေးအပ်ချီးမြှင့်ခဲ့ကြောင်း သိရသည်။

အဆိုပါ ရန်ကုန်တိုင်း ဒေသကြီး၊ သင်္ဃန်းကျွန်းမြို့နယ်ရှိ စံပြဆေးရုံကြီးအား ၁၉၉၁-ခုနှစ်၊ ဧပြီလ (၂)ရက်နေ့က စတင်အုတ်မြစ်ချ တည်ထောင်ခဲ့ကြောင်း သိရသည်။

ဓါတ်ပုံများကြည့်ရန် =>http://goo.gl/DfFnuK