ဗြိတိန် စစ်ဆန့်ကျင်ရေး သမားများ ဆီးရီးယားကို ဆင်နွှဲမည့် စစ်ပွဲကို ကန့်ကွက်ဆန္ဒပြ

သြဂုတ်လ – ၃၀ ၊ ၂၀၁၃
M-Media

ထောင်နှင့်ချီသော စစ်ဆန့်ကျင်ရေးသမား ဗြိတိန်နိုင်ငံသားများမှ ဆီးရီးယားအပေါ် အနောက်တိုင်း၏ စစ်ဆင်မှုကို ကန့်ကွက်ဆန္ဒပြကြမည်ဖြစ်သည်။

ဆီးရီးယားအားစစ်ဆင်မှုအလိုမရှိ – “No attack on Syria” ခေါင်းစဉ်တပ် ဆန္ဒပြခြင်းကို စစ်အုပ်စုဖွဲ့မှုရပ်တန့်ရေး နှင့် နျူကလိယလက်နက်ဖျက်သိမ်းရေးအဖွဲ့(Stop the War Coalition and Campaign for Nuclear Disarmament – CND) မှ ဦးဆောင်ကာ သြဂုတ်လ ၃၁ ရက် စနေနေ့တွင် ပြုလုပ်ရန် စီစဉ်ထားသည်။

ဆန္ဒပြသူများသည် Temple Place ၌ စုရုံးကာ ပါလီမန် နှင့် ဒေါင်းနင်းလမ်းသို့ ချီတက်ကြမည်ဖြစ်သည်။ ဒမတ်စကတ် အနီးတွင် ဓာတုလက်နက်များ အသုံးပြုခြင်း စွပ်စွဲချက်ဖြင့် ဆီးရီးယားအစိုးရ အပေါ် စစ်ရေးအရ ၀င်ရောက် စွက်ဖက် အရေးယူမှုကို ဆန့်ကျင်ကြောင်း ကြွေးကြော်ကြမည်ဖြစ်သည်။

CND ၏အဖွဲ့မှူးဖြစ်သူ လင်းဆေး ဂျာမန် (Lindsey German) မှ  “ ၂၀၀၃ ခုနှစ်တုန်းက လူတွေဟာ (အီရတ်စစ်ပွဲနဲ့ပတ်သက်လို့) လိမ်ညာခံခဲ့ရတယ်။ နောက်တစ်ကြိမ် ထပ်လိမ်မှာကို လူတွေက မခံစားချင်ကြတော့ဘူး။ ကျွန်မတို့ဟာ အီရတ်၊ အာဖဂန်နစ္စတန် နဲ့ လစ်ဗျား မှာ စစ်ရေး စွက်ဖက်မှုကြီး သုံးရပ်ကြုံခဲ့ပြီးပြီ။ ဘယ်တစ်ခုကမှ ငြိမ်းချမ်းရေးကိုသော် လည်းကောင်း၊ လူ့အခွင့်အရေးကိုသော် လည်းကောင်း အနှစ်သာရပြည့်ဝအောင် မဖော်ဆောင်နိုင်ခဲ့ပါဘူး။ ဆီးရီးယားကို ထပ်ပြီး စစ်ဆင်ဖို့ ကျွန်မတို့ မလုပ်အပ်တော့ဘူး ” ဟု သူမက ဆိုခဲ့သည်။

ကြာသပတေးနေ့အစောပိုင်းက ဗြိတိသျှဝန်ကြီးချုပ် ဒေးဗစ် ကင်းမရွန်း၏ အဆိုပြုချက်ဖြစ်သော ဆီးရီးယားအစိုးရအပေါ် စစ်ဆင်ရေးမှာ မဲအရ ရှုံးနိမ့်ခဲ့သည်။ သို့သော် ဗြိတိန်၏ ထောက်ခံမှု မပါဝင်လျှင်လည်း အမေရိကန်အစိုးရသည် စုပေါင်းစစ်ဆင်ရန် အသင့်ဖြစ်နေပြီဟု အမေရိကန်အာဏာပိုင်များက ဆိုသည်။

သြဂုတ်လ ၂၁ ရက်တွင် ဆီးရီးယား တော်လှန်ရေးသမားများက ဒမတ်စကတ် နယ်မြေ၀န်းကျင်အတွင်းရှိ စစ်သွေးကြွအုပ်စုအပေါ် အစိုးရ၏ ဓာတု လက်နက်သုံး တိုက်ခိုက်မှုကြောင့် လူပေါင်း ၁၃၀၀ သေဆုံးသွားသည်ဟုဆို၏။

သို့တစေ ယင်းအဆိုမှာ အခြေအမြစ်မရှိကြောင်း ဆီးရီးယားအစိုးရမှ ငြင်းဆိုပယ်ချခဲ့သည့်အပြင် ယင်းဓာတုလက်နက်များမှာ ၄င်းစစ်သွေးကြွများကိုယ်တိုင်က ယူဆောင်လာပြီး ဖန်တီးခဲ့ခြင်းဖြစ်သည်ဟု ကြေငြာခဲ့သည်။

MOS/SSM/HE

Photo- BBC