အောက်တိုဘာ-၂၅ အားကစားသတင်းများ

အောက်တိုဘာ-၂၅

M-Media

အိုဇေးလ်က အာဆင်နယ်အသင်းအတွက် အကောင်းဆုံးများကို ယူလာမည်ဟု ဖာဘရီဂတ်ဆို

ဘာစီလိုနာအသင်းတွင်ကစားနေသည့် ကွင်းလယ်လူဖာဘရီဂတ်စ်က အာဆင်နယ်အသင်း၏ ကွင်းလယ်လူ အိုဇေးလ်အား ချီးကျူးလိုက်ပြီး အသင်းအားအဆင့်တစ်ခုသို့ရောက်အောင် မြှင့်တင်ပေးနိုင်သည်ဟု ယုံကြည်ကြောင်း ပြောဆိုလိုက်သည်။

အာဆင်နယ်အသင်းတွင် ကွင်းလယ်ကစားသမားများစွာရှိနေပြီး အိုဇေးလ်အား မလိုအပ်ဟု ပြောဆိုမှုများရှိနေသော်လည်း ထိုပြောဆိုမှုများအား ဖာဘရီဂတ်စ်ကပယ်ချလိုက်သည်။

“ခင်ဗျားအနေနဲ့ အိုဇေးလ်ဖို့ခေါ်ယူဖို့ အခွင့်အရေးရမယ်ဆိုရင်၊ အဲဒီအခွင့်အရေးကို ခင်ဗျားလက်လွတ်ခံနိုင်မှာ မဟုတ်ပါဘူး။ သူဟာ အာဆင်နယ်အတွက် ကစားချင်ခဲ့ပါတယ်။ သူဟာ နေရာလွတ်တွေကိုရှာဖွေပေးပြီး၊ သူ့ရဲ့ဖြတ်တင်ဘေတွေဟာလည်း လက်ဖျားခါလောက်ပါတယ်” ဟု ဖာဘရီဂတ်စ်က Daily Mail သတင်းစာသို့ ပြောကြားခဲ့သည်။

ပြီးခဲ့သည့်နွေရာသီအပြောင်းအရွှေ့က အာဆင်နယ်အသင်းနှင့် ဆက်သွယ်ခဲ့သော်လည်း ဘာစီလိုနာအသင်းတွင် ဆက်လက်ရှိနေခဲ့သည့် ဖာဘရီဂတ်စ်က အာဆင်နယ်အသင်းသို့ နည်းပြအနေဖြင့် ပြန်လာနိုင်ဖွယ်ရှိကြောင်း အရိပ်အမြွက်ပြောဆိုခဲ့သည်။

……………………………………….
ဖလားရရန်အတွက် မန်ယူအသင်းမှာ ကစားသမား ၁၀ ဦးလိုအပ်သည်ဟု ရော်ဂျာဆို

ပရီးမီးယားလိဂ်ဖလားအားရရှိရန် ၎င်း၏အသင်းအနေဖြင့် ကစားသမားသစ် ၈ ဦးခန့်လိုအပ်ပြီး မန်ယူအသင်းမှာ ထိုထက်ပိုလိုအပ်သည်ဟု လီဗာပူးလ်အသင်း၏ နည်းပြဖြစ်သူ ဘရန်ဒန်ရော်ဂျာက ပြောကြားလိုက်သည်။

လီဗာပူးလ်အသင်းမှာ ပရီးမီးယားလိဂ်ဖလားအား ရရှိရန်နီးစပ်ခြင်းမရှိသေးဟု မန်ယူနည်းပြဟောင်းဖာဂူဆန်၏ ရေးသားမှုအားပြန်လည်တုံ့ပြန်သောအားဖြင့် ရော်ဂျာက ယခုကဲ့သို့ ပြောကြားလိုက်ခြင်းဖြစ်သည်။

ဖာဂူဆန်၏နောက်ဆုံးထွက် ကိုယ်ရေးအထုပ္ပတ္တိတွင် လီဗာပူးလ်နည်းပြဟောင်း ကင်နီဒဂ်လစ်ရှ်၏ ငွေကြေးသုံးစွဲမှုကို ဝေဖန်ရေးသားထားပြီး၊ ပရီးမီးယားလိဂ် ဖလားအားကိုင်မြှောက်ခွင့်ရရန် ယခုနှစ် လီဗာပူးလ်အသင်းမှာ ကစားသမား ၈ ဦးခန့်လိုအပ်သည်ဟုလည်း ထည့်သွင်းရေးသားထားသည်။ ထို့ပြင် လီဗာပူးလ်ကွင်းလယ်လူဟန်ဒါဆန်နှင့်ပက်သက်၍လည်း ဖာဂူဆန်ကဝေဖန်ပြော ကြားထားသေးသည်။

သို့သော်လည်း လီဗာပူးလ်အသင်းမှာ မန်ယူအသင်းထက် ပိုမိုကောင်းမွန်သော အနေအထားတွင်ရှိနေသည်ဟု ရော်ဂျာက ယုံကြည်နေသည်။

………………………………….
အီဗရာဟီမိုဗစ် အသင်းသို့ပြန်လည်ရောက်ရှိလာပါက ကောင်းမည်ဟု ရော်ဘင်ဟိုဆို

ဆွီဒင်တိုက်စစ်မှူး အီဗရာဟီမိုဗစ်အနေဖြင့် အေစီမီလန်သို့ရောက်ရှိလာပါက မာရီယိုဘာလော့တယ်လီနှင့် အတွဲညီလိမ့်မည်ဖြစ်ပြီး ကာကာမှာလည်း သူ၏ အကောင်းဆုံးပုံစံကို ရရှိနေပြီဟု အေစီမီလန်အသင်း၏ ဘရာဇီးတိုက်စစ်မှူး ရော်ဘင်ဟိုက ပြောကြားခဲ့သည်။

ထို့ပြင် မီလန်အနေဖြင့် အီဗရာဟီမိုဗစ်အား ပြန်လည်ခေါ်ယူခဲ့လျှင် အဆုံးအရှုံး ရှိလိမ့်မည်မဟုတ်ဟု ရော်ဘင်ဟိုက၀န်ခံခဲ့သည်။

“အီဗရာဟာ ထူးချွန်တဲ့ကစားသမားပါ။ သူ့ကိုအသင်းက ပြန်ခေါ်မယ်ဆိုရင် မနစ်နာနိုင်ပါဘူး။ ဘာလော့တယ်လီနဲ့ အီဗရာကို အရှေ့မှာထားပြီး ကျွန်တော်နဲ့ ကာကာက အနောက်မှာနေပါတယ်။ တိုက်စစ်မှူးတွေပိုများလေလေ နေရာလွတ်တွေ ကျွန်တော် ပိုရလေလေပါ။ ပြီးတော့ ကျွန်တော်တို့ ဂိုးသွင်းခွင့်လည်း ပိုရလေလေပါပဲ” ဟု ရော်ဘင်ဟိုက Corriere dello Sport သတင်းစာသို့ပြောကြားခဲ့သည်။

အီဗရာဟီမိုဗစ်မှာ အေစီမီလန်အသင်းမှ ပီအက်စ်ဂျီသို့ ၂၀၁၂ ခုနှစ်က ပြောင်းရွှေ့သွားခဲ့ခြင်းဖြစ်သည်။

………………………………………..
လူမျိုးရေးခွဲခြားမှုများကို မဖြေရှင်းနိုင်ပါက ကမ္ဘာ့ဖလားအား သပိတ်မှောက်မည်ဟု ယာယာတိုးယေး ခြိမ်းခြောက်

ရုရှားအနေဖြင့် ၎င်း၏နိုင်ငံသားများ၏ လူမျိုးရေးခွဲခြားမှုများကို မဖြေရှင်းနိုင်ပါက ၂၀၁၈ ကမ္ဘာ့ဖလားကို လူမည်းကစားသမားများက သပိတ်မှောက်သွားမည်ဟု မန်စီးတီးအသင်း၏ ကွင်းလယ်လူ ယာယာတိုးယေးက ပြောကြားလိုက်သည်။

မန်စီးတီးအသင်းနှင့် စီအက်စ်ကေအေမော်စကိုအသင်းတို့ မော်စကိုတွင်ကစားခဲ့သည့် ချန်ပီယံလိဂ်ပွဲစဉ်တွင် တိုးယေးမှာ လူမျိုးရေးခွဲခြားသောစကားများဖြင့် အော်ဟစ်လှောင်ပြောင်ခြင်းခံခဲ့ရပြီး ထိုကိစ္စအားအရေးယူရန် မန်စီးတီးအသင်းကလည်း ဥရောပဘောလုံးအဖွဲ့ချုပ် ယူအီးအက်ဖ်အေအား တိုက်တွန်းထားသည်။

ထို့ပြင်မော်စကိုတွင်ကျင်းပမည့် ၂၀၁၈ ကမ္ဘာ့ဖလားပြိုင်ပွဲသို့ ကစားသမားများ မရောက်ခင် ရုရှားအနေဖြင့် လူမျိုးရေးခွဲခြားမှုများအားအရေးယူနိုင်ရန် ကြိုစားရမည်ဟု တိုးယေးက ထပ်လောင်းပြောဆိုခဲ့သည်။

ရုရှားအနေဖြင့် လူမျိုးရေးခွဲခြားမှုများအားတိုက်ထုတ်ရန် လိုအပ်ခြင်းရှိမရှိမေးမြန်းရာ တိုးယေးက “တကယ်ကို လိုအပ်ပါတယ်။ ဒါဟာ သိပ်ကိုအရေးကြီးပါတယ်။ ကမ္ဘာ့ဖလားပြိုင်ပွဲကိုလာဖို့ ကျွန်တော်တို့မှာ ကိုယ့်ကိုကိုယ်ယုံကြည်မှုမရှိရင် ကျွန်တော်တို့လာမှာမဟုတ်ပါဘူး” ဟု ပြေကြားခဲ့သည်။

Ref: Goal.com
http://www.goal.com/en/news/89/africa/2013/10/25/4358841/yaya-toure-threatens-world-cup-boycott?ICID=OP