နိုဝင်ဘာ ၅၊ အားကစားသတင်း စုစည်းမှု

နိုဝင်ဘာ ၅၊ ၂၀၁၃
M-Media

နေးမာမှာ လာမည့်ငါးနှစ်အတွင်း မက်ဆီကဲ့သို့ဖြစ်လာမည်ဟု ပီလီဆို

ဘာစီလိုနာအသင်း၏ ဘရာဇီးလ် လူငယ်တိုက်စစ်မှူး နေးမာအား ယခုအချိန်တွင် မက်ဆီနှင့် တစ်တန်းထား၍ မဖြစ်နိုင်သော်လည်း ကမ္ဘာ့အတော်ဆုံး ကစားသမားများ ထဲမှ တစ်ဦးဖြစ်သည်ဟု ဘရာဇီးဂန္တ၀င်ကစားသမား ပီလီက ပြောကြားလိုက်သည်။

ဘာစီလိုနာ အသင်းသို့ ယခုနှစ်နွေရာသီကမှရောက်ရှိလာခဲ့သည့် နေးမာမှာ ရာသီအစတွင် ဒဏ်ရာပြဿနာများဖြင့် ရုန်းကန်နေခဲ့ရပြီး ယခုအချိန်အထိ ဘာကာ အသင်း အတွက် ၄-ဂိုး သွင်းယူပေးထားကာ ၈-ဂိုး ဖန်းတီးပေးနိုင်ခဲ့သည်။

နေးမာမှာ အနာဂတ်မော်ဒန်ဘောလုံးလောကတွင် ကောင်းဆုံးတိုက်စစ်မှူးတစ်ယောက် ဖြစ်လာမည်ဖြစ်ပြီး ကမ္ဘာ့အကောင်းဆုံး ဘောလုံးသမား စာရင်းဝင်ရန်အတွက် ဥရောပဘောလုံးလောကတွင် စွမ်းရည်တိုးတက်အောင် အချိန်ယူကာ ဆောင်ရွက်ရမည်ဟု ပီလီက ယုံကြည်နေသည်။

“နေးမာဟာ တစ်ချိန်မှာ ကမ္ဘာ့အကောင်းဆုံးဘောလုံးသမားတစ်ယောက်ဖြစ်လာမယ်လို့ ကျွန်တော်ထင်ပါတယ်။ ဒါပေမယ့် မက်ဆီလို သူ့ထက်ငါးနှစ်လောက်ကြီးတဲ့ ကစားသမားတွေ သူ့အရှေ့မှာ ရှိနေပါသေးတယ်။ သူဟာ ဘာစီလိုနာမှာ အထင်ကရ ကစားသမားဖြစ်လာမလားဆိုတာကိုတော့ ကျွန်တော် မဖြေနိုင်ပါဘူး။ ပြီးတော့ သူဟာ ခရစ္စတီယာနို ရော်နယ်ဒိုနဲ့ မက်ဆီတို့လောက် အတွေ့အကြုံမရှိပေမယ့်၊ ဘရာဇီးလ်မှာတော့ အကောင်းဆုံး ကစားသမားတစ်ယောက်ပါ” ဟု ပီလီက သတင်းထောက်များအား ပြောကြားခဲ့သည်။

goal
_____________________
အသင်း၏ ခံစစ်ကစားပုံနှင့် ပက်သက်၍ အန်ဆယ်လော့တီ မကျေနပ်

ရီးယဲမက်ဒရစ်အသင်း၏ ခံစစ်ကစားပုံနှင့် ပက်သတ်၍ စိုးရိမ်မိသည်ဟု ပြောကြားခဲ့ပြီး ခံစစ်ကစားပုံအား ယခုထက်ပို၍ တိုးတက်အောင်လုပ်ဆောင်သင့်သည်ဟု အသင်းနည်းပြ ကားလို့စ် အန်ဆယ်လော့တီက ပြောကြားခဲ့သည်။

ရီးယဲလ်အသင်းမှာ ယခုနှစ်လာလီဂါတွင် တစ်ပွဲလျှင် ပျမ်းမျှ သုံးဂိုးအထိသွင်းယူခဲ့သော်လည်း ပေးဂိုးမှာ ၁၆ ဂိုးအထိရှိနေပြီး ပြိုင်ဘက် အသင်းများဖြစ်ကြသည့် အက်သလက်တီကိုမက်ဒရစ်နှင့် ဘာစီလိုနာအသင်းတို့ ထက် နှစ်ဆများပြားနေသည်။

“ကျွန်တော်တို့ပေးဂိုးတွေ အရမ်းများနေပြီး အဲဒါက ကျွန်တော်တို့အတွက် ပြဿနာပါပဲ။ ခံစစ်ပိုင်းဟာ ဘယ်လောက်အရေးပါတယ်ဆိုတာ တစ်ကမ္ဘာလုံးက လူတိုင်း သိကြပါတယ်။ ဒါပေမယ့် ၁၅ ပွဲမှာ ကျွန်တော်တို့ ၄၂ ဂိုး သွင်းယူနိုင်ခဲ့ပြီး တစ်ပွဲပျမ်းမျှ ၃ ဂိုးရှိပါတယ်” ဟု အန်ဆယ်လော့တီက သတင်းထောက်များအား ပြောကြား ခဲ့သည်။

အန်ဆယ်လော့တီမှာ အသင်း၏ ခံစစ်ပိုင်းအား ယနေ့ည အီတလီ၌ကစားမည့် ဂျူဗင်တပ်စ်အသင်းနှင့် ချန်ပီယံလိဂ်ပွဲမတိုင်မီ ပြင်ဆင်နိုင်လိမ့်မည်ဟု မျှော်လင့်နေပြီး၊ ဂျူဗင်တပ်စ်အသင်းမှာ အုပ်စုအတွင်း အခက်အခဲဆုံး အသင်းဖြစ်ကြောင်း အန်ဆယ်လော့တီက ထပ်လောင်းပြောကြားခဲသည်။
goal
_____________________

ဂျာနူဇက်ဂ်ျမှာ မက်ဆီထံမှ သင်ယူနိုင်သည်ဟု မိုယက်စ်ဆို

ပြီးခဲ့သည့် စနေနေ့က ဖူလ်ဟမ်အသင်းနှင့်ကစားသည့်ပွဲတွင် ပြိုင်ဘက်ကစားသမားများ၏ ပစ်မှတ်ဖြစ်ခဲ့သော အသက် ၁၈-နှစ်အရွယ်ရှိ မန်ယူလူငယ်ကစားသမား ဂျာနူဇက်ဂ်ျမှာ ဘာစီလိုနာအသင်း၏ ကစားသမား မက်ဆီ၏ အပြုအမူများအား သင်ယူရမည်ဟု ပြောကြားခဲ့ပြီး၊ ဒိုင်လူကြီးများအနေဖြင့် မိမိ၏ကစားသမားအား ပိုမို ကာကွယ်မှုများပေးရန် မန်ယူအသင်းနည်းပြ ဒေးဗစ်မိုယက်စ်က တိုက်တွန်းပြောကြားခဲ့သည်။

ဖူလ်ဟမ်းအသင်း၏ အိမ်ကွင်း ကာဗင် ကော့တေ့ဂ်ျတွင်ကစားခဲ့သော အဆိုပါပွဲတွင် မန်ယူအသင်းမှာ ၃-ဂိုး ၁-ဂိုးဖြင့် အနိုင်ရရှိခဲ့သော်လည်း ဂျာနူဇက်ဂ်ျသည် ဖူလ်ဟမ် အသင်းမှကစားသမား ဆက်ချာ ရီသာ၏ ကြမ်းတမ်းသော ဖျက်ထုတ်မှုကို ခံခဲ့ရသည်။ ထို့ကြောင့် အင်္ဂလန်ဘောလုံးအဖွဲ့ချုပ် FA မှလည်း ရီသာအား အရေးယူရန် စီစဉ်လျက်ရှိသည်။

“(အဲဒီအပြုအမူကို) ပွဲပြီးတဲ့အထိ ကျွန်တော် မမြင်ခဲ့ပါဘူး။ နည်းပြခုံတန်းဟာ နိမ့်နေတဲ့အတွက် မမြင်နိုင်ပါဘူး။ (ပွဲအပြီး ဗီဒီယိုပြန်ကြည့်တဲ့အခါ) ဒါဟာ တော်တော် ဆိုးရွားတဲ့ဖျက်ထုတ်မှုဖြစ်ပြီး တမင်တကာ ပြုလုပ်ခဲ့တဲ့ပုံပါပဲ။ ဒီကိစ္စက ပြီးတော့ ပြီးသွားပါပြီ။ ဒါပေမယ့် အဒ်နန်(ဂျာနူဇက်ဂ်ျ)ကို ကာကွယ်ပေးဖို့ လိုအပ်ပါတယ်” ဟု မိုယက်စ်က သတင်းထောက်များအား ပြောကြားခဲ့သည်။

ထို့ပြင် ဂျာနူဇက်ဂ်ျအနေဖြင့် ဘာစီလိုနာအသင်း၏ တိုက်စစ်မှူး လီယွန်နယ် မက်ဆီက စိန်ခေါ်မှုများကို မည်ကဲ့သို့ ကျော်ဖြတ်သည်ကို အတုယူသင့်ကြောင်း မိုယက်စ်က ထပ်လောင်းပြောကြားခဲ့သည်။
goal
_____________________

ATP World Tour Finals စပြီး အဖွင့်ပွဲစဉ်တွင် ဒဲလ်ပေါ်ထရိုနှင့် ၀ါဝရင်ကာတို့ အနိုင်ရရှိ

ကမ္ဘာ့အဆင့်-၁ မှ အဆင့်-၈ အတွင်းတင်းနစ်ကစားသမားများသာ ပါဝင်ယှဉ်ပြိုင်ရသည့် ယခုနှစ်တင်းနစ်ရာသီ ရာသီပိတ်ပြိုင်ပွဲ ATP World Tour Finals ကို လန်ဒန်မြို့တွင် စတင်ကျင်းပနေပြီဖြစ်သည်။

ကစားသမား ၈-ဦးအား ၄-ဦးတစ်အုပ်စုစီ အုပ်စုနှစ်စုခွဲထားပြီး အုပ်စု A တွင် ရာဖေးနာဒဲလ်၊ ဒေးဗစ်ဖာရာ၊ သောမတ်ဘာဒစ်ခ်ျနှင့် စတာနစ်လတ်စ် ၀ါဝရင်ကာတို့ ပါဝင်ကာ အုပ်စု B တွင် နိုဗက်ဂျိုကိုဗစ်၊ ဂျူအန်မာတင် ဒဲလ်ပေါ်ထရို၊ ရော်ဂျာဖက်ဒါရာနှင့် ရစ်ချတ်ဂတ်စကတ်စ်တို့ ပါဝင်သည်။

အုပ်စုအဖွင့်ပွဲစဉ်အဖြစ် ယမန်နေ့ကယှဉ်ပြိုင်ကစားခဲ့ရာ အုပ်စု A တွင် ၀ါဝရင်ကာက ဘာဒစ်ခ်ျအား အနိုင်ရရှိခဲ့ပြီး၊ အုပ်စု B တွင် ဒဲလ်ပေါ်ထရိုက ဂတ်စကတ်အား အနိုင်ရရှိခဲ့သည်။

ကမ္ဘာ့အဆင့် ၇ ဆွစ်တင်းနစ်သမား ၀ါဝရင်ကာနှင့် ကမ္ဘာ့အဆင့် ၆ ချက်တင်းနစ်သမား တင်းနစ်သမား ဘာဒစ်ခ်ျတို့ပွဲမှာ အကြိတ်အနယ်ရှိခဲ့ပြီး ၀ါဝရင်ကာက ဘာဒစ်ခ်ျ အား ၆-၃၊ ၆-၇၊ ၆-၃ ဖြင့် အနိုင်ရရှိခဲ့သည်။

အုပ်စု B မှ ကမ္ဘာ့ အဆင့် ၄ အာဂျင်တိုင်းကစားသမား ဒဲလ်ပေါ်ထရိုနှင့် ကမ္ဘာ့အဆင့် ၈ ပြင်သစ်ကစားသမား ဂတ်စကတ်တို့ပွဲမှာ ၂-နာရီနှင့် ၂၃-မိနစ်ကြာမြင့်ခဲ့ပြီး ပထမပွဲငယ်တွင် ဒဲလ်ပေါ်ထရိုက ရှုံးနိမ့်ခဲ့သည်။ သို့သော်လည်း ဒုတိယနှင့် တတိယပွဲငယ်တို့တွင် ပေါ်ထရိုမှာ အနိုင်ရရှိအောင် စွမ်းဆောင်နိုင်ခဲ့သောကြောင့် ပွဲအပြီးတွင် ၆-၇၊ ၆-၃၊ ၇-၅ ဖြင့်အနိုင်ရရှိခဲ့ခြင်းဖြစ်သည်။

skysports
____________________