အလှစစ်ရှာဖွေခြင်း ခေါင်းစဉ်ဖြင့် ငြိမ်းချမ်းရေးဆွေးနွေးပွဲ တစ်ခု ရန်ကုန်မြို့တွင်ပြုလုပ်

နိုဝင်ဘာ ၁၆ ၂၀၁၃
M-Media
KK

ရန်ကုန်။ ။ အလှစစ်ရှာဖွေခြင်းခေါင်းစဉ်ဖြင့် ဗုဒ္ဓဘာသာဝင်များနှင့် အစ္စလာမ်ဘာသာဝင်များ ပါဝင်သည့် ငြိမ်းချမ်းရေးဆွေးနွေးပွဲတစ်ခုကို ရန်ကုန်မြို့ လှည်းတန်း၊ Diamond Condo တာဝါ E ရှိ စကားဝါ ခန်းမတွင် ယနေ့ နေ့လည် ၁ နာရီက ကျင်းပပြုလုပ်ခဲ့သည်။

ထိုင်းနိုင်ငံရှိ မြန်မာရွှေ့ပြောင်း အလုပ်သမားများ၏အရေးကို အဓိကဆောင်ရွက်ပေးနေသည့် FED အဖွဲ့နှင့် မြန်မာမွတ်စလင်မ် ကျောင်းသားလူငယ်များအဖွဲ့ MMSY တို့မှ ပူးပေါင်းပြုလုပ်သော အဆိုပါအခမ်းအနားကို အစီစဉ် ၉ ခုဖြင့် ကျင်းပခဲ့သည်။

အခမ်းအနားတွင် ရန်ကုန်တက္ကသိုလ် ပညာရေးစိတ်ပညာဌာနမှ ဒေါက်တာသိန်းလွင်၊ သမိုင်းသုသေတီ ဆရာဦးဘုန်းတင့်ကျော်နှင့် ဒေါက်တာဆောင်းလွင်အောင်တို့မှ အဓိက ဆွေးနွေးသူများအဖြစ် ဆွေးနွေးပေးခဲ့ကြသည်။

အခမ်းအနားစတင်ပြီးနောက် ဒေါက်တာသိန်းလွင်က ဗုဒ္ဓဘာသာနှင့် အစ္စလာမ်ဘာသာတို့တွင်ရှိသည့် တူညီချက်များ၊ ငြိမ်းချမ်းရေးရရန်အတွက် တစ်ဦးနှင့်တစ်ဦး အပြန်အလှန်နားလည်မှုရှိခြင်း၏ အရေးကြီးပုံတို့အား ဗုဒ္ဓ၀င်နှင့် ကုရ်အာန်ကျမ်းစာတို့မှ အဆုံးအမများဖြင့် ဝေေ၀ဆာဆာ တင်ပြခဲ့သည်။

ထို့နောက် ဦးဘုန်းတင့်ကျော်က မြန်မာနိုင်ငံရှိ အစ္စလာမ်ဘာသာဝင်များ အပေါ် ယိုးစွပ်နေကြသည့် စွပ်စွဲချက်များ၊ တိုင်းတစ်ပါးမှ ခိုးဝင်လာသည့် နိုင်ငံခြားသားများအကြောင်းကို ဆွေးနွေးခဲ့ပြီး၊ ထိုယိုးစွပ်မှုများအား မြန်မာနိုင်ငံသား တိုင်းရင်းသား မွတ်စလင်များက ဖြေရှင်းကာ ဗုဒ္ဓဘာသာဝင်များ၏ စိတ်တွင်ဖြစ်ပေါ်နေသည့် သံသယများကို ပျောက်ကွယ်သွားအောင် လုပ်ဆောင်ရန်လိုအပ်ကြောင်း ထည့်သွင်းဆွေးနွေးခဲ့သည်။

ဦးဘုန်းတင့်ကျော်၏ ဆွေးနွေးမှုပြီဆုံးခဲ့ပြီးနောက် ၂၀၀၇ ကျောင်းသားခေါင်းဆောင်တစ်ဦးဖြစ်သည့် စည်သူမောင်က အလ်ဟဂ်ျခလီဖာဦးအေးလွင်မှ ပေးပို့သည့် သ၀ဏ်လွှာကို ဖတ်ကြားခဲ့သည်။

ထို့နောက် ဒေါက်တာဆောင်းလွင်အောင်က ဘာသာတရားတိုင်း၏ အလှစစ်ကို မြင်အောင်ကြည့်တတ်ရန်နှင့် ထိုအလှစစ်အား မြင်လာပြီးနောက် ခံစားတတ်ရန်လိုကြောင်း၊ သို့မှာ လူဖြစ်ရကျိုးနပ်မည်ဖြစ်ကြောင်း၊ ယခုအချိန်မှာ ဘာသာတစ်ခုနှင့်တစ်ခု ရန်ဖြစ်ရမည့်အချိန်မဟုတ်ဘဲ၊ ပြည့်ဝသော ဒီမိုကရေစီနိုင်ငံအဖြစ် တည်ဆောက်ရေးကိုသာ နိုင်ငံသားအားလုံး အာရုံစိုက်လုပ်ဆောင်ရမည့် အချိန်ဖြစ်ကြောင်း ပြောကြားခဲ့သည်။ ထို့ပြင် မြန်မာ-မွစ်လင်မ်များနေဖြင့် မြန်မာနိုင်ငံ၏ တာဝန်နှင့် မွတစ်စလင်တို့၏တာဝန်များကို ကျေပွန်အောင်ထမ်းဆောင်ရမည်ဟု ကွယ်လွန်သွားပြီဖြစ်သည့် ဆရာကြီး ဂါဇီမုဟမ္မဒ်ဟာရှင်၏ ဆုံးမစကားအား ထည့်သွင်းပြောကြားခဲ့ပြီး နိဂုံးချုပ်အနေဖြင့် ဒေါက်တာက ဗုဒ္ဓဘာသာ၏ အလှစစ်မှာ ဟိရိသြတ္တပတရား၊ ခရစ်ယာန်ဘာသာ၏ အလှစစ်မှာ သနားကြင်နာမှု၊ အစ္စလာမ်ဘာသာ၏ အလှစစ်မှာ တရားမျှတခြင်းဖြစ်သည်ဟု ၎င်းအနေဖြင့် ယူဆကြောင်း ပြောကြားခဲ့သည်။

ထို့နောက် အခမ်းအနားသို့ တက်ရောက်လာကြသူများကို ကော်ဖီနှင့် မုန့်များဖြင့်ဧည့်ခံကျွေးမွေးခဲ့သည်။ နောက်ပိုင်းတွင် အမေအဖြေများ ပြုလုပ်ခဲ့ပြီး တက်ရောက်လာသူများ၏ မေးမြန်းမှုများအား ပင်တိုင်ဆွေးနွေးသူများမှ ဖြေကြားပေးခဲ့ကာ အခမ်းအနားကို ညနေ ၅ နီကျော်တွင်ရုပ်သိမ်းခဲ့သည်။ ထိုအခမ်းအနားသို့ ဗုဒ္ဓဘာသာဝင်နှင့် အစ္စလာမ်ဘာသာဝင်စုစုပေါင်း ၆၀ နီးပါးခန့် တက်ရောက်ခဲ့ကြသည်။