၂၀၁၄ သန်းခေါင်စာရင်း ကောက်ယူရာတွင် ” မြို” လူမျိုးဟူ၍ ရေးသွင်းဖော်ပြရန် သတင်းစာရှင်းလင်းပွဲ ကျင်းပ

နိုဝင်ဘာ ၂၈-၂၀၁၃
M-Media
သီရိ

ရန်ကုန်။           ။ ၂၀၁၄ သန်းခေါင်စာရင်းနှင့် နိုင်ငံသားကဒ်များပြုလုပ်ပေးရာတွင် “မြို( ခမိ)” လူမျိုးများကို တစ်ခုတည်းသော ” မြို” လူမျိုးဟူ၍သာ တရားဝင်ရေးသားခေါ်ဆို အသိမှတ်ပြုလုပ်ပေးရန်အတွက် သတင်းစာရှင်းလင်းပွဲတစ်ရပ်ကို ယနေ့ နိုဝင်ဘာလ ၂၈ ရက်နေ့တွင် ကျောက်တံတားမြို့နယ်ရှိ MJN ရုံးတွင် ပြုလုပ်ခဲ့သည်။

ယခုအချိန်အခါတွင် နိုင်ငံတော်လူဝင်မှုကြီးကြပ်ရေးနှင့် ပြည်သူ့အင်အားဦးစီးဌာနမှ ၂၀၁၅ ရွေးကောက်ပွဲမတိုင်မီပြည်သူများအား အိမ်ထောင်စု လူဦးရေ စာရင်းနှင့် နိုင်ငံသားကဒ်များကို ” မိုးပွင့်စိမံချက်” အရ သတ်မှတ်နှုန်း အတိုင်း မြန်ဆန်စွာဆောင်ရွက်ပေးနေပြီဖြစ်ပါသည်။ထို့အတူ ရခိုင်ပြည်နယ်၊ မြို့နယ်ဒေသအသီးသီးမှာလဲ ဆောင်ရွက်နေပီဖြစ်ပါသည်။သို့သော် ရခိုင်ပြည်နယ်ရှိ ” မြို” တိုင်းရင်းသားလူမျိုးတို့အနေဖြင့် အိမ်ထောင်စုစာရင်း၊ နိုင်ငံသားမှတ်ပုံတင်များပြုလုပ်ကြသည့်အခါ ကျောက်တော်မြို့နယ်တွင် ” မြို” ဟူ၍၎င်း၊ မြောက်ဦးမြို့နယ်တွင် ” ခမွီး” ဟူ၍၎င်း၊ ဘူးသီးတောင်မြို့နယ်တွင်      ” ခမီး ( ရခိုင်)” ဟူ၍၎င်း အမျိုးမျိုး ကွဲပြားစွာ လုပ်ဆောင်နေကြပါသည်။

ဤသတင်းစာရှင်းလင်းပွဲတွင် မြို ခမီစာပေနှင့် ယဉ်ကျေးမှုအဖွဲ့ ဦးဆောင်နာယက ဖြစ်သော ဦးထင်းအောင် မှ   ” အမှန်တကယ်ပြောရလျှင်”ကျွန်တော်တို့ လူမျိုးများဟာ တောင်ပေါ်၊ မြေပြန့်ချောင်းညာ၊ ချောင်းဝ ပြန့်ကြဲပြီးနေထိုင်ကြသော်လည်း အားလုံးက တစ်ခုတည်းသော ” မြို” လူမျိုးများသာဖြစ်ကြပါတယ်။ ဤလူမျိုးများသည် ဆင်းသက်လာပုံ၊ ယဉ်ကျေးမှု ဓလေ့ထုံးစံများ၊ ၀တ်စားဆင်ယင်မှု၊ ဘာသာစကား အပြောအဆို၊ ဆွေမျိုး ဆက်စပ်မှုများနှင့် လူကြီးသူမတို့ သီဆိုပြောပြသောပုံပြင်၊ တေးအင်္လကာကျော့ရိုး များဟာအားလုံးတူညီကြပါတယ်။ မြိုနှင့်ခမိဆိုသော ဝေါဟာရကို ရှင်းပြရလျှင် ” မြို” လူမျိုးဆိုသည်မှာ အင်္ဂလိပ်လူမျိုး၊ ဂျပန်လူမျိုး၊ ကချင်လူမျိုး ဆိုသကဲ့သို့ လူမျိုးတစ်မျိုးရဲ့ ကိုယ်ပိုင်အမည်ဖြစ်ပါတယ်။ ” ခမိ” ဆိုသည်က လူကိုခေါ်ခြင်းဖြစ်ပါတယ်။အချို့နေရာတွေမှာ မြို (ခမိ) ဟူ၍ သုံးကြတာရှိပါတယ်။ဒါကလဲ ဖက်စပ်တီထွင်ထားခြင်းမဟုတ်ပါ။လူမျိုးနှစ်မျိုး မဟုတ်ပါ။ တစ်မျိုးတည်းသာဖြစ်ပါတယ်။ မြို( ခမိ) ဆိုသည်မှာ ဖက်စပ်တီထွင်ထားခြင်း မဟုတ်ဘဲ” မြို ” လူမျိုးဟုဆိုလိုခြင်းသာဖြစ်ကြောင်း” ရှင်းလင်းပြောကြားခဲ့ပါသည်။

ဆက်လက်ပြီး ယနေ့ စာနယ်ဇင်းရှင်းလင်းပွဲပြုလုပ်ရသည့် ရည်ရွက်ချက်မှာ နိုင်ငံတော်မှအိမ်ထောင်စု လူဦးရေစာရင်းနှင့် နိုင်ငံသားကဒ်များပြုလုပ်ပေးရာတွင် ဇဝေဇ၀ါစိတ်များမရှိဘဲ တစ်ခုတည်းသော “မြို” လူမျိုးဟူသော အမည်နာမဖြင့်သာ တရားဝင်ခေါ်ဆိုအသိမှတ်ပြုပေးကြပါရန် လေးစွာစွာမေတ္တာရပ်ခံအပ်ပါကြောင်း ၎င်းကထပ်လောင်းပြောကြားခဲ့သည်။

ထို့နောက် သတင်းစာရှင်းလင်းပွဲတွင် မီဒီယာများမှမေးမြန်းသော မေးခွန်းများကို ပြန်လည်ဖြေကြားခဲ့ပြီး နေ့လည် ၁၂ နာရီတွင် အခမ်းနားကိုရုတ်သိမ်းခဲ့ပါသည်။