ဒီဇင်ဘာ ၂-အားကစားသတင်းများ

ဒီဇင်ဘာ ၂ ၊ ၂၀၁၃
M-Media

– မန်စီးတီး တိုက်စစ်မှူးအဂူရိုအား လာမည့်နွေရာသီ အပြောင်းအရွှေ့တွင် ရီးယဲလ်မက်ဒရစ်က ခေါ်ယူမည်ဟု သတင်းများထွက်ပေါ်နေပြီး မန်စီးတီး နည်းပြ ပယ်လီဂရီနီက အဂူရိုအား အသင်းမှ ထွက်ခွာခွင့်ပေးမည် မဟုတ်ဟု ပြောကြားလိုက်သည်။ ရီးယဲလ်၏ နွေရာသီ ကစားသမား ၀ယ်ယူမည့်စာရင်းတွင် အဂူရိုမှာ ထိပ်ဆုံမှ ပါဝင်နေကြောင်း သတင်များက ယမန်နေ့တွင် ဖော်ပြခဲ့ကြသည်။ သို့သော်လည်း အဂူရိုအနေဖြင့် မန်စီးတီးတွင် ရှိချင်နေပြီး ရီးယဲလ်သို့ ပြောင်းရွှေ့ရန် စိတ်ဝင်စားခြင်းမရှိဟု ပယ်လီဂရီနီက ယုံကြည်နေသည်။

– ဘီဘာလ်အိုအသင်းအား ၁ ဂိုး ဂိုးမရှိဖြင့် ရှုံးနိမ့်ခဲ့သောပွဲတွင် တိုက်စစ်မှူးနေးမာအား ပြစ်ဒဏ်ကျူးလွန်ခဲ့သည့် ဘီလ်ဘာအိုနောက်ခံလူ အန်ဒါ အီတာရက်စ်ပီအား အနီကဒ် ပြသခြင်းမရှိခဲ့သည့်အတွက် ထိုပွဲကို တာဝန်ယူကိုင်တွယ်ခဲ့သည့် ဒိုင်လူကြီးမှာ သူ၏ အလုပ်အား ကောင်းမွန်စွာ လုပ်ဆောင်ခြင်းမရှိခဲ့ဟု ဘာကာကွင်းလယ်လူ ဆာဂျီယို ဘက်စ်ကွက်က ဝေဖန် ပြောကြားလိုက်သည်။ ထိုပွဲ၏ ဒုတိယပိုင်း မိနစ် ၅၀ ကျော်တွင် ဘာကာတိုက်စစ်မှူး နေးမာအား ဘီလာလ်အို အသင်း၏ နောက်ဆုံးနောက်ခံလူဖြစ်သည့် အီတာရက်စ်ပီအား ပြစ်ဒဏ်ကျူးလွန်ခဲ့သော်လည်း ဒိုင်လူကြီးက အ၀ါကဒ်သာပြသခဲ့သည်။ ထိုပွဲအရှုံးမှာ ဘာစီလိုနာအသင်းအတွက် ယခုနှစ် လာလီဂါ ပထမဦးဆုံး ရှုံးပွဲလည်း ဖြစ်ခဲ့သည်။

– မိမိအသင်းမှာ ဟားလ်စီးတီးနှင့်ပွဲတွင် တန်ဖိုးကြီးသော အမှားများကို ပြုလုပ်ခဲ့သည်ဟု လီဗာပူးလ်အသင်း၏ နည်းပြဖြစ်သူ ဘရန်ဒန်ရော်ဂျာက ပွဲအပြီးတွင် ပြောကြားခဲ့သည်။ ထိုပွဲတွင် နောက်ခံလူစကာတယ်လ်နှင့် ကိုလိုတိုယေးတို့မှာ အမှားများစွာပြုလုပ်ခဲ့ပြီး လီဗာပူးလ်အသင်းမှာ ၃ ဂိုး ၁ ဂိုးဖြင့်ရှုံးနိမ့်ခဲ့ကာ ဦးဆောင်သူ အာဆင်နယ်အသင်းနှင့် ၇ မှတ် ကွာဟသွားပြီဖြစ်သည်။

– နာပိုလီအသင်းမှာ အကျဘက်သို့ရောက်နေပြီဟု ပြောဆိုမှုများအား အသင်းနည်းပြ ဘင်နီတက်ဇ် က ငြင်းပယ်လိုက်သည်။ နာပိုလီအသင်းမှာ စီးရီးအေတွင် အဆင့်သုံးနေရာတွင် ရှိနေသော်လည်း ဂျူဗင်တပ်စ်၊ ပါးမားအသင်းတို့နှင့် လိဂ်ပွဲနှစ်ပွဲအပါအ၀င် နောက်ဆုံးသုံးပွဲစလုံး ရှုံးနိမ့်ထားသောကြောင့် ထိုကဲ့သို့ ပြောဆိုမှုများ ထွက်ပေါ်လာခြင်းဖြစ်သည်။ သို့သော်လည်း နာပိုလီအသင်းမှာ ယခုနှစ်တွင် တိုးတက်မှု အမြောက်အများကို ပြုလုပ်ခဲ့သည်ဟု ဘင်နီတက်ဇ်က ထည့်သွင်းပြောကြားခဲ့သည်။

– ဗယ်လာဒိုလစ်အား ဂိုးပြတ်ဖြင့်အနိုင်ရရှိခဲ့သည့်ပွဲတွင် ပြသခဲ့သည့် အသင်းသားများ၏ ခြေစွမ်းအား ရီးယဲလ်နောက်ခံလူ ပီပီက ချီုးကျူးခဲ့ပြီးအသင်းအနေဖြင့် ရော်နယ်ဒို မပါဝင်သော်လည်း ကောင်းမွန်စွာကစားနိုင်ကြောင်း  ထိုပွဲအနိုင်က ပြသခဲ့သည်ဟု ထည့်သွင်းပြောကြားခဲ့သည်။ ရော်နယ်ဒိုမှာ တံကောက်ကြောဒဏ်ရာကြောင့် အနားယူနေရပြီး၊ ထိုပွဲတွင် ဂါရက်ဘေးလ်၏ ဟက်ထရစ်သွင်းဂိုးအပါအ၀င် ရီးယဲလ်က ၄ ဂိုးပြတ်ဖြင့် အနိုင်ရရှိခဲ့သည်။

– ပရီးမီးယားလိဂ်တွင် ရလဒ်မကောင်းဖြစ်နေသည့် ဖူလ်ဟမ်အသင်းမှာ နည်းပြဖြစ်သူ မာတင်ဂျိုးလ်အား ယမန်နေ့က အသင်းမှ ထုတ်ပယ်လိုက်သည်။ ဖူလ်ဟမ်အသင်းမှာ စနေနေ့က ၀က်စ်ဟမ်းအသင်းအား ၃ ဂိုး ဂိုးမရှိဖြင့် ရှုံးနိမ့်ခဲ့ပြီး ပရီးမီးယားလိဂ် ၆ ပွဲဆက် ရှုံးပွဲလည်းဖြစ်ခဲ့သည်။ ထို့ကြောင့် ကစားပြီးခဲ့သည့် ပရီးမီးယားလိဂ် ပွဲစဉ် ၁၃ ပွဲတွင် ၃ ပွဲသာအနိုင်ရရှိထားပြီး တန်းဆင်းဇုန်အတွင်းသို့ ရောက်ရှိနေသည်။ နည်းပြမာတင်ဂျိုး မရှိသည့်နောက်အသင်းအား လက်ထောက်နည်းပြဖြစ်သူ ရီနီမူလန်စတင်းက ကိုင်တွယ်သွားမည်ဟု သိရသည်။

– တိုက်စစ်မှူးရူနီ၏ စာချုပ်သစ်ကိစ္စနှင့်ပက်သက်၍ တိုးတက်မှုများကို လုပ်ဆောင်နိုင်မည်ဟု မျှော်လင့်ကြောင်း မန်ယူအသင်း၏ နည်းပြဖြစ်သူ ဒေးဗစ်မိုယက်စ်က ၀န်ခံပြောကြားခဲ့သည်။ ရူနီမှာ ယမန်နေ့က ကစားခဲ့သည့် စပါးအသင်းနှင့်ပွဲတွင် အသင်းအတွက် အရေးပါသော ဂိုး နှစ်ဂိုးစလုံးအား သွင်းယူပေခဲ့သည့် ရူနီ၏ သက်တမ်းမှာ ၂၀၁၅ ခုနှစ်တွင်ကုန်ဆုံးမည်ဖြစ်ပြီး၊ ပြီးခဲ့သည့်နွေရာသီ ပြောင်းအရွှေ့က ချယ်ဆီးအသင်းသို့ ပြောင်းရွှေ့ရန် ကြိုးစားခဲ့ဖူးသည်။

– တောင်အာဖရိကတွင် ကျင်းပခဲ့သည့် Dunhill ချန်ပီယံရှစ်ဂေါက်သီးရိုက်ပြိုင်ပွဲတွင် တောင်အာဖရိက ဂေါက်သီးသမား ချားလ်ရှဝါဇဲလ်က သတ်မှတ်ရိုက်ချက်ထက် ၁၇ ချက်လျှော့ရိုက်ကာ ဒုတိယနေရာမှ အင်္ဂလန်ဂေါက်သီးသမား ဖင့်ခ်ျထက် ၄ ချက်အသာဖြင့် ဗိုလ်စွဲသွားခဲ့သည်ဟု သိရသည်။ ရှဝါဇဲလ်မှာ ယမန်နှစ်ကလည်း ဗိုလ်စွဲနိုင်ခဲ့ပြီး  ယခုနှစ်တွင် ချန်ပီယံဘွဲ့ကို ကာကွယ်နိုင်ခဲ့ခြင်းလည်းဖြစ်သည်။

မန်ယူသရေကျ၊ လီဗာပူးလ် ရှုံးပွဲတွေ့ခဲ့ပြီး၊ ချယ်ဆီးနှင့် မန်စီတီးတို့ အမှားအယွင်း မရှိခဲ့သည့် ပရီးမီးယားလိဂ် ပွဲစဉ် ၁၃ စူပါဆန်းဒေး ပွဲစဉ်များ

ပရီးမီးယားလိဂ် ပွဲစဉ် ၁၃ ၏ လန်ကျန်လေးပွဲကို ယမန်နေ့က ကစားခဲ့ရာ လီဗာပူးလ်အသင်းမှာ အဝေးကွင်းတွင် ဟားလ်စီးတီးအသင်းအား ရှုံးနိမ့်ခဲ့သည်။ မော်ရင်ဟို၏ ချယ်ဆီးနှင့် ပယ်လီဂရီနီ၏ မန်စီးတီးအသင်းတို့မှာ အိမ်ကွင်းတွင်း အသီးသီးအနိုင်ရရှိခဲ့သည်။ ယခုတစ်ပါတ်၏ Match Of The Week ဖြစ်သည့် မန်ယူနှင့် စပါးတို့ပွဲမှာ ၂ ဂိုး စီသရေကျခဲ့သည်။

ဟားလ်စီးတီး ၃-၁ လီဗာပူးလ်

စနေနေ့က ကစားခဲ့သည့် အာဆင်နယ်မှာ အနိုင်ရခဲ့သောကြောင့် ဒုတိယနေရာတွင်ရှိနေသည့် လီဗာပူးလ်အသင်းမှာ အမှတ် ကွာခြားချက်လျော့နည်းအောင် ယခုပွဲတွင် အနိုင်ကစားရမည်ဖြစ်သော်လည်း အဝေးကွင်းတွင် ဟားလ်စီးတီး အသင်းအား အရှုံးပေးခဲ့ရသည်။

ဟားလ်စီးတီးအသင်းမှာ ပရီးမီးယားလိဂ် နောက်ဆုံး ၅ ပွဲတွင် လေးပွဲအထိ ရှုံးနိမ့်ထားသည့်အသင်း ဖြစ်ပြီး ယခုပွဲတွင်လည်း လီဗားပူးလ်၏ စိုးမိုးမှုအောက်တွင် ကစားခဲ့ရသော်လည်း လိုအပ်သော အနိုင်ဂိုးများကို သွင်းယူနိုင်ခဲ့သည်။ မိနစ် ၂၀ တွင် ဂျာကီ လစ်ဗာမိုးက အိမ်ရှင်အသင်းတွက် အဖွင့်ဂိုးစတင် သွင်းယူပေးခဲ့ပြီး ၂၇ မိနစ်တွင် စတီဗင် ဂျာရတ်က ချေပခဲ့သည်။ ပထမပိုင်း၏ ကျန်ရှိသော မိနစ်များတွင် လီဗာပူးလ်ကသာ ပွဲကို စိုးမိုးထားနိုင်ခဲ့ပြီး ဂိုးသွင်းခွင့်များရခဲ့သော်လည်း အသုံးမချနိုင်ခဲ့ပေ။

ဒုတိယပိုင်း ၇၂ မိနစ်တွင် ဟားလ်စီးတီးတို့ ဦးဆောင်ဂိုးရရှိခဲ့ပြီး လီဗာပူးလ်နောက်တန်း၏ ဖြတ်ထုတ်ပုံ အားနည်းမှုမှတစ်ဆင့် မီလာက သွင်းယူးပေးခဲ့သည်။ ထိုဂိုးမှာ မီလာ၏ ယခုနှစ်ရာသီ ပရီးမီးယားလိဂ် ပထမဦးဆုံးဂိုးလည်းဖြစ်သည်။ လီဗာပူးလ်အသင်းမှာ ချေပဂိုးရရှိရန် ကြိုးစား တိုက်စစ်ဆင်ခဲ့သော်လည်း ၈၇ မိနစ်တွင် နောက်ခံလူ စကာတယ်လ်က ကိုယ့်ဂိုးကိုယ်သွင်းမိခဲ့သောကြောင့် အိမ်ရှင်တို့အတွက် တတိယဂိုး ရရှိခဲ့သည်။ ယခုပွဲအရှုံးမှာ လီဗာပူးလ်အသင်း၏ ယခုနှစ်ရာသီ တတိယမြောက်ရှုံးပွဲလည်းဖြစ်ခဲ့ပြီး ဦးဆောင်သည် အာဆင်နယ်နှင့် ၇ မှတ်ကွာဟသွားပြီဖြစ်သည်။
………………………………………..
ချယ်ဆီး ၃-၁ ဆောက်သက်တမ်

ယခုပွဲတွင် ချယ်ဆီးအသင်းမှာ အနိုင်ရရှိခဲ့သော်လည်း အဖွင့်ဂိုးအား ပွဲအစ ၁ မိနစ်တွင်ပင် ဆောက်သက်တမ်အသင်းက ရရှိခဲ့သည်။ ထိုဂိုးအား ဂျေးရော်ဒရီဂက်ဇ်က သွင်းယူပေးခဲ့ခြင်းဖြစ်သည်။

ဦးဆောင်ဂိုးပေးလိုက်ရပြီးနောက် ချေပဂိုးရရန် တိုက်စစ်ဆင်ကစားခဲ့သော်လည်း ဒုတိယပိုင်း ၅၅ မိနစ်တွင်မှာ ချယ်ဆီးတို့ ချေပဂိုးရရှိခဲ့သည်။ ကာဟေးလ်က အနီးကပ် ကန်သွင်းခဲ့ခြင်းဖြစ်သည်။ ထို့နောက် ချယ်ဆီးအတွက် ပွဲ ၄၀၀ ပြည်ခဲ့သည့် အင်္ဂလန်နောက်ခံလူ တယ်ရီက ၆၂ မိနစ်တွင် မာတာ၏ ဖြတ်တင်ဘောမှတစ်ဆင့် ခေါင်းတိုက်သွင်းယူပေးခဲ့ပြီး ဒမ်ဘာဘားက ၈၉ မိနစ်တွင် တတိယဂိုး သွင်းယူပေးခဲ့သည်။ ယခုပွဲအနိုင်ကြောင့် ချယ်ဆီးအသင်းမှာ အမှတ်ပေးဇယား ဒုတိယနေရာသို့ ရောက်ရှိလာခဲ့သည်။
………………………………………..
စပါး ၂-၂ မန်ယူ

ပြီးခဲ့သည့် သီတင်းပတ်က ကာဒစ်ဖ်အသင်းအား နာကျင်အချိန်ပိုနောက်ကျဂိုးဖြင့် ၁ မှတ်ခွဲပေးခဲ့ရသည့် မန်ယူအသင်းမှာ ယခုပွဲတွင်လည်း ၀ှိုက်ဟတ်လိန်းတွင် ၁ မှတ်သာ ရရှိခဲ့သည်။ သို့သော်လည်း စပါးအသင်းအား အသာစီးမရခဲ့ဘဲ ချေပဂိုးများကို နောက်မှ လိုက်သွင်းခဲ့ရခြင်းဖြစ်သည်။

စပါးအသင်းမှာလည်း နောက်ဆုံးပွဲစဉ်တွင် မန်စီးတီးအသင်းအား ၆ ဂိုးပြတ်ဖြင့် ရှုံးနိမ့်ခဲ့သောကြောင့် ယခုပွဲတွင် အသေအချာပြင်ဆင်ခဲ့ပြီး ၁၈ မိနစ်မှာပင် အဖွင့်ဂိုး ရရှိခဲ့သည်။ ထိုဂိုးအား ကီလီ ဝေါလ်ကာကသွင်းယူပေးခဲ့သည်။ ၃၂ မိနစ်တွင် မန်ယူတို့ချေပဂိုးရရှိခဲ့ပြီး ဝေါလ်ကာမှ ဖီးလ်ဂျုံးသို့ ဖြတ်တင်ပေးခဲ့သည့် ဘောလုံးမှာ လမ်းကြောင်းမှားသွားခဲ့ပြီး မန်ယူတိုက်စစ်မှူး ရူနီက အနီးကပ် ကန်သွင်းယူးခဲ့သည်။

ဒုတိယပိုင်းတွင်လည်း စပါးအသင်းက ပွဲကိုစိုးမိုးထားခဲ့ပြီး ၅၄ မိနစ်တွင် ဆန်ဒရိုက သွင်းယူပေးခဲ့သည်။ သို့သော်လည်း ၃ မိနစ်အကြာတွင်ပင် မန်ယူတိုက်စစ်မှူး ၀ဲလ်ဘတ်အား စပါးနောက်ခံလူများက ဧရီယာအတွင်း ပြစ်ဒဏ်ကျူးလွန်ခဲ့သောကြောင့် မန်ယူတို့ ပင်နယ်တီ ရရှိခဲ့ပြီး ထိုပင်နယ်တီအား ရူနီက အမှားအယွင်းမရှိ ကန်သွင်းယူနိုင်ခဲ့သောကြောင့် မန်ယူတို့ သရေတစ်မှတ် ရရှိခဲ့ခြင်းဖြစ်သည်။ ယခုပွဲသရေကျသွားခဲ့ခြင်းကြောင့် မန်ယူမှာ အဆင့် ၈ နေရာသို့ ကျဆင်းသွားခဲ့သည်။
………………………………………..
မန်စီးတီး ၃-၀ ဆွမ်ဆီး

ပြီးခဲ့သည့် နှစ်ပွဲတွင် နောဝစ်ခ်ျနှင့် စပါးတို့အား ဂိုးပြတ်ဖြင့်အနိုင်ကစားနိုင်ခဲ့သည့် မန်စီးတီးအသင်းမှာ ယခုပွဲတွင်လည်း ခြေစွမ်းမသေးလှသည့် ဆွမ်ဆီးအသင်းအား အိမ်ကွင်း အီတီဟတ်တွင် ဂိုးပြတ်ဖြင့်အနိုင်ရရှိခဲ့သည်။

ယခုပွဲအနိုင်ကြောင့် မန်စီးတီးအသင်းမှာ အာဆင်နယ် အသင်းနှင့် ခြောက်မှတ်အကွာ အဆင့် ၃ နေရာသို့ရောက်ရှိလာခဲ့ပြီး ဆွမ်းဆီးအသင်းမှာ အဆင့် ၁၃ သို့ ရောက်ကျဆင်းခဲ့သည်။ မန်စီးတီးအသင်းအတွက် ဂိုးများကို ၈ မိနစ်တွင် နီဂရီဒိုကလည်းကောင်း၊ ၅၈မိနစ်နှင့် ၇၇ မိနစ်တွင် နာဆရီတို့ကလည်းကောင်း သွင်းယူပေးခဲ့ခြင်းဖြစ်သည်။