ဒီဇင်ဘာ ၉၊ အားကစားသတင်းများ

ဒီဇင်ဘာ ၈ ၊ ၂၀၁၃
M-Media

ဘရာဇီး ပြည်တွင်းပွဲစဉ်တွင် ရုန်းရင်းဆန်ခတ်ဖြစ် ၂၀၁၄ ကမ္ဘာဖလား အိမ်ရှင် ပုံရိပ်ထိခိုက်

– ကမ္ဘာ့ဖလားပြိုင်ပွဲ မဲခွဲပြီး နှစ်ရက်အကြာတွင် ဘရာဇီးပြည်တွင်းလိဂ်ပွဲစဉ်တစ်ခု၌ ရုန်းရင်းဆန်ခတ်မှု တစ်ခုဖြစ်ပွားခဲ့ပြီး ပရိတ်သတ်တစ်ဦးမှာ ဆိုးရွားစွာ ဒဏ်ရာရရှိခဲ့သောကြောင့်ကွင်းအတွင်းသို့ ရဟတ်ယာဉ်ဆင်းသက်၍ ဆေးရုံသို့ပို့ဆောင်ရသည်အထိ ဖြစ်ခဲ့သည်။ အက်သလက်တီကို ပီအာရ်အသင်းနှင့် ဗာစကိုဒဂါးမားတို့ကစားခဲ့သည့် ပွဲတွင် နှစ်ဘက်အသင်း ပရိတ်သတ်များ တစ်ဘက်နှင့်တစ်ဘက် တိုက်ခိုက်ရာမှ စတင်ဖြစ်ပွားခဲ့ခြင်းဖြစ်ပြီး ရဲတပ်ဖွဲ့များက ရာဘာကျည်ဆံများဖြင့်ပစ်ကာ လူစုခွဲခဲ့ရသည်။ ပွဲကိုမှု ၁ နာရီနှင့် ၁၀ မိနစ်အထိ ရပ်နားခဲ့ပြီးနောက် ပြန်လည်ကစားခဲ့သည်။ ထိုကဲ့သို့ဖြစ်ပွားခြင်းမှာ ကမ္ဘာ့ဖလားပြိုင်ပွဲလုံခြုံရေးအတွက် ဝေဖန်မှုတစ်ချို့အား ရင်ဆိုင်နေရသည့် ဘရာဇီးနိုင်ငံအတွက် အရှက်ရစရာဖြစ်ရပ်တစ်ခုလည်း ဖြစ်ခဲ့သည်။

…………………………..

ချန်ပီယံဆု အတွက် စိန်ခေါ်နိုင်ပြီးဟု ရိုးမားနည်းပြပြော

– တနင်္ဂနွေနေ့က ကစားခဲ့သည့်ပွဲတွင် ဖီအိုရင်တီးနားအသင်းအား အနိုင်ရခဲ့ပြီးနောက် အသင်းအနေဖြင့် စီးရီးအေချန်ပီယံဘွဲ့အား စိန်ခေါ်နိုင်သူဖြစ်လာပြီဟု ရိုးမားအသင်းနည်းပြဖြစ်သူ ဂါစီယာက ပြောကြားခဲ့သည်။ ထိုပွဲတွင် ယခုနှစ်ရာသီ ရှုံးပွဲမရှိသေးသည့် ရိုးမားအသင်းမှာ မိုင်ကွန်နှင့် အက်စထရိုတို့၏ သွင်းဂိုးများဖြင့် အနိုင်ရရှိခဲ့ပြီး လေးပွဲဆက်တိုက်သရေကျမှုကို အဆုံးသတ်နိုင်ခဲ့သည်။
…………………………..
အဝေးကွင်းရလဒ်မကောင်းသော်လည်း တိုက်စစ်အသားပေးဆက်ကစားမည်ဟု မန်စီတီးနည်းပြပြော

– အဝေးကွင်းတွင် အမှတ်များဆုံးရှုံးနေသော်လည်း တိုက်စစ်အသားပေး ကစားပုံအား ဆက်လက်ကစားသွားမည်ဟု မန်စီးတီးအသင်း၏ နည်းပြဖြစ်သူ ပယ်လီဂရီနီက ပြောကြားခဲ့သည်။ စနေနေ့က ကစားခဲ့သည့် ဆောက်သက်တမ်နှင့်ပွဲတွင် မန်စီးတီးအသင်းမှာ ဦးဆောင်ဂိုး ရရှိခဲ့သော်လည်း ထိုးဂိုးအား မထိန်းနိုင်ခဲ့ဘဲ တစ်ဂိုးပြန်ပေးခဲ့ရပြီး တစ်မှတ်သာရရှိခဲ့သည်။
………………………………
ဘေးလ်က ရီးယဲလ်ဖလားများရရန် အထောက်ကူ ဖြစ်စေမည်ဟု ရော်နယ်ဒိုပြော

– အသင်းသို့ တိုက်စစ်မှူး ဂါရက်ဘေးလ်ရောက်ရှိလာခြင်းမှာ အသင်းအား ဖလားများရရှိအောင် အထောက်အကူဖြစ်စေသည်ဟု ရီးယဲလ်အသင်း၏ ပေါ်တူဂီတိုက်စစ်မှူး ရော်နယ်ဒိုက ပြောကြားခဲ့သည်။ ပြီးခဲ့သည့် နွေရာသီအပြောင်းအရွှေ့က ကမ္ဘာ့စံချိန်တင်ပြောင်းရွှေ့ကြေးဖြင့် ရီယဲလ်သို့ရောက်ရှိလာသည့် ဂါရက်ဘေးမှာ အသင်းနှင့် ပါဝင်ကစားခဲ့ရသည့် ၁၃ ပွဲတွင် ၉ ဂိုးသွင်းယူပေးထားသည်။
……………………………….
လီဗာပူးတိုက်စ်မှူး ဆွာရက်ဇ် သွင်းဂိုး ၁၄ ဂိုးဖြင့် ဥရောပဂိုးအများဆုံး တတိယနေရာသို့ရောက်လာ

– စနေနေ့ကကစားခဲ့သည့် ၀က်စ်ဟမ်းအသင်းအား ၄ ဂိုး ၁ ဂိုးဖြင့် အနိုင်ရရှိခဲ့သောပွဲတွင် ၂ ဂိုးသွင်းယူပေးခဲ့ပြီးနောက် လီဗာပူးလ်တိုက်စစ်မှူးဆွာရက်ဇ်မှာ ယခုနှစ်အတွင်း သွင်းဂိုး ၁၄ ဂိုးအထိရှိလာပြီဖြစ်ပြီး ဥရောပ ဂိုးသွင်းအများဆုံး စာရင်းတွင် တတိယနေရာသို့ရောက်ရှိလာခဲ့ကာ ထိပ်ဆုံးမှ ရော်နယ်ဒိုနှင့် ၃ ဂိုးသာကွာတော့သည်။ ပီအက်စ်ဂျီအသင်း၏ တိုက်စစ်မှူး အီဗရာဟီမိုဗစ်မှာ အဆင့် ၅ နေရာတွင် ရှိနေသည်။
…………………………………
 ဇက်ခ်ျ ဂျွန်ဆန်က တိုက်ဂါးဝုဒ်အား play-off တွင် အနိုင်ယူ

– အမေရိကန်ပြည်ထောင်စု ကယ်လီဖိုနီးယားပြည်နယ်တောက်ဘက် Sherwood Country ဂေါက်ကလပ်တွင်ကျင်းပပြုလုပ်ခဲ့သည့် World Challenge ဂေါက်သီးရိုက်ပြိုင်ပွဲတွင် ဇက်ခ်ျ ဂျွန်ဆန်က တိုက်ဂါးဝုဒ်အား play-off တွင် အနိုင်ယူကာ ဗိုလ်စွဲခဲ့သည်ဟု သိရသည်။
…………………………………
နေပြည်တော် ဆီးဂိမ်း ကြက်တောင်ရိုက်ပြိုင်ပွဲ ကစားကွင်းအတွင်း အဲယားကွန်း ပိတ်ထားမှု မလေးအသင်းနည်းပြ မစိုးရိမ်

– ကြက်တောင်ရိုက် အားကစားပြိုင်ပွဲများအတွင်း နေပြည်တော် ၀ဏ္ဍသိဒ္ဓိအားကစားကွင်းရှိ လေအေးပေးစက်များကို ပိတ်ထားမည်ဖြစ်သောကြောင့် မိမိ၏ ကစားသမားများအား အကျိုးသက်ရောက်မှုကို စိုးရိမ်မည်မဟုတ်ဟု မလေးရှား ကြက်တောင်ရိုက် (တစ်ဦးချင်း) အသင်း၏ နည်းပြဖြစ်သူ ရရှစ်ဒ် စီဒက်က ပြောကြားခဲ့သည်။

မလေးရှား ကြက်တောင်ရိုက် ကစားသမားများမှာ ယမန်နေ့က ၀ဏ္ဍသိဒ္ဓိအားကစားကွင်းတွင် ပထမဦးဆုံးအကြိမ် လေ့ကျင့်ကစားခဲ့ကြပြီး ရုံအတွင်းအပူချိန်နှင့် ပတ်သက်၍ မည်သည့် မှတ်ချက်မှမပေးခဲ့ပေ။

သြဂုတ်လအတွင်းက တရုတ်နိုင်ငံ ဂွမ်ဇူတွင် ကျင်းပခဲ့သည့် ကမ္ဘာ့ချန်ပီယံရှစ်ပြိုင်ပွဲတွင် ကမ္ဘာ့ နံပါတ် ၁ မလေးရှားနာမည်ကြီး တင်းနစ်သမား လီချုံဝေမှာ ကစားကွင်းအတွင်း အပူချိန်မြင့်မားခြင်းကြောင့် ဆက်လက်မကစားနိုင်ဘဲ ပြိုင်ပွဲမှ ထွက်ခဲ့ရသည်။

Ref: NST