ဒီဇင်ဘာ ၁၃ အားကစားသတင်းများ

ဒီဇင်ဘာ ၁၃၊ ၂၀၁၃
M-Media

– ချယ်ဆီးအသင်းက ခေါ်ယူရန် အလွန်အမင်း စိတ်ဝင်စားနေသော်လည်း တိုက်စစ်မှူး ရူနီအား သက်တမ်းတိုးခြင်းကိစ္စကို အလျင်အမြန်ပြုလုပ်သွားမည် မဟုတ်ဟု မန်ယူအသင်းက ပြောကြားခဲ့သည်။  ပြီးခဲ့သည့် အပြောင်းအရွှေ့ရာသီက ချယ်ဆီအသင်းက ခေါ်ယူရန် ကမ်းလှမ်းခြင်းခံခဲ့ရသည့် ရူနီမှာ မန်ယူနှင့် သက်တမ်း ၁၈ လသာ ကျန်ရှိတော့ပြီး သက်တမ်းတိုးရန်အတွက်လည်း မသေမချာဖြစ်နေသောကြောင့် မော်ရင်ဟိုက လာမည့်နွေရာသီတွင် ခေါ်ယူလိုနေခြင်းဖြစ်သည်။  မန်ယူအသင်း စွမ်းဆောင်ရည် ကျဆင်းလာခြင်း၊ နည်းပြမိုယက်စ်နှင့်အဆင်မပြေခြင်းနှင့် အတွေ့အကြုံသစ်များကို ရရှိလိုခြင်းတို့ကြောင့် ရူနီမှာလည်း မန်ယူအား စွန့်ခွာရန်ရှိသည်ဟု ရူနီနှင့် နီးစပ်သူများက ပြောကြားခဲသည်။
………………………………………
– ပြီးခဲ့သည့် ဇန်န၀ါရီလ ဘာစီလိုနာတွင်ရှိနေစဉ်အတွင်း မိမိအား ခေါ်ယူရန် အာဆင်နယ်အသင်းက ကမ်းလှမ်းခဲ့ပြီး၊ ထိုကမ်းလှမ်းမှုမှာ မိမိအတွက်နှင့် အသင်းအတွက်ပါ ကောင်းမွန်သော်လည်း ဘာစီလိုနာအသင်းက ရောင်းချရန် တွန့်ဆုတ်နေခဲ့သောကြောင့် မိမိမှာ ပရီးမီးယားလိဂ်တွင် ခြေချခွင့် မရခဲ့ခြင်းဖြစ်သည်ဟု အက်သလက်တီကို မက်ဒရစ်အသင်း၏ စပိန်တိုက်စစ်မှူး ဒေးဗစ်ဗီလာက ပြောကြားခဲ့သည်။
………………………………………
– လီဗာပူးလ်အသင်း၏ နည်းပြဖြစ်သူ ရော်ဂျာက ဒဏ်ရာရနေသော ကွင်းလယ်လူ ဂျရတ်အား လေးပတ်အတွင်း ပြန်ကစားနိုင်ရန် မျှော်လင့်နေသည်ဟု သိရသည်။ အသက် ၃၃ နှစ်အရွယ်ရှိ ဂျရတ်မှာ ၀က်စ်ဟမ်းအသင်းအား ၄ ဂိုး ၁ ဂိုးဖြင့် အနိုင်ရရှိခဲ့သောပွဲတွင် တံကောက်ကြော ဒဏ်ရာရရှိခဲ့ပြီး အသင်းရှိ ဆေးအဖွဲ့က ဂျရတ်မှာ အနည်းဆုံး ၆ ပတ်ခန့် နားယူရမည်ဟု ပြောကြားထားသည်။
………………………………………
– အမေရိကန်အသင်း၏ နည်းပြဖြစ်သူ ဂျမဏီ နာမည်ကြီး ကစားသမားဟောင်း ကလင်းစမန်းအား အသင်းက ၄ နှစ်သက်တမ်းတိုး စာချုပ် ချုပ်ဆိုခဲ့သည်ဟု သိရသည်။ ထိုစာချုပ်တွင် နည်းပြတာဝန်အပြင် အမေရိကန်ဘောလုံးလောက၏ နည်းစနစ်ဒါရိုက်တာ အဖြစ်လည်းတာဝန်ထမ်းဆောင်ရမည်ဖြစ်ကာ ၂၀၁၈ ခု ရုရှား ကမ္ဘာ့ဖလားပြိုင်ပွဲအထိ ဆက်လက်ရှိနေမည်ဖြစ်သည်။ ကလင်းစမန်းကမူ နည်းစနစ်ဒါရိုက်တာအဖြစ် တာဝန်ထမ်းဆောင်ရမည်မှာ ကြီးမားသော စိန်ခေါ်မှုဖြစ်ပြီး၊ ကြီးမားသောအခွင့်အရေးလည်း  ဖြစ်ကြောင်း ပြောကြားခဲ့သည်။
……………………………………
– အေစီမီလန်အသင်း၏ တိုက်စစ်မှူးဖြစ်သူ စတီဖင်အလ် ရှာရာဝီမှာ ခြေဖ၀ါးဒဏ်ရာကြောင့် အနည်းဆုံး သုံးပတ်အနားယူရတော့မည်ဟု အသင်းက အတည်ပြုပြောကြားခဲ့သည်။ ထို့ကြောင့် စီးရီးအေတွင် လေးပွဲသာ ပွဲထွက်ခွင့်ရထားသည့် ရှာရာဝီမှာ အရေးကြီးသော ပွဲစဉ်များဖြစ်သည့် ရိုးမား၊ မြို့ခံပြိုင်ဘက် အင်တာမီလန်တို့နှင့် ပွဲစဉ်များကို လွဲချော်တော့မည်ဖြစ်သည်။
………………………………………
– နည်းပြ ဘရန်ဒန်ရော်ဂျာ၊ စတီဗင် ဂျရတ်နှင့် ဆွာရက်ဇ်တို့အပါအ၀င် လီဗာပူးလ်အသင်းသားများမှာ မားဆေးဆိုဒ်တွင် ရှိသည့် Alder Hey ကလေးဆေးရုံသို့ သွားရောက်ခဲ့ကြပြီး ကလေးများအား ခရစ္စမတ်လက်ဆောင်များပေးအပ်ခြင်း၊ ဓာတ်ပုံရိုက်ခြင်းများ ပြုလုပ်ခဲ့ကြသည်။ ဆေးရုံသို့လာရောက်ကာ လူနာများကို ကြည့်ရှုအားပေးရသည့် အတွေ့အကြုံမှာ အလွန် ရိုးရှင်းကြောင်း၊ ထိုကလေးငယ်များအား ပျော်ရွင်မှုပေးနိုင်ရေးမှာ မိမိတို့၏ရည်ရွယ်ချက်ဖြစ်ကြောင်း နည်းပြ ဘရန်ဒန်ရော်ဂျာက ပြောကြားခဲ့သည်။