အာဆင်နယ်ဂိုးပြတ်ဖြင့် ရှုံးနိမ့်ခဲ့ပြီး ချယ်ဆီး၊ အဲဗာတန်တို့ အနိုင်ရရှိခဲ့ကြသည့် ပရီးမီးယားလိဂ် ပွဲစဉ် ၁၆

ဒီဇင်ဘာ ၁၄၊ ၂၀၁၃
M-Media
ပရီးမီးယားလိဂ် ပွဲစဉ် ၁၆ အဖြစ် ယမန်နေ့ညတွင် ၇ ပွဲကစားခဲ့ရာ ဇယားထိပ်ဆုံးမှ အာဆင်နယ်မှာ မန်စီးတီးအသင်းအား ရှုံးနိမ့်ခဲ့ပြီး၊ ချယ်ဆီးနှင့် အဲဗာတန်တို့မှာ အသီးသီးအနိုင်ရရှိခဲ့ကြသည်။ နောက်ပိုင်းပွဲစဉ်တွင် ခြေစွမ်းပြနေခဲ့သည့် နယူးကာဆယ်အသင်းမှာ အိမ်ကွင်းတွင် သရေသာ ကစားနိုင်ခဲ့သည်။

မန်စီးတီး ၆-၃ အာဆင်နယ်

အီတီဟတ်တွင် ကစားခဲ့သည့် ယခုပွဲတွင် အိမ်ကွင်းစွမ်းဆောင်ရည် အကောင်းဆုံးဖြစ်နေသည့် မန်စီးတီးအသင်းအား ဦးဆောင်သူအာဆင်နယ်တို့ ဂိုးပြတ်ခြေပြတ်ဖြင့်အရှုံးပေးခဲ့သည်။ မန်စီးတီးအသင်း၏ ကွင်းလယ်တွင် ယာယာတိုးရေးနှင့် ဖာနန်ဒင်ဟိုတုိ့အစွမ်းပြခဲ့ပြီး မန်ယူအား ၄ ဂိုး ၁ဂိုး၊ စပါးအား ၆ ဂိုး ဂိုးမရှိဖြင့် အနိုင်ရရှိခဲ့သည့် အိမ်ရှင်းအသင်း၏ တိုက်စစ်မှာလည်း ယခုပွဲတွင် ဂိုးရရှိရန် မခက်ခဲခဲ့ပေ။ အာဆင်နယ်အသင်းတွင် စက်တင်ဘာလကတည်းက အနားယူနေရသည့် ဝေါ့လ်ကော့ ပြန်လည်ပါဝင်လာခဲ့ပြီး အသင်းအတွက် ၂ ဂိုး သွင်းယူပေးခဲ့သည်။ မန်စီးတီးအသင်းအတွက်ဂိုးများကို အဂူရို၊ နီဂရီဒို၊ ဆေးလ်ဗား၊ ယာယာတိုးရေးတို့က တစ်ဂိုးစီနှင့် ဖာနန်ဒင်ဟိုက နှစ်ဂိုးသွင်းယူပေးခဲ့ပြီး၊ အာဆင်နယ်အသင်းအတွက် တတိယမြောက် ချေပဂိုးကို ဒုတိယပိုင်း နာကျင်အချိန်ပိုတွင် မာတာဆက်ကာက သွင်းယူပေးခဲ့သည်။ ယခုရှုံးပွဲမှာ အာဆင်နယ်အသင်းအတွက် တတိယမြောက်ရှုံးပွဲဖြစ်ခဲ့ပြီး မန်စီးတီးအသင်းမှာ တတိယနေရာသို့ တက်လာခဲ့သည်။
………………………………..
ချယ်ဆီး ၂-၁ ခရစ္စတယ်ပဲလေ့စ်

ဒုတိယနေရာမှ လီဗာပူးလ်အသင်းနှင့် ရမှတ်တူ ဂိုးကွာခြားချက်ကြောင့် တတိယနေရာတွင် ရှိနေသည့် မော်ရင်ဟို၏ ချယ်ဆီးအသင်းမှာ အာဆင်နယ်အသင်း၏ ရှုံးနိမ့်မှုအား အပြည့်အ၀ အခွင့်အရေးရယူနိုင်ခဲ့သည်။ ချယ်ဆီးအသင်းမှာ ပထမပိုင်း၏ အစောပိုင်းမိနစ်များတွင် ဘောလုံးပိုင်ဆိုင်မှုအသာဖြင့် ကစားနိုင်ခဲ့ပြီး ၁၆ မိနစ်မှာပင် အဖွင့်ဂိုးရရှိခဲ့သည်။ ထိုဂိုးအား ပရိတ်သတ်များ၏ ဝေဖန်မှုကို ခံနေရသည့် ဖာနန်ဒိုတောရက်စ်က ကန်သွင်းယူခဲ့သည်။

သို့သော်လည်း ၂၉ မိနစ်တွင် ခရစ္စတယ်ပဲလေ့စ်တို့ ချေပဂိုးရရှိခဲ့ပြီး မာရောနီ ချာမက်က သွင်းယူပေးခဲ့သည်။ ချယ်ဆီးတို့အတွက် အနိုင်ဂိုးကို ၃၅ မိနစ်တွင် ရရှိခဲ့ပြီး ရာမီးရက်စ်က သွင်းယူပေးခဲ့ခြင်းဖြစ်သည်။ ယခုပွဲအနိုင်ကြောင့် ချယ်ဆီးမှာ ဒုတိယနေရာသို့ ရောက်ရှိလာခဲ့ပြီး ဦးဆောင် သူအာဆင်နယ်နှင့် ၂ မှတ်သာကွာတော့ကာ လာမည့် တစ်ပါတ်တွင် ကစားရမည့် ပွဲတွင် အာဆင်နယ်အား အနိုင်ကစားနိုင်ပါက ဇယားထိပ်ဆုံးတွင် ဦးဆောင်နိုင်ရန် အခွင့်အရေးရှိနေသည်။
…………………………………
အဲဗာတန် ၄-၁ ဖူလ်ဟမ်

နောက်ဆုံးငါးပွဲတွင် လေးပွဲအထိရှုံးထားသည့် ဖူလ်ဟမ်အသင်းမှာ မာတီနက်ဇ်၏ အဲဗာတန်အသင်းကို မယှဉ်နိုင်ခဲ့ဘဲ ဂိုးပြတ်ဖြင့် ရှုံးနိမ့်ခဲ့သည်။ သို့သော်လည်း အိမ်ရှင်တို့မှာ ပထမပိုင်းတွင် လီယွန် အွတ်စမန်၏ ၁၈ မိနစ်သွင်းဂိုး တစ်ဂိုးတည်းသာ ရရှိခဲ့ပြီး ဒုတိယပိုင်း မိနစ် ၇၀ ကျော်မှသာ နောက်ထပ်အနိုင်ဂိုး သုံးဂိုး ရရှိခဲ့ခြင်းဖြစ်သည်။ ထိုဂိုးများကို ၇၃ မိနစ်တွင် ကိုးလ်မန်းကလည်းကောင်း၊ ၈၄ မိနစ်တွင် ဘယ်ရီကလည်းကောင်း၊ ဒုတိယပိုင်း နာကျင်အချိန်ပိုတွင် မီရာလက်စ်ကလည်းကောင်း အသီးသီးသွင်းယူပေးခဲ့ပြီး ဖူလ်ဟမ်အသင်း အတွက် ချေပဂိုးကို ၆၇ မိနစ်တွင် ပင်နယ်တီမှတစ်ဆင့် ဘာဘာတော့ဗ်က သွင်းယူပေးခဲ့ခြင်းဖြစ်သည်။ ယခုပွဲအနိုင်ကြောင့် အဲဗာတန်အသင်းမှာ အိမ်ကွင်း ၁၇ ပွဲဆက်တိုက် အနိုင်ရရှိသည့် မှတ်တမ်း ရရှိခဲ့သည်။
………………………………….
နယူးကာဆယ် ၁-၁ ဆောက်သက်တမ်

နောက်ဆုံးငါးပွဲတွင် စပါး၊ မန်ယူတို့အပါအ၀င် လေးပွဲနိုင်အောင် ကစားနိုင်ခဲ့သည့် နယူးကာဆယ်တို့မှာ အိမ်ကွင်းစိန့်ဂျိမ်းစ်ပါ့ခ်တွင် ခြေစွမ်းမဆိုးလှသည့် ဆောက်သက်တမ်အသင်းအား သရေသာကစားနိုင်ခဲ့သည်။ နယူးကာဆယ်အသင်းတွင် ခြေစွမ်းပြနေသည့် ကွင်းလယ်လူ ကာဘာယီမှာ ပွဲပယ်ပြစ်ဒဏ်ကြောင့် ပါဝင်နိုင်ခြင်းမရှိခဲ့ပေ။ အိမ်ရှင် နယူးကာဆယ်တို့မှာ ပွဲစလျှင်စချင်းပင် ဖိကစားခဲ့ပြီး ၂၆ မိနစ်တွင် ဂေါ့ဖ်ရင်က ဦးဆောင်ဂိုး သွင်းယူပေးခဲ့သည်။ ထိုဂိုးမှာ ဂေါ့ဖ်ရင်၏ နောက်ဆုံးကစားခဲ့သည့်လေးပွဲတွင် လေးဂိုးမြောက် သွင်းယူနိုင်ခဲ့ခြင်းလည်းဖြစ်သည်။ သို့သော်လည်း ဒုတိယပိုင်း ၆၅ မိနစ်တွင် ဆောက်သက်တမ်တို့ အဖွင့်ဂိုးရခဲ့ပြီး ရော်ဒရီဂတ်ဇ်က သွင်းယူပေးခဲ့ခြင်းဖြစ်သည်။

ကာဒစ်ဖ် ၁-၀ ၀က်စ်ဘရွန်း
ဝက်စ်ဟမ်း ၀-၀ ဆန်းဒါးလန်း
ဟားလ်စီးတီး ၀-၀- စတုတ်

နောက်ဆုံး ၉ ပွဲတွင် တစ်ပွဲသာ အနိုင်ရရှိထားသည့် ကာဒစ်ဖ်မှာ ယခုပွဲတွင် ပီတာဝှစ်တင်ဂမ်၏ ၆၅ မိနစ်သွင်းဂိုးဖြင့် ၃ မှတ်ရယူနိုင်ခဲ့သည်။ ယခုပွဲအရှုံးမှာ ၀က်စ်ဘရွန်းအသင်း၏ နောက်ဆုံး လေးပွဲဆက် ရှုံးနိမ့်ခြင်းလည်းဖြစ်သည်။

တန်းဆင်းဇုန်နားမှ အသင်းနှစ်သင်းဖြစ်သည့် ၀က်စ်ဟမ်းနှင့် ဆန်းဒါးလန်းတို့ပွဲစဉ်တွင် နှစ်သင်းစလုံး ဂိုးသွင်းခွင့်အနည်းငယ်စီ ရရှိခဲ့ပြီး အသုံးမချနိုင်ခဲ့သောကြောင့် သရေတစ်မှတ်ဖြင့်သာ ကျေနပ်ခဲ့ရသည်။

ဟားလ်စီးတီးနှင့် စတုတ်တို့၏ ပွဲစဉ်မှာ နှစ်ဘက်ဂိုးသမားများ အစွမ်းပြခဲ့သည့် ပွဲဖြစ်ပြီး နှစ်သင်းစလုံး၏ အပိုင်ဂိုးသွင်းခွင့်တော်တော်များများကို ဂိုးသမားများက ကာကွယ်သွားနိုင်ခဲ့သောကြောင့် ဂိုးမရှိသရေဖြင့်ပြီးဆုံးခဲ့သည်။