ဒီဇင်ဘာ ၂၆၊ ပြည်တွင်းသတင်း စုစည်းမှု

ဒီဇင်ဘာ ၂၆၊ ၂၀၁၃
M-Media

မန္တလေးမြို့လယ်ခေါင် ရွှေဆိုင် လုယက်သူမှာ လွှတ်တော်ကိုယ်စားလှယ်၏ တူဖြစ်ကြောင်း တိုင်းရဲတပ်ဖွဲ့မှူး ပြောကြား

– မန္တလေး မြို့လယ်ခေါင်ရှိ မောင်ကိန်းရွှေဆိုင်အား ဒီဇင်ဘာ ၂၄-ရက် ညနေပိုင်းက သေနတ်ဖြင့်ပတ်၍ ဓါးပြတိုက်လုယက်သူမှာ ကိုးကန့် အမျိုးသား လွှတ်တော်ကိုယ်စားလှယ် တစ်ဦး၏ တူဖြစ်ကြောင်း မန္တလေးတိုင်းဒေသကြီး တိုင်းရဲတပ်ဖွဲ့မှူးမှ အတည်ပြု  ပြောကြားလိုက်ကြောင်း သိရသည်။
________________________

မလေးရှားရှိ မြန်မာအလုပ်သမားနှင့် အင်ဒိုအလုပ်သမားအကြား ပြဿနာကို မြန်မာအစိုးရတာဝန်ယူ ဖြေရှင်းမည်

– မလေးရှားနိုင်ငံတွင် သွားရောက်အလုပ်လုပ်ကိုင်နေသော မြန်မာနိုင်ငံသားအလုပ်သမားများနှင့် အင်ဒိုနီးရှား နိုင်ငံသားများအကြား  ပြဿနာ ဖြစ်ပွားခဲ့မှု များကို မြန်မာအစိုးရမှ တာဝန်ယူဖြေရှင်းမည်ဖြစ်ပြီး မလေးရှားရှိ မြန်မာအလုပ်သမား သံအရာရှိမှလည်း ကူညီဆောင်ရွက်နေသည့် အတွက် စိုးရိမ်ရသည့် အခြေအနေတွင် မရှိကြောင်း အလုပ်သမားညွှန်ကြားမှု ဦးစီးဌာန ညွှန်ကြားရေးမှူးချုပ် ဦးမျိုးအောင်က ပြောကြားခဲ့ကြောင်း ဧရာဝတီသတင်းတွင် ဖော်ပြထားသည်။
________________________

ဧရာဝတီမြစ်ဆုံစီမံကိန်း မြန်မာအစိုးရ မှန်ကန်စွာဆုံးဖြတ်ရန် တရုတ်ကုမ္ပဏီပြော

– ရပ်ဆိုင်းထားသည့် ဧရာဝတီမြစ်ဆုံ စီမံကိန်း ပြန်လည်စတင်ရန် ကြိုးစားနေသည်လားဟူသည်မေးခွန်းအား ပြည်သူတွေကို မှန်ကန်စွာ ချပြသွားမှာ ဖြစ်ပြီး အစိုးရရဲ့ ဆုံးဖြတ်ချက်နဲ့ ဆက်လက်ဆောင်ရွက်သွားမည်ဖြစ်ပြီး မြန်မာအစိုးရအနေနဲ့ မှန်ကန်သည့် ဆုံးဖြတ်ချက် ချမှတ်နိုင်မည်ဟု မျှော်လင့်ကြောင်း ယနေ့ပြုလုပ်တဲ့ ဧရာဝတီမြစ်ဆုံ စီမံကိန်း သတင်းစာရှင်းလင်းပွဲမှာ တရုတ်ကုမ္ပဏီ ACHC ဥက္ကဌ Mr. Li Guanghua က ပြောခဲ့ ကြောင်း သိရသည်။
________________________

လားရှိုးမြို့ ကား ၁၀-စီး တိုက်မှု တရားခံ စုံစမ်းစစ်ဆေးရေး ပြုလုပ်

– စက်တင်ဘာ ၁၉-ရက်နေ့က လားရှိုးမြို့တွင် ဖြစ်ပွားခဲ့သည့် ကုန်တင်ယာဉ်ကြီးတစ်စီးမှ ဘရိတ်ပေါက်ကာ မော်တော်ကား ၁၀-စီးနှင့် ဆိုင်ကယ် ၁-စီးတိုက်မိပြီး လူ ၄-ဦး ပြင်းထန်စွာ ဒဏ်ရာရှိခဲ့သည့် အမှုတွင် ယာဉ်မောင်းသူအား ရဲတပ်ဖွဲ့မှ ဖမ်းဆီးပြီး တရားခံပြေးအဖြစ် တင်ပို့ခဲ့သည့်အတွက် နစ်နာသူများမှ ဒုတိယ သမ္မတ စိုင်းမောက်ခမ်းထံ ယခု လဆန်းပိုင်းက တိုင်ကြားခဲ့သည့်အတွက် အဆိုပါ အမှုကိစ္စအတွက် ၃-ဦးပါဝင်သည့် စုံစမ်းစစ်ဆေးရေးအဖွဲ့မှ စတင် စစ်ဆေးနေကြောင်း မြန်မာ့ခေတ်သတင်းဖော်ပြချက်မှ သိရှိရသည်။
________________________