Facebook
ဒီဇင်ဘာ ၂၇ ၊ ၂၀၁၃
M-Media
– ကလေးတစ်ယောက်ပေါ်လစီအား ဖြေလျှော့ပေးရန် မူကြမ်းတစ်ခုကို စတင်ဆွေးနွေးနေပြီး၊ ဥပဒေဆိုင်ရာလုပ်ငန်းများကိုလည်း တရုတ်အစိုးရက စတင်လုပ်ဆောင်နေသည်ဟု တာဝန်ရှိသူများက ယနေ့တွင် ပြောကြားခဲ့သည်။
ဘေဂျင်းမြူနီစီပယ်ဌာန၏ မိသားစုနှင့် လူဦးရေအစီအစဉ် ဥပဒေ၏ ပြင်ဆင်ချက်မူကြမ်းကို မြူနီစီပယ်ပြည်သူ့ကွန်ဂရက်မှ စစ်ဆေးနေခြင်းဖြစ်ဖြစ်ပြီး ထိုပြင်ဆင်ချက်အား ဥပဒေပြဌာန်းပြီးပါက လာမည့်နှစ် မတ်လတွင် စတင်ကျင့်သုံးနိုင်မည်ဖြစ်သည်။
ထိုမူကြမ်းအရ ဇနီးမောင်နှံနှစ်ဦးတွင် တစ်ဦးက မိသားစု၏ တစ်ဦးတည်းသော သားသမီးဖြစ်ပါက ကလေးနှစ်ဦးယူခွင့်ရမည်ဖြစ်သည်။ ယခုလက်ရှိ ကျင့်သုံးနေသည့် ဥပဒေမှာ ဇနီးမောင်နှံနှစ်ဦး စလုံး တစ်ဦးတည်းသော သားသမီးဖြစ်မှသာ ကလေးနှစ်ဦး ယူခွင့်ရသည်။ ထိုဥပေဒအား ၁၉၇၀ ပြည့်နှစ်တွင် စတင်အကောင်အထည်ဖော်ခဲ့ခြင်းဖြစ်ပြီး တရုတ်ပြည်သူအချို့နှင့် နိုင်ငံတကာ၏ ဝေဖန်ပြစ်တင်မှုကို ခံခဲ့ရသော ဥပဒေဖြစ်သည်။
Ref: ဆင်ဟွာ
M-Media on Twitter
M-Media Tube
Comments