ဒီဇင်ဘာ ၂၈၊ ပြည်တွင်းသတင်း စုစည်းမှု

ဒီဇင်ဘာ ၂၈၊ ၂၀၁၃
M-Media

အခြေခံဥပဒေကြောင့် ၂၀၁၅ ရွေးကောက်ပွဲ NLD မ၀င်ပဲ နေမည်မဟုတ်

– ၂၀၁၅-ရွေးကောက်ပွဲတွင် NLD ပါတီသည် ပြည်ခိုင်ဖြိုးပါတီနှင့် ယှဉ်ပြိုင် ရွေးကောက်ခံမည်ဖြစ်ပြီး ၂၀၀၈ ဖွဲ့စည်းပုံအခြေခံဥပဒေကို ပြင်ဆင်သည် ဖြစ်စေ မပြင်ဆင်သည်ဖြစ်စေ ရွေးကောက်ပွဲ ၀င်ရောက်သွားမည်ဖြစ်ကြောင်း ယနေ့ပြုလုပ်သော သတင်းစာရှင်းလင်းပွဲတါင် ဦးဥာဏ်ဝင်းက ပြောဆိုခဲ့သည်။
________________________

စစ်စခန်းနှင့်ထောင်တွင်း ကျဆုံး နိုင်ကျဉ်း ၅၄-ဦးကို ဂုဏ်ပြုမည်

– စစ်ထောက်လှမ်းရေးရဲ့ စစ်ကြောရေးစခန်းများနှင့် အကျဉ်းထောင်များတွင်ကျဆုံးသွားသည့် နိုင်ငံရေးအကျဉ်းသား ၅၄-ဦးကို ဂုဏ်ပြုသည့် အခမ်းအနားတစ်ရပ်ကို ထိုင်းနိုင်ငံအခြေစိုက် နိုင်ငံရေး အကျဉ်းသားများ ကူညီစောင့်ရှောက်ရေးအသင်း AAPP နှင့် နိုင်ငံရေးအကျဉ်းသားဟောင်း များအဖွဲ့က ပူးပေါင်းပြီး ဇန်န၀ါရီလ ၂-ရက်နေ့မှာ ရန်ကုန်မှာ ပြုလုပ်မည်ဖြစ်ကြောင်း သိရသည်။
________________________

လွတ်လပ်ရေးနေ့ ဆန္ဒပြခွင့် အာဏာပိုင်မှ ခွင့်မပြု

– ပုဒ်မ ၁၈ ဥပဒေကို ဖျက်သိမ်းပေးရန် ၈၈-မျိုးဆက်အဖွဲ့နှင့် အရပ်ဖက်လူထုအခြေပြုအဖွဲ့များမှ လာမည့် ၂၀၁၄-ခု လွတ်လပ်ရေးနေ့တွင် ဆန္ဒပြရန် လျှောက်ထားရာ ရန်ကုန် ကျောက်တံတားမြို့နယ်နှင့် မကွေးမြို့နယ် ရဲတပ်ဖွဲ့မှူးရုံးတွေမှ ယနေ့မှာ ပယ်ချလိုက်ကြောင်း သိရှိရပါသည်။
________________________

ဒုတိယအကြိမ် မွန်လူငယ်နေ့ကျင်းပရာ လူငယ် တစ်သောင်းခန့်တက်ရောက်

– ဒုတိယအကြိမ်မြောက် မွန်လူငယ်နေ့ကို မွန်ပြည်နယ် ရေးမြို့ မော့ကနင်ကျေးရွာမှာ ယနေ့ပြုလုပ်ခဲ့ရာ မွန်နိုင်ငံရေးပါတီ ခေါင်းဆောင်များနှင့် လူငယ်များအကြား မွန်အမျိုးသား နိုင်ငံရေးနှင့်ပတ်သက်သည့် ရှေ့ရေးကိစ္စများကို ဆွေးနွေးခဲ့ကြတယ်လို့ သိရှိရသည်။
________________________