အနာဂတ် ပါလက်စတိုင်းနိုင်ငံ အတွက် ဂျော်ဒန်တောင်ကြားဒေသ ဥပဒေကြမ်း အစ္စရေး ကက်ဘိနက်ဝန်ကြီးများ အတည်ပြု

ဒီဇင်ဘာ ၃၀၊ ၂၀၁၃
M-Media

အနာဂတ် ပါလက်စတိုင်းနိုင်ငံထူထောင်ရာတွင် ပါဝင်မည့် အနောက်ဘက်ကမ်းခြေ ဂျော်ဒန်တောင်ကြားရှိ ဒေသတစ်ခုအား သိမ်းပိုက်ရန် ဥပဒေမူကြမ်းတစ်ခုကို အစ္စရေး ကက်ဘိနက်ဝန်ကြီးများက ယမန်နေ့တွင် အတည်ပြုခဲ့သည်ဟုသိရသည်။

ထိုဒေသမှာ ပါလက်စတိုင်းနိုင်ငံ၏ ဧရိယာ ၃၀ ရာခိုင်နှုန်းခန်းရှိပြီး အစ္စရေးဝန်ကြီးချုပ် နေတန်ယာဟု၏ Likud ပါတီမှ သိမ်းပိုက်ရန် အဆိုတင်သွင်းခဲ့ခြင်းဖြစ်ကာ၊ အစ္စရေး-ပါလက်စတိုင်း ငြိမ်းချမ်းရေးအတွက် အမေရိကန် နိုင်ငံခြားရေးဝန်ကြီး ဂျွန်ကယ်ရီ အရှေ့အလယ်ပိုင်းသို့ မလာရောက်မီအလျင် အတည်ပြုခဲ့ခြင်းဖြစ်သည်။

သို့သော်လည်း အစ္စရေး-ပါလက်စတိုင်း ငြိမ်းချမ်းရေးဆွေးနွေးမှုအတွင်း အစ္စရေးကိုယ်စားလှယ်အဖွဲ့ကို ဦးဆောင်သည့် တရားရေးဝန်ကြီး Tzipi Livni ကမူ ထိုအတည်ပြုချက်အား ဝေဖန်ခဲ့ပြီး ထိုဥပဒေဖြစ်မလာရေးအတွက် သူမ၏ လုပ်ပိုင်ခွင့်ကို အသုံးပြုသွားမည်ဟု ပြောဆိုခဲ့သည်။

Ref : Aljazeera