ဇန်န၀ါရီ ၁၊ အားကစားသတင်း စုစည်းမှု

ဇန်န၀ါရီ ၁၊ ၂၀၁၄
M-Media

– ယခုနှစ် ဇန်န၀ါရီအပြောင်းအရွှေ့ကာလတွင် တိုက်စစ်မှူး ဇက်ကိုအနေဖြင့် အသင်းမှ ထွက်ခွာတော့မည်ဆိုသည့် သတင်းအား မန်စီးတီးနည်းပြ ဖြစ်သူ ပယ်လီဂရီနီက ငြင်းဆိုလိုက်သည်။ ဇက်ကိုမှာ တိုက်စစ်မှူး ဆာဂျီယိုအဂူရိုနှင့် အလ်ဗာရို နီဂရီဒိုတို့၏နောက် တတိယ ဦးစားပေး တိုက်စစ်မှူး ဖြစ်သော်လည်း ယခုနှစ် ပရီးမီးယားလိဂ်တွင် ပွဲထွက်ကစားသမားအဖြစ် ၇ ပွဲကစားထားသည်။ အသက် ၂၇ နှစ်ရွယ်ရှိ ဘော့စနီးယား တိုက်စစ်မှူးမှာ နိုင်ငံအသင်းနှင့် အတူ ကမ္ဘာ့ဖလားတွင် ပါဝင်ကစားခွင့်ရရန် ပုံမှန်ကစားခွင့်ရမည့် ကလပ်တစ်ခုသို့ ပြောင်းရွှေ့တော့မည်ဟု သတင်းများ ထွက်ပေါ် နေသည်။
…………………..

– ပြီးခဲ့သည့် ၂၀၀၁၂-၁၃ ဘောလုံးရာသီ၏ ဘဏ္ဍာရေးစာရင်းရှင်းတမ်းများကို ချယ်ဆီးအသင်းမှ ထုတ်ပြန်ခဲ့ရာ ပေါက် ၄၉.၄ သန်းအရှုံးပေါ်ခဲ့သည်ဟု သိရသည်။ ယမန်နှစ်ချန်ပီယံလိဂ် အုပ်စုအဆင့်မှ ထွက်ခဲ့ရခြင်းက ချယ်ဆီးအသင်း၏ ဘဏ္ဍာရေးကို အထိနာစေခဲ့ခြင်းဖြစ်သည်။ ထို့ပြင် လာမည့်နှစ် များတွင် ယူအီးအက်ဖ်အေ၏ ဘဏ္ဍာရေး Fair Play စည်းမျဉ်းအား လိုက်နာ အကောင်အထည်ဖော်သွားမည်ဟု ချယ်ဆီးအသင်းက ကြေညာခဲ့သည်။
………………………

– ယမန်နှစ်က ရုန်းကန်ခဲ့ရသည့် နယူးကာဆယ်အသင်း၏ ယခုနှစ် ပြသနေသည့် ခြေစွမ်းအား အသင်းနည်းပြ အလန်ပါဂျူးက ချီးကျူးပြောဆိုခဲ့သည်။ နယူးကာဆယ်အသင်းမှာ ယမန်နှစ်က တန်းဆင်းဇုန်းနှင့် ၅ မှတ်အကွာ အဆင့် ၁၆ နေရာဖြင့် ရာသီသိမ်းခဲ့ပြီး ယခုနှစ် ပွဲစဉ်တစ်ဝက်ကြိုးချိန်တွင် အဆင့် ၈ နေရာ၌ ရှိနေပြီး ချန်ပီယံလိဂ် ၀င်ခွင့်နေရာနှင့် လေးမှတ်အကွာတွင်ရှိနေသည်။
………………………..

– ခြေချင်းဝတ် အရွတ်စုတ်ပြဲဒဏ်ရာခံစားနေရသည့် အသင်း၏ ဘရာဇီးကွင်းလယ်ကစားသမား ပေါ်လင်ဟိုမှာ အနည်းဆုံး ၄-ပတ်ခန့် အနားယူရ မည်ဟု စပါးအသင်းက ပြောကြားခဲ့သည်။ ပေါ်လင်ဟိုမှာ စတုတ်စီးတီးအသင်းအား ၃ ဂိုး ဂိုးမရှိဖြင့်အနိုင်ရရှိခဲ့သည့် ပရီးမီးယားလိဂ်ပွဲစဉ်တွင် ဒုတိယပိုင်း ၆၂ မိနစ်၌ စတုတ်ကစားသမား ချာလီအဒမ်နှင့် ထိခိုက်မိသောကြောင့် ဒဏ်ရာရရှိခဲ့ခြင်းဖြစ်သည်။
……………………….

– ပြစ်သစ်နိုင်ငံ အဲလ်ပ်စ် တောင်တန်းပေါ်ရှိ အပန်းဖြေစခန်းတစ်ခုတွင် တနင်္ဂနွေနေ့က ရေခဲပြင်လျှောစီးရင်း မတော်တဆဖြစ်မှုကြောင့် သတိလစ် မေ့မြောနေသည့် ဂျာမန်ကားမောင်းသမားဟောင်း မိုက်ကယ်ရှူးမိတ်ကာ၏ အခြေအနေမှာ ယနေ့နံနက်တွင် တည်ငြိမ်စပြုလာပြီဟု သိရသည်။ သို့သော်လည်း ဦးခေါင်းထိခိုက်သွားသည့် ရှူးမိတ်ကာ၏ အနာဂတ်အခြေအနေအား အတိအကျပြော၍မရဟု ဆရာဝန်များက ပြောကြားခဲ့သည်။