အုပ်စုဖွဲ့အဓ္ဓမကျင့်ခံရသူ အိန္ဒိယအမျိုးသမီး မီးရှို့ခံရမှုကြောင့် သေဆုံး

ဇန်န၀ါရီ ၃၊ ၂၀၁၄
M-Media

ပြီးခဲ့သည့် အောက်တိုဘာလက ကိုလ်ကာတားမြို့တွင် အုပ်စုဖွဲ့မုဒိမ်းကျင့်မှုကို ၂-ကြိမ်တိုင်တိုင် ခံစားခဲ့ရသည့် အသက် ၁၆ နှစ်အရွယ် အမျိုးသမီးငယ် မှာ မီးလောင်ဒဏ်ရာများကြောင့် ယမန်နေ့က သေဆုံးသွားခဲ့သည်ဟု အိန္ဒိယ ရဲတပ်ဖွဲ့က သတင်းထုတ်ပြန်ခဲ့သည်။

ထိုအမျိုးသမီးငယ်မှာ ဒီဇင်ဘာ ၂၃-ရက်နေ့က မီးရှို့ခံခဲ့ရခြင်းဖြစ်ပြီး သီတင်းတစ်ပါတ်ကျော်အကြာတွင် ဆေးရုံ၌ သေဆုံးခဲ့ရခြင်းဖြစ်သည်။ ၎င်း မသေဆုံးမီက သူမအား မီးရှို့ခဲ့သောသူများမှာ အောက်တိုဘာလအတွင်းက သူမကို အုပ်စုဖွဲ့ အဓ္ဓမ ပြုကျင့်ခဲ့ကြသူများဖြစ်သည်ဟု ထွက်ဆိုခဲ့ကြောင်း ရဲမင်းကြီး ဆန်တို့ရှိ နင်မ်ဘာကာက ယမန်နေ့တွင် ပြောကြားခဲ့သည်။

သူမ၏ မိဘများကလည်း ၎င်းတို့သမီးဖြစ်သူ အဓ္ဓမပြုကျင့်ခံရပြီးနောက်ပိုင်းတွင် တရားခံ၏ မိသားစုများနှင့် အပေါင်းအသင်းများက ထိုအမှုအား ပိတ်ပစ်ရန်ဖိအားပေးခြိမ်းခြောက်ခဲ့ကြောင်း ထွက်ဆိုခဲ့သည်။

“ကြေးစားလူမိုက်တွေက စော်ကားမှုတွေပြုလုပ်ခဲ့ပြီး၊ ကျွန်မတို့ကို သတ်ပစ်မယ်လို့လည်း ခြိမ်းခြောက်ခဲ့ပါတယ်။ ရဲတွေကတော့ ဒါကို မသိသလို ကြည့်နေခဲ့တာပါ။ ပြည်သူကို မကာကွယ်နိုင်တဲ့ရဲတွေကို ဘာလုပ်ဖို့သုံးမလဲ” ဟု မိခင်ဖြစ်သူက ပြောဆိုခဲ့ပြီး၊ ပြစ်မှုကျူးလွန်သူအား သေဒဏ်ပေးရန် အတွက်လည်း တောင်းဆိုခဲ့သည်။

ယမန်နေ့ကအထိ သေဆုံးသူမှာ မိမိကိုယ်ကို အဆုံးစီရင်ခဲ့ခြင်းဖြစ်ကြောင်း ရဲတပ်ဖွဲ့က ယူဆခဲ့သော်လည်း သေဆုံးသူ၏ အိပ်ရာအောက်မှ ၎င်း ကိုယ်တိုင် ရေးသားထားသည့် ဒိုင်ယာရီကို တွေ့ရှိခဲ့ပြီးနောက် လူသတ်မှုအဖြစ်ပြောင်းလဲ သတ်မှတ်ခဲ့ကြောင်း ရဲတပ်ဖွဲ့က ပြောဆိုခဲ့သည်။

အိန္ဒိယနိုင်ငံတွင် အုပ်စုပွဲမုအဓ္ဓမပြုကျင့်မှုများမှာ မကြာခဏဖြစ်ပွားလေ့ရှိပြီး၊ ရဲတပ်ဖွဲ့ဝင်များကလည်း ထိုအမှုများအား ကိုင်တွယ်ရာတွင် အလွန် ညံ့ဖျင်းသောကြောင့် မကြာခဏဆိုသလို နိုင်ငံတစ်ဝှမ်းတွင် ဆန္ဒပြမှုများဖြစ်ပွားနေပြီး၊ အဓ္ဓမပြုကျင့်မှုနှင့် အမျိုးသမီးများအား အကြမ်းဖက်မှုများကို ထိရောက်စွာ အရေးယူနိုင်သည့် ဥပဒေများကို ပြဌာန်းရန်အတွက် ပြည်သူများက အစိုးရအား ဖိအားပေးခဲ့ကြသည်။

Ref : Aljazeera