ဇန်နဝါရီ ၄ အားကစား သတင်းများ

ဇန်နဝါရီ ၄၊ ၂၀၁၄
M-Media

မာတာအား စိမ်းကားစွာ ဆက်ဆံရသည့် အကြောင်းရင်း မော်ရင်ဟိုပြော

– အသင်းရှိ ကွင်းလယ်လူ ဂျူအန်မာတာအား မိမိ၏ ဆက်ဆံပုံအတွက် မိမိကိုယ်တိုင်လည်း နာကျင်ရပြီး အသင်းကသာ မိမိအတွက် ပထမဦးစားပေး ဖြစ်သည်ဟု ချယ်ဆီးအသင်း၏ နည်းပြဖြစ်သူ မော်ရင်ဟိုက ပြောကြားလိုက်သည်။

မာတာ အနေဖြင့် အသင်းမှ ထွက်ခွာ ချင်ပါက တံခါးဖွင့်ထားသည်ဟု မော်ရင်ဟိုက ပြောဆိုပြီး ၂ ရက်အကြာတွင် ယခုကဲ့သို့ ထပ်မံပြောဆိုခဲ့ခြင်းဖြစ်သည်။ မာတာမှာ ပြီးခဲ့သည့် ရာသီနှစ်ခုတွင် ချယ်ဆီးအသင်း၏ အကောင်းဆုံး ကစားသမားအဖြစ် ရွေးချယ်ခြင်းခံခဲ့ရသူဖြစ်ပြီး ယခုနှစ်တွင် အော်စကာ၏နောက် ဒုတိယနေရာတွင်ရှိနေပြီး ပုံမှန်ကစားခွင့်ပျောက်ဆုံးနေသူဖြစ်ကာ နာပိုလီအသင်း၏ လီဗာပူးလ်နည်းပြဟောင်း ဘင်နီတက်ဇ်က ၎င်းအား ခေါ်ယူရန် စိတ်ဝင်စားနေသည်။

……………………………
ဂွာဒီယိုလာမှာ အခြားသောနည်းပြများထက် ပိုမိုကောင်းမွန်သည်ဟု မာရှေရာနိုဆို

– အသင်း၏ လက်ရှိနည်းပြ ဂွာဒီယိုလာမှာ မိမိလက်တွဲဖူးသည့် နည်းပြများထက် ပိုမိုကောင်းမွန်သည်ဟု ဘိုင်ယန်မြူးနစ်အသင်း၏ နောက်ခံလူ မာရှေရာနိုက ချီးကျူး ပြောကြားခဲ့သည်။

ဘာစီလိုနာ ကစာသမားဟောင်း မာရှေရာနိုမှာ ယခင်က ကွင်းလယ် ကစားသမားဖြစ်သော်လည်း ဂွာဒီယိုလာ၏ လက်အောက်တွင် နောက်တန်း ခံစစ် ကစားသမားအဖြစ် ပြောင်းလဲ ကစားခဲ့ရသည်။ သို့သော်လည်း ယခင်က မိမိကစားနိုင်မည်ဟု မထင်သည့်နေရာ တစ်ခုတွင် ကောင်းမွန်စွာ ကစားနိုင်အောင် ဂွာဒီယိုလာက ထိန်းကျောင်းပေး ခဲ့ကြောင်း၊ ဂွာဒီယိုလာမှာ ဘောလုံးလောကတွင် သူ၏ ကိုယ်ပိုင် စတိုင်များကို သွတ်သွင်းပေးခဲ့ကြောင်း မာရှေရာနိုက ထည့်သွင်းပြောကြားခဲ့သည်။

……………………………..
ချန်ပီယံလိဂ်ဝင်ခွင့်မရခဲ့ပါကာ ရူနီမှာ အသင်းမှ ထွက်ခွာသွားနိုင်သည်ဟု မိုယက်စ်ဝန်ခံ

–  အသင်းအနေဖြင့် ထိပ်ဆုံးလေးသင်းသို့ ၀င်ရောက်နိုင်ခြင်းမရှိပါက တိုက်စစ်မှူး ရူနီမှာ အသင်းမှ ထွက်ခွာဖွယ်ရှိနေသည်ဟု မန်ယူအသင်း၏ နည်းပြဖြစ်သူ ဒေးဗစ်မိုယက်စ်က ၀န်ခံခဲ့သည်။ ရူနီ၏ လက်ရှိစာချုပ်မှာ လာမည့်ရာသီတွင် ကုန်ဆုံးမည်ဖြစ်ပြီး မန်ယူအသင်းမှ မကြာသေးခင်က သက်တမ်းတိုးရန် ကမ်းလှမ်းမှုကို ငြင်းဆန်ထားသည်။ မန်ယူအသင်းမှာ ယခုလက်ရှိတွင် ပရီးမီးယားလိဂ် အဆင့် ၇ နေရာတွင်ရှိနေပြီး ဦးဆောင်သူ အာဆင်နယ်နှင့် ၁၁ မှတ်အကွာတွင်ရှိနေသည်။

…………………………………..
ဖီဖာ၏ ကမ္ဘာ့အကောင်းဆုံးဆု မရခဲ့လျှင်လည်း မက်ဆီသာအကောင်းဆုံးဖြစ်သည်ဟု ကစားဖော် အဲလ်ဗက်စ်ဆို

– ဖီဖာမှချီးမြှင့်သည့် အကောင်းဆုံး ဘောလုံးသမားဆု Ballon d’Or အား ရသည်ဖြစ်စေ၊ မရသည်ဖြစ်စေ မက်ဆီမှာ ကမ္ဘာ့ အကောင်းဆုံး ဘောလုံးသမားဖြစ်သည်ဟု ဘာစီလိုနာ အသင်း၏ ဘရာဇီးနောက်ခံလူ ဒါနီ အဲလ်ဗက်စ်က ပြောကြားခဲ့သည်။ Ballon d’Or ဆု ဇကာတင် ၃ ဦး စာရင်းတွင် မက်ဆီမှာ ပါဝင်နေသော်လည်း ၂၀၁၃ ခုနှစ် တစ်လျှောက်လုံး မက်ဆီမှာ ဒဏ်ရာကြောင့် မကစားနိုင်ခဲ့သောကြောင့် ရီးယဲလ်တိုက်စစ်မှူး ရော်နယ်ဒိုနှင့် ဘိုင်ယန် အလယ်တန်း ကစားသမား ရီဘာရီတို့က ဆုရရှိရန် ပိုမိုရေပန်းစားနေသည်။

……………………………………….
ကမ္ဘာ့နံပါတ် ၁ စပိန်တင်းနစ်သမား ရာဖေးလ်နာဒယ်လ်  Qatar Open တင်းနစ်ပြိုင်ပွဲ ဗိုလ်လုပွဲသို့ တက်ရောက်

– ကာတာနိုင်ငံတွင် ကျင်းပနေသည့် ATP Qatar Open တင်းနစ်ပြိုင်ပွဲ ဆီးမီးဖိုင်နယ်တွင် ကမ္ဘာ့နံပါတ် ၁ စပိန်တင်းနစ်သမား ရာဖေးလ်နာဒယ်လ်မှာ ဂျာမန် တင်းနစ်သမား ပီတာ ဂိုဂျိုဇက်အား အနိုင်ရရှိခဲ့သည်ဟု သိရသည်။

သို့သော်လည်း အလွယ်တကူ အနိုင်ရရှိခဲ့ခြင်းမျိုးမဟုတ်ဘဲ ကမ္ဘာ့အဆင့် ၁၆၂ ဂိုဂျိုဇက်အား ပထမပွဲငယ်တွင် ရှုံးနိမ့်ခဲ့ပြီး ဒုတိယနှင့် တတိယပွဲငယ် တို့တွင် အနိုင် ကစားနိုင်ခဲ့သောကြောင့် ၄-၆၊ ၆-၂၊ ၆-၃ ဖြင့် အနိုင်ရရှိခဲ့ခြင်းဖြစ်သည်။ ထို့ကြောင့် နာဒယ်လ်မှာ ယနေ့တွင်ပြုလုပ်မည့် ဗိုလ်လုပွဲတွင် ပြင်သစ် တင်းနစ်သမား ဂေးလ် မွန်ဖီးလ်စ်နှင့် ယှဉ်ပြိုင် ကစားရမည်ဖြစ်သည်။

…………………………………..
Brisbane International အမျိုးသမီးတင်းနစ်ပြိုင်ပွဲ ဗိုလ်လုပွဲတွင် ဆရီနာနှင့် အဇာရန်ကာတို့ တွေ့ဆုံမည်

– အမေရိကန်နာမည်ကြီး တင်းနစ်မယ် ဆရီနာဝီလီယံမှာ ရုရှားနာမည်ကြီး တင်းနစ်သမား မာရီယာ ရှာရာပိုဗာအား ဆီမီးဖိုင်နယ်တွင် အနိုင်ကစားကာ Brisbane International တင်းနစ်ပြိုင်ပွဲ ဗိုလ်လုပွဲသို့ တက်ရောက်သွားပြီဟုသိရသည်။

အဆိုပါပြိုင်ပွဲအား သြစတေးလျနိုင်ငံ ကွင်းစ်လန်းတွင် ကျင်းပပြုလုပ်နေခြင်းဖြစ်ပြီး တစ်နာရီနှင့် ၁၅ မိနစ်ကြာမြင့်ခဲ့သည့် ဆီမီးဖိုင်နယ်ပွဲတွင် ဆရီနာမှာ ရှာရာပိုဗာအား ၆-၂၊ ၇-၆ (၉-၇) ဖြင့် အနိုင်ရရှိခဲ့ခြင်းဖြစ်သည်။

အခြား ဆီးမီးဖိုင်နယ် ပွဲစဉ်တစ်ခုတွင် ဘီလာရုဇ်တင်းနစ်မယ် အဇာရန်ကာက ဆားဘီးယားတင်နစ်မယ် ဂျလီနာ ဂျန်ကိုဗစ်အား ၁-၆၊ ၆-၃၊ ၆-၄ ဖြင့် အနိုင်ရရှိခဲ့သည်။