ဒီမိုကရေစီခေတ်မှာ ဒီမိုကရေစီ ပညာရေးပဲ ဖြစ်သင့်ကြောင်း ဒေါက်တာ စိုင်းခိုင်မျိုးထွန်း ပြောကြား

ဇန်န၀ါရီ ၂၁၊ ၂၀၁၄
M-Media
သီရိ

ရန်ကုန်    ။     ။     ရန်ကုန်စီးပွားရေးတက္ကသိုလ် ကျောင်းသားသမဂ္ဂ (တ.က.သ)က ဦးစီးပြီး ဒီမိုကရေစီ ပညာရေး ဟောပြောဆွေးနွေးပွဲ တစ်ခုကို ရန်ကုန် စီးပွားရေး တက္ကသိုလ်(ရွာသာကြီး) ၌ ယနေ့ ဒီဇင်ဘာ ၂၁-ရက်နေ့ နေ့လည် တွင် ရန်ကုန်တက္ကသိုလ် ဆရာများသမဂ္ဂမှ ဒေါက်တာ စိုင်းခိုင်မျိုးထွန်း (လက်ထောက် ကထိက) မှ ဟောပြောဆွေးနွေးခဲ့ရာ ဆရာဆရာမများနှင့် ကျောင်းသူ ကျောင်းသားများ တက်ရောက်ခဲ့ကြသည်။

“ပညာဆိုတာ နေရာတိုင်းမှာ လိုအပ်နေတာပါ၊ ဒီမိုကရေစီခေတ်မှာ ဒီမိုကရေစီ ပညာရေးပဲ ဖြစ်ရမယ်၊ ကျောင်းသားတွေကို စာသင်ကြားနေတဲ့ ဆရာ/ဆရာမတွေ ဟာလည်း ကျောင်းသူ ကျောင်းသားတွေနဲ့ အပြန်အလှန် ဆွေးနွေးရမယ်၊ ဆရာတွေ ပြောတာကိုပဲ ကျောင်းသား နားထောင်နေတာမျိုး မဖြစ်စေရဘူး၊ ကျောင်းသူ ကျောင်းသားတွေကို ပညာသင်ခွင့် ရွေးချယ်တဲ့အခါမှာလည်း ကိုယ်ပိုင် ဆုံးဖြတ်ပိုင်ခွင့် ရသင့်တယ်၊ ကျောင်းသားတွေ အားလုံးလည်း တန်းတူ အခွင့်အရေး ရသင့်ပါတယ်” ဟု ဒေါက်တာ စိုင်းခိုင်မျိုးထွန်း မှ ပြောကြားခဲ့ပါသည်။

ထို့နောက် ၎င်းမှ ဆက်လက်ပြီး ကျောင်းသူ ကျောင်းသားများကို တစ်ဦးနှင့် တစ်ဦး စေ့စပ် ဆွေးနွေးခြင်းသည် ဒီမိုကရေစီ၏ စံနှုန်းဖြစ်ကြောင်း၊ ပညာရေးမှာ နောက်ကျနေတယ် ဆိုတာ မရှိသင့်ကြောင်း၊ ငြိမ်းချမ်းတဲ့ နည်းလမ်းတွေနဲ့ အရာရာကို ဖြေရှင်းရမည် ဖြစ်ကြောင်း၊ ကျောင်းသား ကျောင်းသူများသည် ဘာသာရပ်များကို လွတ်လပ်စွာ ရွေးချယ်နိုင်ခွင့်ရှိပြီး အသင်းဖွဲ့စည်းများ ကိုလည်း လွတ်လပ်စွာ ဖွဲ့စည်းနိုင်ရမည် ဖြစ်ကြောင်း၊ ကျူရှင် ဆိုသည်မှာလည်း ကျောင်းသူ ကျောင်းသားများကို အမြတ်ထုတ်သည့် ကျူရှင်မျိုး မဖြစ်သင့်ကြောင်း၊ ကျောင်းသူ ကျောင်းသားများ ယခုလက်ရှိ အနာဂတ်တွင် ဖြစ်ပေါ် ကြုံတွေ့နေရသည့် ကိစ္စအ၀၀ တို့ကို အလေးပေး ဟောပြော ဆွေးနွေးခဲ့ပါသည်။

“ယခုလို ဟောပြောပွဲကို လာရောက်တဲ့ ကျောင်းသားတွေရဲ့ ရင်ထဲမှာလည်း အရာတစ်ခုကို စွဲထင် ကျန်သွားမယ်လို့ ကျွန်တော် ယုံကြည်မိပါတယ်။ သူတို့တွေ မသိသေးတာတွေလဲ သိရှိသွားတယ်။ သိနေတာတွေကိုလည်း ဒီမှာ ဖလှယ်လို့ ရနိုင်ခဲ့တယ်။ နောက်ကိုလည်း ဒီပွဲမျိုးတွေကို မကြာခဏ လုပ်သွားနိုင်ဖို့ ကြိုးစားသွားမှာပါ” ဟု ကျောင်းသားသမဂ္ဂ (တ.က.သ) မှ အဖွဲ့ဝင်တစ်ဦး ဖြစ်သူ ကိုစည်သူမောင်မှလည်း ပြောကြားခဲ့ပါသည်။