မန်ယူ ပင်နယ်တီဖြင့်ရှုံးပြီး၊ မန်စီတီး ဂိုးပြတ်နိုင်က ဗိုလ်လုပွဲတက်တဲ့ လိဂ်ဖလား ဆီမီးပွဲစဉ်များ

ဇန်နဝါရီ ၂၃၊ ၂၀၁၄
M-Media

ပင်နယ်တီကြောင့် ဗိုလ်လုပွဲတက်ရေးအိပ်မက် စွန့်လွှတ်ခဲ့ရတဲ့ မန်ယူ၊ မန်စီတီးဂိုးပြတ်ခဲ့တဲ့ လိဂ်ဖလား ဆီးမီးဖိုင်နယ် ဒုတိယအကျော့ပွဲစဉ်များ

ဝက်စ်ဟမ်း ၀-၃ မန်စီးတီး (နှစ်ကျော့ပေါင်း ၀-၉ ဖြင့် မန်စီးတီးနိုင်)
မန်ယူ ၂-၁ ဆန်းဒါးလန်း (နှစ်ကျော့ပေါင်း ၃ ဂိုးစီသရေ၊ ပင်နယ်တီဖြင့် ဆန်းဒါးလန်းနိုင်)

အင်္ဂလိပ် လိဂ်ဖလားပြိုင်ပွဲ ဆီးမီးဖိုင်နယ် ဒုတိယအကျော့ပွဲစဉ်တွေကို ဒီတစ်ပါတ်ရဲ့ ဗုဒ္ဓဟူးနဲ့ ကြာသာပတေးနေ့တွေမှာကစားခဲ့ကြပါတယ်။ ၀က်စ်ဟမ်းနဲ့ မန်စီးတီး၊ မန်ယူနဲ့ ဆန်းဒါးလန်းတို့ ကစားခဲ့ကြတဲ့ အခုပွဲမှာ မန်စီးတီးနဲ့ ဆန်းဒါးလန်းတို့က နောက်ဆုံးဗိုလ်ပွဲကို တက်ရောက်နိုင်ခဲ့ပါတယ်။

ပထမအကျော့ အိမ်ကွင်းမှာ ၆ ဂိုးပြတ်နဲ့ ၀က်စ်ဟမ်းကိုအနိုင်ရခဲ့တဲ့ မန်စီးတီးတို့ အခုပွဲမှာလည်း ၃ ဂိုးပြတ်နဲ့ ထပ်မံအနိုင်ရခဲ့ပြီး
နောက်ဆုံးဗိုလ်လုပွဲကို တက်ရောက်နိုင်ခဲ့ပါတယ်။ ခြေစွမ်းအသာနဲ့ ကစားနိုင်ခဲ့တဲ့ မန်စီးတီးအတွက် အနိုင်ဂိုးတွေကို နီဂရီဒိုက ၂ ဂိုးနဲ့ ဒဏ်ရာကနေ သက်သာလာပြီး အသင်းမှာ ပြန်လည်ပါဝင်ခဲ့တဲ့ အဂူရိုက ၁ ဂိုးသွင်းပေးခဲ့တာပါ။ ပွဲအပြီးမှာတော့ နည်းပြ ပယ်လီဂရီနီက အသင်းရဲ့ကစားပုံကိုချီးကျူးခဲ့ပြီး၊ တိုက်စစ်မှူး နီဂရီဒို ပခုံးဒဏ်ရာရသွားကြောင်းပြောကြားခဲ့ပါတယ်။

မိုယက်စ်ရဲ့မန်ယူကတော့ ပထမအကျော့က ၂ ဂိုး ၁ ဂိုးနဲ့ ရှုံးနိမ့်ခဲ့တဲ့ ဆန်းဒါးလန်းအသင်းကို အိုးထရက်ဖို့ဒ်မှာ နောက်ခံလူ အီဗန့်စ်ရဲ့ ၃၇ မိနစ်ဂိုးနဲ့ ပွဲပြီးတဲ့အထိ ဦးဆောင်နေနိုင်ခဲ့ပါတယ်။ ဒါပေမယ့် ၂ ဂိုးစီသရေဖြစ်နေတာမို့ အချိန်ပိုဆက်လက်ကစားခဲ့ရပြီး ၁၁၉ မိနစ်မှာ ဘာ့ဒ်စလေက ဆန်းဒါးလန်းအတွက် ဂိုးသွင်းယူခဲ့တဲ့ပါတယ်။ သို့သော်လည်း အချိန်ပို နောက်ဆုံးမိနစ်မှာ ဟာနန်ဒက်ဇ်က ဧရိယာအတွင်းက အနီးကပ်ကန်သွင်းယူခဲ့ပြီး မန်ယူရဲ့ ဗိုလ်လုပွဲတက်ရေး မျှော်လင့်ချက်ကို ရှင်သန်စေခဲ့ပါတယ်။

ပွဲအပြီးရလဒ်က ၃ ဂိုးစီသရေဖြစ်နေတဲ့အတွက် ပယ်နယ်တီအဆုံးအဖြတ်ခံယူခဲ့ပြီး ၇ လုံးအထိကန်သွင်းခဲ့ရာမှာ မန်ယူက ဒါဆေးလ်ဗားနဲ့ ရာဖေးလ်တို့ရဲ့ ပင်နယ်တီလွဲချော်ခဲ့ပြီး ဆန်းဒါးလန်းက ၁ လုံးသာ လွဲချော်ခဲ့တဲ့အတွက် ဆန်းဒါးလန်းအသင်းက နောက်ဆုံး ဗိုလ်လုပွဲကို တက်ရောက်နိုင်ခဲ့ပါတယ်။ ဖိအားတွေနဲ့ ရင်ဆိုင်နေရတဲ့ မိုယက်စ်ကတော့ အသင်းရဲ့ရှုံးနိမ့်မှုမှာ ထိုက်တန်သည်ဟု ပြောကြားခဲ့ပြီး၊ ဆန်းဒါးလန်းအသင်းကိုတော့ ချီးကျူးသွားခဲ့ပါတယ်။

Photo-BBC