မြန်မာနိုင်ငံတွင် မွေးမြူရေး၊ တိရစ္ဆာန်အစာနှင့် သားငါးဆိုင်ရာပြပွဲ ပထမဆုံးအကြိမ်ပြုလုပ်

ဇန်န၀ါရီ ၂၃၊ ၂၀၁၄
M-Media
သီရိ

ရန်ကုန်  ။        ။      မြန်မာနိုင်ငံတွင် ပထမဆုံးအကြိမ်အဖြစ် ကျင်းပပြုလုပ်သော မြန်မာ့မွေးမြူရေး၊ တိရစ္ဆာန်အစာနှင့် သားငါးဆိုင်ရာ နိုင်ငံတကာ ပြပွဲကြီး တစ်ခုကို ရန်ကုန်မြို့ တပ်မတော်ခန်းမတွင် ယနေ့ ဇန်န၀ါရီလ ၂၃-ရက်နေ့မှစ၍ ဇန်န၀ါရီလ ၂၅-ရက်နေ့ထိ ကျင်းပသွားမည် ဖြစ်သည်။

၎င်းကုန်စည်ပြပွဲကြီးကို Livestock Asia၊ Vietstock Expo & Livestock Philippines Expo ပွဲများကို စီစဉ် ကျင်းပခဲ့သော အာရှပြပွဲ ကျင်းပရေးတွင် ဦးဆောင်လုပ်ငန်း တစ်ခုဖြစ်သည့် UBM Asia မှ စီစဉ်ကျင်းပခြင်းဖြစ်သည်။ မြန်မာနိုင်ငံ မွေးမြူရေး အဖွဲ့ချုပ်ကလည်း ထိုပြပွဲကြီးကို ပံ့ပိုးကူညီ ထားကြောင်း သိရပါသည်။

အဆိုပါ ကုန်စည်ပြပွဲအား မွေးမြူရေး ရေလုပ်ငန်း နှင့် ကျေးလက်ဒေသ ဖွံ့ဖြိုးရေးဝန်ကြီးဌာနမှ ၀န်ကြီး ဦးအုန်းမြင့်က ဖွင့်လှစ်ပေးခဲ့ပါသည်။ ထို့နောက် “စားသုံးသူများအတွက် ဈေးနှုန်း သက်သာပြီး သန့်ရှင်း လတ်ဆတ်ဖို့ ကြိုးစားလျက်ရှိပါတယ်။ မွေးမြူရေးဆိုင်ရာ ဥပဒေများကို ရေးဆွဲနေရာမှာလဲ ပါဝင်ဆောင်ရွက်လျက်ရှိပါတယ်၊ မွေးမြူရေးဟာ ပြည်သူကိုအကျိုးပြုတဲ့လုပ်ငန်း ဖြစ်တဲ့အတွက် အစဉ်မြဲ တိုးတက်သွားဖို့ ကြိုးပမ်းနေပါတယ်” ဟု မြန်မာနိုင်ငံ မွေးမြူရေး လုပ်ငန်းအဖွဲ့ချုပ် မှ ဒေါက်တာမြဟန်က ပြောကြားခဲ့ပါသည်။

“ယခုပြပွဲကြီးသည် မြန်မာနိုင်ငံ၏ တိရစ္ဆာန် ပရိုတိန်း ထုတ်လုပ်မှုတွင် အခွင့်အလမ်းများနှင့် အပြောင်းအလဲများကို ဖြစ်ပေါ်လာစေမှာ ဖြစ်ပြီး အနာဂတ်တွင် များစွာ အကျိုးရှိပြီး အထောက်ကူပြုစေမှာ ဖြစ်ပါတယ်”ဟု UBM Asia , ASEAN Business မှ Managing Director Mr.M.Gandhi မှ ပြောကြားခဲ့ ပါသည်။

ထို့နောက် ၂၀၁၃-ခုနှစ်အတွက် မွေးမြူရေးလုပ်ငန်းတွင် ထူးချွန်သော လယ်သမားများကို ဆုချီးမြှင့်ခဲ့ပြီး မြန်မာ့ မွေးမြူရေး လုပ်ငန်း အဖွဲ့ချုပ်သို့ လှူဒါန်းခဲ့သော သူတို့အား ဂုဏ်ပြု လက်မှတ်များ ချီးမြှင့်ခဲ့ပါသည်။ လာရောက်ကြည့်ရှုသူများ အတွက် နိုင်ငံတကာ နှင့် အစိုးရမှ ကျော်ကြားသော ဟောပြောသူများ ပါဝင်သည့် ပညာပေးဟောပြောပွဲ အစီအစဉ်များကိုလည်း မျှဝေသွားမည်ဖြစ်ကြောင်း သိရသည်။

၎င်းကုန်စည်ပြပွဲကြီးသည် မြန်မာ့မွေးမြူရေး၊ တိရစ္ဆာန်အစာနှင့် သားငါးဆိုင်ရာ လုပ်ငန်းဆိုင်ရာ လုပ်ငန်းရှင်များ ပူးပေါင်း ပါဝင် လုပ်ဆောင်သည့် ပြပွဲကြီး တစ်ခုလည်း ဖြစ်ပြီး နိုင်ငံ(၁၃)ခုမှ ကုမ္ပဏီပေါင်း (၈၀)  ခင်းကျင်း ပြသသွားမည် ဖြစ်ပြီး ပြပွဲပြသသူ (၉၀) ရာခိုင်နှုန်းသည် ကမ္ဘာအနှံ့အပြားမှ ဖြစ်ကြောင်း သိရှိရသည်။