ဘာစီနဲ့ အက်သလက်တီကို အနိုင်ရပြီး ရီးယဲလ်မက်ဒရစ်မှ ထိပ်ဆုံးအသင်းများကို ဆက်လက် ဖိအားပေးနိုင်ခဲ့တဲ့ လာလီဂါ ပွဲစဉ် ၂၁

ဇန်နဝါရီ ၂၇၊ ၂၀၁၄
M-Media

– ချန်ပီယံဆုအတွက် ပြိုင်ဆိုင်မှုပြင်းထန်လာတဲ့ လာလီဂါရဲ့ ဒီတစ်ပါတ်ပွဲစဉ် ၂၁ မှာတော့ ထိပ်ဆုံးက သုံးသင်းစလုံး ပြိုင်ဘက်တွေကို အသီးသီးအနိုင်ယူနိုင်ခဲ့ပါတယ်။ ပြီခဲ့တဲ့တစ်ပါတ်က သရေကျခဲ့ပြီး အမှတ်ဆုံးရှုံးခဲ့တဲ့ ဘာစီလိုနာတို့ အခုပွဲမှာ မာလာဂါကို ဖိဖိစီးစီးကစားခဲ့ကာ ဒုတိယပိုင်း ၆၅ မိနစ်မတိုင်ခင်မှာပဲ အနိုင်ဂိုး ၃ ဂိုးစလုံးရခဲ့ပါတယ်။

ပြီးခဲ့တဲ့ပွဲမှာ ဘာစီလိုနာသရေကျမှုကို အခွင့်အရေး မယူနိုင်ခဲ့တဲ့ အက်သလက်တီကိုတို့ ဒီတစ်ပါတ် အဝေးကွင်းမှာ ဗယ်လက်ကာနိုင်ကို ၄ ဂိုး ၂ ဂိုးနဲ့ အနိုင်ရခဲ့ပြီး အမှတ်တူ ဂိုးကွာခြားချက်ဖြင့် ဒုတိယနေရာမှာ ဆက်လက်ရှိနေပါတယ်။

ရီးယဲလ်ကလည်း ဂရန်နာဒါကို ရော်နယ်ဒို၊ ဘန်ဇီမာတို့ရဲ့ ဒုတိယပိုင်း သွင်းဂိုးတွေနဲ့ အနိုင်ရရှိခဲ့ပြီး ထိပ်ဆုံးက ဘာစီလိုနာနဲ့ အက်သလက်တီတို့ကို ဆက်လက်ဖိအားပေးနိုင်ခဲ့ပါတယ်။

ပြီးခဲ့တစ်ပါတ်က အိမ်ကွင်းမှာ ဗယ်လာဒိုလစ်ကို မိနစ် ၆၀ ကျော်တဲ့အထိ ၁ ဂိုး ဂိုးမရှိနဲ့ ရှုံးနိမ့်နေပြီးမှ ၄ ဂိုးပြန်သွင်းကာ အနိုင်ယူနိုင်ခဲ့တဲ့ အဆင့် ၄ က ဘီဘာအိုကလည်း ဒီတစ်ပါတ်မှာ တန်းဆင်းဇုန်နဲ့ အမှတ်သိပ်မကွာတဲ့ အိုဆာဆူနာကို အဝေးကွင်းမှာ ၅ ဂိုး ၁ ဂိုးနဲ့ အနိုင်ကစားခဲ့ပါတယ်။

ပွဲစဉ် ၂၀ မှာ ဘာစီလိုနာကို သရေကစားနိုင်ခဲ့တဲ့ လီဗန်တေးကတော့ ဆီးဗီလားကို နှစ်ကြိမ်တိုင်တိုင်နောက်မှ လိုက်ကစားခဲ့ကာ ၃ ဂိုး ၂ ဂိုးနဲ့ အနိုင်ခဲ့ပါတယ်။ တန်းဆင်းဇုန်ထဲက အသင်းတွေထဲမှာ ဗယ်လာဒိုလစ်တစ်သင်းသာ ဗီလာရီးယဲလ်ကို အနိုင်ယူနိုင်ခဲ့တာပါ။ ဒီတစ်ပါတ်မှာလည်း လာလီဂါရဲ့ ထိပ်ဆုံး သုံးသင်းစလုံးအပြောင်း အလဲမရှိခဲ့ဘဲ အမှတ်ကွာခြားချက် ၁ မှတ်သာရှိနေကာ၊ အဆင့် ၁၃ ကနေ ၁၈ အထိ အမှတ်ကွာဟမှုကတော့  အများဆုံး ၃ မှတ်သာရှိနေပါတယ်။

လာလီဂါ ပွဲစဉ် ၂၁ ရဲ့ ရလဒ်များကတော့ အောက်ပါအတိုင်းဖြစ်ပါတယ်။

ဘာစီလိုနာ ၃-၀ မာလာဂါ
ဗယ်လက်ကာနို ၂-၄ အက်သလက်တီကို
အိုဆာဆူနာ ၁-၅ ဘီဘာအို
အလ်မာရီယာ ၁-၀ ဂီတာဖေး
ဆီးဗီးလား ၂-၃ လီဗန်တေး
ဗလင်စီယာ ၂-၂ အက်စပန်ညို
ဗယ်လာဒိုလစ် ၁-၀ ဗီလာရီးယဲလ်
ရီးယဲလ် ၂-၀ ဂရန်နာဒါ
ဆဲလ်တာ ၄-၂ ဘက်တစ်
ရီးယဲလ်ဆိုဆီဒက် ၀-၀ အယ်လ်ချီ