မန်ယူ၊ နယူးကာဆယ် ရှုံးနိမ့်ခဲ့သော ပရီးမီးယားလိဂ် ပွဲစဉ် ၂၄ စနေနေ့ည ပွဲများ

ဖေဖော်ဝါရီ ၂၊ ၂၀၁၄
M-Media

– ပရီးမီးယားလိဂ် ပွဲစဉ် ၂၄ ကိုတော့ စနေနေ့မှာ ၇ ပွဲကစားခဲ့ပြီး နယူးကာဆယ်၊ မန်ယူတို့ရှုံးနိမ့်ခဲ့ကာ အဲဗာတန်အသင်းက သရေကျခဲ့ပါတယ်။ ပြီးခဲ့တဲ့ တစ်ပါတ်က မန်စီးတီးအင်းကို ၅ ဂိုး ၁ ဂိုးနဲ့ ရှုံးခဲ့တဲ့ စပါးအသင်းကတော့ ဒီတစ်ပါတ်မှာလည်း အဝေးကွင်းမှာ သရေကျခဲ့ပါတယ်။

အဝေးကွင်းမှာ စတုတ်စီးတီးအသင်းနဲ့ ကစားရတဲ့ မန်ယူကတော့ မာတာ၊ ရူနီ၊ ဗန်ပါစီတို့ကို ပွဲထုတ်ခဲ့ပြီး အိမ်ရှင်အသင်းကို ဖိအားပေးနိုင်ခဲ့ပါတယ်။ ဒါပေမယ့် ၃၈ မိနစ်မှာအိမ်ရှင်တို့ ပြစ်ဒဏ်ဘောရခဲ့ပြီး ချာလီအဒမ်က ကန်သွင်းချိန်မှာ မိုက်ကယ်ကာရစ်နဲ့ ထိကာလမ်းကြောင်းပြောင်း ဂိုးဝင်သွား ခဲ့တာကြောင့် အိမ်ရှင်တို့ ဦးဆောင်ဂိုးရခဲ့ပါတယ်။ ဒုတိယပိုင်းစစချင်းပဲ မန်ယူတို့ တိုက်စစ်စင်ကစားခဲ့ပြီး မာတာရဲ့ ဖန်တီးမှုကတစ်ဆင့် ဗန်ပါစီက ၄၇ မိနစ်မှာ ချေပဂိုး သွင်းယူပေးခဲ့ပါတယ်။ ဒါပေမယ့် ၅၂ မိနစ်မှာ အဒမ်ကပဲ ဧရိယာအပြင်ဘက်ကနေ အိမ်ရှင်အတွက် အနိုင်ဂိုးသွင်းယူခဲ့ပါတယ်။ စတုတ်စီးတီးရဲ့ အခုအနိုင်ဟာ ၁၉၈၄ ခုနှစ်နောက်ပိုင်း မန်ယူကို ပထမဦးဆုံးနိုင်တာဖြစ်ပြီး၊ မန်ယူအသင်းကတော့ ဒီရာသီမှာ ပရီးမီးယားလိဂ် ၈ ပွဲမြောက် ရှုံးပွဲကို ကြုံတွေ့ခဲ့ခြင်းလည်းဖြစ်ပါတယ်။

အားထားရတဲ့ ကွင်းလယ်ကစားသမား ကာဘာယီကို လက်လွှတ်လိုက်ရတဲ့ နယူးကာဆယ်ကတော့ အိမ်ကွင်း စိန့်ဂျိမ်းစ်ပါ့ခ်မှာ ဆန်းဒါးလန်းအသင်းကို ၃ ဂိုး ပြတ်နဲ့ အရှုံးပေးခဲ့ရပါတယ်။ ဆန်းဒါးလန်းဟာ ၅ ပွဲမြောက် ရှုံးပွဲမရှိတဲ့ မှတ်တမ်းရခဲ့ပေမယ့် နယူးကာဆယ်ကတော့ နောက်ဆုံး ၆ ပွဲမှာ ၄ ပွဲအထိ ရှုံးနိမ့်ခဲ့ခြင်းပါ။

အဲဗာတန်အသင်းဟာလည်း အိမ်ကွင်းမှာ အက်စတွန်ဗီလာကို ၁ ဂိုးအရှုံးနဲ့ နောက်ကလိုက်ကစားခဲ့ရပေမယ့် နောက်ကျဂိုး ၂ ဂိုးပြန်သွင်းနိုင်ခဲ့တာကြောင့် အဖိုးတန် ၃ မှတ်ရရှိခဲ့ပြီး၊ တန်းဆင်းဇုံထဲက ကာဒစ်ဖ်အသင်းကလည်း နော်ဝစ်ခ်ျကို ၂ ဂိုး ၁ ဂိုးနဲ့ နိုင်ခဲ့ပါတယ်။

ဟားလ်စီးတီးနဲ့ အဝေးကွင်းမှာ ကစားခဲ့ရတဲ့ တင်ရှားဝုဒ်ရဲ့ စပါးက ၁ ဂိုးစီသရေနဲ့ တစ်မှတ်ရခဲ့ပြီး၊ ဆောင်းရာသီအပြောင်းအရွှေ့မှာ လူအင်အား များစွာ ဖြည့်တင်းမှုပြုလုပ်ထားတဲ့ ဖူလ်ဟမ်အသင်းက အိမ်ကွင်းမှာ ဆောက်သက်တမ်ကို ၃ ဂိုးပြတ်ရှုံးနိမ့်ခဲ့ပါတယ်။ ၀က်စ်ဟမ်းအသင်းကတော့ ကီဗင်နိုလန်ရဲ့ ပထမပိုင်း သွင်းဂိုးတွေနဲ့ ဆွမ်ဆီးကို အနိုင်ရခဲ့ပါတယ်။

ပရီးမီးယားလိဂ် စနေနေ့ညရလဒ်များကတော့ အောက်ပါအတိုင်းဖြစ်ပါတယ်။

နယူးကာဆယ် ၀-၃ ဆန်းဒါးလန်း
ဝက်စ်ဟမ်း ၂-၀ ဆွမ်ဆီး
ကာဒစ်ဖ် ၂-၁ နော်ဝစ်ခ်ျ
အဲဗာတန် ၂-၁ အက်စတွန်ဗီလာ
ဖူလ်ဟမ် ၀-၃ ဆောက်သက်တမ်
ဟားလ်စီးတီး ၁-၁ စပါး
စတုတ်စီးတီး ၂-၁ မန်ယူ