ပရီးမီးယားလိဂ်ရှုံးကြွေး ပြန်ဆပ်တဲ့ မန်စီးတီး၊ လက်ရှိချန်ပီယံ ၀ီဂန် နောက်တစ်ဆင့်တက်တဲ့ FA ဖလား ပဉ္စမအဆင့် ပွဲစဉ်များ

ဖေဖော်ဝါရီ ၁၆၊ ၂၀၁၄
M-Media

– FA ဖလား ပဉ္စမအဆင့်ရဲ့ ၄ ပွဲ ယမန်နေ့ညက ကစားဖို့ရှိပေမယ့် ရှက်ဖီးနဲ့ ချာလ်တန်တို့ရဲ့ပွဲကို ရွှေ့ဆိုင်းခဲ့ရတာကြောင့် ၃ ပွဲပဲ ကစားဖြစ်ခဲ့ပြီး မန်စီးတီးက ချယ်ဆီးကို ပရီးမီးယားလိဂ် ရှုံးကြွေး ပြန်ဆပ်နိုင်ခဲ့ပါတယ်။ ဆန်းဒါးကလည်း နောက်တစ်ဆင့်တက်ခဲ့ပြီး ပရီးမီးယားလိဂ် ဇယားအောက်ခြေရောက်နေတဲ့ ကာဒစ်ဖ်ကတော့ လက်ရှိချန်ပီယံ ၀ီဂန်ကို အိမ်ကွင်းမှာ ရှုံးခဲ့လို့ ပြိုင်ပွဲက ထွက်ခဲ့ရပါတယ်။

ပရီးမီးယားလိဂ် ပွဲစဉ် ၂၄ ကစားစဉ်က အိမ်ကွင်းမှာ ချယ်ဆီးကို ၁ ဂိုး ဂိုးမရှိနဲ့ ရှုံးခဲ့ရတဲ့ မန်စီးတီး ဒီပွဲမှာတော့ အနိုင်ရအောင်ကစားနိုင်ခဲ့ပါတယ်။ လူငယ်ကစားသမားတွေနဲ့ ပွဲထွက်မယ်လို့ အစောပိုင်းက ပြောထားပေမယ့် ပွဲထွက်လာတဲ့အခါမှာတော့ နှစ်သင်းစလုံး ပထမကစားသမား တော်တော်များများပါဝင်လာခဲ့ပါတယ်။

ပွဲစကတည်း မန်စီးတီးတို့ အသာရခဲ့ပြီး ၁၅ မိနစ်မှာ တိုက်စစ်မှူး ဂျိုဗီတစ်ရဲ့ ကန်ချက် ဘားထိထွက်ခဲ့ပေမယ့်၊ တစ်မိနစ်အကြာမှာတော့ မန်စီးတီးအတွက် ဦးဆောင်ဂိုးကို ဂျီုဗီတစ်က အနိမ့်ကန်ချက်နဲ့ သွင်းယူပေးခဲ့ပါတယ်။ နောက်ပိုင်းမှာလည်း အိမ်ရှင် မန်စီးတီးအသင်းကသာ ဖိထားနိုင်ခဲ့ပြီး ပွဲပြီးကာနီး ၂ မိနစ်အလိုမှာ နောက်ထပ်ဂိုးရလုနီးပါးဖြစ်ခဲ့ပါသေးတယ်။

ဒုတိယပိုင်းမှာတော့ မော်ရင်ဟိုက အသစ်ရောက်လာတဲ့ မိုဟာမက်ဆာလာကို ထည့်သွင်းပြီး တိုက်စစ်မြှင့်ခဲ့ပါတယ်။ ဒါပေမယ့် မန်စီးတီးရဲ့ ကစားကွက်ကို ယှဉ်နိုင်ခြင်းမရှိခဲ့ဘဲ ၆၇ မိနစ်မှာ နာဆရီရဲ့ ဒုတိယဂိုးကို ခွင့်ပြုခဲ့ရပါတယ်။ ဒေးဗစ်ဆေးလ်ဗါးနဲ့ အပေးအယူလုပ်ပြီး လူကျွံထောင်ချောက်ကို ထိုးကျော်ဖြတ်ကာ သွင်းယူပေးခဲ့တာပါ။ နောက်ပိုင်းမှာတော့ မန်စီးတီးကပဲ ပွဲကို ထိန်းကစားခဲ့ပြီး ပရီးမီးယားလိဂ်ရှုံးကြွေးကို ပြန်ဆပ်နိုင်ခဲ့ကာ၊ ကွာတားဖိုင်နယ်ကို တက်ရောက်သွားပြီဖြစ်ပါတယ်။

ပရီးမီးယားလိဂ်မှာ ခြေမမှန်ပေမယ့် FA ဖလားမှာ ခြေစွမ်းကောင်းတွေ ပြသနေတဲ့ ပိုယက်ရဲ့ ဆန်းဒါးလန်းအသင်းကတော့ အိမ်ကွင်း အလင်းရောင်မှာ ဆောက်သက်တမ်ကို ချေမှုန်းနိုင်ခဲ့ပါတယ်။ ဂိုးသွင်းခွင့်တော်တော်များများရခဲ့ပေမယ့် အဆုံးသတ်ပိုင်း မသေချာမှုတွေကြောင့်သာ တစ်ဂိုးတည်းနဲ့ ကျေနပ်ခဲ့ရတာဖြစ်ပြီး၊ ဆန်းဒါးလန်းအတွက် အနိုင်ဂိုးကိုတော့ ၄၉ မိနစ်မှာ ခရေ့ဂ်ျ ဂါဒနာက အဝေးကနေ သွင်းယူပေးခဲ့တာပါ။

ဆိုးလ်ရှားရဲ့ ကာဒစ်ကတော့ အိမ်ကွင်းမှာ လက်ရှိချန်ပီယံ ၀ီဂန်ကို အရှုံးပေးခဲ့ရပါတယ်။ ပွဲအစ အထနှေးခဲ့ပေမယ့် ၀ီဂန်တို့ ၁၈ မိနစ်မှာ ဂိုးစရခဲ့ပြီး မက်ကန်က သွင်းယူပေးခဲ့တာပါ။ ဒါပေမယ့် ၁၀ မိနစ်အကြာမှာတော့ မန်ယူကနေ ပြောင်းရွှေ့လာတဲ့ ၀ီလ်ဖရိုင်းဇာဟာရဲ့ ထိုးဖောက်မှုကတစ်ဆင့် ကမ်းဘဲလ်က ချေပဂိုး သွင်းပေးခဲ့ပါတယ်။ ဒါပေမယ့် ၀က်စ်တန်ရဲ့ မိနစ် ၄၀ ဂိုးကိုတော့ ကာဒစ်ဖ်တို့ ပြန်လည်ချေပနိုင်ခြင်းမရှိခဲ့ဘဲ နောက်တစ်ဆင့်တက်ရေးကို စွန့်လွှတ်ခဲ့ရပါတယ်။

ကစားပြီးသမျှ ရလဒ်များကတော့ အောက်ပါအတိုင်းဖြစ်ပါတယ်။

မန်စီးတီး ၂-၀ ချယ်ဆီး
ဆန်းဒါးလန်း ၁-၀ ဆောက်သက်တန်
ကာဒစ်ဖ် ၁-၂ ၀ီဂန်