ဆိုချီအိုလံပစ်တွင် ဆေးကျသူနှစ်ဦးထွက်ပေါ်

ဖေဖော်ဝါရီ ၂၂၊ ၂၀၁၄
M-Media

– ရုရှားနိုင်ငံ၌ လက်ရှိကျင်းပလျက်ရှိနေသည့် ၂၀၁၄ ဆိုချီအိုလံပစ်ပြိုင်ပွဲတွင် ဆေးကျသော ကစားသမားများ ပထမဆုံးထွက်ပေါ်လာခဲ့သည်ဟု သိရသည်။

ယမန်နေ့က စစ်ဆေးမှုတွင် ဂျာမနီ ဘိုင်အသလွန် အမျိုးသမီးကစားသမား အီဗီ ရှန်ဘာချာ စတီလီနှင့် အီတလီ နှင်းကားမောင်းကစားသမား ၀ီလီယံ ဖရူလာနီတို့မှာ တားမြစ်ဆေးဝါးများ သုံးစွဲထားကြောင်း တွေ့ရှိခဲ့ရခြင်းဖြစ်သည်။

ပြီးခဲ့သည့် ဆောင်းရာသီအိုလံပစ်ပြိုင်ပွဲတွင် ရွှေတံဆိပ် ၂ ခု ဆွတ်ခူးရရှိခဲ့သည့် စတီလီကလည်း ၎င်းမှာ ဆေးကျကြောင်း ၀န်ခံခဲ့ပြီး စဉ်းစား၍မရသည့် အိပ်မက်ဆိုးဖြစ်သည်ဟု ပြောကြားခဲ့သည်။ အီတလီ အိုလံပစ်ကော်မတီကမူ ၎င်းတို့၏ ကစားသမား ဖရူလာနီ ဆေးကျကြောင်း အတည်ပြုခဲ့ပြီး ဆိုချီအိုလံပစ်မှ နှုတ်ထွက်ခဲ့ပြီဟု ကြေညာခဲ့သည်။

တားမြစ်ဆေးသုံးစွဲမှုအား နှစ်ပေါင်းများစွာ ဆန့်ကျင်တိုက်ခိုက်လာခဲ့သူဟု လူသိများသည့် စတီလီ ဆေးကျခဲ့သည့်ဖြစ်ရပ်က ဂျာမနီ အားကစား လောကအတွက် တုန်လှုပ်စရာဖြစ်ခဲ့သည်။

၂၀၁၀ ခုနှစ်က ကနေဒါတွင်ပြုလုပ်ခဲ့သည့် ဗန်ကူးဗား ဆောင်းရာသီအိုလံပစ်တွင် ဆေးကျသူတစ်ဦးသာရှိခဲ့သည်။ ဖေဖော်ဝါရီ ၇ ရက်နေ့က စတင်ခဲ့ သည့် ဆိုချီအိုလံပစ်ပြိုင်ပွဲမှာ ၂၃ ရက်နေ့တွင်ပြီးဆုံးမည်ဖြစ်ပြီး ယခုအချိန်အထိ နော်ဝေနိုင်ငံက ရွှေ ၁၀ခု၊ ငွေ ၄ ခု၊ ကြေး ၈ ခုနှင့် နိုင်ငံအလိုက် ပထမ နေရာတွင် ရှိနေသည်။

Ref : ChannelNewsAsia